رواية داليا من 17 للاخير

الشغل وموجودين مع بعض الوقتي.. ودي فرصة مش حتتكرر كتير.. ممكن تساعديني اشتري شويه طلبات حريمي ومتفهمنيش غلط لو سمحت والله أخواتي البنات واللي أكبر مني طالبين الطلبات دي من البلد هنا وأنا معرفش إزاي اختارها ولا أفهم فيها.
داليا زي إيه
خالد شامبوهات وبلسمات وكريمات و... حاجات حريمي زي ما أنت فاهمة.
داليا آه .. فهمت .. معاك المقاسات 
خالد آه طبعا كل واحدة ليها ورقة هنا بطلباتها أهي.
داليا اخدت منه الورقة وقرأتها وضحكت .. ده إنت حتشيل شيل كتيرة المرة دي.. ربنا معاك.
خالد حتقدري تساعديني ولا لسه تعبانه.
داليا لا إن شاء الله سهله كله من مكان واحد بإذن الله .. إنت بس شاور.
خالد بجد يبقى خدمتيني خدمة كبيرة.
داليا دي ولا حاجه قصاد خدماتك.
خالد داليا نتفق... لا تعايرني ولا أعايرك.
داليا حاضر يا بشمهندس
خالد حاجه كمان لو سمحت.. بلاش باشمهندس دي .. خليها خالد بس
داليا لسه شويه أعتقد.
خالد نفسي بجد اسمعها منك وأخزنها في ذاكرتي.
داليا أحم... يلا بينا بقى علشان نلحق يا ......خالد.
خالد عيون خالد.. واتحرك خالد بسرعة خضتها على المكان اللي رايحين يشتروا منه الحاجات اللي أخواته البنات طالبنها منه.
الحلقة الثامنة عشرة قلبي أخيرا دق بجد
وصفت داليا طريق المكان اللي يروحوا ليه يشتروا كل الحاجات اللي أخوات خالد البنات طالبنها وزاد إعجاب خالد بيها بجد واسلوبها في الشړا وتنظيمها.. طلبت منه يقعد وهي حتتعامل طلبت منه قلم وبدأت تقسم كل نوع من الطلبات اللي عاوزة تشترية واللي تخلصه تشطب عليه وتتنقل على اللي بعده وتنده خالد في مرحلة الدفع.. خلصت معظم الحاجات وقالت له ناقص بس الشوكولاتات من مكان تاني يلا بينا.
خالد انتي متعبتيش خالص
داليا حتى لو تعبت .. لازم أخلص لك طلباتك ممكن متجيش فرصه تانيه نخرج نشتري الحاجات دي فيها.
خالد طيب ناخد فاصل الأول شويه نرتاح فيه وبعدين نواصل.. كده إرهاق عليك برده وأخاف تتعبي تاني.
داليا ممكن نريح شويه عندك حق ونكمل بعد كده.
خالد يلا بينا على الكورنيش نقعد في أي مكان.
داليا أهم حاجه أشرب مية لحسن عطشانه خالص.
خالد بجد أنا قليل ذوق إزاي مانتبهتش لحاجه زي دي قبل كده تقبلي إعتذاري.
داليا متكبرش الموضوع قوي كده .. يلا بينا
خالد يلا بينا .. أديني بس دقيقة .. استنيني هنا وراجع لك علطول.
داليا براحتك
رجع خالد وشايل في ايده شنطه هدايا وقال لها يلا بينا على العربية.
داليا راحت معاه وهي مستغربة ايه اللي في ايده ده ولمين
اول ما ركبوا خالد قال لها اتفضلي .. دي حاجه بسيطه جدا تعبيرا مني عن تقديري لتعبك معايا.
داليا وهي رافضه أنا طلبت منك ميه بس.. مطلبتش منك أي حاجه تانيه.
خالد مش تعرفي الحاجه التانيه الأول دي ايه
داليا متفرقش معايا خالص.. المبدأ واحد آسفه مينفعش أقبل منك هدايا أولا.. ثانيا حتى لو قبلت مفيش مناسبة.
خالد بإحباط وفرحه في نفس الوقت براحتك .. بس صدقيني في الآخر بتاعتك.
استغربت داليا من تأكيده ده .. بس عدته.
اتجه خالد للكورنيش..ودخلوا كافيه وسألها تاخدي ايه
داليا عصير كوكتيل وميه .
خالد لا .. أنا أقصد غدا.
داليا أعفيني مقدرش اتغدى .. لازم أما اروح اتغدى في البيت.
خالد براحتك مش حابب أضايقك..أنا حطلب عصير ليمون بالنعناع وميه.
وطلب خالد الطلبات وبدأ الكلام بجد أشكرك على تعبك معايا اليوم.
داليا لا شكر على واجب .. دي أقل حاجه أقدمها لك ردا على خدماتك لي.
خالد خدمات.. أيه خدمات دي... على فكرة ده تصرف طبيعي لأي حد يشوفك في الموقف ده مش خدمه خالص.. وحس خالد إنه دب الكلام بالأسلوب ده غلط وممكن تزعل بس معرفش يضيف أي جمله تصحح الوضع.
وهنا انقذ الجرسون الموقف وجه حط الطلبات.
داليا كانت فعلا متلخبطه ومش قادرة تحس فيها ايه بالضبط.. هي حاسه إن في حاجه مختلفة.. ايه هي بس مش قادرة توصل لها.
خالد كمان بينه وبين نفسه محتار.. بس هو متأكد من شئ واحد بس.. إن البنت دي فعلا بيحبها.. ومش حيقدر يعيش من غيرها.. وعاوزها شريكة ليه في حياته.. بس في نفس الوقت خاېف من ردة فعلها.. صح إنه يفاتحها الوقتي.. ولا يمهد لها.. ولا يتكلم معاها على المتغطي وهي تفهم.. وبعدين انتبه .. البنت كانت صريحة لأقصى درجه معاه.. مرت بتجربتين خداع وغش.. مش ممكن تفتكره زيهم.. طيب يدخل إزاي.. كان بجد محتار وقرر يحاول يبدأ ويشوف الحوار يوصله لأيه.
خالد مقلتيش
داليا مقلتش ايه..
خالد ناويه تدي فرصة تانيه لأقلبك إنه يفتح أبوابه ويدي فرصة لشخص تاني يدخله
استغربت داليا من السؤال وفهمت إنه أكيد تلميح لنفسه.. بياخد الإذن منها إنه يعبر له ويحاول يدخل جواه.. متنكرش إنها حاسه نفسها معاه بإحساس تاني مختلف جميل في نفس الوقت .. بس خاېفاه يكون مرحلة خداع تاني تمر بيها.. مش هتستحمل بجد أي نوع من الألم تاني..
خالد طولت علشان تجاوبي.
داليا لأني بجد مش لاقيه إجابه.
خالد ليه.. هل السؤال صعب قوي كده
داليا مش مساله صعب.. المشكله في أنا ...أنا اللي متلخبطه... أنا اللي مش عارفه آخد قرار.. أنا اللي خاېفة أخطو خطوة فاندم عليها.. بمعنى أصح اتعقدت خلاص.
خالد مش معاك خالص.. صوابعك مش زي بعضها .. ضع قلبك في الشخص المناسب .. وضع في قلبك الإحساس المناسب لهذا الشخص.. حرام تظلمي شخص بأفعال وجرم شخص تاني.. افرضي كان الشخص ده فعلا مختلف.. افرضي إن حبه لك حقيقي فعلا.. افرضي إن هو اللي محتاج لك في حياته مش أنتي اللي محتاجاه .. كش يبقى حرام عليك تكسريه بالشكل ده
داليا التغير من النقيض للنقيض في فترة قصيرة ده شئ يخوف ولازم يكون وراه حاجه للأسف مش عارفاها.
خالد فعلا ممكن يكون وراه حاجه.. بس ليه توقعك للحاجه دي يكون سئ.. ليه متكنش الحاجه دي إنه مكنش عنده الجرأه إنه يواجه نفسه الأول وبعدين معندوش الجرأه إنه يواجه الشخص التاني.. لأنه مش متأكد من مشاعر الشخص ده وكبرياؤه رافض إنه يبعد عنه.. فيفضل من بعيد يتابعه ويظهر عكس اللي جواه خوفا منه يخسره.
هنا قرر خالد إنه لازم ياخد خطوة بأي طريقة علشان ميندمش بعد كده على أي فرصه ضيعها بغبائه وقال لها أقدر اتحرر من قيودي معاك ... واتكلم بصراحه شويه
داليا اتفضل
خالد متأكد إني أنا وأنت محتاجين وقت..وقت علشان نتأكد من حاجات كتير..بجد يا داليا أنت رجعت لي حاجات كتير في حياتي كانت فاقد الأمل إني أقدر أحس بيها تاني.. كأنها طيف وعدى بيا ومش راضي يرجع لي تاني.. قلبي حس بمشاعر وأحاسيس كان نسي معانيها من زمان .. صوتي بدأ يرجع مكانه.. بقيت أشوف الألوان.. بقيت أسمع أغاني .. وكل ده بسببك...كنت حاسس إني محپوس في غرفة لوحدي مفيهاش حد إلا أنا ولحالي.. ومش شايف أي باب ولا شباك فيها لغاية أما ظهرت أنت وأدتيني شعور الإطمئنان.
داليا أنا كل ده... 
استغربت داليا من صراحته .. وكشفه لستار قلبه كده بسرعه.. ويا ترى مشاعره دي بجد .. ولا مسلسل هي طرف فيه.
خالد اسمعيني يا داليا أرجوك.. عمري ما كنت في حياتي صادق مع نفسي ومع اللي قدامي زي اللحظة دي.. علشان كده عندي رجاء منك.. أرجوك وانتي بتسمعي .. اسمعيني بقلبك.. صدقيني.. هيحسني قوي.. هيستشعر صدق المشاعر اللي جوايا.. معنتش قادر اكبتها جوايا أكتر من كده.. وطالما بدأنا جلسه المصارحه دي.. يبقى لازم تكمل .. مينفعش تتجزأ خلاص .. ولازم أخرج لك فيها كل اللي جوايا.. ومنتظر منك أنت كمان تخرجي اللي جواك.
داليا صدقني يا خالد لو قلت لك إني......... 
خالد إنك إيه
داليا إني فعلا متلخبطه.. مش عارفه اوصف لك كم الأحاسيس المتضاربه اللي جوايا.
خالد خرجي .. واحد منها .. ممكن أقدر أساعدك
داليا ابسط حاجه .. أنا فعلا مبسوطه.. ومبسوطه قوي إني قاعدة الوقتي معاك.. وسعيده أكتر إني بسمع الكلام ده منك لي.. بس في نفس الوقت حزينه .. لأني ميصحش اقعد معاك.. وتعيسه إني بسمع الكلام الحلو ده منك ولا من حقك تقوله ولا من حقي اسمعه وفي نفس الوقت نفسي أسمع بقيته.
خالد ده كله علشان أنت إنسانه نادرة يا داليا.. صافيه ونقيه من جواك.. متعودتيش إنك تعملي الغلط.. أو تعملي حاجه طبيعية مع الشخص الغلط... بس أأكد لك إني فاهمك صح صدقيني.. وإني مش الشخص الغلط ده .. وكل موقف هيتصلح زي ما أنت عاوزة .. بس أرجوكي بلاش الإحساس بالذنب ده اللي ملاك..
حتقبل منك اليوم إنك تكوني مستمعه فقط.. لي.. ولكلامي لك.. وحسيبك تفكري فيه براحتك وتحكمي علي .. مش حسمع منك الوقتي خالص علشان مظلمكيش.. حأجل إني اسمعك بعدين .. لما تفكري.
داليا خالد لازم أنت كمان تتأكد من مشاعرك.. وتختبرها .. وتديها فرصه ..
خالد أكتر من كده فرصة .. حرام عليك .. أنت عارفه من أمتى مشاعري لك ظهرت.
داليا باستغراب من أمتى
خالد من أول يوم شفتك بيه بالضفيرة الطويله في مكتب الفندق.
داليا إزاي .. ده أنت خبطتني يومها.. ولا حتى هان عليك تعتذر.. ولا همك أنا خالص كملت كلامك مع صاحبك عادي.
خالد هو أنا مقلتلكيش إني بعشق الضفاير الطويلة.. وأول مرة شفتك فيها الصراحه ضفيرتك هي اللي أثرت في .. كان نفسي أمسكها وألفها على ذراعي وأحمد هو اللي منعني.
داليا أصلك كده حتكون مچنون رسمي.
خالد كنت كل مرة أنوي أفاتحك حد يجي يسبقني ويفاتحك قبلي فاضطر أبعد عنك بغباوة.. واستحمل عڈاب نفسي في بعدك...بس المرة دي صدقيني غير.. كنت صريح مع نفسي لأقصى درجه.. قدرت استوعب الدرس .. مش هقدر أعيش بجد من غيرك.. ولا هتكمل حياتي.. ولا هسمح لأي حد ييجي ياخدك مني كده بمنتهى السهولة وأنا قاعد أتفرج عليه.. لا وألف لا .. أنت لي أنا يا داليا مش لحد تاني وهحارب أي شخص يحاول يبعدك عني.. إنت فاهماني يا داليا.. إنت حساني ولالا... فهمت الوقت كل حاجه كانت جوايا متغطيه.
داليا حاسه بك آه...بس معنديش الوقتي أي نوع من التعليق.. فاهمه المتغطي لا .. لأني أخاف إن يكون فهمي للمتغطي خطأ خصوصا إن الطرف الثاني مبيصرحش.... 
خالد أصرح بأكتر من كده ايه حتديني فرصة طيب
داليا بضحك وكسوف في نفس الوقت تخليت عن غموضك يعني
خالد لأني مش حابب أخسرك المرة دي كمان.
داليا ليه بتقول المرة دي كمان
خالد لأني خسرتك مرة لما سبقني صاحبي وحاول ياخدك مني.. بس أنا احترامي لصداقتي له خلاني أتراجع في قراري إني آخدك.. والحمد لله إن ربنا ستر ومكنتيش نصيبه.. لأن طول عمري كنت حفضل ندمان على إني