رواية داليا من 13-16

الدكتور فحص وأشعة لداليا رفضت داليا في البداية بس خالد أصر إنه يكمل لها خطوات الكشف كاملة وقال لها لازم أطمئن عليك وبعدين أنا معاك أهو.
خلصت داليا كل الفحوصات اللازمة وطمن الدكتور خالد إن الخبط والکدمة اللي في رأسها نتيجه الوقعة وحتروح مع الوقت وإن مفيش ڼزيف داخلي الحمد لله والحړق تم التعامل معاه باحترافيه ومحتاج تغيير وعلاج يومي واداها أجازة مرضية وكتب لها العلاج شكر خالد الدكتور وسند داليا وخرجوا من المستشفى لمكان العربية.
خالد اشترى لها العلاج الأول وبعدين قال لها هاه تحبي أوصلك الوقتي فين
داليا الساعة لسه 12 لو روحت الوقتي لماما فيها مشكله مش عاوزاها تحس إن في حاجه.
خالد بس أنت فعلا تعبانه.. ومحتاجه تريحي.
داليا على الأقل كم ساعه كمان علشان متقلقش.
خالد قولي له أخذت إذن علشان حړق ايدي.
داليا للدرجة دي أنا تقيلة
خالد هو أنت علطول كده عبيطة.. تقيلة ايه ..ما أنا لسه شايلك
وضحكوا الأتنين
أنا بس مش حابب تتعبي أكتر من كده .. ريحي أحسن.
داليا لو أضمن إن صحبتي أميرة صاحية كنت رحت لها الوقتي.
خالد عندي اقتراح
داليا خير
خالد أنا مېت من الجوع.. تعالي نتغدى مع بعض وبعدين أروحك.
داليا بلاش المرة دي خليها فرصة تانية.. إنت عندك حق .. بجد تعبانه وحابة أريح شويه.
خالد بقلق.. مش أنا قلت.. يلا بينا بسرعة على البيت .. وأطلعي نامي علطول.
شكرته داليا لما وصولوا البيت وجت تنزل وقفها خالد تحبي أوصلك لباب البيت
داليا لا أرجوك.. كده ماما تقلق بجد.
خالد طيب شوفي.. أنا واقف هنا ومش حتحرك إلا لما تطلعي وتطمنيني بتليفون إنك وصلت وكويسه.
داليا حاضر يا باشمهندس.. بجد مش عارفه أشكرك إزاي.
خالد إنك تبطلي عبط.. شكر على ايه وايه بشمهندس دي... ده أنا اللي المفروض أشكرك.
داليا على إيه
خالد اتنهد.. بعدين أقول لك.
داليا إن شاء الله خير .. سلام
خالد سلام
طلعت داليا وفتحت الباب مامتها استغربت وسألتها ايه اللي جابك بدري كده إيه اللي حصل
داليا ولا حاجه يا ماما حړق بسيط في كف ايدي
الأم بخضه إيه حړق ايه ده.. وحصلك ازاي
داليا أنت عارفه المطر يوم كان مغرق الدنيا وأنا بالغلط مسكت مكان معرض للكهربا مع المية فحصل لي الحړق ده.
الأم طيب وبعدين .. كده خطړ
داليا لا خطړ ولا حاجه يا ماما أنت بتكبري الموضوع.. الغلطه منى والحمد لله عندنا في الموقع عالجوها بسرعه والدكتور غير لي عى الچرح وحيغير عليه كل يوم وحاخد بكرة أجازة إن شاء الله اريح في البيت
الأم يوم واحد بس
داليا لا 3 أيام.. بس لو حسيت نفسي كويسه ممكن أنزل.
الأم أنت عبيطة تنزلي إيه .. لازم ترتاحي وقت كفاية ومتجهديش إيدك وأكيد في علاج
طلعت داليا العلاج من الشنطة لمامتها وقالت لها هو ده.
الأم خلاص حتقعدي ال أيام راحة في البيت وإلا قسما بالله أبلغ باباك وأخليه يقعدك من الشغل ده خالص.
داليا لا يا ماما أرجوكي بلاش.. أنا بحب الشغل ده قوي ومش حلاقي زيه تاني.. حسمع الكلام خلاص واقعد في البيت ال أيام.
الأم وكل يوم لازم تروحي تغيري على الچرح.
داليا حاضر... استأذنك حدخل انام لحسن واخده مسكنات كتيرة.
الأم أدخلي يا داليا.. لما نشوف اخرة الشغل ده ايه.
داليا خير إن شاء الله يا ماما.
ودخلت داليا غرفتها واتصلت بخالد تطمنه إنها وصلت كانت متوقعه يتكلم معاها أو يطول بأي طريقة بس فوجئت بيه بيقول لها الحمد لله وبيقفل معاها.
استغربت داليا من التناقض الموجود في شخصية الراجل ده.
في الوقت ده خالد قعد شويه في العربية يجمع أفكاره عارف إنه صعب عليا التعامل بعكس المشاعر اللي جوايا .. بس لازم كده لازم أثبت لنفسي قبل ما أثبت لداليا إنها إنسانة غير.. ولازم طريقة التعامل معاها تكون مختلفة برده عن الغير .. لازم أحافظ عليها من نفسي قبل ما أحافظ عليها من غيري ... بس يا رب قدرني.. لأن التحكم في المشاعر ده شئ صعب جدا .. بل أحيانا يستحيل تنفيذه. ومشي بسرعه قبل ميقرر غير كده.
رمت داليا أي نوع من أنواع التفكير ورا ظهرها لأنها كانت بجد تعبانه ومرهقة إلى جانب الألم وقررت تنام الوقت ده وفعلا نامت ومحستش بنفسها لغاية تاني يوم والدتها دخلت تطمئن عليها لقيتها مستغرقة في النوم فسابتها لأنها ممكن تكون محتاجه راحة.
دخل خالد المكتب على المهندس علاء فسأله علاء ايه أخبار داليا.. أحكي لي اللي حصل لو سمحت.. وحكى له خالد تفاصيل الموضوع وأد ايه ده إهمال كان ممكن إنها يحصل لها حاجه لولا ستر ربنا وإن داليا فقدت الوعي وكانت مش قادرة تمشي ولا تتحرك وحكى له على الحړق اللي في ايدها.
علاء وهي الوقتي عاملة إيه
خالد الدكتور إداها إجازة مرضي 3 أيام ترتاح وعمل الاشعة مفيش ڼزيف داخل الحمد لله.
علاء 3 أيام من غير داليا في المكتب.. الدنيا حتخرب بجد.
خالد هو ده اللي هامك يا بشمهندس.. والبنت نفسها
علاء لا طبعا مش الشغل بس .. وجود داليا في المكتب بقى شئ أساسي من غيرها الدنيا مش ماشيه خالص. ربنا يشفيها ويعافيها بإذن الله.
خالد يا رب ي بشمهندس وقال في نفسه ويصبرنا على فراقها الكام يوم دول.
صحيح يا باشمهندس الدكتور في الموقع هنا طلب يغير لها على الحړق كل يوم فأنا حاجي آخدها للدكتور وأرجعها أوك كده.
علاء مفيش مشاكل يا خالد.
صحيت داليا من النوم في اليوم ده الساعه 11 الصبح واستغربت نفسها عمرها ما نامت كل الوقت ده في حياتها وقعدت تسترجع الحوارات اللي دارت بينها وبين خالد ومواقفه معاها ومعرفتش توصل لحاجه بس مش أكثر من إنها مبسوطة بالتطور ده ولو إنه بسيط.
صبحت داليا على مامتها وفطرت معاها وأستأذنتها إنها تعمل حساب أميرة معاهم في الغدا اليوم لأنها أكيد حتعدي عليها.
وافقت الأم وسألتها عاوزة تعمل إيه للغداء
داليا أي حاجه من أيدك الحلوة دي.
على الساعه 1 كلمت داليا صحبتها أميرة وقالت لها إن حصل لها حړق طلبت أميرة تيجي تطمئن عليها داليا فهمتها إنها مستنياها على الغدا.
وصلت أميرة بعد نص ساعه عند داليا دخلت وقالت لها .. خير .. طمنيني حصل لك إيه
داليا متقلقيش كده علي أنا الحمد لله بس حاسة بتعب ده لولا البشمهندس خالد كان زماني في خبر كان.
أميرة حيلك علي كده... واحدة واحدة وأحكي لي من البداية لو سمحت حصل إيه وإيه اللي دخل اخينا خالد.
وبدأت داليا تحكي لأميرة اللي حصل وبعد ما خلصت داليا.. يعني أنت اتكهربت بجد
داليا لا بهزار.... ايه يا أميرة الكلام ده ركزي معايا شوية.. بقول لك اغمى عليا وفقدت الوعي وأنت بتقولي هزار.
أميرة عاوزة تفهميني إن خالد هو اللي شالك
داليا ومش مرة واحدة 3 مرات.
أميرة يا مفترية.. وقدر كده عادي.
داليا أخص عليك يا أميرة.. هو أنا تقيلة يعني.. أنت حتتريقي زيه
أميرة ايه ده هو علق كمان
داليا مش بالضبط.. طلب مني ما زيدش عن كده وهو يشيلني علطول.
أميرة أما أنت غبية بجد كل كلامه وأفعاله تلميح وكل كده مش واخده بالك.
داليا ما هو