رواية داليا من 13-16

دي أرفضي لأي سبب وخلاص.
داليا ربنا يستر.. وحست داليا إنها بتدبس في جوازة.
لبست داليا والكل قبل موعد العشا.. وطبعا الطباع عندهم الرجالة في مكان والسيدات في مكان واتجمع الكل عن قصد في مكان واحد وقت الشاي والحلو علشان طبعا يدو مجال لداليا والدكتور ياسر إنهم يكلموا بعض.
وجه لها الدكتور ياسر سؤال كبداية للحوار حضرتك خريجه ايه
ردت عليه داليا كلية آداب جامعة القاهرة قسم لغات.
ياسر جميل ما شاء الله ويا ترى ناوية على ايه بعد الدراسة.
داليا أنا بالفعل بشتغل.
ياسر ويا ترى بتشتغلي أيه
داليا سكرتيرة تنفيذية في شركة مقاولات .
ياسر مش حرام شهادتك دي واللغات اللي معاك في الآخر تشتغلي بيهم سكرتيره.
داليا وإيه اللي حرمه.. الشركة كبيرة ومحترمه.. وشهادتي واللغات دي مطلوبة لأن معظم المعاملات والمراسلات بالإنجليزي أو الإيطالي ومطلوب مني ترجمه كمان فمش شايفة أي نوع من الحرمانية في الموضوع خالص.. على الأقل أحسن من قعدة البيت.
ياسر مقصدش اللي أنت فهمتيه.. ولو إني مش معاك في موضوع قعدة البيت.. الست مكانها في الأول والآخر بيتها.
داليا ومش حرام وقتها شهادتها واللغات بتاعتها.
ياسر تستغلها في تعليم أولادها كويس وتثقيفهم... لما تكون الأم مثقفة ومتعلمة تعليم عالي بيأثر ده طبعا على تربية أولادها.
داليا بجد أنا آسفة في تعلقي ده .. بس مش ملاح أن كلامك ده كنا بنسمعه وأحنا صغيرين في الأفلام الأبيض وأسود وعفا عليه الزمن خلاص.. ولا هو لسه موجود عنكم هنا في الأرياف.
ياسربزعل تقصدي إيه
داليا أنا بجد مستغربة إزاي دكتور زيك يطلع منه الكلام ده.
ياسر وإيه الغريب في ده
داليا متخيلتش إن المجتمع وعاداته وتقالديه يسيب عليك بصمه أكتر من تعليمك ووظيفتك.
ياسر مش حاسس إني مرتاح لسياق الحوار ده معرفش ليه.. وحاسس بضيق.
داليا أعتذر لو كنت أنا سبب أي ضيق لحضرتك .. اختلاف الآراء لا يفسد للود قضية استأذنك محتاجه أخلص حاجات فوق وانسحبت داليا من غير ما تنتظر رده وهي من جواها فرحانة إنها قدرت الحمد لله تخلص منه لأنه هو كمان عمره ما حيفكر فيها.. استحاله بأي شكل من الأشكال ترتبط أو حتى تتكلم مع النوعية دي من البشر اللي انقرضت من زمان.
خلصلت أيام العيد بسرعة ورجعت داليا وأهلها لبيتهم واستعدت لتاني يوم شغل كان جواها إحساس غريب مش قادرة تفسره.. إحساس ممكن تسميه اشتياق.. هي صريحه مع نفسها متقدرش تقول إنه حب لأنه لسه موصلش للمرحلة دي لسه بس ممكن تقول إنه حيبدأ عندها وهي متشوقة ليه للغاية وراسمه آمال عريضة عليه إنه يقدر يمسح آثار التجربة الفاشلة اللي اتعرضت ليها في خطوبتها السابقة.
كان بجد شعور إنها مشتاقة لأحمد مسيطر عليها ومستغربة في نفس الوقت ليه متصلش بيها .. كانت متوقعه منه على الأقل تليفون يعيد عليها فيه بس قالت ممكن مش عاوز يحرجها مع أهلها أو مشغول مع والدته.
وقعدت تتخيل ياترى يقول لها إيه ما يشوفها لأن ذكرى كلامه معاها آخر مرة مش راضية تخرج من بالها خالص ومتنكرش إنها بالفعل اثرت فيها.
نزل أحمد أول يوم شغل من بدري قبل حتى لما خالد يصحى من النوم وكان مأجر عربية وقرر إنه يوصل بدري المكاتب قبل أي حد وينتظر داليا جوه المكتب ويفاجئها وفعلا نفذ المخطط.
وصلت داليا المكتب مع رمضان الصبح لأنهم بيركبوا نفس الباص ولأن رمضان هو المسؤول عن حراسة داليا دخلوا واستأذنها رمضان إنه يروح المسجد يملأ جردل المية وحيرجع علطول لأنه محتاجها في التنظيف.
داليا قالت له مفيش مشكلة يا رمضان أنا خلاص أخدت على المكان ده وهانت كلها وتانكات المية تيجي تملأ مباشرة الخزانات اللي بنوهل هنا وترتاح من المشاوير دي.
رمضان آه الحمد لله أخيرا .. ربنا ييسر الحال وسابها وخرج من الكرفان علشان يروح يجيب الميه.
دخلت داليا مكتبها وفوجئت بأحمد قاعد على كرسيهافاستغربت بس فرحت إنها شافته وقالت له بتهليل حمد لله على السلامه.. كل سنة وأنت طيب .. إزي طنط.. وأخبار أجازة العيد إيه.
أحمد الله يسلمك.. الحمد لله ماما بخير وبتسلم عليك .. السكر عندها بس علي شويه من لحمة العيد ما أنت عارفة أكل العيد كله دسامه.
داليا لا سلامتها.. معرفش إن عندها السكر.. ربنا يشفيهها لك.
أحمد اللهم آمين.. وأنت كمان حمد لله على سلامتك من سفريه البلد
داليا بضحك الله يسلمك .. عدت على خير.
أحمد ليه بتقولي كده
داليا أصلي كنت حتدبس في جوازة بس الحمد لله ربنا ستر.
أحمد هو أنت كده علطول.. منين ما تروحي تلمي وراك الرجاله.
داليا مش فاهمة قصد كلامه فقالت له تقصد إيه
أحمد لا قصدي إن معجبينك كتير يا ستي.
داليا سبحان الله دي حاجه مش بإيدي دي من عند ربنا صحيح أنت جاي بدري كده ليه لسه ساعه على مواعيد مهندس علاء ووحيد هم الوقتي تلاقيهم عندك في مكاتب الموقع.
أحمد ما أنا أكيد عارف وده سبب إني جيت الوقتي.
داليا مش فاهمة
أحمد مش فاهمة إني جايلك إنت الوقتي وقام من مكانه واتحرك ناحيتها وكل ده وهي مش مستوعبه اللي ناوي عليه وفجأه مسك إيدها وضمهم بين إيده وباسهم بشغف كبير.
شدت داليا إيدها بسرعة من بين إيده وصړخت فيه.. بأي حق تعمل كده.. مش مسموح لك أصلا تمسك إيدي ولا تبوسها كده..إنت...
وقاطعها أحمد هو أنا لسه عملت حاجه ده أنا لسه يا دوب بمسك إيدك
داليا أفندم .. بتقول إيه.. ومين اللي حيسمح لك أنك تعمل كده أو غير كده
أحمد هو حسام أحسن مني في أيه .. اشمعنى سمحتى ليه يعمل كل حاجه معاك وكل اللي نفسه فيه مليش نفس أنا كمان أجرب.
داليا اتصدق إنك بجد ساڤل وقليل الأدب.. مين قال لك أنه حصل أي حاجه من اللي بتقول عليها دي مع حسام أنا وضحت لك قبل كده إنه مفيش حاجه أخجل منها حصلت بيني وبينه واللي حصل بقى علشان تكون عارف إنه إنسان حيوان .. كان بيحاول يخدعني وكان عاوز يمسك علي أي ذلك يلوي بيها ذراعي ويجبر بيها والدي على إنه يجوزني ليه.. بس الحمد لله ربنا كشفه قصادي ونجاني منه.
أحمد بس هو مقلش لي كده.
داليا هو أنت قابلته 
أحمد آه.. وحكالي إن كل حاجه أخدها منك أو بمعنى أصح جربها معاك وبطوعك وأنت مش أهل لثقتي.
داليا وأنت بمنتهى البساطة دي صدقته.. وحكمت علي.. وموثقتش في.. وقلت أجرب أنا كمان زي ما هو جرب.. بجد إخص .. ومليون إخص عليك .. ده أنا كنت خلاص بالفعل فاكراك أنت اللي حتقدر تحتويني 
أنت اللي حتعوضني عن كل اللي فات..ده أنا كان قلبي بدأ بجد يدق ليك .. بجد حرام عليك تعمل كده فيه.. إنت كان غدرك بي أسرع من غدر الزمن والأيام ...لحقت تتبدل لكده خلال كم يوم بس.. بجد قلبك جاحد وبينسى بسرعه ومش بيحب بجد..لو أنت بجد حبيتني مكنتش تفكر تعمل معايا كده..بس بجد أنا بشكرك لأنك إديتني درس .. علمتني إني أتوب عن إني أفكر فيك لأنك بمنتهى البساطة متستحقش ده..وحقفله