رواية داليا من 13-16

علطول.
داليا إن شاء الله خير.
رحب بيها عم عبده السواق في الاول ولما وصلوا لمكاتب الموقع فوجئت داليا إن كل اللي لمحها من موظفين أوعمال جه ناحيه الباص علشان يسلم عليها ويتمنى لها الشفا وطبعا رمضان كان أول من قال لها حمد لله على السلامة.. عرفت داليا إن الخبر انتشر في الموقع.. وحست أد إيه هي محبوبه من الكل على الرغم من إنه مفيش أي احتكاك مباشر بس الإحساس ده ريحها واسعدها.. وصلت بعد كده المكتب الفني
والكل استقبلها.. وكان مبسوط إنها رجعت.. اعتذر لها المهندس علاء ومهندس شوكت على الغلطة دي ووعدوها إنها مش حتتكرر تاني.. وبعد الاحتفالية برجوعها طلبها المهندس علاء في مكتبه.
علاء داليا بعيد عن كل الناس صارحيني.. إنت أحسن ولا لسه تعبانه ومحتاجه تمدي الأجازة
داليا الحمد لله أحسن كتير .. بس الصداع مستمر.. وألم الحړق.. مش حابة أمد الأجازة لأني بجد زهقت من البيت بس لو حسيت إني محتاجه أجازة أكيد حبلغ حضرتك.
علاء شوفي يا داليا.. أنا رتبت مع مهندس خالد ياخدك كل يوم لدكتور الموقع يغير لك على الچرح.. وشايف إنه طالما عندك الصداع مستمر رأيي تروحي تكشفي تاني.
داليا بصراحة أنا معرفتش والدي ووالدتي بباقي اللي حصل لي.. بس قلت لهم على الحړق.. وبالتالي مش حعرف أشيك على موضوع الصداع لأنهم لو عرفوا حيقعدوني في البيت وأنا مش حابة خالص أسيب الشغل.
علاء بس المفروض إنهم كانوا يعرفوا.. بس طبعا إحنا منقدرش نستغنى عنك أبدا هنا .. علشان كده حطلب من خالد يكمل ويروح معاك تاني وقت الشغل علشان نطمن عليك.
داليا شكرا لاهتمام حضرتك.. بس يا ترى الباشمهندس خالد مش حيمانع .. أو يكون عنده شغل مثلا
علاء لا خالد مش حيمانع.. حتى لو عنده شغل أنا حسمح له يسيبه ويروح معاك .
داليا إن شاء الله وخرجت علشان تروح لمكتبها.
سألت داليا نفسها ليه أنا متوترة كده.. ليه متلخبطة وقلبك بيدق بسرعة.. لا يا داليا.. خدي نفس عميق... اهدي.. مفيش حاجه تخافي منها.. أنت أكتر شخص محتاجه له نفسك..لازم أحافظ على قوتي الفترة دي علشان أقدر اختار.
علاء اتصل بخالد خالد عاوز منك خدمة..
خالد اتفضل خير
علاء كنا اتفقنا إنك حتاخد داليا كل يوم لدكتور الموقع يغير لها على الحړق .
خالد آه إن شاء الله فاكر مش ناسي.
علاء لا أنا عاوز منك تكمل جميلك وتاخدها فحص في المستشفى تاني لأنها لسه تعبانه واللي فهمته إنها خاڤت تبلغ باباها ومامتها باللي حصل لها هنا.
خالد مالها داليا تعبانه إزاي
علاء بتقول صداع دايم مش راضي يروح
خالد أنا جاي علطول آخدها تكشف.. مفيش لازمة تستأذن ده واجب
علاء أنا قلت برده إنك مش حتمانع... خالد بس حابب افكرك بحاجه ..إن داليا دي زي أختك
خالد من غير ما تقول يا مهندس علاء ححافظ عليها بعيني.. بس لو سمحت في اختلاف وحيد إنها مش اختي.
علاء تقصد إيه
خالد مقصدش حاجه قافيه كلام.. أنا جاي حالا آخدها نروح نكشف عليها.
فكر خالد مع نفسه.. يا ترى دي فرصه من ربنا له علشان يديه فرصه يتكلم أو يتصرف صح.. طيب يبدأ إزاي.. ويبدأ الوقتي ولا مش وقته خالص.. دعا ربنا إنه يلهمه الصواب ويتصرف حسب المتاح له في الموقف مضبوط.
اتصل علاء بداليا في مكتبها وطلب منها تجهز لأن المهندس خالد جاي في الطريق ياخدها معاه تكشف وطلب منها تروح بعد كده وترتاح باقي اليوم.. مش مشكلة الشغل النهاردة.
داليا مش عارفه ترد عليه تقوله ايه لقت نفسها بتقول له حاضر
وصل خالد بعربية الموقع البيك أب للمكتب الفني دخل الأول مكتب المهندس علاء يصبح عليه ويبلغ له إنه حياخد داليا ويروحوا يكشفوا.
خبط خالد باب مكتب داليا ولما سمع صوتها بتقول اتفضل فتح الباب ودخل وهو مبتسم وبيصبح عليها صباح الخير يا آنسة داليا.
داليا صباح الخير يا بشمهندس خالد
خالد يا ترى أخبارك إيه النهاردة
داليا استغربت البني آدم اللي واقف أدامها الوقتي.. واللي كان بيكلمها من كم يوم في التليفون وردت عليه بخير الحمد لله.
خالد جاهزة.. ننزل للمستشفي
داليا آه المهندس علاء بلغني.
خالد طيب جميل يلا بينا
مشيت داليا وراه وهي خاېفة متعرفش ليه.. يا ترى خاېفة من المواجهة معاه ولا خاېفة من زيادة تعلقها بيه
ركبوا العربية وسألها خالد علشان يضيع التوتر اللي في الأول تحبي أشغل لك أغنية من الراديو
داليا زي ما تكون أما صدقت يا ريت
أول لما فتح خالد الراديو لقيوا بداية موسيقى لأغنية أول مرة داليا تسمعها في حياتها بس عجبها اللحن سألها خالد اسيب الأغنية دي ولا أغيرها.
داليا أنا لسه مسمعتش كلامتها بس منكرش إن لحنها جذبني وشدني جامد فياريت تسيبها نستكشفها ونشوف كلماتها.
خالد مفيش مشكلة .. اللحن جميل بس هادي قوي.
داليا خلينا بس نسمع الكلمات وبعدين نحكم.
خالد أوك .. معاك
فوجئت داليا بكلمات الأغنية أد إيه أثرت فيها يا من هواه ......أعزه.....وأذلني.. كيف السبيل.....إلى وصالك دلني...أنت الذي حلفتني وحلفت لي.. وحلفت أنك لا تخون.. فخڼتني
لقت داليا نفسها تاهت خالص مع لحن الأغنية وكلامتها ونسيت حتى إن خالد جنبها في العربية كلمات الأغنية خدتها معاها وفكرتها بحكايتها مع حسام ومع أحمد وسرحت في الجزء حلفت أنك لا تخون وخونتنيوحلفت انك لا تميل مع الهوا ...أين اليمين وأين ما عاهدتني.. تركتني حيرانة صبا هائما ارعى النجوم وانت في عيش هني.
خالد فعلا كلمات ولحن الأغنية أكتر من رائعين.. 
داليا مكنتش معاه خالص ذهنها ونفسها كانت حزينة في مكان تاني.
هنا وطى خالد الراديو وقال لها داليا.. لحظة.. دقيقة.. إيه ده أنت مش معايا خالص.. أنت فين يا داليا
انتبهت داليا لصوته وهو بيندهها وبيقول لها أنت فين وردت آسفه سرحت مع كلمات الأغنية وافتكرت حكاية القصيدة.
خالد أنت عارفاها يا ريت تعرفيني الحكاية دي...أنت بتغني مع الأغنية ومبينة إنك سعيدة بيها بس الوضع عندك مش سعيد خالص.
داليا بالنسبة للقصيدة حاضر إن شاء الله حكي لك قصتها .. النص التاني من جملتك مش فهماه.
خالد يعني لو أنا دخلت قلبك الوقتي حلاقي أغنية يا من هواه أعزه وأذلني.. كيف السبيل إلى وصالك دلني إنت عارفة الطريق كويس بس أنت بس خاېفة.
داليا لالالا .. مش موضوع خوف .. منكرش أحيانا في خوف .. بس الأكتر إنه عمري أنا ما حاخد الخطوة الأولى.
خالد أقدر أعرف ليه
داليا لأن عندي قناعة وبدرجة كبيرة إنه مينفعش أنا كبنت أبدأ أبدا الخطوة الأولى.. ده رأيي أنا .. لازم تكون الخطوة الأولى من الرجل .. مش عقد والله.. ولا رجعية.. بس دي أنا .. مقدرتش قبل كده إني أعملها ولا بعملها ولا حعملها.
خالد أنا برده معاك في إن الخطوة الأولى لازم تكون من الرجل مش المرأه.
داليا أحيانا الخۏف .. الخۏف من المجهول .. أو الخۏف من المستقبل اللي بتحاول تتغلب عليه.
خالد نصيحة.. بقولها لك وبقولها لنفسي قبلك.. لو ما سيطرت على الخۏف اللي جواك هو اللي هيسيطر عليك.
داليا أفهم من كده إنك خاېف.
خالد للاسف آه.. وبحاول اتغلب على الخۏف ده من فترة