رواية داليا من 13-16

بالضبة والمفتاح لغاية لما يجي شخص تاني يإما يديني درس أجمل يإما درس أصعب ما هي دي سنة الحياه.. ومقدرتش تمسك نفسها من العياط وهي بتقول له بجد شكرا لدرس العڈاب..خليت لي ماضي تاني أليم.. ودفعتني أرسم لنفسي مستقبل تاني مفيهوش أنت.. وآسفة لكل شخص هيدخل حياتي مستقبلا.. فآخر واحد واللي هو أنت ترك بصمة كانت سوداوية زي قلبك علي..اتمنى إن ربنا يعوضني خير بشخص غيرك وأفضل منك.. شخص يقدر يقلب الصفحة بتاعتك من حياتي ويكتب في صفحته اللي أنا برجوه منه.. شخص يخليني بجد ابتسم وأضحك من قلبي .. شخص يستاهلني و استاهله.
أحمد داليا حاولي بس تقدري موقفي وتفهميني.
داليا أفهم ايه.. أنت شايف إن في حاجه لسه محتاجه تتفهم.
أحمد حطي نفسك مكاني وشوفي حتتصرفي إزاي.
داليا لو مكانك حثق في كلام الشخص اللي بسلمه نفسي وحياتي واسمي وعمري ما همسك سکينة وأكمل على ذبحه زي ما أنت كنت عاوز تعمل في الوقتي.
الكلام خلص لحد هنا يا ريت تتفضل على مكتبك وتسيبني لحالي... وياريت تنسى إن في حد عدى على حياتك اسمه داليا.. وإني كنت في يوم حوافق إني أقبل أكون زوجتك وحبيبتك.... أد إيه أنا لسه غبية.. اد ايه طلع عقلي أغبى من قلبي .. اختار غلط برده.
حس أحمد بندم شديد وقال لها يا داليا لو سمحت تقبلي غيرتي عليك.. لما قال لي انه عمل معاك كده مقدرتش احوش غيرتي.
داليا لو سمحت بلاش مبررات واهية.. غيرتك علي تخليك عاوز يصيبك من الحب جانب أنت كمان ولا أيه.
أحمد أنا عملت أيه يعني لكل ده.. أنا مسكت إيدك وبستها مش إجرام يعني.
داليا يا سلام بمنتهى البساطة كده.. أولا تمسك ايدي ده مش من حقك وتبوسها كمان دي چريمه أكبر والتخطيط اصلأ بتاعك للموضوع من الآخر حاجه كده مقدرش اقول عليها إلا ژبالة.. والله أعلم أنت مخطط لأيه تاني.. بجد أنا ندمانه على ثقتي فيك.. وندمانه على كل لحظة قضتها أفكر فيك.. وندمانه أكتر إني فكرت جديا إني أوافق على الارتباط بيك. وبطلب منك تسحب أي وعد وعدته لك من أي نوع.
أحمد حس أد ايه كان غبي.. وأد أيه اتسرع ..وصدق كلام حسام وكذب كلام خالد بس هو كده اتأكد إنه خسرها وخسرها للأبد ولسه حينطق ويقول لها حاجه قالت له لو سمحت الكلام هنا خلص .. اتفضل من غير مطرود.. ومشفكش في مكتبي أبدأ بعد كده.
خرج أحمد وهو بجد پيلعن نفسه وأخد العربية وقرر ياخد إذن ويروح وطول السكة بيلوم نفسه ويقول عندها حق إزاي أصدق عنها كده.. خطيبها مش مخلصه إنه خسرها وكان عاوز ينتقم منها بس للأسف الاڼتقام ده صابني أنا .. أنا اللي خسرتها.. وللأبد.
داليا قعدت عل كرسيها مڼهارة.. مش قادرة تتصور إن يطلع منه كده .. إزاي يفكر فيها كده.. هل تصرفاتها ممكن تظهر للناس كده في الوقت ده دخل المهندس عبد الله عليها لقاها مڼهارة بالشكل ده قال لها مالك في أيه حد ضايقك.. ايه اللي جرى لك .. أقدر أساعدك.
لقت داليا نفسها بتقول له أنت السبب.. أيوه أنت السبب
استغرب المهندس عبد الله من ردها وقال لها أنا السبب في أيه عرفيني لو سمحت بس الأول ادخلي الحمام أغسلي وشك وأهدي وتعالي أحكي لي قبل ما باقي الموظفين يوصلوا ايه اللي حصل علشان نشوف نعمل إيه.. 
حست داليا إنها ضعيفة جدا وهشة فعلا من جواها.. كانت فعلا محتاجه حد تحكي معاه.. وربنا زي ما يكون بعت لها عبد الله تحكي له .. بس يا ترى صح تحكي له ولا غلط
هي طول عمرها معتبراه أخ كبير ومتزوج وعنده أولاده وبجد محترم وكتير ساعدها.. فقررت إنها تحكي له وتاخد رأيه تتصرف معاه إزاي بس قالت لنفسها مش لازم كل التفاصيل تتحكى علشان محدش يفهم حاجه غلط.
هديت داليا ودخلت المكتب لقت المهندس عبد الله مستنيها وبدأت تحكي له إزاي إن المهندس أحمد وصل لتليفونها عن طريقه بس هو استنكر بشده إنه يكون إداه الرقم وقال لها لا يمكن يا داليا أدي رقمك لحد من غير ما أستأذنك.
وكملت داليا إنه اتفق معاها على كل تفاصيل اللارتباط وقابل خطيبها السابق اللي شككه فيها وهو صدق وصلت للحته دي ومبقتش عارفه تكمل ولا لا.. قررت بينها وبين نفسها متجبش سيرة إنه حاول يختبرها.
عبد الله طيب وبعدين عمل ايه.
داليا واجهني بالكلام ده.. وعاوز يتأكد صحيح ولا لا... اللي مستغربه له إنه صدق عني كده.. إزاي معرفش.. بجد أنا خلاص شلته من تفكيري خالص ومش حابة ارتبط بيه.
عبد الله وأنا معاك في الرأي ده هو ميستهلكيش.. خصوصا إنه قرب منك زينا هنا في المكتب واحتك بك إزاي ميقدرش يميز بين أصناف البنات بس أنا رأيي إن اللي اسمه حسام ده لازم يتهزق ويتهدد لأنه ممكن يكرر نفس الموقف ده مع أي عريس غيره.. والله أعلم بأساليبه اللي ممكن يقنع بيها الناس أيه ده شكله كان شيطان وبجد ربنا نجاك منه.
داليا عندك حق وشكرا على النصيحه.. بجد خليتني أهدى كتير.
عبد الله بصي يا داليا.. نصيبك حيصيبك مهما حصل.. سيبيها على الله.. وأنا لي رأي في موضوع ارتباطك ده تقبلي تسمعيه مني.
داليا آه طبعا .. اتفضل أنا دايما بحترم آرائك.
عبد الله شوفي يا ستي .. اللي فهمته من كلامك إنك اخترت خطيبك الأول بقلبك بس وبعدين رجعت ندمت على الاختيار.. صح
داليا آه.. صح
عبد الله وبعدين قررتي إنه طالما قلبك لا يحسن الاختيار حتحطيه على جنب .. وتصدري عقلك إنه يختار...صح.
داليا آه .. صح
عبد الله واكتشفتي من خلال حكاية أحمد إن خيارات عقلك كمان هي غلط بس أكيد مش عارفه تاخدي قرار إنك تجنبي عقلك كمان فيكون لا قلبك ولا عقلك موجودين وقت الاختيار.. بالطبع الموضوع ده مستحيل.
داليا طب أعمل إيه.
عبد الله قلبك وعقلك مع بعض يا داليا فينفعش طرف من غير التاني يختار.
داليا إزاي
عبد الله قلبك يختار.. وعقلك يصدق على الاختيار ده.
بكده تضمني إن الخيار يكون أقرب شئ من اللي أنت تتمنيه.. يا ترى فهمتيني يا داليا.
داليا آه فهمتك.. بس التطبيق ده صعب جدا.
عبد الله مش حتحسي بصم الحاجه وقيمتها إلا من خلال درجة صعوبتها.. ربنا يكرمك إن شاء الله ويعوضك خير على كل حاجه سيئة مريت بيها ويبعت لك اللي إنت تتمنيه فعلا من جوه قلبك.. خلي دعوتك كده..
داليا تفتكر يا رب أقدر أنفذ بإذن الله.
عبد الله بالتوفيق إن شاء الله.. وسابها وراح على مكتبه.
قررت داليا تكلم خطيبها حسام وتعرفه إنها عرفت باللي عمله مع أحمد وتهدده بأنها حتقول لباباها وعمها باللي بيعمله علشان يشوفوا معاه صرفه وبالفعل عملت المهمة دي ومنتظرتش رده .. قفلت السكة في وشه وأد إيه ارتاحت إن ربنا دايما بيلهمها الصواب هي صلت استخارة وربنا خلاها برده تشوف أحمد كده يبقى مكنش خير ليها وكلام ربنا شايل لها الأحسن إن شاء الله.
أحمد