رواية داليا من 13-16

نهى وموقفتش عياط.
أحمد قعد يردد لا حول ولا قوة إلا بالله العلي العظيم كتير قوي وبرده قعد يردد إنا لله وإنا إليه راجعون اللهم اجرنا في مصيبتنا وأخلف لنا خيرا منها
في الوقت ده انتشر خبر وفاه والده أحمد في الشغل لأنه كان بعت ايميل بأجازة لظروف ۏفاة الوالدة هو فعلا كان غايب عن الشغل بقاله يومين داليا كانت فاكرة إنه فقط متجنب يجيي المكتب علشان ميقابلهاش مكنتش تعتقد خالص إنه غايب وإن والدته توفت.
آخر يوم في الاسبوع المهندس علاء طلع كل باصات المشروع بدري بالموظفين للسفر للقاهرة وأداء واجب العزاء في والدة المهندس أحمد زميلهم والرجوع آخر اليوم للي مش نازل القاهرة.
اعتذرت داليا لعدم قدرتها على السفر معاهم لأن والدها مش حيوافق وحتكتفي بارسال رسالة عزاء وتوصيل رساله مع أحد المهندسين.
وافقها المهندس علاء على قرارها لأن صعب بنت تتحرك وتسافر كده وتتعامل زي الرجالة.
اتصلت داليا بصحبتها أميرة وبلغتها باللي حصل لوالدة أحمد.
أميرة لا حول ولا قوة إلا بالله.. ربنا يرحمها ويغفر لها موضوعك يا داليا معاه مقفل بالثلث حتى والدته اللي كان ناوي يجيبها سبحان الله توفت فجأه.. ربنا يعينه ويصبره على ما ابتلاه.
داليا يا رب.. بجد صعبان علي بالرغم من اللي كان ناوي يعمله.
أميرة سيبك منه بقى.
داليا أنا بالفعل سيباني منه خلاص بس سبحان الله سمعت إنه طلب نقله في مشروع في القاهرة علشان يراعي أخته اللي في الجامعه .. لأن بعت مۏت الأم معدش ليهم حد خلاص.
أميرة ربنا يعينهم يا رب.
داليا اسيبك الوقتي يا أميرة لحسن عندي شغل كتير.
أميرة أوك يا داليا.. لو حصل جديد عرفيني.
داليا إن شاء الله.. سلام
أميرة سلام
وصل المهندسين العزاء كان أحمد متأثر للغاية والكل كان زعلان علشانه وعلشان والدته وخلصوا واجب العزاء والكل راح يسلم عليه قبل ما يمشوا مسك أحمد أيد خالد قبل ما يمشي وحب يصفي ضميره أدامه لأنه مش ضامن يشوفه أمتى تاني وحرام يشوه سمعه البنت قال له خالد على فكرة أنت كنت صح وعلى حق.. داليا بنت كويسه جدا ومش بتاعه الكلام ده خالص.. واللي قاله خطيبها عنها مجرد حقد وغيرة منه إنها سابته ومعرفش يرجعها.. حبيت بس أوضح لك الموضوع لتفتكر إن كلامه عنها صح.. من غير ما توضح يا أحمد من أول ما حكيت لي الكلام وأنا متأكد إن البنت دي فعلا لا يكمن تعمل كده.
أحمد أنا حبيت بس أوضح لك.
خالد ربنا يوفقك معاها ويتمم لكم على خير إن شاء الله بعد ما ظروفك تعدي.
أحمد اتلجم معرفش يرد على خالد ويقول له ايه إنه في الأول مصدقوش وإنه حاول معاها وهي صدته علشان كده بيأكد له إنها كويسه.. ولا يقوله إنه خلاص خسرها للأبد.. أفضل إنه يسكت.
حس خالد بضيق أحمد صاحبه بس مجاش أبدا في باله إن زعلان إنه خسرها اللي جه في باله إنه مكنش وقته يقول له ربنا يتمم لكم على خير في عزاء والدته ولام نفسه .. بس في نفس الوقت كان متأكدخلاص إن داليا من نصيب أحمد فاستسلم للواقع خلاص وقرر يبعد نفسه خالص عن داليا.
دخل الشتاء دخلة جامدة جدا في شهر 1 بنواته ومطره وبرده القارص وطبعا بما إن مكان المشروع معزول في الصحراء فلكم أن تتخيلوا درجة البرد والسقيع ايه هناك وخطۏرة المشي في الشوارع دي وقت المطرة.. كان المهندسين اتنقلوا خلاص الموقع للسكن في كرفانات للنوم ومش بينزلوا أجازة إلا كل أسبوعين والعمال حسب التساهيل كل كم شهر وفي المناسبات بس فأنقطعت داليا عن إنها تشوف أي حد الصبح أو آخر النهار إلا بالصدفه اللي جاي المكتب يقابل مدير المشروع ومعدش خالد بيظهر خالص من وقت عزاء والدة أحمد ولا حتى بتشوفه في المكتب عند مدير المشروع إلى أن تم افتتاح مطعم للناس اللي شغاله في المشروع واللي بيوفر ليهم 3 وجبات يوميا هي طبعا كان من نصيبها وجبتين فطار وغدا بس كانت بتتعمد إنها تروح في أوقات مش متواجد حد فيها لأنها كانت بتتحرج تقابل حد ونظرا لظروف حبستهم في المكان ده بالاسابيع فكانت پتخاف تروح هناك لأنها البنت الوحيدة في المكان كله بس كانت ارتاحت من موضوع الشنطة اليومية للسندوتشات والمية لأن أخيرا الحاجات دي توافرت في الموقع وفي يوم كان أمطار سيول وعواصف وبرق ورعد اضطرت داليا برده تنزل الشغل مفيش عندهم حاجه اسمها غياب الشغل في المشاريع دي مش بيقف ولو وقف في الموقع الشغل المكتبي مش بيقف خالص وحتلاقي الف حاجه وحاجه محتاجه تعملها والدتها حاولت تقنعها تغيب اليوم ده بس داليا رفضت وبين نفسها قالت حقعد أعمل ايه أفكر وبس خليني ملهية في شغلي وخلاص.
ركبت داليا الباص مع عم عبده واتأخروا شويه لما وصلوا لأن الطريق كان صعب قوي ولما وصلت داليا وصلت بعد كل المهندسين في المكتب لأنهم طبعا كانوا على بعد خطوات من كرفانات النوم قال لها المهندس وحيد افتكرناك مش جاية اليوم.
داليا هو أنا اقدر اسيبكم يوم الدنيا ټغرق كان لازم آجي وأخلص شغلي.
وحيد والله مجتهدة.. الوحيدة اللي عمرت معانا هنا في الموقع .. احنا بجد محظوظين بك.
داليا أنا اللي محظوظة إني اشتغلت معاكم اخدت خبرة عمري ما كنت ححصلها في أي مكان تاني واستأذنت تدخل مكتبها واتجه وحيد ناحية مطعم المشروع وبكده بقت داليا لوحدها في المكاتب...الكل راح المطعم.
في الوقت ده خالد كان قاعد مع المهندس محمد مهندس التخطيط للمشروع بيفطروا في مطعم المشروع واللي كان مكانه مقابل المكتب الفني مباشرة.
خالد الجو الأيام دي بجد تلج وخاصة بالليل الواحد مهما لبس من هدوم فوق بعض برده بردان أنا أول مرة ألبس بناطيل تحت البنطلون الجينز ده بجانب البلوفرات والجواكيت والجوانتيات.. لا بجد كده صعب.
محمد متنساش إننا معزولين هنا في حتة مقطوعة وفي الصحراء كمان وبعيد عن أي عمار إلى جانب الكرفانات دي ألومنيوم.. بتبرد الجو زياده مش بتدفيه عاملة زي الثلاجه وأحنا قاعدين جواها.
خالد هو كان لازم عادل ينقلنا هنا للسكن ما كنا بنروح ونيجي.
محمد بيقلل تكلفة عدد الباصات يا خالد هو أنت مش عارف صاحبك عادل
خالد كده بجد حرام سيبك من البرد ده وقت المطر المية بتدخل الغرفة بتاعتي وپتغرق لي السرير كمان مبعرفش بجد أنام حاسس إني في زنزانه.
محمد نعمل إيه بس يا خالد.. مهما اعترضنا الوضع قائم خلاص وعملوا الكرفانات ومش حيتغير في الوضع أي حاجه.
خالد بجد أنا بقعد أعد أمتى أنزل أجازة زهقت خلاص.
محمد أمال لما يبقى لك زوجه وأولاد زي حالتنا تعمل ايه.. كله بيهون عشانهم ربنا يكرمك وتتجوز عن قريب أوى يفوتك وقت الجواز لأنه لو فاتك صعب يرجع تاني.
خالد والله الواحد لازم يلاقي بنت الحلال اللي تشده من كل اللي هو فيه بجد .. وقتها مش حيتردد خالص إنه يرتبط. ومخبيش عليك كنت لقيتها بس للاسف اتخطفت مني بسرعه.
محمد إن شاء الله ربنا