رواية داليا من 13-16

الحلقة الثالثة عشرة ليه صدقتك
خالد ربنا يعمل لك اللي فيه الخير... بس حابب أسألك سؤال يا أحمد.
أحمد خير
خالد أنت ناوي تختبر داليا إزاي
أحمد يا سيدي متحطش في بالك ده مجرد كلام .. ربنا يعمل اللي فيه الخير وأكون معاها عن قريب بإذن الله.. يلا بينا لحسن اتأخرنا.
خالد يا دوب نلحق آخر موعد
اخدوا شنطهم ونزلوا جري علشان يلحقوا آخر باص وكل واحد منهم دماغه بتفكر في اتجاه أحمد إزاي يقدر يختبر داليا ويتأكد إن كلام حسام غلط لأن بجد الشك مالي قلبه ومش قادر يكمل معاها ولا حتى يكلمها ولا يكون الراجل المغفل اللي وحدة بنت وصغيرة لبسته العمه وضحكت عليه وخلته يتجوزها علشان هو يلبس عملتها.
وخالد اللي كل تفكيره رايح ناحية لا يمكن إن داليا تكون عملت حاجه زي كده أبدا.. أخلاقها وأدبها ميقولش إنها من النوع ده.. وإن أحمد بشكه فيها ده معناه إنه مش بيحبها بجد لأن اللي بيحب إنسان ويفهمه كويس لا يمكن يجيي اليوم اللي يشك في تصرفاته بالمنظر ده وكل اللي همه يا ترى ناوي يختبرها إزاي وخاېف يكون ناوي ېؤذيها بجد.. لأن البنت دي حقيقي متستحقش كل ده.
في بيت داليا كان يوم الاستعداد العالمي للسفر في العيد كانوا مسافرين يوم الجمعه الفجر علشان يلحقوا الوقفه من أولها في البلد عند خالتها كانت داليا أكبر أولاد خالتها وكانت بتحب تروح هناك ويتمشوا بيها على الترعة ويدخلوا جنينة المانجو ويلقطوا المانجو من على الشجر وياكلوا وعشة الطيور وزريبة المواشي وشجر الموالح اللي لسه أخضر .. كل حاجه هناك بتفكرها بالنقاء وحكاوي بالليل أدام شط الترعة عن النداهه واللي كانت وما زالت پتخاف منها وكل كوم والنموس ده كوم اللي دايما يسيب كل اللي قاعدين وميقرصش إلا هي وأد ايه كانت بتبقى مبسوطة وهم قاعدين بالليل في جنينه الفيلا حاطين الفحم المولع وبيشوا درة وياكلوها وهي مولعة.
خلص يوم الوقفة بسرعة وكعادتهم في البلد الكل بعد صلاة العيد بيجي يعيد على بعض ويفطروا والطقوس والتقاليد المعروفة.
كانت المضيفة عندهم مليانه ناس لا أول لهم من آخر وكل الستات في المطبخ شغالين علشان يلاحقوا يضايفوا الضيوف داليا لبست ترينننج رياضة ولمت شعرها ودخلت تساعد معاهم في المطبخ وأخدت صينية الشاي ووقفت بيها على باب غرفة الضيوف وندهت على زوج خالتها ياخد منها الصينية مخدتش بالها خالص وقتها من نظرات شخص قاعد جوة مشلش عينه من عليها طول ما هي واقفة بالصينية.
مشي الضيوف وجه زوج خالتها يبلغهم في المطبخ وهم بيحضروا الدبيحة للغدا خلي بالكم .. عندنا ضيوف على العشا بإذن الله .. فأعملوا حسابهم معانا في الشوي بالليل.
الخالة ضيوف مين تاني بالليل.
زوج الخالة الدكتور ياسر وعيلته .. وبص ناحية داليا وقال الظاهر كده في موضوع حابب يتكلم فيه معايا واللي مش عارفه لسه ومش عارف يبدأ إزاي فجاي هو وعيلته.
الخالة موضوع إيه ده
زوج الخالة وهو باصص ناحية داليا.. الظاهر كده موضوع ارتباط
الخالة ارتباط مين.. بناتك لسه صغيرين على الجواز
زوج الخالة الظاهر عجبتيه يا داليا وانت جايبه صينية الشاي وافتكرك بنت من بناتي وشكله كده جاي يطلب إيدك اليوم.
داليا اټفزعت من الكلام ده وبصت لممامتها.. يطلب إيد مين يا عمي.. أنا مش في بالي الكلام ده خالص الوقتي.
زوج الخالة ليه يا داليا إنت الوقتي مش مرتبطه.. وألف مين يتمناك.. وهو شاب ممتاز.. من عيلة كبيرة .. وعندهم أطيان بالكوم.. وفوق ده وده طبيب بشړي .. وجاهز من مجاميعه .. وصغير في السن.. يعني أنا لو كانوا بناتي في السن الزواج مكنتش أرفض أبدا ولا ايه يا أم داليا.
والدة داليا والله أنا اتفاجئت من الكلام ده ومش عارفة أرد أقول أيه.
داليا المشكلة يا عمي إني عمري ما فكرت إني أتجوز بالطريقة دي خالص.
زوج الخالة ومالها الطريقة دي يا داليا.. عاوزة تعيشي زي الأفلام قصص الحب قبل الزواج.
داليا لا مقصدش.. بس أنا معرفوش ولا أعرف طباعه ولا أعرف أي حاجه في أي حاجه عنه....إزاي اتجوزه بالطريقة دي.. عمري ما كنت مقتنعه بزواج الصالونات ده لازم يكون في سابق معرفة ولو من بعيد زمايل شغل.. جيران.. دراسة أو حتى زي حالة حضرتك مع خالتي كانت أسركم بتصيف في نفس الفندق بأسكندرية ومن هنا حصل التعارف.. بس أدخل جوازة وارتباط عمياني كده .. صعب.. صعب فعلا.
زوج الخالة دي حاجه بسيطة خالص..حنخليكم تقعدوا تتكلموا في وسطنا اليوم.. ولو حصل تآلف بنرتب لكم قعدة تانية.. وسبحان الله كل شئ في الآخر اسمه ونصيب.
الكل رد ونعم بالله.
داليا حسن إنها اتدبست وبصت لمامتها برجاء إنها ترفض.. بس مامتها معلقتش لأنها طبعا متعرفش باقي تفاصيل حكاية أحمد معاها والاتفاقات اللي تمت آخر يوم شغل معاه ومتعرفش إنها هي أجلت معاه موعد زيارة والدته كل اللي شاغل بال داليا إزاي .. كده تعتبر خېانه لأحمد وخداع للدكتور ياسر إزاي تقعد مع واحد غير أحمد وهي موعداه إنها بتفكر جديا في الارتباط بيه وحقيقة الأمر إنها بالفعل بدأت تنجذب له وإزاي تقعد مع واحد يبدأ يتعلق بيها وهي مش بتفكر فيه ولا حتفكر ولا قادرة تصارحه إنها ناوية ترتبط بواحد غيره ..هي ليه كده كل خطواتها فيها كلاكيع وتعاقيد... بصت للسماء فوق ودعت ربنا يا رب دبر لي أمري فإني لا أحسن التدبير واختر لي فإني لا أحسن الاختيار وطبعا في الظروف دي صعب إنها تكلم صحبتها أميرة بأي شكل من الأشكال وقررت مع نفسها تعمل استخارة يوميا لعل ربنا يساعدها في الاختيار الصح لموضوع شريك حياتها.
مر اليوم بسرعة أكتر ما تتوقعه داليا.. وقرب وقت العشا.. والإعدادات شغالة في المطبخ عل قدم وساق
الأم لأختها هو أنتم كده علطول.. طول الوقت مش بتخرجوا من المطبخ .. وضيوف داخلة وضيوف خارجه.. ده إيه ده اللي أنتم فيه.. شوفي أحنا كم ست وبنت وأتهدينا ومش ملاحقين.
الخالة يا ستي ربنا يجعله عامر.. الحاجات دي غالبا بس في المناسبات .. روحي ريحي أنت لو تعبت وأحنا نكمل.
الأم يا ستي مش قصدي.. بس أحنا معندناش كده فمش واخدين خالص على المجاملات دي.
الخالة لو قاعدة في البلد هنا حتاخدي.
الأم عندك حق الواحد بس نسي.
داليا متابعة الحوار من بعيد ومتابعة طبيعة الحياه هنا من خلال الكلام برده.. هي بتحب آه الريف بس كأجازة كم يوم بالكتير.. متعودتش تقعد فيه طول حياتها.. ومش عارفة إذا كانت تقدر تستحمل طبيعة الحياه دي وتكمل فيها ولا لا .. بس هي حست بفرحه.. إنها مسكت في إيدها أول خيط من خيوط رفض الدكتور ده وهي العيشة في الأرياف.
طلبت خالة داليا منها تدخل تجهز بصت لها داليا وقالت طنط إنت محسساني إن الموضوع بجد ليه كده.
الخالة لأن الموضوع بجد فعلا.
داليا بضحك خلاص مش لاعبة.. مش عاوزة أخرج لهم أصلا.
الخالة وتصغري جوز خالتك
داليا لا مقصدش.. بس بجد مش حابة الفكرة دي من أساسها.
الخالة خلاص بعد القعدة