رواية رورو الفصول من 9-14

الاثناء دى اتصل على الامن بتاع الفيلا يقفلو الابواب كويس ويخلو بالهم من الفيلا والولاد
خرج الدكتور بعد مده 
صفاء طمنا يادكتور 
الدكتور بصراحه الحاله حرجه ضلع مكسور وكسر فى مرفق الايد غير الرضوض والكدمات اللى ماليه جسمها المريضه متعرضه للتعزيب بطريقه ۏحشيه جدا وبصراحه انا لازم اعمل بلاغ بالواقعه عشان الشرطه تتعامل مع الحيوان اللى ازاها بالطريقه دى
صفاء اكيد طبعا وانا هشهد فى المحضر انا وجوزى باللى شوفناه
ياسر احم طبعا احنا مستعدين نشهد وكل حاجه بس الافضل تأجل المحضر يادكتور دلوقتى لغاية مالمريضه تفوق وهى اللى تقرر اذا كانت هتعمل بلاغ فاللى عمل فيها كده ولا لا
صفاء بصت لياسر انتا بتقول ايه ياياسر 
ياسر بقول اللى سمعتيه ياصفاء يعنى تخيلى بعد مايتعمل البلاغ ونشهد تيجى هى وتتنازل او تنفى عنه التهمه وخصوصا انها اكيد فى الوضع ده ليها مده ودى اكيد مش اول مره يعنى هى لو كانت حابه كانت هتسيبه او تطلق منه
صفاء ياسر من امته وانتا سلبى كده 
ياسر مش سلبيه ياستى انا بس عارف ان الناس مبتحبش حد يتدخل فى حياتها
صفاء ياياسر الكلام ده  وبعدين مش يمكن المسكينه دى يعنى لو كانت لقيت حد يقف جمبها ويخلصها من البنى آدم ده كانت هتفضل معاه مش يمكن  مكانتش لاقيه طريقه للخلاص من العيشه اللى عايشاها دى وربنا حطنا فى طريقها لسبب
ياسر اتنهد وهز دماغه انا مبقدرش عليكى فى الكلام ابدا عندك اجابه لكل حاجه وحل لكل مشكله انا ساعات كتير دماغى بتوقف قصاد دماغك وللصراحه يعنى اقنعتينى وهدخل معاكى فى المشاكل عن اقتناع مع انى لاانا فاضى ولا انتى فاضيه واتصنع البكا 
والدمج رااااااااح ومحمود هيضرب من تحت الحزااااااام 
صفاء مش مهم المهم انه يدفع تمن عمايله دى وناخد حق المدشدشه دى منه
ياسر بس برضو بكره لما تفوق هنفتح المحضر اوك 
صفاء خلاص اوك ولفت للدكتور عشان يأجل البلاغ لبكره دك..... لكن ملقتهوش 
ياسر دكتور مين اللى هيستنانا ياماما اكيد مشى من زمان انا هروحله واطلب منه يأجل البلاغ لبكره 
صفاء اوك وانا هدخل اطمن على المسكينه دى 
ياسر اتصل على شركة حراسات وطلب منهم اتنين يجو المستشفى عشان يأمنو غرفه المريضه تحسبا لاى مفاجآت
صفاء دخلت لحنين ولقتها لسه مفاقتش كويس  ومدت ايدها تملس على شعرها بحنان لكن حنين فزت منها پخوف وړعب
صفاء بسم الله اهدى اهدى مفيش حاجه محدش هيقدر يعملك حاجه خلاص اششش 
وفضلت تتأمل فى حنين وهى نايمه ومستغربه ازاى حد يقدر يأذى ملاك بالشكل ده حسبى الله ونعم الوكيل دخل ياسر الاوضه بعد ماخبط لقى صفاء قاعده على الكرسى وباصه لحنين ومتاثره جدا وحزينه
ياسر طبطب على كتفها وهى مسكت ايده باستها 
ياسر يلا ياروحى قومى انتى روحى وانا هفضل هنا للصبح وفيه حراسه كمان انا جبتهم على الاوضه انتى تعبتى انهارده 
صفاء لا معلش هفضل معاها وبصت فى ساعتها خلاص مش باقى كتير والنهار يطلع عاوزه اكون جمبها اول ماتفوق واطمن عليها
ياسر اتنهد طيب براحتك 
صفاء اطمنت على الولاد 
ياسر الولاد بخير وكثفت الحراسه على الفيلا متقلقيش 
صفاء قامت من على الكرسى وشدت ياسر من ايده بشويش وراحت على كنبه فى الاوضه وقعدت ياسر وقلعته جزمته وقعدت على الكنبه واخدته على صدرها ياسر ابتسم بحب ونامو هما الاتنين للصبح مصحيوش الا على صوت انين بصت صفاء لقت حنين بتفوق
حنين آه انا معملتش حاجه .... انا معرفش حد ....... انا مش بخرج ...... متضربنيش ......كفايه ارجوك
صفاءقربت منها ومسكت ايدها بشويش حنين ابتدت تفتح عنيها بضعف لقت نفسها فى مكان غريب 
حنين 
انا فين ايه المكان ده ..... انا مت ولا ايه أاااااه 
صفاء انتى بخير ياحبيبتى مټخافيش 
حنين مدام صفاء هو ايه اللى حصل انا جيت هنا ازاى وفين ..... هو فين
صفاء حبيبتى احنا جبناكى امبارح انا وياسر ولو بتسألى على الۏحش  اللى اسمه محمود هو مجاش معانا ومتقلقيش احنا هنفتح محضر دلوقتى ونوديه فى ستين داهيه
حنين لا محضر ايه يقتلنى لو عملت كده ارجوكى بلاش
صفاء انتى بتقولى ايه يقتلك ازاى هى سايبه 
حنين ارجوكى يامدام انا عاوزه ارجع الفيلا
صفاء لو خاېفه على بنتك يأذيها  متقلقيش احنا هنبلغ البوليص دلوقتى يروح يجيبهالك من هناك
حنين لا مش خاېفه على رقيه هو مش بيأذيها دا بيحبها جدا 
صفاء امال ايه بس قلتلك احنا جمبك مټخافيش منه 
حنين يامدام صفاء ارجوكى افهمينى انا لازم ارجع محمود ھيموتنى وبعدين انا متعوده على المعامله دى ارجوكى متخليش المشكله تكبر رجعينى
صفاء غريبه وبصت لياسر اللى رفعلها حاجبه بيفكرها انه قلها انها ممكن تعمل كده  وهى مسمعتش كلامه
صفاء بصى حتى لو انتى عاوزه ترجعى فانا مش هرجعك على الاقل لغايه ماتخفى خالص وتستردى صحتك يعنى تقدرى تعتبرى نفسك مخطوفه وياستى اذا كان على البلاغ خلاص براحتك
صفاء بصتلها بضعف ارجوكى يامدام ابوس ايدك قولها حاجه ياباشا
صفاء بصت لياسر  
ياسر بصى ياحنين طالما صفاء قالت حاجه مش بترجع فيها فأعتبرى نفسك فى اجازه عندنا لغاية ماتخفى وبعدين ابقى ارجعى براحتك
حنين هيقتلنى صدقونى هيقتلنى 
ياسر لا مټخافيش انا اعرف احميكى منه كويس جدا ومش هيقدر يمس شعره منك طول مانتى فى حمايتى
حنين بس 
صفاء مبسش يلا بينا ياسر لو سمحت خلى الدكتور يكتبلها على خروج هتكمل علاجها فى البيت وهاجبلها ممرضه تاخد بالها منها
ياسر اوك اجهزو على ماجى  ونزل خلص الاوراق بتاعت الخروج واخدوها وروحو الفيلا وياسر كان متأكد ان محمود مش بالغباء اللى يخليه يقتحم فيلا ياسر عبد الهادى او حتى يفكر انه ياخد حنين بالعافيه
حنين وصفاء روحو فى عربية اسعاف وياسر مشى وراهم بالعربيه وصلو الفيلا والمسعفين نزلو حنين وصفاء خلتها فى الدور التانى فى غرفه جمب غرفتها هى وياسر واطمنت عليها وبعد كده اخدت دش وغيرت هدومها ولبست هدوم الشغل هى وياسر لكن مرضيوش يودو الولاد الروضه فى اليوم ده ولا محمود كمان ودا رقيه الروضه ولا راح شركته وفضل معاها طول اليوم وكان رايح جاى فى الفيلا بيفكر زى المچنون ازاى يرجع حنين تحت قبضته تانى لانه لازم يعرف مين آسر اللى نطقت اسمه قدامه لكن محمود كان بالزكاء اللى خلاه يتأكد ان هو مش قد ياسر عبد الهادى ولو دخل فى اى  تحدى معاه او اسلوب عڼف هو اللى هيخسر اكيد لانه مش ند لياسر وقرر انه هو هيتعامل مع الموضوع بمنتهى الذكاء والتروى والهدوء
حنين وهى مغمضه عنيها حست بأيد بتلمس خدها فتحت عنيها بفزع 
آسر مالك حنينى اتخضيتى منى ليه مع انك متعوده انى المسک دايما
حنين خفت تكون حد غريب انا متعوده على لمستك ومش بخاف منك هناك فى فيلتنا  عشان عارفه ان محدش بيقدر يدخلها غيرك لكن هنا واتنهدت وبصت قدامها
آسر طلع جمبها على السرير وسند دماغه على ايده وفضل يتاملها ويلعب فى خصلة شعرها اللى نازلة على جبينها 
آسر كان شديد معاكى اوى المرادى استحملتى كتير  
حنين طول منتا جمبى انا بقدر استحمل اى حاجه يا آسر  آسر عيونه دمعت 
حنين صدقنى انا بقيت كويسه ياآسر متقلقش 
آسر هتفضلى هنا كتير 
حنين مش عارفه بيقولو لغايه ماأخف لكن انتا متسيبنيش ياآسر محتجالك جدا
آسر هرب بعنيه بعيد عنها 
حنين فيه ايه ياآسر انتا بتهرب بعنيك منى ليه
آسر حنين سامحينى انا مش هقدر اقعد معاكى هنا طول الوقت زى ماكنت بعمل هناك
حنين بخضه ليه ياآسر انتا عاوز تبعد عنى  انتا كمان عاوز تسيبنى انا مليش غيرك يا آسر عاوز تسيب حنينك لمين
آسر حط ايده على بوقها واتكلم بهمس انتى عارفه انى يستحيل ابعد عنك انا عايش بيكى وليكى انتى بس انا مقدرش اعيش بعيد عنك انا وانتى مينفعش نبعد عن بعض لكن انا ڠصب عنى مقدرش ابعد عن الفيلا طول الوقت بحس انى ضعيف لما بكون بعيد  عنها وبتعب جدا وقوتى پتنهار سامحينى ياحنينى ڠصب عنى
حنين يعنى ايه يعنى انا لو مرجعتش الفيلا مش هتكون معايا 
آسر هكون معاكى وجمبك دايما وقت متكونى فى شده ومحتجانى لكن مش هقدر اكون متواجد طول الوقت معاكى وعنيه لمعت بالدموع يعنى مش هنقدر نهزر ونلعب ونتشاقى مع بعض زى الاول ولا هنقدر نقضى كل وقتنا مع بعض 
حنين بدموع يعنى لازم ارجع الفيلا تانى ارجع لمكان عزابى عشان اقدر اكون معاك 
آسر انا اتولدت هناك وقابلتك هناك وروحى 
مرتبطه بالمكان هناك سامحينى ياقلب قلبى ڠصب عنى حاولت انى اكون جمبك لكن لو بعدت عن الفيلا كتير هختفى ومش هيكونلى وجود فى عالمكم ده
حنين حطت ايدها على خده بحب انا هرجع الفيلا تانى ياآسر هرجع علشانك انا مقدرش اعيش من غيرك
آسر لا ياحنين لو هتقدرى تبعدى عن العزاب ابعدى انا مش عاوز الا سعادتك حتى لو سعادتك فى بعدك عنى
حنين وانا سعادتى مش هتبقى الا فقربى منك انتا سعادتى وفرحت عمرى انتا روحى انتا عشقى يا آسر انتا أسرتنى بحبك وحنيتك عليا انتا الحياه بالنسبالى انا هرجع الفيلا ياآسر و هقدر استحمل عزاب جسمى وانا جمبك لكن لايمكن هقدر استحمل عزاب قلبى فى بعدك انا وانتا قدرنا واحد قدرنا ڼموت فى الفيلا دى وتكون هى معبد حبنا الابدى
آسر قرب عليها وطبع بوسه على جبينها وحط دماغه على دماغها والاتنين غمضو عنيهم واستسلمت حنين للنوم فى حضڼ آسرها