رواية رورو الفصول من 9-14

الحلقه التاسعه ٩
اللهم صلى وسلم وبارك على اشرف الخلق اجمعين
محمود نزل من عربيته وراح ناحية الراجل اللى شافه داخل الروضه 
محمود مش مصدق عنيا ياسر باشا امبراطور السوق بجد رب صدفه
ياسر سلم على محمود بتسأؤل وهو ضامم حواجبه 
محمود اكيد متعرفنيش يعنى لاننا عمرنا متقابلنا لكن حضرتك اشهر من ڼار على علم وصور حضرتك دايما متصدره العناوين حضرتك ومدام صفاء اصغر واشطر بزنس وومن فى الشرق الاوسط ان مكانش فى العالم وحياها بأبتسامه وايمائه من دماغه وهى ردت عليه بأيمائه ايوه هما بعينهم ياسو وصاصا حد لسه فاكرهم واللى ميعرفهمش يقرا رواية تزوجت طفله لريناد 
انا اعرفك بنفسى تلميزك محمود الزيات صاحب شركه قاطعه ياسر
صاحب شركه الزيات المچنون اللى بياخد اكبر الصفقات بأقل تكاليف ويضغط نفسه وفى النهايه يسلم الشغل فى معاده بمنتهى الدقه والروعه وجمال التصاميم واحب اصححلك معلومه انتا منافس مش تلميز ومنافس قوى جدا كمان ههههههه انا كمان سعيد بالصدفه الجميله دى واتمنى يكون فيه شغل بينا فى الايام الجايه
محمود يااااااخبر انا مش مصدق ودانى هو اللى انا بسمعه ده بجد ولا تخيلات
ياسر لا طبعا بجد بصراحه انا كان نفسى اقابلك من زمان وخصوصا ان فيه حد كان يعرفك زمان داوشنى بسيرتك ياسيدى ومتابع اخبارك اول باول ومعجب جدا بشغلك ونجاحك
محمود عقد حواجبه بتسأؤل 
ياسر هعرفك عليه لما تجينى الشركه 
فجأه طلعت رقيه ماسكه ايد بنت وجايه معاها من جوه بعد مالحارس بتاع الروضه ندههم البنت سابت ايد رقيه وجريت على ياسر وهى بتنده بااابى حبيبى
ياسر شالها ولف بيها لسه بيلف من ايام الروايه بتاعته 
وعد قلب وروح بابى 
محمود شال رقيه وباسها بس ملفش مش واخد عاللف ده 
محمود ايه ده هو انتو تعرفو بعض يابنات 
رقيه دى وعد يابابى صحبتى اللى دايما بحكيلك عليها معنديش صحبه غيرها
صفاء وانتى اكيد رقيه دى وعد مجننانى بيكى رقيه رقيه 
ياسر اظن مفيش اكتر من كده علامات يامحمود ولا ايه رأيك 
محمود ده اكيد ياياسر باشا 
ياسر طب فى اقرب وقت بقا نتقابل 
محمود اكيد ياياسر باشا واقرب ماتتصور 
وسلمو على بعض وكل واحد مشى فطريقه
صفاء انتا مشششش ممكن حتى واحنا خارجين نتفسح فيوم سرقناه سرقه من مشاكل الشغل بتتكلم فى الشغل مش قلنا النهارده اوف
ياسر اوف منك تعرفى ياهبله ده مين دا من ساعت مافتح شركته وهو طالع بسرعه الصاروخ وقدر يعمله كارير وبصمه فى السوق وبصراحه كنت عاوز اى فرصه عشان اتعرف عليه والله لو قدرت اقنعه ندمج شركاتنا مع بعض محدش هيشتغل غيرنا احنا والباقيين هيجو يشتغلو عمال عندنا
صفاء بصتله وديقت عنيها 
ياسر هممم ضيقتى عنيكى واديتينى نظرة الكلب خلاص
صفاء ياسر وتش يور لانغوج قدام البنت الله بالزمه انتا سافرت امريكا ولفيت الدنيا انتا
ياسر طب وهو انا قلت ايه غلط فيه ايه الكلب يعنى بتعصبك كلمه كلب طب كلب كلب كلب هوهوهوهوهووووووووووو
وعد هههههههههههههه
صفاء عوض عليا عوض الصابرين يارب 
ياسر وبرضو فيه وحده اشهر بزنس وومن تقول الكلام ده يابنتى ارجعى لاصلك احنا فلاحين ومهما علينا هنفضل فلاحين ولا ايه يابنت سعديه واسماعيل
صفاء ياسر 
ياسر عيونه 
صفاء انتا ارخم بنى آدم على وجه الكره الارضيه وسكتت .... بس برغم كده بموتتت فيك ومسكت دقنه اللى الشعر الابيض فيه اكتر من الاسود وشدت شعره
ياسر آخ ايه ده ياهبله انتى شد الشعر صعب وعشان الحركه دى كل شويه هحلقه
صفاء اډبحك دقنك ده ملكيه خاصه ليا مش من حقك تاخد اى قرار فيه
ياسر والله منا عارف ازاى دقنى وتبقى انتى المتحكمه فيه دا ظلم على فكره وربنا ميرضاش بالظلم
صفاء ده مديلك وقار وهيبه 
ياسر لا مش عاوز هبه عاوز منال عهههههه يالئيمه اطلعى من دول انتى مخليانى سايب دقنى عشان البنات تقول عليا عجوز ومتبصليش بس ده بعينك وحياتك البنات اول ما بتشوفنى بتمووووت عليا
صفاء بصتله وسكتت 
ياسر سكتى ليه انخرصتى باذن الله انشاء الله بعد الشړ يعنى
صفاء يااااااربى اصلا انتا مش بتفهم  فانا اسكت احسن 
ياسر طب متفهمينى فهمينى ياصاصا ياصاصا فهمينى جننته صفاء ياعينى وهى عقلت 
صفاء اششششش خلاص سكوت عشان رعد نام 
ياسر شاور على بقه علامه السكوت وكملو الطريق وهما ساكتين
محمود روح البيت وهو طاير من الفرح ومش مصدق ايه ده ياسر بحاله صاحب شركة الرعد بيطلب منه انهم يكون مابينهم شغل اما لو قبل باللى فى دماغى دى تبقا نقلة العمر انا مش لازم اضيع فرصه زى دى ابدا
فى مكان تانى بالتحديد فى بيت حسن
الكل كان قاعد على السفره بيتغدو واتكلم مصطفى الابن الاكبر بعد حنين
مصطفى ماما هى حنين هترجع امته هى وجوزها دى طولت جدا ليها سنين غايبه مفيش حس ولا خبر انا مش عارف انتو قلبكو مطاوعكو ازاى متشوفوش حل وتسألو عليها مبسوطه ولا تعيسه واصلا عايشه ولا
حسن ساب الاكل من ايده وملامحه اضطربت بحزن ومصطفى كمل 
طب انا بقا من حقى اعرف بقيت خال ولا لسه بصراحه وحشتنى حنين جدا
حسن ساب الاكل وقام دخل اوضته وقد على السرير و حط دماغه بين ايديه واتنهد بحزن لان مصطفى داس على جرحه اللى مش بيلم من يوم ماحنين فارقته
ورجع بالزاكره 
باب البيت بيخبط 
حسن ايوه حاضر وفتح الشراعه اتفاجئ لما لقى محمود باشا فوشه محمود ابتسم وهو بيكلمه ايه مش هتقولى اتفضل ياراجل ياطيب ولا ايه
حسن بصوت مهزوز ومرتبك ياخبر ياباشا اعزرنى معلش المفاجأه اتفضل ياباشا اتفضل بيتك ومطرحك وفتح الباب دخل محمود وشاور لحد وراه واتفاجئ حسن ب ٤ رجاله دخلو محملين حجات كتيره جدا وحطوها فى الصاله بأمر منه
حسن ايه دا كله ياباشا 
محمود دى حاجه بسيطه كده للولاد ولا انتا معتبرنى غريب 
حسن ماغريب الا الشيطان ياباشا بس يعنى مكنلوش لزوم احنا تكفينا زيارتك وتشريفك لينا فى بيتنا المتواضع ده شرف لينا
محمود متقولش كده ياراجل انا معتبرك زى والدى او بلاش والدى اخويا الكبير  وعشان تصدق ان انا معتبركم عيلتى انا جاى النهارده اطلب ايد بنتك حنين
حسن بأستغراب بنتى حنين لمين 
محمود يعنى ايه لمين هو انا مش مالى عينك ولا ايه 
حسن بلع ريقه يعنى حضرتك عاوز تتجوز بنتى حنين
محمود بالظبط كده  وكل اللى تؤمر  بيه انتا او هى وكل اللى بتحلم بيه او متجروئش تحلم بيه هحققهولها
حسن بس ياباشا يعنى 
محمود بس ايه 
حسن يعنى متأخزنيش يعنى فرق السن وكده 
محمود ياراجل فرق السن ده ولا حاجه وبعدين طالما الواحد بصحته يبقى سن ايه اللى ندور عليه وبعدين انتا بتتكلم من نفسك من غير ما تسألها رأيها ايه حتى مش يمكن توافق بس اديها حاجتها اللى جايبهالها وابقى شوف رأيها ايه
حسن انا عارف ان بنتى عيله واكيد هتفرح باى حاجه تزغلل عينها لكن انا مش صغير عشان اخلى مصير عيله صغيره تتحكم فيه شوية هدايا 
آسف يامحمود بيه انا معنديش بنات للجواز انا بنتى هعلمها واخليها احسن وحده فى الدنيا
محمود بنتك مش هتبقى احسن وحده فى الدنيا غير معاية 
حسن بيتهيألك ياباشا الفلوس مش كل حاجه 
محمود كنت متوقع انك تطلع غبى عشان كده عملت حسابى انتا عارف طبعا ان فيه سرقه حصلت فى الشركه ولغاية دلوقتى ملقوش السارق والقضيه مفتوحه لسه خد اتفرج على السى دى ده وعلى فكره انتا اللى اضطريتنى اعمل كده  واتوجه على الباب
محمود هديك مهله ٣ ايام وبعدها تختار تحط ايدك فى ايدى وتجوزنى بنتك او تحط ايدك فى الكلبشات ومبروك عليك السچن
حسن وهو مش فاهم حاجه انتا بتهددنى طب اعلى ما فخيلك اركبه هتقدر تعملى ايه يعنى
محمود اعلى مافخيلى فى السى دى اللى معاك ده وعقلك فراسك تعرف خلاصك سلام يا.... ابو نسب
خرج محمود وساب حسن فى حيره ريحانه سمعت صوت الباب اتقفل وخرجت لحسن
ريحانه مين اللى كان هنا ياحسن وايه كل الحجات دى مين اللى جابها
حسن دا محمود الزيات مدير الشركه اللى انا بشتغل فيها
ريحانه ياخبر ومندهتش عليا ليه اسلم عليه ومشى من غير ماياخد واجبه يادى الكسوف ملكش حق ياحسن سبته يمشى ليه وليه جايب دا كله
حسن ملحقتش  
ريحانه وهى بتقلب فى الاكياس بس ايه ده كله مشاء الله دا جايب شيئ وشويات بس يعنى اول مره يعملها ياترى ليه
حسن بيرشينى 
ريحانه يرشيك ازاى يعنى 
حسن عاوز يتجوز حنين وبيزغلل عنينا بالحجات دى
ريحانه رمت الكيس من ايدها نعم حنين مين اللى يتجوزها دا اد ابوها روح ياراجل رجعله الحجات دى وقله احنا مابنبيعش بناتنا بالفلوس 
حسن منا قلتله كده 
ريحانه ومدتهوش حاجته ليه وهو ماشى 
حسن مدلها السى دى قلى اتفرج على ده وبعدين نتكلم وقلى الرد بعد ٣ ايام
ريحانه فيه ايه البتاع ده يعنى 
حسن علمى علمك هخلى حنين تشغلهولى على الكومبيوتر ونشوفو
حسن حنين ياحنين 
حنين ايوه يابابا واول مدخلت شهقت ايه الحجات دى كلها احنا ورثنا ولا ايه
ريحانه لا ياحبيبتى دى مش حاجتنا دى امانه عندنا وهنرجعها لصاحبها تانى 
حنين امممم منا بقول برضو بس انا ينفع اتفرج 
ريحانه لا 
حنين طيب متزوئيش 
حسن تعالى ياحنين هو انا اشغل البتاع ده ازاى على الكمبيوتر
حنين سى دى ايه ده 
حسن ملكيش دعوه انتى شغليه واتفضلى خشى جوه 
حنين بصوت واطى شكلك انحرفت على كبر يابو على وحتى ريحانه الغلبانه هتجرجر رجليها للرزيله معاك ههههههه
حسن بتقولى حاجه ياحنين 
لا ابدا ياحبيبى اهو كده تدوس على العلامه اللى فى النص دى وهو يشتغل اشغل
حسن لا خشى جوه انتى 
حنين بصوت واطى اممم منا قلت برضو 
حسن ادخلى ياحنين بلاش برطمه
حسن داس على العلامه والفيديو اشتغل وحسن شاف نفسه وهو بيجيب الفلوس لمحمود ومكنش فاهم حاجه لكن مره وحده صړخ يبن الكلب يبن الكلب ياواطى حسبى الله ونعم الوكيل فيك
ريحانه بشك هو فيه ايه  ياحسن وايه الفلوس اللى بتاخدها من الخزنه دى
حسن دى فلوس بعتنى سعادته عشان اجيبهمله من الخزنه بحجه انه نسيهم وصورنى وتانى يوم بلغ البوليص عن سرقه الفلوس وبيهددنى اجوزه حنين او يسجنى
ريحانه طب وبعدين هنعمل ايه ياحسن فى المصېبه دى 
حسن يعمل اللى يعمله لكن حنين مش هيطول شعره منها طول منا عايش وقفل الكمبيوتر وطلع السى دى كسره
حسن طول الليل مجالهوش نوم وريحانه رايحه جايه فى الاوضه بتفكر
حسن متفكريش كتير ياريحانه الموضوع مش محتاج تفكير انا خلاص اخدت قرارى وبكره هبلغه برفضى ويعمل اللى يعمله
ريحانه وټتسجن ياحسن 
حسن السچن اهون عندى من انى ابيع بنتى ياريحانه
ريحانه طب انتا دلوقتى بتفكر فى حنين بس لكن مفكرتش فى باقى ولادك لما انتا ټتسجن هيعملو ايه وايه هيكون مصيرهم وحتى ريحانه اللى خاېف عليها دى هتضيع وهتاكلها كلاب