رواية رورو الفصول من 9-14

قاعد بالبدله بتاعته على الكنبه وبيهز فى رجله بعصبيه نزلت حنين شافته وبلعت ريقها پخوف ونزلت وقفت قدامه ماسكه ايديها وبتفرك فيهم محمود بصلها نظره طويله واخيرا نطق بعد مادمها نشف اعمليلى شاى 
جريت حنين عملت الشاى ورجعتله بيه محمود اخد شفطه منه وبص لحنين لقاها سرحانه ومبتسمه
محمود شايف انك انبسطتى النهارده حنين 
فزت وجاوبت بسرعه لا ابدا عادى
محمود لا انبسطتى وباين عليكى اتكيفتى ببصه الرجاله عليكى وعنيهم اللى كانت بتاكل جسمك جسمك القذر ده ورماها بكباية الشاى سخنه على صدرها خلالها تتنطط من الالم ودموعها نزلت ونزع الحزام بتاعه ونزل عليها ضړب فى اللحظه دى آسر ظهر ووقف قدامه وابتدا يتلقى كل الضړب من محمود على جسمه وهنا حنين مدت ايدها لآسر بضعف وابتسامه وشوق قبل ما يغمى عليها 
وتغيب عن عالمنا وتروح مع آسر للعالم بتاعه عالم مفيهوش محمود وجيروته وظلمه عالم بتستمتع فيه بأجمل لحظات عمرها عالم 
آسر اللى نطقت بأسمه قبل ماتهرب من العزاب وحروف اسمه اللى نطقتها كانت كفيله بأنها  تتسبب فى  محرقه فى قلب محمود وفتح عنيه على آخرهم
آسر آسر مين وعنيه ابتدت تطق شرار وقعد مستنى حنين تفوق عشان يبدأ معاها رحله جديده
ياترى ايه اللى فى انتظار حنين من محمود لما تفوق احداث كتيره مشوقه فى انتظاركم
الجزء الثالث عشر ١٣ 
فى فيلا ياسر بعد ماالحفله خلصت وصفاء بتلم فى الحاجه وجابت اتنين بنات يساعدوها ياسر راح على المرجيحه اللى فى الجنينه الاماميه للفيلا وقعد عليها وهو بيفكر جات صفاء قعدت جمبه مش هسألك طبعا عملت ايه عشان واضح انه الحمد لله متوفقتوش 
ياسر رفع حاجبه وليه شايفك مرتاحه لعدم الاتفاق 
صفاء عشان اللى خاېفه منه طلع صح ومحمود ده طلع حيوان مش بنى آدم تصور اكتشفت انه فعلا حابس مراته وبيضربها تصور وحده بالرقه دى والجمال ده تتعامل المعامله دى وهى فى السن ده لكن الحق مش. عليها الحق على اهلها اللى وافقو انهم يدوها لواحد اكبر منها فى السن دا تقريبا اد باباها فين التكافؤ
ياسر رفع حاجبه لاحظى ان كلامك جارح وبعدين انتى آخر وحده تتكلم عن السن والتكافؤ ولا اييييه 
صفاء يبنى احنا كسرنا القاعده دى انا وانتا حالة شاذه مش هتتكرر على مر العصور حبى ليك اسطورى انتا برضو برقتك وحنانك وخۏفك عليا تشبه نفسك بالاشكال دى دنا بتحامى فيك من العالم كله وحضنك ده وشاورت على صدره هو بيتى وامانى من وانا صغيره اتربيت فيه وكبرت فيه وزى ماكنت اول واحد افتح عنيه عليه هتكون آخر واحد اغمض عنيه عليه  وآخر انفاسى هتكون على صدرك برضو  ياسر حط ايده على بقها وهو بيشاورلها بصباعه على بقه هششششش اوعى تجيبى سيرة المۏت على لسانك تانى احنا يادوب بدأنا نعيش واخدها فحضنه مع انهم ليهم ٥ سنين مع بعض 
ياسر بس حصلت حاجه غريبه برضو النهارده تصورى اياد ومحمود طلعو يعرفو بعض ومش اى معرفه دول محدش فيهم طايق التانى اول ماشافو بعض كل واحد كانه قرصه تعبان مع ان اللى يشوف لهفة اياد على اخباره يقول انه حبيبه
صفاء مش كل تقصى على اخبار الناس حب احيانا بيبقى تطفل وغل دنتا ابن سوق وعارف 
ياسر لا لا  اياد  مش من النوع ده دا بقاله مده معايا مشفتش منه الا كل خير
صفاء اتعلم متحكمش على الناس من بره ثم ان أياد وساره دول بحسهم غامضين شويه ومتحفظين فى تعاملهم مع كل الناس ودى حاجه مش لطيفه 
ياسر تقصدى ايه وتفتكرى ايه اللى يكون حصل مابينهم وصلهم للحاله دى 
صفاء مش عارفه بس  حاسه ان محمود ده صندوق الغاز كبير  واثناء مهما بيتكلمو دخلت عليهم شغاله
ست هانم لقيت التليفون ده واقع فى الجنينه واحنا بننضف 
ياسر ورينى كده واخد التليفون وفتحه وشاف عليه صورة رقيه وعرف فورا ان ده تليفون محمود وقع منه وهو خارج متنرفز
ياسر ده تليفون اخينا ولفهولها عشان تشوف الصوره 
صفاء عنيها لمعت وقامت من على صدره 
ياسر متتجننيش ياصفاء انا ماصدقت انك عقلتى وبقول الحمد لله 
صفاء لا متفهمنيش صح ارجوك لكن مش اللى فبالك المرادى مش هنحاول نفتحه اكيد يعنى مفهوش كل اسراره لكن عندى فضول اروح بيت الراجل ده واشوفه من جوه
ياسر انتى مش هتبطلى   جنانك ده  على فكره 
صفاء  طب بزمتك هو فيه احلى من الجنان قوم يايسو قوم 
ياسر طيب يامجنونه هو احنا نعرف طريق الفيلا منين 
صفاء بسيطه اجبلك عنوانه فورا وكل المعلومات عنه من على النت كمان
ياسر لا بتبالغى اكيد مش هيكون عنوانه على النت يعنى 
صفاء ياياسو كل حاجه على النت حتى شوف اااااهو وورتله العنوان وكل المعلومات تحت صورة محمود الزيات
ياسر بص لصفاء اللى ديقتله عنيها وبتخبط فى الارض زى الاطفال اتنهد لانه عارف صاصا لما تصمم على حاجه 
ياسر يجو يشوفو اشهر بزنس وومن وهى بتتصرف زى الاطفال  انتى على فكره معشتيش مراهقتك عشان كده هتفضلى مراهقه لغاية لما تموتى
صفاء اوووووف بكره شغل الدكاتره النفسيين ده متمارسهوش عليا
ياسر امال امارسه على مين هاه قوليلى لما دكتور نفسى يشتغل مقاول يبقى انتظرى منه اى حاجه فى اى وقت 
صفاء ياعم بلا طب نفسى طيب هات واحد كده وقله اعالجك ولا اوفرلك شقه تتجوز فيها هتلاقى كل مشاكله النفسيه اتحلت لوحدها احنا مش بنعالج الاثار  اللى نتجت بسبب المشكله احنا بنعالج المشكله اللى بتأدى للمرض النفسى
ياسر رفع حواجبه وفضل باصص قدامه 
صفاء بصوت عالى وكاااااااالعاده سيادة الدكتور العالمى مش قادر يرد على الغلبانه المحليه فلتحيا مصر
ياسر بصلها وضحك ضحكه خفيفه وبص للطريق قدامه
بعد مده وصلو منطقه اشبه ماتكون مهجوره كلها فلل وكل فيلا بعيده عن اختها بمسافه
صفاء ياساتر ايه المنطقه دى انا خۏفت والله واثناء ماهما ماشيين شافو من بعيد فيلا سورها عالى وفوق السور فيه قوائم حديد محاوط بسلك شائك 
صفاء اكيد دى فيلته اصل مين معتوه يعمل كده غيره وصلو لباب الفيلا وصفاء اڼصدمت هى وياسر من كميه جيف الطيور المتعلقه على السلك 
صفاء طيب ينضفه الحيوان عشان حتى البنت الصغيره ازاى تشوف المناظر دى 
ياسر والله انتى شكلك مهتجيبيها البر الا لما يقتلنا ويدفنا هنا ولا حد هيعرفلنا طريق جرة
صفاء هو مين ده هو يستجرى وبعدين انا عامله حسابى وزاحت فستانها على جمب ليظهر مسډس فى رجلها 
ياسر متجوز كاوبوى انا عاملالى نفسك ظابطه ورايحه تقبضى على عصابه طب الهى يضرب فى رجلك دلوقتى يقسمها نصين دنا بخاف امسكه شايله مسډس يابت سعديه الله يرحمك يااسماعيل مشفتش اليوم ده
صفاء يبنى مالك انا اخدت دروس رمايه واتدربت عليه كويس 
ياسر بيمثل البكا امتا ياجاحده بتلاقى وقت منين يامفتريه 
صفاء انا بنظم وقتى مش زيك الدقيقه عندى لازم تعدى فحاجه مفيده كنت بروح فى استراحة الغدا باتدرب فى نادى الرمايه ساعه كل يوم عشان بس تطمن مراتك سوبر هيرو
ياسر اه منا عارف وادينى بكتشف لسه كل يوم حاجه جديده ..... بس سيبك انتى شكلك مثير جدا بالمسډس ده متيجى فى الحته المقطوعه دى
صفاء بقولك ايه شغل امريكا وجيسى ده مبحبهوش 
ياسر يقطع جيسى وسنين جسى واليوم اللى شفت فيه جسى غورى والله معاوز من وش امك حاجه 
صفاء لسه هتتكلم سمعو صوت صرخه  جاى من جوه الفيلا
صفاء لياسر ايه ده 
ياسر مش عارف حد صوت صويته وحده وسكت تلاقيهم مشغلين التليفزيون ولا حاجه عشان مفيش نفس تانى
فى الاثناء دى جوا الفيلا حنين ابتدت تفوق لقت محمود قاعد على الكرسى فوق دماغها قامت مخضوضه ورجعت لورا بضعف
محمود على فين ياحلوه على فين ياست البنات تعالى هنا تعالى قوليلى بقا يطلع مين سى آسر ده وبصى هتكدبى فكلمه مش هرحم امك
حنين فتحت عنيها على آخرهم وبلعت ريقها پخوف ممم مممم مممم مين آسر ده 
محمود بضړبة حزام على دماغها أنا اللى بسألك ياوس...... يبقا مترديش سؤال بسؤال حنين مسكت دماغها من الالم والخۏف معرفش معرفش حد بالاسم ده معرفش وهعرفه منين يعنى انا بقالى سنين محپوسه هنا مش بشوف حد ولا حد بيشوفنى ولا بقيت بعد الشهور ولا بعرف الايام الا لما تقولى انتا النهارده ايه يبقى هعرف حد منين
محمود الستات بتعمل اى حاجه فأى وقت 
حنين طب ازاى ازاى ارحمنى يامحمود حرام عليك
محمود بعلو صوته وانتو مش بترحمونى ليه لييييه وانا مش حرام عليكم وفضل يضررب فيها وفى الاخر شدها من ايديها واخدها ناحية البدروم ورماها وزقها على السلم  حنين سرخت صرخه قويه وبعدين فقدت الوعى ومحمود قفل باب البدروم وقفله بالقفل  محمود قعد على الكنبه وۏلع سچاره وفضل يشرب فيها بضيق  وفجأه سمع الجرس بتاع البوابه بره واللى كان متوصل على الفيلا محمود فتح جهاز واتكلم فيه
ايوه مين 
انا من طرف ياسر بيه بعت معايا تليفون حضرتك وقع فى الفيلا محمود دور على التليفون وفعلا ملقهوش وراح على البوابه وفتحها واټصدم وبلع ريقه بصعوبه لما لقى ياسر باشا ومدام صفاء واقفين على البوابه
صفاء ياسر قلق عليك لما تعبت عندنا ولما لقى التليفون بتاعك اصر يجى يجيبهولك ويطمن بنفسه على صحتك وبالمره نكمل سهرتنا هنا لانى ملحقتش اقعد مع مدام حنين
محمود فجأه عرق ومبقاش عارف يتكلم ويتلعثم فى الكلام  و مبقاش عارف يقول حاجه 
ياسر خلاص ياصفاء الظاهر جينا فى وقت غير مناسب 
محمود بأرتباك لا لا ابدا ابدا حححضرتك تشرف فأى وقت طبعا اتفضلو
ياسر مسك فى صفاء عشان تتراجع فى آخر لحظه عن دخول الفيلا لكن صفاء حطت ايدها على رجلها اللى فيها المسډس بتطمنه ودخلت الفيلا واردفت لا دا هو اكيد فرحان بزيارتنا طبعا
محمود اه اه اكيد طبعا يامدام صفاء اتفضلو اقعدو فى الجنينه هنده حنين
صفاء لا انا هدخل جوه لحنين اقعد معاها وكمان عاوزه اشوف نظام الفيلا من جوه ودخلت ومحمود بيمشى وراها بخطوات سريعه دخلت الفيلا دخل وراها
صفاء امال فين حنين 
محمود منا كنت هقولكم انى وديتها هى ورقيه  فى  بيت بباها عشان رقيه جدتها طلبت تشوفها
صفاء امال ليه بره قلت هنده حنين 
محمود اه اسف نسيت انها مش موجوده معلش من فرحتى بزيارتكم اتلخبطت
ياسر محصلش حاجه واسفين لو سببنالك ازعاج يامحمود باشا 
محمود لا ازاى بتقول كده دا انا سعيد جدا بتشريفكم ليا واتوجه بياسر للجنينه وصفاء لفت عشان تمشى معاهم لكن شافت اثار ډم فى الارض فى خط مستقيم
صفاء طلعت المسډس اوقف عندك محمود لف واتفاجأمن المسډس اللى ماسكاه  قولى حنين فين دلوقتى 
ياسر صفاء بتعملى ايه 
صفاء اتصل بالبوليص ياياسر بسرعه وانتا تعالا قدامى