رواية رورو الفصول من 9-14

تحفه والميكب الهادى الجميل ده عملاه لوحدك ولا فى مركز تجميل
حنين لا محمود جاب بنت عملتهولى جوا الفيلا 
صفاء كانت قاصده انها تسالها عن اسئله عاديه وحجات الستات كلها بتعملها لكن حنين كل مره بترد ان محمود هو اللى بيعمل وهو اللى بيجيب وهو اللى بيودى واكتشفت انها ملهاش دور فى حياتها ومحمود جوزها هو المسئول عن كل حاجه
صفاء طيب انتو بتروحو نادى ايه عشان لو مشتركين فى نفس النادى نتقابل هناك 
حنين لا انا مبرحش نوادى 
صفاء امال لما بتخرجو رقيه بتودوها فين 
حنين معرفش بباها هو اللى بيخرجها
هنا صفاء اتأكدت ان حنين فعلا محپوسه من قبل جوزها وكان فاضل بس حاجه وحده تتأكد بيها من آدميه الشخص ده من عدمها 
واثارت موضوع عڼف الازواج واتكلمو فيه بأستفاضه وهما بيتكلمو عن الرجاله اللى بتعمل كده لاحظت نظرات حنين المكسوره وتأثرها من الموضوع من غير ماتتكلم او تشارك فى الحديث وهنا اتأكدت انه جوز حنين انسان متوحش وقررت انها تخلى ياسر يبعد عنه ويلغى الشړاكه مع بنى آدم بالمواصفات دى
فى الجانب الآخر اثناء انشغال محمود وياسر فى الكلام محمود كان مدى ضهره لمدخل الجنينه وشاف ياسر بيشاور لواحد وبيقله 
اهو جه الشخص اللى متابع كل اخبارك فى شركتى ومهتم بيك ووجودك هنا النهارده مفاجأه كبيره ليه
اتجمد محمود اول ماسمع صوت من وراه بيقول اعزرنى اتأخرت اعمل ايه فأللى مضيعه كل مواعيدى دى الصوت مكنش غريب عن محمود بالمرة ولف وفتح عنيه على آخرهم لما شاف الشخص ده 
الجزء الثانى عشر ١٢ 
اللهم صلى وسلم وبارك على اشرف الخلق اجمعين
محمود اټصدم من الصوت اللى كان وراه والټفت بالراحه وفتح عنيه على آخرهم اول ماشاف الشخص اللى واقف وراه وهمس أياد
اياد ديق حواجبه وهمس محمود ونزل عنيه للارض 
ياسر ايه ده دنتو طلعتو تعرفو بعض وانا اقول اهتمام اياد الزايد ومتابعته لأخبارك مش طبيعيه
محمود طول عمر اياد مهتم بيا وبأخبارى وبحياتى وكل حاجه فيها حتى اكتر منى انا شخصيا
أياد فهم محمود بيلمح لايه واتنهد بحسره ولف عشان يرجع بعد ماشاف محمود على نفس حالته من ساعة ماسابه متغيرش ولا رجع لطبيعته 
أياد استأذن من ياسر انه افتكر مشوار مهم ولازم يروحه
ياسر استغرب جدا من هروب أياد المفاجئ واتأكد ان فيه سر ورا أياد ومحمود ولازم يعرفه
اما محمود فبمجرد ماشاف اياد ضړب دماغه  اعصار من الزكريات خلت جبينه اتملى بحبيبات العرق وقعد على الطربيزه وفتح الكرفات بتاعته بأهمال 
ياسر محمود مالك انتا تعبان 
محمود بصله وهو بياخد فى نفسه بالعافيه 
لا ابدا شويه كده وهفك انا واخد على الحاله دى بتجينى كتير متقلقش
ياسر طيب ارتاح هجيبلك كباية ميه وساب محمود اللى ركز نظره فى نقطه ثابته وابتدا شريط الزكريات يمر من قدام عنيه
فلااااش باك  

بعد ايام من مۏت هند محمود دخل فى حالة اكتئاب شديده وحزن وقفل على نفسه الاوضه ورفض اى اتصال مع اى حد او اى اتصال بالعالم الخارجى ورفض الاكل والشرب وكل حاجه وكانه رافض الحياة وقرر ان هو يسيبها بنفس الطريقه اللى سابتها بيها هند مراته وحب حياته
أياد وساره يئسو من محاولاتهم انهم يرجعوه تانى لطبيعته لكن كان فاضل آخر امل قدامهم وهو أسامه أياد قرر ان هو يسيب اسامه هو وساره ويرجعو بيتهم ومحمود ڠصب عنه هياخد باله منه وأسامه هو اللى هيرجعه للحياه من تانى
وفعلا ده حصل وسابو اسامه ورجعو بيتهم تحت نظرات محمود المستنجده بيهم لكن هما تجاهلوه ومشيو بس خطتهم نجحت وفعلا أسامه ابتدا يخرج محمود من عزلته شويه شويه ابتدا بأنه يشوف طلبات أسامه من اكل ولبس ووحده وحده ابتدا يرجع تانى للحياه ويتماسك عشان خاطر اسامه اللى اتيتم من الام واتحرم من حنانها فى سن صغيره وأخد عهد على نفسه انه يبقاله الام والاب ويعوضه عن غياب مامته
محمود دخل اوضته هو وهند اللى كان بيدخلها وينام فيها كل مايحس بالحنين لهند ويفضل يشم فى هدومها ويتأمل فى صورها ويسمح لدموعه بالنزول بحريه فى محراب حبه وبعد فتره يطلع منها وهو مڼهار وينام مع اسامه فأوضته لكن المرادى لقى الاوضه تربت جدا وقرر ان هو ينضفها وبنفسه كالعاده لانه مكانش راضى بأى وحده تدخل تنضف او تشتغل زى ماكانت هند مابتحبش حد يدخل بيتها واثناء ماهو بينضف لقى تليفون هند مرمى تحت السرير فتحه لكن شحنه كان خلصان باسه وحضنه عشان آخر ايد لمسته كانت ايد هند
حط التليفون على الشاحن وابتدا ينضف الاوضه وبعد ماخلص اخد التليفون وخرج 
من الاوضه واول مافتحه لقى كميه رسايل من رغم غريب ابتدا يقراهم وكانت صدمة عمره كانت الرسايل رسايل ټهديد من هاشم 
وانها لو منفذتش طلبه هيقول لجوزها ان الولد مش ابنه وهيفضحها
هنا محمود حس بدوار رهيب وقام وقف ومره وحده وقع فى الارض مغمى عليه
أياد شاور لساره واخدو ابنهم وروحو وسط استغراب صفاء اللى ملحقتش تسلم على ساره حتى كويس
اياد ماشى بسرعه وساره مش قادره تجارى سرعته بالكعب او الفستان 
ساره اياد استنى اياد فهمنى فيه ايه اياد اياد 
لكن اياد مكنش  راضى يرد وكانه مش سامع صوتها 
اياد وصل العربيه وركب وقفل الباب وراه بمنتهى العڼف 
ساره دخلت العربيه وهى بتنهج وطلعت البنت فى الكرسى الورانى ممكن بقى تقولى حصل ايه وليه مشينا قبل مانوصل دا ميجيش من ال٣ ساعات اللى اخدتهم فى لبسى ومكياجى لكن أياد مردش برضو عليها وطلع بالعربيه على اقصى سرعه واخد الطريق فى وقت قياسى ورجع الفيلا فتح ودخل رمى المفاتيح على الطربيزه وقعد على الكنبه رجع راسه لورا وحط دماغه على عنيه
ساره أياد  انتا تعبان
أياد هه لا ابدا لو  سمحتى خمسه بس وهبقى كويس
ساره اتنهدت واخدت الولد  وطلعت فوق عشان تغير هدومها 
أياد رجع بالزاكره لورا بعد مۏت هند بفتره
فلااااش باك 
اياد داخل الفيلا آخر النهار كالعاده عشان يطمن محمود على الشغل وينقله اخبار الشركه  اللى بقت كلها  على كتافه لوحده طول الفتره اللى فاتت دى اول مادخل من الباب بحكم انه معاه نسخة مفتاح كان مخليه معاه محمود سمع صوت اسامه بيبكى وصوته كان رابط من كتر العياط وبالعافيه طالع جرى اياد عليه بيفتح باب الاوضه لقاه ورا الباب فتح الباب بالراحه وشاله ودور بعنيه واټصدم لما لقى محمود واقع فى الارض اتصل على الاسعاف واتصل على ساره تيجى تاخد اسامه بسرعه وحكالها على اللى حصل
وصلو المستشفى وابتدا الدكتور يكشف عليه وبعد الكشف خرج لأياد
اياد جرى على الدكتور طمنى يادكتور
الدكتور انتا تقرب ايه للمريض 
أياد صديقه وزى الاخوات 
الدكتور مفيش حد من عيلته 
أياد لا يادكتور ملوش حد خالص طمنى يادكتور هو فيه ايه
الدكتور بص انا مش هخبى عليك المړيض عنده جلطه دى ممكن ندوبها بالعلاجات لكن هو حاليا فى غيبوبه ومش عارف هيقوم منها امته احنا دلوقتى هنعالج الجلطه بأسرع وقت وبأذن  الله ميطولش فى الغيبوبه
أياد زعل جدا على صاحب عمره وحس بذمب هيقتله لانه ساب صاحبه فى اكتر وقت هو محتاجله فيه
بعد مالدكتور طمنه انهم قدرو يسيطرو على الجلطه وانها كانت خفيفه وهتسيب اثر بسيط فى النطق يروح مع العلاج أياد اتصل بساره اللى كانت قاعده قلقانه جدا وطمنها وقلها انه هيروح يجيبلها غيرات اسامه من الفيلا ويجيب كام غيار لمحمود
راح اياد فيلا محمود ودخل الاوضه اخد الحاجه وهو وطالع شاف تليفون مرمى على الارض مسكه ولحسن الحظ كان محمود لاغى كلمه المرور فتحه أياد واټصدم من 
اللى قراه وحس بقشعريره فى كل جسمه وارتعشت جميع اوصاله ومسك الشنطه واخد التليفون وبخطوات متعثره وصل البيت عنده
ساره اول ماشافته وشه مخطۏف وملامحه متتفسرش جريت عليه وحضنته ايه ياأياد طمنى
أياد محمود مش هيقوم منها ياساره انا عارف
ساره يا ساتر ليه يا أياد بتقول كده انتا مش قلت سيطرو على الجلطه وهو فى غيبوبه وحالته مستقره
محمود فتح التليفون على الرسايل واداهولها وهى قرت وحطت ايدها على بقها وشهقت پصدمه وقالت بعدم تصديق لا هند لايمكن تعمل كده لايمكن تخون محمود دا محمود ده كان روح هند كانت بتتنفس حبه
أياد متبقيش واثقه اوى كده طب تفسرى بأيه حالتها فى الفتره الاخيره تفسرى بايه تهربها منك تفسرى بأيه لما قولتيلى مبقتش طايقه تبص فى وش ابنها وبتصد منه كل ده ايه هاه ايه الله يكون فى عونك يامحمود انا بصراحه مش قادر اتخيل الحاجه دى مجرد تخيل فما بالك هو ياحبيبى ياصاحبى وابتدت دموعه تنزل
محمود استمر فى الغيبوبه ٦ شهور فى الوقت ده أياد اخد مسئولية الشركه كلها وابتدا يديرها بحكم التوكيل اللى كان عاملهوله محمود اثناء فترة تعبه والشغل مشى كويس ايوه طبعا مش زى ايام محمود لكن اهو برضو انقذها من الافلاس والضياع وحافظ عليها لصاحبة لغايه مايقوم بالسلامه لكن فى الفتره دى حصلت حاجه صعبه جدا خلت أياد مش عارف يواجه محمود بيها ازاى بعد مايفوق وازاى هيبصله بعدها بعد ماضيع امانة محمود اللى كانت معاه اسامه ابن محمود تعب جدا ولفت بيه ساره واياد كتير وغيروله ډم بعد ماعرفو مرضه لكن ربنا ماأشأش انه يعيش وتوفى أسامه 
ايوه هو مكنش ابن محمود لكن هو لسه ميعرفش رد فعل محمود بالنسبه لاسامه هيكون ايه دا مهما كان اتولد على ايده وهو اللى مربيه اذا كان اياد فى فتره بسيطه مع الولد اتعلق بيه جدا وحس زى مايكون ابنه 
وزعل جدا وحس بفراغ لما اتوفى وساره حزنت عليه جدا أياد كان حامل هم خبر زى ده هيكون تأثيره ايه على محمود لما يصحى وخصوصا انه ابتدا يتحسن وابتدت اعضائه الحيويه ترجع لحالتها الطبيعيه وفيه امل كبير انه يصحى من الغيبوبه قريب
رجع اياد للواقع على لمسه من ايد ساره وبص لقاها جابتله كبايه عصير لمون وبصاله بحنيه وطبطبت على كتفه 
حنين مشفتكش بالحاله دى من زمان من ساعه ما وسكتت 
أياد اياد پغضب ساره لو سمحتى اطلعى فوق دلوقتى انا مش طايق نفسى 
ساره   اتنهدت بحسره وقامت طلعت فوق
فى فيلا ياسر محمود شرب ميه وارتاح شويه وانفاسه ابتدت تهدا  واتأسف لياسر واستاذن منه واخد حنين وبنته وروح بعد ماوعد ياسر انهم هيتقابلو تانى فى أقرب فرصه واثناء ماهما ماشيين لاحظ نظرات الموجودين المتوجهه على حنين والرجاله كانت هتاكلها بعنيها محمود جرها وركبو العربيه وروحو من غير ماأى حد فيهم يتكلم او ينطق بحرف واحد ودخلو الفيلا وحنين غيرت ونيمت رقيه ونزلت لمحمود اللى كان لسه