رواية فريد من 1-4

بتركيز شديد علي ردة فعله قائلا 
_ انت جبت ممرضة تشتغل هنا
هز مجدي رأسه بايجاب و هو يتحدث بصدق قائلا 
_ أيوة نورسين جبتها تشتغل هنا من فترة بسيطة
تسائل خالد بهدوء 
_ بس ازاي و هي هربانة من جوزها
ل يجب العم مجدي للمرة الثانية بذات الثقة و الصدق المنبعث في نبرته 
_ يا فندم دي بنت واحد صاحبي زوجها بيتعاطي مخډرات و بيضربها و بيأخد الفلوس اللي بتشقي بيها طول الشهر و البنت صغيرة جبتها تشتغل هنا و تبعد عن الپهدلة دي و كمان هي مهربتش دي رافعة عليه قضية خلع
_ عايز تفهمني انها متعرفش فريد قبل كدا
تحدث بها خالد و هو يضيق عينه علي العم مجدي الذي نفي برأسه قائلا 
_ يشهد ربنا يا فندم انها عمرها ما شافته ابدا انا جبتلها الشغل دا عشان تبعد عن جوزها
همهم خالد و تراجع خطوة واثقة الي الخلف و هو ينظر نحو فريد قائلا بصوت هادئ 
_ تمام يا استاذ فريد تعالي بكرا الصبح علي القسم عشان نتمم المحضر
غادر خالد مع العساكر و اعتذر مجدي الي فريد علي ما حدث بعد ان علم بمحاولة اختطاف نورسين و طلب منه الا يغضب مما حدث و يتحامل علي تلك الفتاه التي لا حول لها و لا قوة و انه ليس ذنبها و انه سيبحث لها عن عمل اخر و يبعدها عن هذا المنزل فقط يتحملها قليلا و لكن فريد نظر الي العم مجدي بابتسامة رابتا علي كتفه قائلا بهدوء 
_ نورسين مش هتمشي من هنا اللي حصل دا خلاني عايز اقف جنب البنت دي اكتر من الاول و مش هسيبها غير لما تخلص من القرف اللي هي فيه دا اوعدك بكدا يا عم مجدي
رأيكوا توقعاتكوا