رواية نور من 1-5

نظرة تخصه هيام بها لكن سوء الحظ دوما حليفا له ..
ابتعدتا عن السيارة لتبدأ نورا حديثها بتدخلها الدائم الذى أصبح عيبها الوحيد ...
نورا بالله عليكى يا هيام وافقى تتجوزى أمجد أخويا .. دة بيحبك أوى ...
كيف تقنعها بأنها لا تراه سوى أخ فقط وأنها لا تكن له أى نوع من المشاعر والعاطفة ولا تبادله حبه هذا بل بالعكس حبه مرفوض تماما لكنها دوما ملحه بشكل يثير الضيق وتخشى أن يسبب هذا الأمر فجوة بينهما يوما ما ...
هيام وبعدين معاكى يا نورا .. مش عارفه ليه حاسه إن موضوع أمجد دة هو اللي ح يزعلنا من بعض .. قلت لك قبل كدة أمجد زى أخويا بالضبط وموضوع الجواز دة أنا شيلاه من دماغى خالص ..
بينما أكملت نورا بإصرار ...
نورا بس أمجد بجد بيحبك أوى ومستعد يعمل أى حاجه فى الدنيا عشان يسعدك ..
هيام بس أنا مبحبوش يا نورا ... افهمينى ...
ظلت نورا تجمل بمزايا ارتباطها وزواجها من أخيها ليس لإقتناعها به لكنها تسعى دوما للتقريب بين الناس وحل المشكلات بطريقتها المتدخلة بحياة المحيطين بها ...
نورا ما يمكن تحبيه بعد الجواز زيي أنا و ياسر .... ما إحنا مكناش نعرف بعض ودلوقتى منقدرش نستغنى يوم عن بعض ..
بجديه وضيق لاحت بملامحها بقوة ...
هيام ممكن تقفلى الموضوع دة ومتكلمنيش عن موضوع الجواز دة تانى أحسن والله بجد ح أزعل منك ...
نورا بحزن طيب خلاص متزعليش ... يلا نجيب الفستان ...
بعد العديد من المحاولات والتجولات أخيرا ابتاعت نورا فستانا ورديا ذو حزام أسود عريض وحذاء مناسب له شعرت هيام پألم بساقيها من كثرة البحث مع نورا لتقف بإرهاق ..
هيام أه يا رجلى ... طب إنت بتشترى فستان تقابلى بيه خطيبك اللي جاى من السفر ... أنا ذنبى إيه ....!
نورا صاحبتى .. وأنا قدرك ... ح تعملى إيه ...
هيام طب تعالى نقعد شويه خلاص رجليا انكسرت ... ح أروح أدى الدرس إزاى كدة ...!!!!!
بمزاحها الطريف عقبت نورا وهى تجلس بالمقعد المجاور ل هيام ..
نورا هو إنت ح تدى الدرس برجلك ....
ضحكت هيام وهى تجلس بإرهاق فوق أحد المقاعد لتستريح قليلا ....
بيت الحاج سعيد ...
نظرت والدة هيام تجاه زوجها بملامح مشفقه حنونة لكن لا حيلة فيها ..
ام هيام ها قلت إيه يا سعيد ....
الحاج سعيد والله مش لاقى لها حل ... اديكى شايفه ملناش أى دخل نهائى ولولا هيام وشغلها من أيام ما كانت فى الثانوى كان زماننا مش لاقين ناكل ..
قالها الحاج سعيد بقله حيله فليس لديه سبيل آخر فيما أردفت أم هيام بتحسر ...
ام هيام يعنى ح نخليها جنبنا كدة والعمر يعدى عليها وكل ما يتقدم لها حد ح نرفضه ...
الحاج سعيد ما إنت عارفه تعبى وإنى مقدرش أنزل أشتغل وأنا عندى القلب ... أنا عارف إننا جايين عليها أوى .. حتى سميرة بتدور مش لاقيه شغل خالص أهو ...
مصمصت أم هيام شفتيها وهى ټضرب كفها بالآخر ...
ام هيام عينى على بختك يا بنتى ...
تنهد الحاج سعيد بضيق معقبا يتأمل بأن يجد حلا ...
الحاج سعيد والله مكلم ناس كتير أوى يأجروا المخزن اللي تحت ساعتها ح يكون عندنا دخل كل شهر ونريحها وتشوف مستقبلها بقى ...
ام هيام يا ريت ... دى يا حبيبتى مش بترتاح تيجى من المدرسه تلف على الدروس لحد بالليل ومش مخليه فى جهدها حاجه ...
الحاج سعيد ربنا كريم ....
غرفه سميرة ....
أعادت جزعها للخلف وهى تستكمل مكالمتها الهاتفيه عبر سماعة الأذن خاصتها التى تعلقها بأذنها دائما لتعاتب صديقتها عبير بطريقتها الساخرة المازحه التى تتميز بها ...
سميرة وربنا زهقت منك ... و إوعى تقوليلى خلاص وحركات وبتاع .. فين يا أختى الشغل ....!
عبيروالله يا بنتى قدمت ورقك لأستاذ أشرف وإن شاء الله أول ما يرد عليا حقولك على طول ...
مدت سميرة شفتيها للأمام بتذمر مردفه ...
سميرة لما نشوف ... و ادينى أهو نزلتلك مخصوص برنامج تسجيل مكالمات عشان اڤضحك من كتر ما بتوعدينى بحاجات وتخلى بيا ...
ضحكت عبير ضحكتها المميزة ليظهر صوتها الخشن قليلا لإدراكها أنها قد وعدت سميرة للعديد من المرات عن مساعدتها بالبحث عن عمل لكنها دوما تنسى ذلك ...
عبير للدرجه دى مبقتيش واثقه فيا ....
سميرة إنت عندك كلام تانى !!!!! ... إلا ما فيه مرة وعدتى ووفيتى !!!! ... من أيام الجامعه وإنت على كدة ..
عبير خلاص والله ... آخر مرة وح تشوفى ... ح أفضل ورا أستاذ أشرف لحد ما يعينك معانا ...
سميرة لما نشوف ..
بصوت مرتبك شعرت به سميرة أجابت عبير وهى تنهى حديثها معها ...
عبير سلام بقى أحسن باين فيه حد جاى المكتب ..
سميرة سلام ...
أنهت سميرة مكالمتها مع عبير وأعادتها مرة أخرى ببرنامج تسجيل المكالمات الذى وضعته على الهاتف لتستمع إليها وتضحك مرة أخرى على صديقتها لتعقب ساخرة ....
سميرةح تبقى اخرتك على إيدى المرة دى يا تحفه إنت ... بس يا رب بقى أشتغل و أشيل الحمل عن هيام شويه ... أحسن تعبت أوى .. وعمرها ما ح تشتكى ولا ح تتكلم ابدا ...
بأحد الأحياء الراقيه ...
وقف شاب فى شرفة منزله تكسو عيناه حزن جم مطلقا لحيته بعشوائية أخفت وجهه الوسيم المسالم خلف تلك النظرات المتجهمه والوجه المقتضب ...
أخذ ينظر للمارة العابرين للطريق أمامه بنظرات يملؤها الضيق فكل تشغله حياته لكنه دوما وحيد ...
دق جرس الباب ليقطع وحدته وصمته فقام متكاسلا بملل ليفتح الباب ولم يتفاجئ برؤيته لهذا الطارق فهو يعتبر الوحيد الذى يطرق بابه من حين لآخر صديقه أشرف ومدير معمله ..
وقف أشرف بطوله المميز ونحافته الظاهرة ليتسائل بنبرة ودوده للغاية لكنها تحمل بطياتها بعض العتاب ...
اشرف ازيك يا أمير ...
تطلع أمير به للحظات ودون رد أشار له بالدخول فبداخله لا يجد إجابه لهذا السؤال كيف حاله هو بالتأكيد ليس بخير لكنه على كل الأحوال أفضل مما كان ...
تنهد أشرف بضيق مما يفعله أمير بنفسه ليضم شفتيه بحركة لا إراديه ضم لها شاربه الكثيف معها قبل أن يردف معاتبا ...
اشرف واخرتها معاك ح تفضل لحد إمتى حابس نفسك كدة ... و ليه .... .... وعشان ايه ....!!!!
هو صاحب الصبر والبال الطويل الذى لم يعد يتحمل لوم أو عتاب ليقابل وده وعتابه له بعصبيه وضيق نفس ...
امير لو جاى تسمعنى نفس الكلمتين فخلاص أنا حفظتهم !!!! .. لو عندك حاجة جديدة قولها ...
اشرف أمير إنت بقالك على الوضع دة أكتر من شهر ... لازم تطلع وتشوف حياتك .. لحد إمتى ح تفضل قافل على نفسك ومكتئب بالشكل دة ...!!!!
جلس أمير بتذمر من حاله ومن ضغط أشرف عليه ...
امير يعنى أنا حابب اللى أنا فيه !!!! ... بس ڠصب عني ... ڠصب عنى ... حاسس إنى خلاص مش عايز أعمل أى حاجة أو أقابل أى حد ...
كصديق مخلص لن يعقب على إنفعال أمير وعصبيته بل يجب عليه إخراجه من تلك الأزمة النفسية التى يمر بها وحثه على العودة لعمله وإستئناف متابعة معمله الكيميائى الذى يملكه ...
اشرف طب وشغلك ... ومعملك ...!! .. إيه خلاص الحماس ماټ !!! ... مش معقول كل واحد يمر بمشكلة يستسلم إنها تكسره للدرجة دى ... أنا متعودتش تبقى ضعيف أوى كدة ...
تهدل كتفي أمير بإحباط وإستسلام ...
امير مش قادر يا أشرف .. مش قادر ...
اشرف ما هو أنا مش ح سيبك تعمل كدة فى نفسك ولو مكنش برضاك يبقى ڠصب عنك ...
امير متضغطش عليا أكتر من كدة ...
لقد حاول معه أشرف للعديد من المرات باللطف واللين لكن تلك المرة يجب أن تكون بالقوة والإجبار حتى يفيق لنفسه ليحتد بحديثه ېعنفه لهذا الإستسلام والتراخى ...
اشرف إنت لازم تفوق من إللى إنت فيه .. إيه يعنى حبيت واحدة وطلعت خاينه !!!!!! .. ح ټموت نفسك ... الدنيا لسه قدامك تحقق فيها كل أحلامك .. وتقابل إللى أحسن منها ميه مرة ...
امير لأ ..... اآمن لواحدة تانى لأ .... لايمكن يحصل ابدا ...
اشرف مش مهم ... المهم نفسك ... تخرج تانى للدنيا وتكمل إللى كنت بتشتغل فيه وتحقق أحلامك ... هى مين دى عشان تهد كل أحلامك كدة عشانها ... !!!!!!!!
فكر أمير مليا بكلمات أشرف الصادقة ربما هو محق إلى متى ستنتصر هذه الخائڼة عليه وعلى أحلامه وطموحاته يجب أن يعود إلى عمله ومعمله وينهى ما قد بدأه ....
أومأ أمير رأسه بآلية بالإيجاب يتفق مع حديث أشرف فيجب عليه نسيان كل مشاكله والتفرغ لعمله الذى أحبه دوما لينتهز أشرف تلك الفرصة قائلا ....
اشرف تمام بكرة الصبح أعدى عليك نروح المكتب سوا ...
امير باستسلام ماشى ...

الفصل الثالث
...!!! 
لأجل خاطرك تمنيت لك السعادة ف الأخوة ليست بالډماء فقط فكم من الأصدقاء يسكنون القلوب دون رابط يجرى بالعروق ...
بعد أن إنتهيتا من التبضع وإلتقاط أنفاسهم ببعض الراحة بقيت نورا وهيام يتحدثان لبعض الوقت قبل مغادرة المركز التجاري ...
لاحت إبتسامه متحمسة بثغر نورا قائله ...
نورا أنا مش مصدقة إن فرحى كمان أسبوعين ...
هيام تصدقى ولا أنا ...
بحديثها الثرثار الذى تستمتع به هيام إستكملت نورا حديثها ...
نورا حاسه إنى طايرة من الفرحة .. أنا جهزت كل حاجة عشان لما ياسر يرجع كمان يومين ميتعبش نفسه فى حاجة خالص ...
أسندت هيام وجنتها بقبضتها وهى تضع مرفقها فوق الطاولة قائله ...
هيام يا عينى على الحب .. من أولها كدة ح تريحيه فى كل حاجة ...
نورا طبعا أمال إيه ... مش كفاية إنه يا دوب ح يقعد معايا شهر واحد ويسافر تانى ...
أرخت هيام قبضتها لتعتلى ملامحها الجديه تلوم نورا على تفكيرها الخاطئ بهذا الأمر ...
هيام والله إنت غلطانة ... ما تسافرى يا بنتى مع جوزك ...
إتسعت عينا نورا بذهول مردفه بدون تفكير ...
نورا واسيبك لوحدك ... !!!! ... لأ طبعا .. دة أنا ما صدقت إننا لما إشتغلنا إشتغلنا مع بعض تقوليلى أسافر وأبعد عنك ...!!!!!
بغرابة من تصرف نورا لاحت ضحكات هيام المتعجبه ...
هيام ليه بقى ح تاكلنى القطه ...!!!!!
نورا لا .... بس متنسيش أن أنا الحته الطريه اللى فى حياتك المعقدة دى ....
ضمت هيام شفتيها مستنكرة ...
هيام ودة يخليكى تقعدى هنا وتسيبى جوزك يا مچنونة ....
برفض تام لسفرها برفقة زوجها أخذت تتعذر بالعديد من الأسباب الواهية ...
نورا و أهلنا دول ... أسيبهم يعنى ...!! مقدرش أبعد عنهم ...