رواية الاماني الفصول الاخيرة

من كده
عشان مابقاش أحس منها هى مش عايزه حد يبقى احسن منها عايزه طول الوقت تفضل ترملنا فضلتها واحنا نشكرها ونمجد فيها إنما لو جت فرصه لحد فينا يكبر هتقف فيها زى ما عملت هى وجوزها معايا
حماده فوقى بقى يا فجر واضح من الأول إن حماده متجوزك عشان الصفقه دى والدليل على كده لما فؤاد رفض طلقك
وليد على فكره اخوكى بيتكلم صح والدليل على كده سربعته على الجواز عارفه لو كنتوا اتجوزتوا بجد وحصل اللى حصل كان زمانه مطلقك برضو اللى زى ده مالوش أمان
والدتها طيب احنا فيها نكلم فؤاد يشاركه ولو احنا كلمناه مش هيرفض
أه يا ماما والنبى اعملى كده خليه يرجعنى تانى
انتى هبله يا فجر اولا عشان يرجعك تانى لازم عقد جديد لان مكتوب كتابكم
ثانيا هو قالها صريحه عايزك عشان شغله مع فؤاد يعنى مابيحبكيش فوقى بقى
اسكت انت لو اتجوزنى هيحبنى بالعشرة ولو خلفت منه هيفضل مكمل معايا
وليه ترضى لنفسك الذل احمدى ربنا أنه كشفهولك فى الوقت المناسب
ماما سيبك منهم واتصلى بسلطانه وفؤاد اقنعيهم
وليد محدش هيكلمهم فى حاجة وبعدين هو لو طلقك رسمى فى مليون جنيه مؤخر وده غير الشبكة اللى اشتراها ليكى يعنى من الآخر انتى ماطلعتيش خسرانه
الام تصدق عندك حق يا وليد بت يا فجر لا تتصلى ولا تعملى حاجه سيبيه بطلقك وخدى المليون جنيه وقتها هتبقى انتى الكسبانه
مسحت فجر دموعها وعينيها بدأت تلمع بطمع وهى تتخيل أن لديها مليون جنيه وظلت تفكر فى ماذا ستفعل بهم اول شئ ستشترى عربيه حديثه وتشترى هاتف من اشهر الماركات واغلى الاسعار بالإضافة لبعض المجوهرات
حسنا صفقه لا بأس بها
تركتهم ودلفت غرفتها وتسطحت على التخت تفكر فيما تريده وتبحث عن اسعار السيارات
فى الجهه الاخرى عند فؤاد فى الفيلا كان يجلس برفقه سلطانه ويقص لها زياره مراد
بس ياستى ده اللى حصل وواضح أوى ان هدفه من الجوازه دى الشړاكه
ربنا يستر وفجر تكون عاقله لانها هتقولك اننا السبب انه يفشكل الجواز
تفتكرى
أنا متأكدة ايه ده حماده بيتصل بيا
طيب ردى
أجابت سلطانه على الهاتف ووجدت حماده يقص لها ما حدث
يعنى هو دلوقتي طلقها
أه وهى اخر حاجه خلتها تهدى وتسكت انها هتاخد المؤخر
مش هتتغير فجر الفلوس أهم حاجة عندها
كان نفسي تفوق من اللى هى فيه لكن مافيش فايده
المهم انها بعدت عن الشخص ده
مر عده أيام كانت فجر خلالهم صامته تخطط ماذا ستفعل بفلوس المؤخر وقامت بإرسال رسالة لمراد
لو سمحت خلص اجراءات الطلاق فى اسرع وقت
اجابها مراد فى رساله باستهزاء
وده من امته انتى اخر مره كنتى بتتحايلى عليا عشان ماسبكيش
كنت عبيطه كويس أنى عرفتك على حقيقتك
ههههه مش لايق عليكى التمثيل في دور الضحيه على فكره خليكى على طبيعتك أنا اكتر قرار ندمت عليه أنى فكرت اتجوز واحده طماعه وجشعه زيك مابتعرفش تدارى الطمع اوعى تكونى فاكره أنى مش واخد بالى انا وبابا من طمعك احنا من اول قاعده واخدين بالنا من كل حاجه بس قولت اخلص مصلحتى ولما المصلحه باظت حمدت ربنا لأنى مكنتش بطيق اكلمك وحمدت ربنا إن الصفقه باظت عشان مكنش مجبور اكلمك تانى وامثل عليكى اكتر من كده
للدرجة دى
واكتر أنا بسببك خسړت مراتى والانسانه الوحيدة اللى حبيتها فى حياتى وفى اقرب فرصه هبعتلك ورقتك يمكن اعرف اراضيها لما تعرف انى طلقتك
صدمت فجر من حديثه هل كان مراد متزوج
انت متجوز
اه متجوز رسمى على سنه الله ورسوله ومش بس متجوز انا بعشقها وبعشق التراب اللى بتمشى عليه وهعمل المستحيل عشان أرجعها
إن شاء الله مش هترجعلك يا مراد إن شاء الله قلبك يتحړق
اخرسى اوعى تقولى كده انا هفضل وراها لحد ماترجعلى حتى لو وطيت على. رجلها اترجاها تسامحني
اللى زيك يا فجر بيكون مفضوح كلنا عارفين تمامك بتيجى باللى يرميلك قرشين
أنت حيوان حيوان يا مراد بدعى عليك ربنا ياخد لى حقى منك
ادعى با ملاك على أساس انك بريئه ومش داخله على طمع
فجر هو انتى فكرانى عبيط ومش فاهم انتى عايزه تطلقى ليه بس بعينك يا فجر
مش هسيبك وهاخد حقى منك
اغلقت الهاتف وجلست تبكى پقهر من حديث مراد لها فهو كمن صفعها پسكين ساخن على وجهها هى تحب المال وتعلم ذلك لكنها لم تكن تعلم أن الجميع يراها بتلك الصورة
بعد مرور اسبوعين حصل مراد على قسيمه الطلاق وذهب لسوزان
ياترى فجر اتعامت 
ياترى سوزان هتسامح 
العاشر
ذهب مراد بقسيمه الطلاق لسوزان محاولة منه أن يعيدها اليه مره اخرى 
تلك المره كانت سوزان تجلس بمفردها
طرق مراد الباب فتحت له سوزان الباب وقفت سوزان تنظر له نظرات بارده خاليه من المشاعر لم يعد قلبها يدق مثل السابق
ظلت تتسائل داخلها هل هذا حقا من كانت تكن له مشاعر فى فتره ما 
لما لم تجد تلك المشاعر داخلها الان !
قاطع مراد صمتها
ممكن أدخل
مافيش حد هنا
انا لسه جوزك على
بس ده مش بيتى عشان استقبل فيه اى حد
طيب تعالى ارجعى بيتك واستقبلى فيه كل اللى انتى عايزاه
أنا اسفه يا مراد ده مش بيتى وأنا مش هرجعه تانى
لا ده بيتك وانا هعلن جوازنا قدام العالم كله
ثم اكمل حديثه مسرعا وهو يخرج قسيمه طلاقه من فجر ليعطيها لسوزان
بصى كمان انا خلاص طلقت فجر وبكره هعلن جوازنا
ابتسمت سوزان بسخرية
هو فؤاد رفض يشاركك عشان كده طلقتها
صدم مراد من ظنها به فاستكملت سوزان حديثها
انا واثقه إن سبب طلاقك منها إن فؤاد رفض يشاركك ومتاكده إنك ممكن بكره تعلن جوازنا عشان تضايقهم وتقهرها بس انا أسفه يا مراد مش موافقه انك تعلن جوازنا ومصممه على الطلاق
حاول مراد التبرير عن خطأه ظنا منه إنه يستطيع أن يحرك مشاعرها
والله يا سوزان انا كنت هطلقها فعلا وأعلن جوازنا هى كانت مسأله وقت مش اكتر صدقينى وعشان مزعلكيش طلقتها
هعتبر نفسى مصدقاك وإن كلامك فعلا صح بس للاسف جه متأخر وانا مابقتش عايزاه
طيب دخلينى نتكلم جوه
انا اسفه مش هقدر ادخلت لا هنا ولا فى حياتى عشان كده لو سمحت ابعتلى ورقة طلاقى وانا مش عايزه منك اى حقوق
ماتقوليش كده انا مش هقدر استغنى عنك
انت استغنيت وقت ما خيرتك بينى وبين جوازك منها
طيب انا هبعد وهسيبلك فرصه تفكرى وتراجعى نفسك وهجيلك تانى ووقتها مش همشى بسهوله
تركها مراد وغادر ودلفت هى للداخل و شئ داخلها يشعرها بسعاده من سعي مراد خلفها من جهه ومن جهه اخرى اختبارها لمشاعرها امامه فهو لم يعد يؤثر بها كما السابق هل هى سعيده لسعيه خلفها أم لتحررها من مشاعرها تجاهه ابتسمت سوزان داخلها فهى الآن تشعر أنها حره من مشاعر ارهقتها ومن علاقه اعطت بها كل شئ
فى منزل فجر وصلت اليها قسيمه الطلاق اخذتها فجر بمشاعر متفاوتة