رواية الاماني الفصول الاخيرة

أن يستغل الوضع ويقترب اكتر من فؤاد ويوطدت العلاقه معه
فى تلك الفترة أيضا اذداد التقارب بين سوزان وساجد وعائلته فساجد يكون ابن عم سوزان .
وقررت سوزان أن تقص لهم عن علاقتها بمراد وما مرت به فى الفتره السابقه
ساجد يعنى مراد اللى قابلناه فى الكافيه ده جوزك
اه
طيب هو عرف انا مين وعرف علاقتك بينا
لا لسه بصراحه
طيب ليه ماقولتلوش حاجه
هو وعدنى إن كمان شهرين هيعلن جوازنا ويعملنا فرح وأنا حابه اعمله مفاجأة يوم الفرح
انتى واثقه فى مراد ده يعنى قصص وروايات أمانى سيد
مراد طيب وحنين بس طموحه كبير أوى وانا هفضل معاه لحد ما اشوف اخره ايه ووقتها هاخد قرارى
تحدث عمها بطيبه
على عينى يا سوزان انك تتربى فى دار الايتام وانا عايش عمك منير رفض يقولى مكانك ووداكى ملجأ فى القاهره عشان معرفش اوصلك وانا سافرت بعدها ورجعت تانى فضلت ادور عليكى لحد ماقدرت اجيبك والحمد لله انى لقيتك وأى حاجه حصلت فى الماضى انا عمرى ما هلومك عليها ونصيبك من ورث ابوكى انا ملزم ارجعه ليكى حتى لو من مالى الخاص وبتمنى انك ترجعى تعيشى معايا وساجد مش غريب عنك انتوا اخوات بالرضاعة وياما كنتوا بتلعبوا مع بعض وانتوا صغيرين انا نفسى المكم تانى حواليا
قريب اوى يا عمى بإذن الله بس خلى الشهرين اللى مراد وعدنى بيهم يعدوا
زى ماتحبى وانا بيتى مافتوحلك فى أى وقت
فى اللقاء التلفزيوني بدأت المذيعه بتقديم فؤاد وبدأت فى الحديث معه عن الشائعات الدائره حوله
أستاذ فؤاد حضرتك بتقول إن كل الكلام اللي اتقال ده مجرد اشاعه صح
ايوه فعلا
طيب والصور اللى مدام فريده عرضتهم والتسجيل اللى اتسرب
أولا انا فعلا ارتبطت بفريده وكنت فعلا هتجوزها بس مكملتش فى الزواج ده والتسجيل ده جزء من حوار كان داير بينى انا وهى
ليه مكملتش فى زواجك
كل راجل مننا بيجى عليه وقت بيكون تايهه او انجذب لشئ ما ايا كان بقى الشئ ده وانا للأسف اتقربت من فريده وبصراحه فوقت لنفسى بعدها لكن بما انى اديت كلمه قولت خلينى مكمل لحد مافى يوم
وبدأ يقص ما حدث داخل المستفى
ووقتها اتاكدت انها انسانه طماعه وخاصة بعد الحاډثه لما هى افتكرت انى فلست هى قررت الانسحاب ولما عرفت انها اشاعات حبت ترجع تانى بس انا رفضت وفى فديو دلوقتي هيتعرض بالحقيقه والكلام ده جه فى سياق ايه
وتم عرض فديو لحوار فريده وفؤاد فى مكتبه
نظر الجميع بدهشه من بجاحه تلك الفتاه ولم يتوقف فؤاد عن الحديث بل اكمل حديثه
ومش بس كده دى جتلى الفيلا مره واتنين عشان تساومنى على فلوس بس انا رفضت عشان كده طلعت وقالت اللى قالته
طيب هل هى فعلا حامل 
هى حامل وحامل من الدكتور اللى ساعدها فى المستشفى فى التمثيليه اللى عملتها عن باباها
وحضرتك عرفت الكلام ده إزاى
عن طريق علاقاتى قدرت اوصل للملف الخاص بالعمليه ومش بس كده هى كمان متجوزه من الدكتور ده عند محامى
وده كل الورق اللى يثبت صحه كلامى

السابع
نظرت المذيعه فى الورق الذي أمامها وتاكدت من صحته وبعدها عرضت بعض الفيديوهات على شاشة التلفزيون التى تؤكد صحه حديث فؤاد
فعلا كل حاجه مظبوطه يا استاذ فؤاد بس فى سؤال حاليا بيدور فى ذهنى انا وكل والمتابعين حضرتك من فتره طلعت قبل كده في برنامج واعترفت بحبك لمدام سلطانه وحاليا هى معاك وشايفه اللى بيحصل واكيد طبعا كانت على علم إنك هتتجوز
الكل مستغرب وأنا اولهم من صمود مدام سلطانه وطبعا هتختلف الأقاويل مابين هى بتحبه عشان كده استحملت ومابين ازاى وافقت على وضع زى ده المفروض كانت انسحبت ومابين لو أنت فعلا حبتها مكنتش هتبص لغيرها 
فى وسط كل الأسئلة دى الحقيقة فين
الحقيقة أنى بحبها أنا بني ادم بشړ وارد اني اغلط لكن لحقت نفسي والسؤال ده هيخليني اتكلم عن حاجات شخصيه وانا مش حابب اتكلم فيها ومش هنكر انى غلط بس الحمد لله إن سلطانه كانت ست ناضجة
قاطعته سلطانه أثناء حديثه
عايزه اوضح حاجه برضو يمكن فؤاد مكنش هيقولها
فى فترة عدت علينا إحنا فيها كنا شبه منفصلين وكنا هننفصل فعلا والفترة دى ظهرت فيها فريده وللأسف زى ماكانت سبب في الاشاعات والبلبلة دى كانت برضو سبب إننا نقرب من بعض ونرجع تانى زى زمان وده يخلينى أوجهه نصيحه لكل السيدات والرجال
خلي دايما في صراحه بينكم ماتسيبوش الصمت الاسرى والظنون تدخل بينكم لأنها كفيلة انها تهد أى علاقة مهما كان مستوى الحب بين الطرفين اتكلموا مع بعض قربوا من بعض وجهوا بعض باللى مزعلكم عشان تكملوا حياتكم بدون تراكمات داخلية وكل واحد شايل من شريكه لان التراكمات دى هتعمل ضغوطات وهيجى يوم وهتتسبب في جفاء وانفصال عشان كده الحقوا نفسكم واللى باقى من العلاقة وحاولوا تصلحوها وادوا نفسكم فرصكم تانيه
انتهت سلطانه من حديثها وصمتت المذيعه بعدها وساد صمت فى جميع الارجاء
قامت بعدها مقدمه البرنامج بشكر ضيوفها والثناء على حديث سلطانه وختمت اللقاء
خرج فؤاد ومعه سلطانه وكأن حمل ثقيل قد انزاح من فوق أكتافه
الحمد لله انتهينا كده من فريده مفتكرش أنها ممكن تواجهها تانى
أعتقد أنها خلاص حړقت كل أوراقها
صحيح المحامي أخد منك فلوس كتير اللى جبلك الورق وقالك على موضوع جوازهم
كان عايز يشتغل عندى بس انا رفضت الموضوع وعرضت عليه قرشين وهووافق
اصله زى ما فتن عليهم هيجى يوم يفتن عليا
عندك حق كويس إنك عملت كده
وأثناء حديثهم رن هاتف فؤاد ووجده مراد
ده مراد عمال يتصل عليا وكلمنى قبل كده وقالى لو احتجت حاجه انا جمبك وفى الخدمة ومش مصدق اللى بيتقال عليك
غريبه
ومش بس كده بطل يسهر فى الأماكن اللى كان بيسهر فيها
يا ريت نكون ظالمينه فعلا ويطلع كويس
فى الجهه الاخرى كانت فريده تشاهد التلفاز وهى تبكى بهستريا فهى وظلت تصفع نفسها عده مرات
أنا اللى عملت كده في نفسي يارتنى مامشيت ورا كلام وليد أنا اتفضحت
وعادت لصفع نفسها مره أخرى
دخلت اليها أمها وجدتها بهذا الوضع
فيه ايه حصل ايه أهدى مالك يابت
فؤاد يا اما طلع فى التلفزيون وفضحنى وكشف كل حاجه
يانهار اسوح دلوقتي سيرتنا هتبقى على كل لسان بقولك ايه اتصلى بوليد يجيى ويكتب عليكى رسمى انا هكلم ابوكى يتصل بعمك ويتفقوا سوا وبالفعل قامت والده فريده بالاتصال على أبيها واخبرته بما حدث وطلب والدها اخيه وابنه واجتعوا فى منزل والد فريده وقصوا على عمها كل ما حدث
دلوقتي انت كده عرفت كل حاجه واحنا اتفضحنا لازم إبنك يكتب على بنتى رسمى
وقف وليد معترضا
لا طبعا مش موافق ومش بس كده لا انا هطلقها عايزنى انا دكتور وليد اتجوز واحده بقت سيرتها على كل لسان لا طبعا مستحيل ان انا اتجوزها
قام والده من واقترب منه وصفعه بقوه
الغلط منك