رواية الاماني الفصول الاخيرة

سمحت
انا عارف انك زعلانه بسبب كلامى اخر مره معاكى انا آسف ارجعى معايا وانا هنفذلك كل اللى انتى عايزاه
مراد لو سمحت اسمعنى
هسمعك وهنفذلك كلامك بس ارجعى معايا
مراد انا عايزة انفصل عنك مش هرجعلك تانى
لا ماتقوليش كده هترجعى معايا انتى فاهمه
لا مش هرجع وانا اخدت قرار انفصل عنك نهائى
لو على فجر انا هطلقها خلاص
بص يا مراد موضوع فجر كان آخر فرصه انا ادتهالك قولت يمكن تشترينى طول الوقت بتخرج وتسهر مع بنات وعايش حياتك كأنك مش مرتبط مش بس متجوز وكل اما اكلمك الاقيك بتقولى انا بعرفهم عشان مصالح وانا كنت بعدى وكل مره توعدنى انها اخر مره وانا للأسف كنت بصدقك وباجى على نفسى إنما خلاص انا اسفه مش هقدر اكمل
منا بقولك مش هعمل كده تانى وهطلق فجر ونعلن جوازنا
مراد افهم انا خلاص طاقتى خلصت مش هقدر اديك تانى
انا اللى هديكى مش عايزك تدينى بس عايزك تبقى جمبى
للاسف مش هقدر
مممم يعنى انا كنت محطه لحد ماترجعلى لأهلك يا سوزان انا دلوقتي فهمت وياترى بقى لقيتى البديل بسرعه
اخرص انا فعلا عندى حق فى قرار الانفصال
مش هطلقك يا سوزان فاهمه وهترجعيلى تانى انا هسيبك كام يوم وهرجعلك تانى تكونى فكرتى كويس
ثم تركها وذهب وبعدها خرج عمها وابنه وزوجته وتحدث عمها
شكله بيحبك
هو بيحبنى بس انانى عايزنى وعايز صحابه والفسح والخروج ولما المصلحه اقتدت إنه يتجوز راح اتجوز من غير ما اكون في حساباته تفتكر لو فعلا اتجوزنا و ظهرتله والمقابل إنه يتجوز تانى تفتكر مش هيعملها ويتجوز لا هيعملها ويتجوز ويعيد الموقف تانى
وأنا هفضل فى ۏجع القلب ده 
الرابع
معنى كده إنك من ساعه ما اتجوزتى وانتى عايشه في قلق معاه
لا الأول كان حنين ومراعينى لكن لما مسك الشركة بشكل رسمى وبقى مسئول عن كل حاجه اتبدل بقى كل همه يكبرها بأى شكل
وبرضه اتجوزك رسمى على ايد مأذون وفى شهود ماتجوزكيش فى السر ولا عند محامى
أولا لانه عارف أنى هرفض وضع زى ده وثانيا هو مش معرفنى على العالم الناس ماتعرفش انى مراته غير الجيران والناس واللى حضرت جوازنا وكانوا قليلين
طيب افرضى طلق فجر هترجعيله
مش عارفه بس حتى لو طلق فجر هيفضل برضو جوازنا فى السر وهيفضل برضو بيسهر وعايش حياته من كأنى هوا لا لا مافتكرش انى ممكن ارجعله
خرج مراد من منزل عم سوزان وتوجه بعد ذلك لشركه فؤاد فهو يجب أن يصل لحل نهائى ولم يبقى الأمور متعلقه بتلك الطريقة
اتصل على فؤاد واخبره إنه يود لقاءه ورحب به فؤاد واستقبله فى المكتب
جلس مراد فى مكتب فؤاد وقرر الحديث معه عن العمل والصفقه الاخيره
نورتنى يا مراد زياره غير متوقعه
انا كنت فاضي ومعدى قريب من هنا قولت لنفسى اجى اقابلك وبالمره افتحك فى موضوع شغل
خير اتكلم وانا سامعك
فى صفقة جديدة انا مقدم على خاصه ب وعرفت كمان انك داخل فيها
فعلا انا مقدم فى الصفقة دى
طيب ايه رأيك لو اتشاركنا فيها
انا اسف يا مراد أنا مبدأ الشراكة مرفوض عندى
بس احنا نسايب وأهل ولو اتحدنا انا وانت هناكل السوق كله
انا مش عايز أكل السوق ولا فى دماغى أنى اكله اصلا انا كل اللى يهمنى اكسب بالحلال
طيب ماحنا لو اتشاركنا هتكسب بالحلال برضو
فى مثل بيقولك ايه صاحبك لا تشاركه ولا تناسبه وانا بعتذرلك يا مراد حقيقى انا اسف بس انا مش بيشارك حد وممكن اسبلك الصفقة الجايه لو انت عايزها
يعنى ده اخر كلام
اماء له فؤاد رأسه بنعم
خرج بعدها مراد من شركه فؤاد وهو يغلى من الداخل وقرر الانفصال عن فجر
اتصل بفجر وقرر أن يقابلها وينهى معها ذلك الزواج و بالفعل اتصل بها وحدد معها موعد فالان سيتحدث بوضوح ففى النهاية هو تزوجها من اجل مصلحته وسيتحدث معها بشكل صريح
فى الجهه الاخرى عند فريده و وليد
قام والد فريده بتزيين المنزل بالاضاءه الملونه وتجهيز المنزل لكتب كتاب فريده ووليد وقام والد وليد بإحضار مأذون شرعى و لعقد قرانهم
لم يخلوا الوضع من همسات الجيران حولهم ورفض وليد أن يرتدى بدله وارتدت فريده ملابس من ملابسها القديمة
وتم عقد ال قران فى جو من التوتر والهدوء
وبعد كتب الكتاب خرج وليد مسرعا من منزلهم
التاسع
اتصل مراد بفجر وطلب مقابلتها ووافقت فجر واستعدت لمقابلته
ظل مراد منظرها بأحد الكافيهات الى ان أتت اليه وهى فى كامل اناقتها نظر اليها مراد و
لم يهتم مراد باستقبالها كما اعتاد فى السابق
جلست فجر امامه وهى مبتسمه
خير يا حبيبي قايلى إنك عايزنى فى حاجة ضرورية
تحدث مراد بدون مقدمات
فجر انتى طالق
اختفت الابتسامه من وجهه فجر وحل مكانها الدهشة
ليه يا مراد انا عملت حاجه زعلتك
اسألى فؤاد
عملك ايه فؤاد رد عليا انا بسألك انت
بصى يا فجر عشان اكون صريح معاكى انا اتجوزتك عشان ادخل شريك مع فؤاد فى اخر صفقه وللأسف لما كلمته رفض وقالى إنه مش بيشارك حد وبسببه انا هخسر كتير
طيب انا ذنبى ايه ليه بتعمل معايا كده انا ممكن اكلمهولك واخلى سلطانه تكلمه هو هيوافق هو بيسمع كلامها
مافتكرش هيوافق لان كلامه واضح مابيشاركش حد ولو قدرتى تقنعيه وقتها ممكن أفكر فى موضوع جوازنا تانى
ثم تركها ورحل تنظر في اثره بدموع وتتوعد من داخلها لسلطانه لما دائما يوجد عائق أمام احلامها وطموحاتها لما لم يفعل فؤاد خاطر لعلاقه النسب التى تجمعهم
الان بسبب سلطانه وزوجها علاقتها بمراد تدمرت
ذهبت لمنزلها وهى تبكى ووجدت اهلها مجتمعين يشاهدون التلفاز وعندما دلفت اليهم بذلك الوضع شعروا بفذع من هيئتها
اقترب منها حماده مطمئنا عليها
مالك يا فجر فى ايه حصل ايه حد عملك حاجه
اماءت رأيها بلا فسألها مره اخرى
مراد زعلك عملك حاجه
بكت بعد سؤاله بصوت مرتفع واماءت رأسها بنعم
تحدث امها بنفاذ صبر
حصل ايه يابنتى عرفينا وكفايه هز فى راسك
تحدثت فجر بشحتفه
مراد طلقنى
لطمت الام على صدرها
يانهار اسوح طلقك ازاى انتوا لسه كاتبين كتابكم الناس تقول علينا ايه دول هياكلوا وشنا
كله بسبب بنتك وجوزها
وسلطانه علاقتها ايه بالأمر
مراد كان عايز بشارك فؤاد فى الصفقه الجديدة وفؤاد رفض يشاركوا
تحدث حماده مدافعا عن فؤاد وسلطانه
هو حر فؤاد حر يشاركه مايشركوش هو حر وهو مراد رابط جوازكم بشراكته مع فؤاد
انت كده يا حماده هتفضل تدافع عنهم ايه المشكلة لما يشاركوا ويكبروا سوا ولا لازم يفضلوا انانين كده وعايزين كل حاجه ليهم لوحدهم
كل ده وانانيين ماتفوقى يا فجر بقى لولا سلطان وفؤاد مكنتيش كملتى تعليمك ولا بتلبسى اللبس الغالى ده كان زمانا عايشين في البدروم فى اوضه وصاله تحت الأرض كل اللى عملوه معانا السنين اللى فاتت وانانيين
ايوه وانا متاكده إن سلطانه هى اللى نبهت على فؤاد انه مايشاركش مراد
وهى هتستفاد ايه