رواية الاماني الفصول الاخيرة

فى كل الدول بتعمل كده بلدنا احنا بس اللى بيشيلوا الجهاز مع العريس
مراد عنده حق يا حماده بكره لما تتحوز اعمل زيه
نظر لهم حماده بكره ودخل غرفته واتصل على سلطانه
البارت الخامس
البارت السادس
سلطانه .فجر ومراد هيكتبوا كتابهم الاسبوع الجاى
ايه ده بالسرعه دى ليه كده
حاسس إن الموضوع ده وراه حاجه ومش الهدف منها الجواز
طيب وهى هتلحق تجهز نفسها
قال انه هيجيب كل حاجه ختى شنطه هدومها هيبعتلها فيزا فيها مبلغ كبير حاولت اوقفهم وامنعهم ماسمعوش كلامى
بص يا حماده مهما قولت هينفذوا اللى فى دماغهم وفجر ماشيه ورا سراب لحد ماتفوق على قلم يعدلها سبها ماشيه بدماغها وهرجع اقولك يمكن إحنا غلطانين وهو كويس وبيحبها
انا هاجى احضر كتب الكتاب زى المعازيم واعمل الواجب لحد ماهى بنفسها تحتاجنا وتلجألنا وقتها نقف جمبها
صعبان عليا تتأذى وانا بتفرج عليها
احنا مش هنتدخل غير لما فعلا الوضع يستدعى أننا نتدخل
فى شركه مراد تانى يوم دخل المكتب ووجد سوزان تباشر عملها فقرر مجاراتها إلى أن ينتهى من زواجه من فجر
اقترب منها وضمھا اليه وقبلها من رأسها
التفتت اليه سوزان مسرعه
مراد عيب إحنا فى الشركه افرض حد دخل
هقولهم مراتى اللى ماليش غيرها
ومن امته ده
من زمان اوى
يعنى معدش حد هيجيلك هنا تانى
لا محدش هيجيى هنا تانى ويضايقك خلاص
عملت ايه
هحكيلك كل حاجه بعدين المهم الفتره دى عايزين نعوض اللى فات ايه رأيك اخد اجازه ٣ ايام ونسافر نغير جو ومانجبش سيره اى حاجه تضايقنا
انت بتتكلم جد
اه وقريب هعملك كل اللى انتى عايزاه
خلاص انا موافقه هروح انهارده اجهز شنطتى
وانا هعدى عليكى بليل اخدك ومسافر يومين
وبالفعل حجز مراد فى فندق وقرر خلال تلك الفتره أن يتقرب من سوزان ويقربها منه ويحاول أن يعيدها اليه مره اخرى كالسابق اتصل بفجر و طلب أن يقابلها ووافقت فجر على طلبه وتقابلوا فى احدى الكافيهات
ازيك يا فجر عامله ايه
بخير الحمدلله قولتلى عايزنى فى موضوع مهم
اه بصى يا ستى خدى الفيزا دى فيها ١٠٠ ٠٠٠ جنيه تقدرى تجيبى كل اللى ناقصك عشان انا مسافر وهرجع كمان يومين تلاته كده واغلب الوقت هيكون تليفونى مقفول عشان كده لو حاجه مهمه ابعتيلى رساله ولو وقفت فى مكان فى شبكه انا هكلمك
ايه ده السفر ده جه فجأه كده
منا كنت قايلكم انا عندى سفر وانا بكلم باباكى وغير كده كل فتره الشغل بيحتاج منى سفر وعايزك تكونى مقدره الظروف ظى وتتأقلمى عليها احنا خلاص قربنا نتجوز
لا يا حبيبي ماتقلقش انا متفهمه جدا ظروف شغلك واكيد طبعا هبقى عايزه اساعدك فى انك تنجح وتكبر شركتك
ده اللى انا متوقعه منك برضو يلا بقى اوصلك عشان الحق اجهز نفسي للسفر
تمام يلا بينا
وبالفعل قام بإيصالها وذهب بعد ذلك لمنزل سوزان ووجدها قد قامت بتجهيز اللازم واخذها وسافروا للاحدى الفنادق بالعين السخنه
خلال تلك الفتره استطاع مراد أن يقترب من سوزان ويقربها منه مره اخرى واغلق كلا منهم الهاتف حتى لايزعجهم احد
ايه رأيك فى الفسحه دى
بصراحه اتبسط اوى حسيت انك رجعت مراد بتاع زمان
ومراد بتاع دلوقتي وحش
لا مراد القديم كان حنين وبيوفى بوعوده انما مراد دلوقتي انانى ومش بيفكر غير فى نفسه
بس مراد ده او القديم بيحبك
طيب مراد هيوفى بوعده امته ويعلن جوازنا
كمان شهرين بالظبطت
ماتجرحنيش يا مراد تانى لو سمحت
اجرحك او انا فعلا بطلت احبك وحبيت غيرك غير كده أى حاجة بعملها بتكون تبادل مصالح
لم تفهم سوزان ما وراء حديث مراد لكنها لم تريد أن تفسد اللحظه
بعد مرور يومين عاد مراد وسوزان من السفر وطلب من سوزان أن تأخذ اجازه لترتاح من السفر وتتفرغ له وبالفعل وافقت سوزان وخلال ذلك الوقت كان مراد يجهز لزواجه من فجر وقرر أن لا يبلغ سوزان
عند فريده حاولت اكتر من مره التواصل مع فؤاد او سلطانه لكن جميع محاولاتها بائت بالفشل ذاد التوتر لدى فريده وشعرت بتعب فى شديد فى بطنها وقررت الذهاب لوليد داخل المستشفى
استقبلها وليد وقام بالحجز لها مع أحد الطبيبات زملائه بالمشفى وبدأ التعب يظهر على ملامح فريده وبدأ بعد ذلك بظهور بقع الډماء على ملابسها
لم يستطع وليد الانتظار اكثر من ذلك وادخلها إلى قسم الطوارئ واستدعى احدى الدكاتره لتتابع معها وبدأت الدكتورة بالكشف عليها وسؤالها عده اسئله
بقولك الطفل ده جه طبيعى ولا عن طريق عمليات
لا عملت حقن مجهرى
للاسف الجنين نزل ولازم ننضف الرحم هجهز غرفه العمليات وتدخلى حالا
تدخل وليد فى الحديث
مافيش حل تانى يا دكتوره نثبت بيه الحمل ده
للأسف هو نزل خلاص وانت عارف الإجراءات يا دكتور ثم تركتهم وذهبت لتجهيز غرفه العمليات
نظر وليد لفريده پغضب
انا قولتلك تضغطى عليه مش على نفسك عجبك اللى حصل ده اهو الطفل نزل منك
أعمل ايه ڠصب عنى انا كل يوم بمۏت من القلق إن بطنى تكبر وفؤاد يفضل مصمم على رأيه
ارتاحتى كده دلوقتي اهو راح خالص
طيب ايه العمل دلوقتي
انتى هتطلعى بث مباشر دلوقتي من المستشفى وانتى فى الوضع ده عشان الناس تتعاطف معاكى الصور موجوده معاكى ومقطع الصوت اللى بيقولك فيه هرميلك كام قرشين وابعدى عنى معاكى صح
اه معايا
ابعتوهملى على الموبايل وبعدها قولى إن البيبى سقط بسبب الزعل وانك محجوزه فى المستشفى واعرضى كل الحاجات دى وقولى انك كنتى متجوزاه جواز مدنى لكن هو قدر يلغى كل الادله ورافض يعترف بابنه
طيب بعد كده انا وانت هنسجل جوازنا رسمى عند مأذون
اول ماتخدى الفلوس منه هنعلن جوازنا وغير كده انتى ضامنه حقك وواخده النسخه بتاعتك من عقد الجواز من المحامى يعنى لو خليت بيكى تقدرى تاخدى حقك بسهوله
تمام هدخل غرفه العمليات واعمل العمليه وبعدها هطلع بث مباشر
وبالفعل دلفت فريده لغرفه العمليات وخرجت منها وقامت بعمل بث مباشر من خلال أحد مواقع وسائل التواصل الاجتماعي
وعند زكر إسم فؤاد بدأت المشاهدات تذداد منهم من تفاعل معها وبدأ في سب فؤاد ومنهم من لم يصدقها ومنهم من شمت بها لانها ارادت الزواج من رجل متزوج
وبين مؤيد ومعارض وصل البث لفؤاد وسلطانه
انا مش فاهمه فين عقلها انها تطلع تلوث سمعتها كده
الفلوس تخليها تعمل أى حاجة
انا مش عارف ازاى فكرت فى يوم فى واحده زى دى للاسف دلوقتي بدفع تمن غلطتى وبدفعك معايا انا آسف يا سلطانه
الغلطة مشتركة بينى انا وانت وادينا بنتعلم
وبالفعل استطاعت فريده أثاره الرأى العام وانتظرت فؤاد أن يتصل بها لكنه صار متجاهلها مما جعل القلق يزداد داخلها هى ووليد من صمت فؤاد
بينما فؤاد وسلطانه قرروا الرد عليها بشكل قوى
نثق فؤاد برنامج تلفزيوني على إحدى القنوات الفضائية الشهيره للرد على جميع الإشاعات التى انتشرت حوله فى الفتره الاخيره
فى ذلك الوقت قرر مراد