رواية الاماني الفصول الاخيرة

ومنها وانتوا الاتنين اشتركتوا فيه يبقى تتحملوا نتيجة غلطكم وانت بالاخص لأنك راجل وليك القوامه والمفروض كنت تمنعها لكن انت عملت ايه استغلتها ورسمتوا خطه سوا يبقى تكملوها للآخر سوا
حاول وليد الاعتراض مره اخرى لكن مع إصرار والده رضخ للأمر
بعد مرور يومين
تم تحضير كل شئ من أجل عقد قران مراد و فجر وقامت فجر بتحضير كل شيء كما يجب وقام مراد بشراء خاتم واسوره ودبله بناءا على رغبتها بالإضافة للمبلغ الذي اخذته منه مسبقا مما جعل مراد على يقين تام بأن فجر ووالدتها ولكنه قرر تجاهل الامر فهو في كلا الأحوال لم يكمل معها وإذا شاركه فؤاد لم يكمل الزواج بعدها وسيتهرب منها وبعدها يعلن زواجه من سوزان
تم كتب الكتاب بين أفراد الأسرة ولم يحضر حماده كتب الكتاب واتى مراد باحد الاصدقاء ليشهد على الزواج
خلال عقد القرآن حاول مراد التقرب من فؤاد واندمجوا فى الحديث عن العمل
وشعر خلالها مراد أنه على شفا تحقيق أحلامه ومشاركة فؤاد
بعد انتهاء عقد القران قام اصدقاء مراد باخذ صور جماعيه وطلب منهم مراد أن لا ينشروا صوره مع فجر وافق أصدقاءه ولكنهم قاموا بنشر صورهم فقط هم ومراد اعتقادا منهم أن مراد لا يريد نشر صور زوجته
فى اليوم الثانى رأت سوزان صور مراد ودخلت الشكوك لقلبها فقررت مواجهة مراد
فى مساء ذلك اليوم ذهب مراد اليها كما اعتاد فى الفترة الأخيرة
عندما دخل المنزل وجدها جالسه شارده فى الفراغ اقترب منها بتوجس أن تكون علمت ما حدث
سوزان إنتى كويسه
نظرت له سوزان مطولا ثم تحدثت
مراد انت اتجوزت
لا
آمال صورك دى وصحابك اللى بيباركولك دول ايه
مش زى مانتى فاهمه انا مش هتجوزها احنا كتبنا الكتاب بس صدقيني
يبقى نفذت اللى فى دماغك واتجوزت عليا 
مراد طالما عملت اللى فى دماغك واتجوزك فجر يبقى طلقنى
مقدرش انا بحبك وأنتى عارفه إن جوازى منها مصلحه مش اكتر
وسهرك برضه كل يوم مع واحده شكل مصلحه تصدق انا اللي غلطانه لما وافقت وسمعت كلامك واتجوزتك كانت أكبر غلطه فى حياتى
ماتنسيش نفسك يا سوزان انتى نسيتى نفسك لولايا بعد ماخرجتى من دار الايتام مكنتيش لقيتى مكان تعيشى فيه كنتى هتفضلى عايشه فى الشارع واللى يسوا واللى مايسواش يتحكم فيكى إنما انا شغلتك سكرتيره وعملتك بنى ادمه وفى الآخر عايزه تسبينى
هسيبك يا مراد هسيبك صدقنى وبدون راجعه
مين هيسمحلك بكده انا بس اللى اقول امته تمشى
أنت كل يوم بتأكدلى إن ارتباطى بيك كانت أكبر غلطه فى حياتى
دلوقتي بقيت غلطه بعد ماحققتلك كل اللى انتى عايزاه فوقى يا سوزان فوقى حتى لو حبيتى تمشى وتسبينى مش هتعرفى هتروحى فين ها 
هترجعى الملجا
تصدق عندك حق وأنا من غيرك هروح فين يعنى وانت عارف إن ماليش حق
ايوه كده يبقى تصبرى معايا وأنا وعدتك انى هخلى جوازنا رسمى
ماشى يا مراد انا هدخل انام عشان تعبانه ونكمل كلامنا بكره تصبح على خير
ثم تركته ودخلت غرفتها حاول مراد إيقافها او التحدث معها لكنها لم تعطه فرصه
فى اليوم التالى ذهب مراد للعمل ولم تذهب سوزان معه وتحججت أنها مرهقه
وبعدما تأكدت من ذهابه للعمل جمعت جميع اغراضها ووضعتهم فى حقيبه كبيره واختفت وتركت مراد دون قول أى شىء
مر اليوم لم يستطع مراد التواصل مع سوزان وعندما انتهى العمل عاد لمنزله معها وجدها تركت له كل شئ اهداها به و أخذت بعض الاشياء التي تخصها بما فيها ملابسها التى اشتراها لها قد تركتها له
اصبح مراد كالمچنون يبحث عنها فى كل مكان وذهب لذلك الملجأ لم يعثر على اثر لها
البارت السابع
الثامن
ظل مراد يبحث عن سوزان فى جميع الأماكن وذهب إلى الملجا لعلها أن تكون لجأت إليه
ذهب مراد وقام بالتحدث مع مديره الدار لعلها تعلم مكانها .
ازيك يا استاذه منى
أهلا يا استاذ مراد نورت الدار بقالك كتير مش بتيجى مع سوزان
معلش كنت مشغول اوى الفترة اللى فاتت هى كانت بتيجى
أه دايما بتيجى لوحدها
طيب آخر مره جت أمته
من حوالى شهر تقريبا حد من أهلها جه وسأل عليها ووقتها سوزان جات وقابلته هى ماقلتلكش ولا ايه
شعر مراد كأنه تلقى صفعه على وجهه لهذه الدرجة أصبح بعيد عنها فهى أتت للملجأ وتعرفت على أهلها منذ شهر ولم تخبره لما أخفت عنه هل كانت تخطط من البداية للرحيل لهذا لم تخبره أنها وجدت أهلها وهل ذهبت اليهم
منذ شهر وهى تخطت للرحيل معنى ذلك أن زواجه من فجر لم يكن السبب هل وجدت من أفضل منه لذلك تضع زواجه من فجر حجه لها لكى تتركه
نظر مر أخرى لمديره الدار
طيب ممكن بياناتهم او معلومات توصلنى ليهم
بص انا معايا صوره بطاقه لعمها تقريبا
طيب ممكن اشوفها
قامت المديره بالبحث عن صوره البطاقه واعطتها لمراد
اتفضل اهى
قام مراد بتصوير البطاقة وشكر مديره الدار وقرر الذهاب للعنوان
خلال ذلك الوقت كانت فجر تحاول الاتصال بمراد لكنها لم تستطع الوصول اليه
ذهب اليها مراد ووجد بواب أسفل العمارة سأله على اسم عمها واجابه البواب وصعد بعدها مراد وطرق الباب وفتح له ساجد الباب واستقبله ببرود كأنه كان ينتظره
أهلا وسهلا أستاذ مراد اتفضل
انت تعرفني بقى
طبعا مش اتقابلنا قبل كده فى الكافيه ووقتها اتعرفنا على بعض بس انا نسيت اعرفك على نفسى وقتها انا ساجد ابن عم سوزان
وقتها تذكره مراد فذلك هو نفسه الشاب الذى كان يجلس معها بالكافيه
مممم أهلا طيب ممكن الاول اقابل سوزان
ومين قالك انها عندنا
إحتمال كبير تكون عندكم ولو مش موجوده على الأقل تعرفوا مكانها ياريت توصلنى بيها لأنى فعلا عايزها فى موضوع مهم
هى فعلا موجوده عندنا بس ممكن ماتكنش عايزه تقابلك هدخل اسالها الاول تقدر تنتظرنى ثونى
خرج والد ساجد أثناء حديثهم وقاطعهم ادخل يا ساجد بلغها وسبلها القرار
أكد مراد حديثه مره اخرى
بلغها أنى موجود وسبنى اكلمها على انفراد وانا واثق انها هتوافق
ثم نظر لوالد ساجد
واسف لو جيت فى وقت غير مناسب
مافيش مشكله بس إحنا هنفذ رغبه سوزان لو رفضت تقابلك يبقى لازم تحترم قرارها
باذن الله هتوافق
دلف ساجد للداخل وخلفه ابيه ووجد سوزان تجلس مع امه قد سمعوا حديث مراد مع ساجد
وجهه ساجد حديثه لسوزان
سوزان طبعا عرفتى إن مراد هنا وهو طالب يقابلك انتى موافقه تقابليه ولا أخرج أبلغه إنك رافضة تقابليه
لا هخرج وهواجهه انا أصلا كنت عارفه إنه هيجيى بس مكنتش متخيله إنه هيعرف يوصلى بالسرعه دى انا هخرجله دلوقتي ومن فضلكم سيبونى معاه الاول لوحدنا
تمام اخرجيله واحنا ورا الباب لو عمل أى حاجة احنا هنخرجلك على طول
تركتهم سوزان وخرجت لمراد الذى يجلس داخل الصالون منتظرها وعندما رأها اقترب منها بلهفه وكاد أن يضمها لكنها اوقفته
لو سمحت ممكن تقعد ونتكلم
وحشتينى أوى أوى يا روحى كنت ھموت من غيرك
مراد لو