رواية الرواية من 18إلى 23

كانت بالمشفي
حفيدتة تسعي الي الشقاء بكل مالديها من قوة
تذكر حديث خالد في آخر لقاء لهم وافتتح حديثة برغبته في تزوج غزال عندما هتف..
حج كامل انا عايز اتجوز غزال..انا اولي بيها من الغريب                       
هتف كامل بضيق...
تاني الموضوع دا ياخالد..مش قولنا كل واحد ونصيبة
بتفتح في الموضوع ليه تاني يابني
هتف خالد بإنفعال..
تاني وتالت ومليون ياحج..انا اولي بيها من الي اسمه عبيده دا..انتا مربيني وهي كبرت قصاد عيني..حرام تروح لواحد تاني
دا نصيب وانتا اتجوزت واحدة بنت حلال وتستاهل كل خير..بلاش تدور في الي فات..ملكش نصيب فيها
لم يستطع خالد تمالك نفسه ليقول بحدة..
لا ياحج لازم تسمعني..انا عايز حفيدتك ويشهد ربنا هحطها في عيني وعلي راسي..بس متديهاش لحد تاني ولو عايزاني اطلق هطلق بس توافق..
قاطعة كامل بعصبية..
ايه الجنان دا وذنبها ايه الغلبانة الي معاك
بصي يابني من الاخر غزال مش ريداك..وانا مش هغصبها علي راجل متجوز..واقفل الموضوع دا
ياحج
قاطعة كامل بحزم..
خلص الكلام..غزال اختك ومش هتفكر فيها تاني
ركز مع بيتك ومراتك ربنا يهديك
اشاح خالد وجهه پغضب وداخله ېصرخ بحسرة ويود لو يقتلع قلب عبيده ويأكله أمام غزال لتعلم مدي قهره منها
بينما كامل تنهد بحزن علي حال الفتي الذي رباه من صغره
ولسوء حظه أحب حفيدته التي لا تطيق النظر لوجهه حتي
ال...............................
دلف صالح الي منزله بعد يوم تعب مرهق كما حال كل أيام عمله..القي مفاتيحة علي الطاولة المجاورة للباب ودلف دون ان يضيئ الإنارة..ليسمع صوت والدته...
حمدلله علي سلامتك ياحبيبي
ابتسم صالح ليقترب من مجلسها ويجلس جوارها قائلا بصوت لين مرهق...
مش قولتلك بلاش تسهري وقت طويل كدا ياامي
وقولتلك اني هتأخر بره
لوت شفتيها مبرره لتقول..
مش هعرف انام طول ماانا عارفة انك هتيجي تنام من غير ماتاكل ولا تهتم بدواك..حتي رافعة نزلت لعيلتها اجازة انهاردة فا انا الي هحضرلك اكلك وانام
قطب جبينه بضيق ليقبل يدها قائلا..
امي انا بعرف اعمل كل حاجة لنفسي..بعد كدا نامي وارتاحي..
صمت قليلا ليقول بخفوت..
رباب كلمتني انهاردة وفضلت ټعيط انك مش راضية تروحي تقعدي معاها كام يوم..
تنهدت سميرة ..
اختك لما بروحلها بتبقا عايزاني أقعد معاها شهر شهرين مش مجرد ايام يابني
انتي مبترتاحيش عندها ياأمي..فريد بيضايقك !
نفت سميرة سريعا...
بالعكس دا بيعاملني زي امه تمام..ورباب بتبقا مبسوطة بيا والولاد ماليين عليا الدنيا..بس ..مش جايلي قلب اسيبك ياصالح
حرك رأسه نافيا..
لا ياأمي روحي اقعدي عندها الوقت الي تحبيه
كدا كدا رافعة لما بتنزل لأهلها بتتأخر..روحي لرباب غيري جو..وتعالي اقعدي معاها اسبوعين تلاتة..وانا هجيلكم كل كام يوم..قعدتك لوحدك دي مش مريحاني
بس ياصالح ..
قاطعها صالح برجاء..
بالله عليكي ياامي بلاش خۏفك الي ملوش مبرر دا
هاكل كويس ومش هنسي العلاج وكله هيكون تمام
بس متزوديش تعبي بقلقي عليكي..ممكن
ترددت نظرات سميرة لتتنهد اخيرا..
طب هما اسبوعين بس..ومش هقعد عندها أكتر من كدا
عشان متتوسطلهاش
ضحك صالح بخفوت ليقف قائلا..
تمام انا هروح اخد حمام واغير هدومي
عملت ايه في موضوع جوازك ياصالح ..حددت هتتقدم للبنت امتا ولا نسيت الموضوع
تسمر صالح بمحله وهو يتذكر رغبته في الزواج من جودي الصياد..ليتنهد قبل ان يقول بهدوء..
لا لسه هكلم والدها بكره..ونحدد
ربنا يجعلك فيها النصيب لو خير ليك يارب..واعيش واحضر ليلتك واشيل ولادك ياحبيبي
تمتم بكلمات غير مسموعة واتجه الي غرفتة..أغلق الباب ووقف أمام مرآتة يخلع بذلتة بشرود..وعيناه غائمة بصمت
لا يدري لما يحتله الضيق..لما يشعر وكأن داخلة قبضة قاسېة تمسك بقلبه الكهل
أمعن النظر في انعكاسه وهو ينظر لنفسه وكأنه أول مره يري بها هيأتة..رجل تخطي الرابع والثلاثون لم يتزوج بعد
تقطيبة جبينة تنبأ بصعوبة ايامه ..او ركودها
بنيته العضلية المعتدلة وملامحة الخشنة الجذابة لوالده المټوفي ...طولة الذي قرب للمتر والتسعين... وهيأته الخشنة التي لا تتلائم مع هيئة رجال عصره
خصلاته القصيرة المهذبة ككل شيئ في حياته
يتلائم ان يكون زوج للجودي الفاتنة والناعمة
تلك الفتاة تشبه العصافير برقتها ونعومتها ..وخجلها الفطري الممزوج بثقتها بنفسها..أفضل زوجة قد يحظي بها ولكن...ولكنها لم تكن كا لي..
قاطع تفكيره وهو يلقي قميصه علي الفراش بحدة
كيف يعقد مقارنة بين من ستصبح شريكة عمره وبين تلك العابرة ليلة 
وآااااااه من ليلة
تلك الليلة التي مرت بحياتة بأعاصيرها وامطارها ورعدها ثم اختفت..اختفت تماما..لتصبح ليلة عابرة بحياتة
زم شفتيه بحنق وهو يتذكر عدد الإتصالات التي لاحقها بها وقابلتها بالتجاهل والرفض...توقع انها لازالت مصډومة من كلماته الزاجرة ولكن تلك طبيعته
رجل كبر علي الصراحة والحديث المباشر
لذا محاولة تجميل الحديث او تلطيفة محاولة صعبة
لذا ألقي مادار بباله..ثم قاله
لتهرب بعدها..هربت لأحد البلدان العربية كما قال والدها
إختارت ان تنأي بنفسها عن الجميع وترك حياتها لإجل تافه حقېر كاخطيبها السابق..ذاك المدلل الفاسد
أطلق تأوه وهو يفرك جبينه محاولا إزاحة الم رأسه ومعه ليلة..ليعقد إتفاق مع عقله..أن يركز مع جودي المناسبة له
وينسي تلك العابرة..ولكن كلما مرت ليلة شتوية عابرة سيتذكرها...دائما

اشاح خالد وجهه پغضب وداخله ېصرخ بحسرة ويود لو يقتلع قلب عبيده ويأكله أمام غزال لتعلم مدي قهره منها
بينما كامل تنهد بحزن علي حال الفتي الذي رباه من صغره
ولسوء حظه أحب حفيدته التي لا تطيق النظر لوجهه حتي
استفاق كامل من شروده وهو يتنهد بحزن علي الصبي الذي رباه منذ صغره وكبر ليصبح معاون له وسنده
ليقع في حب حفيدته التي تكره النظر بوجهه حتي
سمع هاتفه يرن بتكرار..ليمسك الهاتف ويضيق عيناه ليستطيع رؤية إسم المتصل ليجدها ريشة
إبتهج ليرد باسما...
ياأهلا بعروستنا
ابتسمت ريشة علي الطرف الأخر لتقول..
حج كامل اخبارك ايه
الحمدلله ياحبيبتي انا بخير..طمنيني عليكي
ناقصك حاجة او محتاجة حاجة !
لا خالص خيرك سابق ياحج..طمني علي صحتك
بتاخد دواك في مواعيده..وصحتك اخبارها ايه
لاح الحزن والألم علي وجهه ليقول..
انا بخير..يابنتي متقلقش عليا..قصرت في الدوا بس هاخد بالي
شهقت ريشة لتقول..
ودي حاجة ينفع يتقصر فيها ياحج
فين غزال تفكرك
اجاب كامل بإختصار..
في اوضتها ديما..متشليش همي
تنفست بحدة لتقول بهدوء..
طب ياحج بعد اذنك انا هبقي اجيلك مرتين في اليوم علي مواعيد دواك..لحد ماتتعود او هتصل افكرك..ميرضنيش تضر نفسك
تضخم صدره بحنان أبوي ليقول..
ملوش لازمة ياريشة تنوري بيتك لكن خطيبك
قاطعته ريشة بقوة..
مفيش حد أهم من الراجل الي رباني ياحج كامل
لو مش عايزني اجي بسبب غزال ه..
قاطعها بحزم..
دا بيتك وتكوني هنا اي وقت..انتي ليكي حق فيا وفي البيت دا ياريشة..انتي مش غريبة..انا ابوكي او جدك
ماشي ياحج هجيلك بكره بإذن الله
تنهد كامل وهو يغمض عيناه بتعب..
ماشي ياحبيبتي هستناكي مع السلامة
أغلق الهاتف ورأسه يؤلمة والألم قد زحف لعيناه
ولكنه تماسك لإجل تلك الزيارة التي طلبها عبيده ليطلب منه يد حفيدتة غزال...لا يدري هل لها يد بزيارته أم أن عبيده يود الزواج بها دون طرق ملتوية
هذا أو ذاك..لقد حسم قراره وإنتهي الأمر
عقد حاجبية بعزم وتمني أن يكون القرار الصائب
العودة للوقت الحالي
زادت ضربات قلب غزال عندما دلف كامل الي غرفتها وأغلق الباب ليقول بصوت جاف...
انا مش موافق عليه...ومش هكون راضي علي جوازتك منه..ودا بسببك انتي
شحب وجه غزال لتقف بإعتراض والتمعت الحدة بعيناها ليكمل بنفس الهدوء..
انا ضيعت عمري عليكي..اه مكانش مهم بنسبالك
بس كان هيكون مهم ليا..انا خارج دلوقتي قدامك خمس دقايق ياترضي بقراري وتشوفي ان رأيي لصالحك
او تخرجي وساعتها هعرف انك عايزاه ....ورأيي مش مهم
إعترضت غزال بحدة خاڤتة..
دا مش عدل..انتا كدا بتحاصرني وبتخيرني بينك وبينه
كدا انتا مسبتليش إختيار !
تجعد وجه كامل ليقول بحدة..
الي قاعد بره دا حياتك غير حياته..دلعك مش هيبقا الحل
هترجعيلي بعد فترة قليلة..انتو مختلفين دا راجل جد وملوش خلق لطبعك..ميناسبكيش..انتي متدلعة ومبتعرفيش تخدمي نفسك حتي..وهو مش في مقدرته يجبلك حد يساعدك حتي..عبيده مش بتاع دلع
أشاحت غزال وجهها قائلة بتصميم..
دي حياتي وانا عارفة هتصرف فيها ازاي..وانا مغشيتوش هو جالي وانا علي حالي دا..
شد كامل علي يده بقوة وقهر من إسلوبها الوقح ليقول...
لو اتجوزتيه هترجعيلي مکسورة والله أعلم هكون موجود ولا لأ..بلاش عبيده ياغزال..مش هتناسبيه
انتي لا في دماغة ولا طبعك شبه طبعه..هترجعيلي مکسورة يابنتي
قال جملته الأخيرة بإنكسار أب لألم إبنته..لتنظر له وتلين قليلا وهي تتجه له تعانقه بقوة هاتفة..
بابا انا عايزاه..وعارفة هتعامل معاه ازاي
منخيرنيش بينك وبينه عشان خاطري
صمت كامل وانسحب من الغرفة دون حديث..لتقف هي بمحلها تتابع أثره بضيق..تنهدت وهي تحرك يدها أمام وجهها تجلب الهواء لتنفسها المتوتر
ولكن حسمت أمرها..وخرجت خلفه متجهه للمجلس
اشاح كامل بوجهه عنها بينما تعالت الأصوات بذكر الله علي جمالها من قبل اشقاء والدتة...بينما هو إبتسم لها بطريقة جعلتها تنسي حديث كامل وتذوب ببسمتة
ليقول كامل بصوت أجوف...
شروق موافقة يابني
تحدث خال عبيده قائلا ببشاشة..
يبقا علي بركة الله..نقرأ الفاتحة ونحدد ميعاد للشبكة
وعبيده معاه خمس او ست شهور يكون ظبط شقته
ووضبها..ووفي الوقت دا يتجوزوا طالما كل حاجة جاهزة
تحدث عبيده متدخلا...
حج كامل بعد إذنك انا عايزها شبكة وكتب كتاب..دا بعد إذن حضرتك طبعا
دهش كامل من تلك السرعة ونظر لغزال بنظرة تحذير أن يمكنها التراجع..ولكن تأيدها للحديث جاء كالقشة التي قصمت ظهر البعير..ليقول كامل بخفوت...
علي بركة الله مبروك عليهم
همهم الجميع مباركين..وبدأو في قرائة الفاتحة
وعيناي غزال معلقة بعبيده وهيأته الجذابة
قميصة الأبيض وبنطالة الرمادي..وجهه المليح بطابع حسنه
لتتقابل نظراته معها وهي تحدق به بالطريقة التي تشعل النيران داخله..ليميل رأسه باسما لتشيح عيناها خجلة
وقرأت فاتحتهم...وأخذ قلبها..فهل ستقول يوما رد قلبي !
جاء وقت جلوسهم سويا ليقف معها في الشرفة بينما البقية يتبادلون الحديث
ليقول عبيده باسما وهو ينظر لها بهدوئه المعتاد
اممم يعني انتي موافقة
ضحكت غزال وأمالت رأسها لتقول..
طب ماانتا عارف اني موافقة..بتلف وتدور ليه
رفع حاجبه مستنكرا كلمتها..ليقول..
بلف وادور..!
ماشي ماعلينا..مبروك ياغزال
همهمت بنعومة وعيناها متعلقة به بمحبه..
مبروك ياسي عبوده
سي عبوده تاني !
مالها زي عبوده دي جميلة..وبعدين ماانتا كنت بتقولي انسة شروق مع انها بتضايقني
ضحك عبيده من حنقها..
طب مادا اسمك..بس اي جاب شروق لغزال
دلع بعيد تماما
رفعت وجهها بغرور والقت خصلاتها خلفا..
اممم لا ماهو غزال دا عشان المضمون ملوش علاقة بالإسم..وبعدين بابا كان بيقولي غزالتي وانا صغيرة
فا كبرت بإسم غزال..وفعلا مبحبش اسم شروق نهائي
همهم ليقول بخفوت...
غزال أحلي فعلا
ثم تابع وهو ينظر لفستانها الذي يحدد جسدها..
ليقول بضيق مكتوم..
بس قوليلي ياغزال مفيش فستان أضيق من دا عندك
نظرت لفستانها عاقدة حاجبيها لتقول..
ليه هو واسع ! ماله
فرك حاجبه قائلا بتساؤل..
انتي شيفاه ايه !
حدقت به لثوان وقد فهمت مغزي كلماتة لتقول..
اممم شيفاه حلو..مظبوط عليا وشكلي حلو بيه
وضيق
رغم إنزعاجها إبتسمت مبررة..
عشان في مناسبة حلوة مش أكتر
وبعدين هو شكلي وحش بيه !
تنهد عبيده وهو يدرك رغبتها في سماع الغزل منه وكم ود لو يقول الكثير ولكن لجم لسانه قائلا...
لا مش وحش..بس مش لازم اعرف انا وكل الناس مقاس وسط غزال قد ايه
شهقت بخفوت من ردة الغير متوقع واشاحت وجهها
لتسمع نبرته العميقة التي دغدغت جسدها ...
مش لازم كلنا نعرف ان غزال زي القمر
كفاية عبيده بس الي يعرف بعدين..صح!
رغم عدم إقتناعها إلا انها همست باسمة بدلال..
صح
همهم عبيده برضا لتميل هي رأسها بدلال
وعيناي كامل تتابعها بقلق ورغم غضبه إلا ان قلبه يرتجف