تبدلت كثيرا من 12-23

مش هستحمل ظلمك دا اكتر من كدا و مش عاوز كلام كتير كل اللى عاوزه منك تردى على سؤال واحد بس تتجوزينى
الفصل الثانى و العشرون
صدمت كندا من سؤال مازن فلم تتوقعه و خصوصا انه غاضب جدا لم تعرف بما تجيبه هى بالتأكيد موافقه و لكنها تشعر بخجل كبير و لا تعرف كيف تعبر عن موافقتها.
مازن بحسم السؤال صعب للدرجه دى.
شعرت الخاله روعه بصعوبة موقف كندا فإقتربت من مازن قائلة بهمس لك هدى شوي.. العما شو غليظ.. هاى طريقه تعرض بيها الزواج عالصبيه.
مازن يهمس لها لو معملتش كدا و
حطيتها فى خانة اليك مش هتاخد قرار أبدا. أنا عارف اتصرف معاها ازاى.
الخاله روعه شو حياتى.. الرجال شاريكى
و بدو اياكى عسنة الله و رسوله. شو قلتى يا بنتى
كندا نظرت لها و كأنها فى عالم اخر بعيد عنها.
كندا ها
مازن انتى سمعتينى كويس. موافقه و لا لا
كندا بصوت هامس و الدموع تخنق صوتها موافقه.
مازن و مالك بتقوليها كدا ليه يقولوا عليا غاصبك و لا متجوزك ڠصب عنك
كندا صاړخه فيه موافقه.
ثم اڼفجرت فى العياط.
الخاله روعه خبطته بقوه على كتفه قائلة شو انت ما بتحس ليش عم تحكى معها هيك.
اقترب مازن منها ببطئ بعد كلام الخاله روعه و جلس بجانبها.
تركتهما الخاله روعه ليتصالحا و دخلت لتجلس مع عمرو.
كانت تطرق برأسها للاسفل. فأخذ مازن يتحدث بصوت هامس فى أذنها.
مازن ليه العياط دا بس دلوقتى. انا عارف انى قسيت عليكى بس دى الطريقه الوحيده اللى كان ممكن اخليكى تخرجى بيها من نفسك و تبطلى خوف و تقررى مشاعرك من ناحيتى.
بدأت تهدأ قليلا و لكنها لم تقل أى شي فعاد ليتحدث بهمس فى أذنها قائلا وحشتينى أوى و كنت هتجنن و اشوفك او اسمع صوتك الأيام اللى فاتت.
رفعت رأسها له و فى عينيها نظرة عتاب قائله عشان كدا مسألتش عليا و لا جيت و قافل موبايلك على طول.
مازن كنت عاوز اعرف غلاوتى عندك و كنت مستنى لما احنا الاتنين نهدى.
كندا و هديت دلوقتى
مازن من ناحية هديت فهديت بس ههدأ اكتر لما تبقى مراتى و تفضلى فى حضنى على طول.
شعرت بخجل شديد فأحمرت وجنتاها و اطرقت برأسها. رفع رأسها بيده و نظر فى عينيها بحب قائلا لا من هنا و رايح تنسيلى الكسوف خالص.. بعد كدا مفيش كسوف.
ابتسمت له فإقترب منها اكثر.
مازن بكره ان شاء الله هنروح السفاره عشان نتجوز.
كندا بخجل بكره على طول كدا.. مش هينفع انا مش مجهزه نفسى.
مازن انا استنيتك كتير لحد ما حنيتى عليا و من هنا و رايح كلمتى انا اللى هتمشى من غير نقاش.
كندا بخضوع و سعاده غامره حاضر.
احسا بباب الغرفه يفتح و خرجت الخاله روعه و معها عمرو الذى جرى على مازن.
عمرو هتروح معانا.
مازن أه طبعا و هفضل معاكم على طول.
قبله عمرو بخفة على خده.
مازن خاله احنا قررنا ان شاء الله اننا بكره نروح نكتب الكتاب.
الخاله روعه شو بكره.. ما بتلحق كندا تجهز حالها و لا انت بتلحق تجهز البيت.
مازن و ليه كل دا.. احنا كل حاجه عندنا جاهزه.
الخاله روعه لا ما فى هيك حكى ابدا.. هاى بنتى و ما بسمح انا تخرج من بيتى هون غير عروس و تروح عبيت كل شي فيه جديد.
مازن يعنى ايه مش هنتجوز بكره
الخاله روعه اذا بدك اكتب بكره بس ما بتروح عبيتك لحتى تجدده و كمان انا بدى اجيبلها بدلة عرس و أشيا بتلزم العروس.
مازن و دا ان شاء الله هياخد اد ايه.
الخاله روعه و الله احنا بأسبوع زمان بنخلص كل شي لكن انت ايمتى بتقدر تجدد البيت.
مازن ان شاء الله اسبوع بالكتير و اكون مخلص كل حاجه.
الخاله روعه خلاص الخميس الجاى بتاخد العروس معك عالبيت و فيك تكتب بكره اذا بدك.
مازن طبعا هكتب بكره.
ثم استطرد بصوت خاڤت حكم القوى.
الخاله روعه شو عم بتقول ما سمعتك.
مازن ولا حاجه و انتى يا كندا موافقه على الكلام دا و معندكيش أى اعتراض
كندا متعمدة إغاظته اللى تقول عليه الخاله روعه انا موافقه عليه.
مازن بغيظ أها.. طيب مش نمشى بقى.
الخاله روعه انت شو ما بتفهم قلتلك خلاص ما راح يجمعكن بيت واحد لحالكن الأ يوم الخميس.
مازن دا بقى حزب نسائى ضدى بقى. طيب استأذن انا.
الخاله روعه انطر بدك تاكل معنا.
مازن و الله .. كتر خيركم.
ضحكت كندا و شاركتها الضحك الخاله روعه لعلمهما بمدى ڠضب مازن.
الفصل الثالث و العشرون
استيقظ مازن مبكرا و جهز نفسه و مر على بيت الخاله روعه ليأخذ كندا معه إلى السفاره لإتمام مراسم الزواج.
دق الباب ففتحت له كندا.
مازن مبتسما صباح الخير يا روحى.
كندا بخجل صباح النور بس وطى صوتك الخاله روعه هتسمعك.
مازن ما تسمعنى و انا قولت حاجه غلط ما انتى روحى و قلبى و حياتى و عمرى كله و خلى اللى يسمع يسمع.
كندا طيب أدخل و بلاش جنان.
مازن هو أنتى لسه شوفتى جنان.
ثم دخلا ليجد الخاله روعه و عمرو فى الريسيبشن يشاهدان التليفزيون.
مازن صباح الخير عليكم.
الخاله روعه صباح الخير مازن. شو مبكر كتير.
مازن لا مبكر و لا حاجه يا دوب نروح نكتب الكتاب و اخدها بعد كدا و نتغدى بره.
الخاله روعه الله يوفقكم يا إبنى دير بالك عليها و ناطرتكن ترجعوا تنحتفل هون.
مازن اقترب منها و قبل يدها أوكى يا قمر.
نظر إلى كندا قائلا مش ياللا احنا بقى.
كندا هجيب شنطتى و أجى.
الخاله روعه بمجرد ذهاب كندا لإحضار شنطتها قالت لمازن بتخلصوا غدا و بوجكون عهون. ما بتروح لحيالله مكان.
مازن هروح فين يعنى.
الخاله روعه ما تجدبها علي ما فى روحه عشقتك.
مازن فاهم .. رغم يعنى انى حتى لو عملت كدا دى مراتى مش فاهم ايه المشكله.
الخاله روعه بهمس بعرف ان ما فيها شي لكن البنت ما فرحت بأول جازه و كانها يا قلبى عانس او شي رغم انها كانت متل الطفله. أنا بدى اياها تخرج عبيتك عروس و ما بينقصها شي. هاي يتيمه يا إبنى و ما فرحت من قبل بحياتها بدى تفرح متل أى بنت مشان هيك بدى ما ينقص عالشقه شي الله يرضى عليك. فهمت عليي.
مازن طيب ما تفهمينى كدا من الأول بدل ما انا فاكر انك بتغلسى عليا.
الخاله روعه لك ما أزنخك بعمرك انا تأمزح معك.
مازن مازحا معها دا انت اصبى مننا يا جميل. حاضر زى ما انتى عاوزه هعمل بالظبط.
الخاله روعه مبتسمه الله يسعدكم يا ابنى. و الله اليوم احلى يوم بحياتى و مانى متخيله انى راح جوزك و كمان من صبيه ما شالله عليها متل القمر و كتير مربايه. احسن من هاى اللى ما بتسوى اللى كنت تحبها.
مازن و لازمتها ايه السيره دى دلوقتى. خلينا نعرف نتبسط.
فى هذه اللحظه دخلت كندا قائلة أنا جاهزه خلاص ياللا بينا.
خرجا و دعوات الخاله روعه تحوطهما.
اتما إجراءات الزواج و خرجا متوجهين إلى مطعم لتناول الغذاء و الإحتفال بزواجهما. جلسا و طلبا الطعام ثم بدا مازن الكلام.
مازن مبتسما