تبدلت كثيرا من 12-23

لها مبروك يا حبيبتى.
كندا مبتسمه الله يبارك فيك.
مازن مش مصدق اننا اتجوزنا.
كندا كل حاجه حصلت بسرعه بسبب جنانك.
مازن ندمانه.
كندا بخجل لأ طبعا.
مازن مش عاوزك تقلقى من أى حاجه طول ما انا جنبك.. أنا بحبك أوى و هعمل كل اللى أقدر عليه عشان أسعدك و اعوضك عن كل حاجه حصلت قبل كدا و سببتلك حزن.
كندا كل اللى عاوزاه منك انك متسيبنيش حتى لو ضايقتك. أعمل اللى انت عاوزه بس متبعدش عنى و متسيبش البيت أبدا.
مازن عمرى ما هسيبك تانى أبدا و هفضل جنبك انتى و عمرو على طول.
كندا أنا بحبك.
مازن وقف مسرعا من مكانه و أوقفها و ضمھا بشده قائلا أخيرا.. دا انا كنت فقدت الأمل انى اسمع الكلمه دى منك.
كندا بتعمل أيه يا مچنون.. الناس بيبصوا علينا.
مازن متركزيش معاهم.
كندا طيب لو سمحت كفايه كدا و ياللا نقعد.
افلتها من يديه و لكنه أمسك بوجهها بين يديه و نظر لها بحب و حنان شديدين قائلا ربنا يخليكى ليا.
كندا و يخليك ليا.
مازن اااااااااااخ بس لو مكنتش وعدتها.
كندا وعدت مين و بأيه.
مازن بنظرة مليئة بالحب وعدت الخاله روعه انى مخدكيش على بيتنا.
كندا ارتجفت من نظراته لها.
كندا كويس انك وعدتها.
مازن ضاحكا ليه خاېفه
كندا بصراحه.. أه.
مازن ضمھا إلى صدره مټخافيش يا عمرى.. بس برضو مش هتفلتى منى كتير.
كندا طيب أرجوك بقى خلينا نقعد عشان انا بجد رجلى مبقتش شايلانى من الكسوف و نظرات الناس ليا.
ضحك عليها بشده و تركها لتجلس فى مكانها.
جلسا سويا و اخذ ينظر لها نظرات حب و عشق كانت تحاول ان تتفاداها دائما لخجلها الشديد فهى لم تعتد على مثل هذه المواقف و لم تجرب العشق من قبل.
حضر النادل بالطعام الذى طلباه و تناولا الطعام ثم غادرا المطعم و عادا إلى بيت الخاله روعه التى استقبلتهما بفرحة عارمة.
الخاله روعه محتضنة كندا لك ألف مبروك يا بنتى. الله يسعدكم و يهنيكم يا حق. من بوكره بدنا نروح عالسوق تجيبلك كل شي بينقصك.
كندا بس انا مش ناقصنى حاجه.
الخاله روعه كيف ما بينقصك شي انتى عروس و بدك تشترى أشيا كتير.
تدخل مازن قاصدا ان يشعر كندا بالخجل قصدها قمصان النوم و الذى منه يعنى.. بس كدا يبقى لازم ابقى معاكم عشان انقى.
و نجح بالفعل فيما أراد فشعرت كندا بخجل كبير و جريت لغرفتها التى جهزتها لها الخاله روعه لتبقى بها حتى ذهابها إلى عش الزوجيه.
نظرت الخاله روعه لمازن نظرة عتاب قائلة هلأ مرتك فاتت عغرفتها و فيك تروح عبيتك.
مازن اه يعنى بتطردينى بالمحسوس.
الخاله روعه اي هيك شي.
مازن ماشى بس هنطلكم كل يوم.. باى.
خرج مازن ضاحكا و ضحكت الخاله روعه عليه و على تصرفاته الصبيانيه. 
عاد مازن إلى منزله و إرتاح قليلا ثم حدث كندا تليفونيا فى الليل حتى تكون الخاله روعه و عمرو قد خلدا إلى النوم حتى يتحدثا على راحتهما.
رن جرس موبايل كندا.
كندا هاى مازن.
مازن هاى يا قلب مازن.
كندا من أولها كدا.
مازن انتى لازم تتعودى على كدا. مش كفايه أطردت بسببك النهارده.
كندا تستاهل عشان كسفتنى قدام الخاله روعه.
مازن بقى كدا طيب على العموم اتحامى دلوقتى فيها براحتك بعد كدا محدش هيخلصك منى.
كندا ها احكيلى عملت ايه لما روحت
مازن ضاحكا ..