رواية ماضي من 5-9
المحتويات
بينا ننام قبل ما الحاج يحس بينا وتبقى مشكله هو أيه اللى رجعو مش النهارده هيبات عند مرته رقم اتنين
فريال أبوك يا ولدى مهما يبان أنه قاسى وطبعه صعب لكن هو من جواه ذى العيل الصغير محدش يفهمه أدى هو رجع علشان حس أنه قسى عليا رجع يطمن ويبات معايا فهمت أكده
يونس طيب يلا أطلعك علشان ما يباتش لوحده
الكلام ده كان بالهمس علشان محدش يسمعهم
يونس وصلها لحد باب أوضتها وراح هو أوضته يفكر فى ذكرياته مع سيف وأد أيه كان بيحب سيف كأنه هو أبوه مش جابر
فى بيت سيف تانى يوم الصبح
إلين قامت على صوت خبط على باب اوضتها فتحت الباب كان سيف
سيف الفطار جاهز يا مولاتى
إلين مصحتنيش ليه أحضره هاخد على الدلع ده ومش هتقدر عليا بعد كده
سيف ادلعى براحتك
إلين هو أنت عندك الجواز فى حجات وحجات يعنى فى النزول والوقت اتاخر وبس ما انا دلوقتى مراتك ولازم أحضرلك الاكل
سيف طيب أفطرى بس الأول
فطرو هما الاتنين وهى أصرت تقوم تشيل الأطباق وهو يقعد
سيف هساعدك بس
إلين لأ كفايه عليك كده وقوم يلا ألبس وأجهز كده علشان هعرفك على أصحابى اللى قولتلك عليهم
سيف أخيرا هتحنى عليا وتقوليلى مين أصحابك دول
إلين أنا على طول حنينه عليك بس للى يقدر وكل حاجه فى وقتها المناسب
كل واحد فيهم قام جهز نفسه ونزلو
سيف هنركب عربيتى
إلين لأ عربيتى
سيف سبينى أسوق عربيتى شويه لأنى خلاص يومين وهبيعها
إلين المكان اللى ريحينه مش هينفع فيه عربيتك هما عرفينى وعرفين عربيتى ممكن يلا علشان انا واخده منهم ميعاد وهنتأخر
سيف ركب معاها وهى ساقت شويه وبدءت تدخل بيه فى حوارى ضيقه وأماكن أول مره يشوفها
سيف بهزار أنا كنت عارف أنك مش طيبه ذى ما بتقولى وأكيد هتخطفينى رايحه فين
إلين بطل هزار يا سيف بقى شكلنا توهنا
سيف أمال مصدعانى من الصبح وأصحابى وحبايبى وهيخدمونى وهقعدك معاهم قولت بقى البت ليل نهار معاهم
اتفضلى أنزلى وهاتى أسوق وأتصلى بيهم
فجأه لقو واحد بيخبط على كبوت العربيه وشكله مخيف كان من الناس اللى وشها مقطع من كتر العراك الراجل أيوه يا زميلى جاى لحد أنت والقطه
إلين أيوه جاين لواحد أسمه شفره عارف مكانه فين
الراجل أيوه أرجعى تانى وادخلى الشارع اللى قبلينا بصى أنا جاى معاكو اوصلكو شكلكو مش من هنا ونط فتح الباب اللى ورا وركب معاهم
سيف اتنرفز جدا من الموقف كله وخلاص عايز يعرف جيباه هنا ليه وايه الغموض ده هى حست بيه ورجعت بسرعه
الراجل أيوه كده يا أستاذه هنا بقى شفره
سيف نزل هو وإلين ولقو شاب أسمر وشعره مفلفل وجسمه صغير قاعد على القهوه
شفره اتأخرتى أوى يا لولا ومد أيده يسلم عليها
سيف مد أيده هو وسلم عليه وضغط عليها أهلا بحضرتك انا سيف جوز لولا
شفره ااااه أيدى خلاص يا عم معرفش أنك جوزها اتفضلو أتفضلى يا مدام إلين بص لسيف ورفع أيده الاتنين حلو كده مدام إلين انت تكرم بس علشان المدام حبيبتنا وذى اختنا
إلين كانت مبسوطه أوى بغيره سيف عليها
إلين ضحكت بص يا شفره ده المهندس سيف جوزى
شفره أهلا يا هندسه
سيف أهلا بيك
إلين هو واقع فى مشاكل مع صاحب شركه كبيره وصاحب الشركه ده اتهمو بقواضى وكوارث
شفره وطبعا جاينلى ذى ما فهمتينى قبل كده علشان عيزين ټنتقمو منه هو ڼصب عليك فى كام يا بشمهندس
سيف لأ منصبش عليا وفضل يحكيلو الموضوع كله
شفره يااااا يا هندسه ده ولا الافلام كل ده استحملتو من الكلب ده لأ ده أحنا نفديك برقبتنا
سيف الرقم اللى هتطلبه هديهولك
شفره انت جاى تشتمنا فى حتتنا أحنا نخدم مدام إلين بعنينا
سيف لأ كده هنختلف هتاخد حقك وانا أخد حقى
شفره بص يا باشا أحنا لازملنا حد يكون شغال فى قلب شركته والحد ده هيوصلنى بكمبيوتر الشركه وأنا هتصرف بعد كده وهجبلك أراره
إلين حد شغال فى الشركه هنجيبه منين
سيف متنسيش ان المحامى سبقنا بخطوه وشغل ناس فى الشركه
إلين كده تمام يعنى الحد ده موجود
شفره كده تمام نبدأ بقى شغل من دلوقتى لو تحبو انا هدخلهولك السچن من بكره
سيف أنا مش عايز أدخله السچن دلوقتى أنا عايز أذله وأخليه يحفى علشان أرضى عنه
شفره طيب تمام أتفقنا
سيف هنكلم المحامى ونعدى عليك بكره ناخدك معانا للمحامى
شفره لأ هات المحامى هنا أنا مش بطلع من منطقتى
سيف بص لإلين بأستغراب
إلين خلاص أنا هتصرف
شفره ايوه هى عارفه نظامنا
سلمو عليه وقامو مشيو
سيف هو اللى ساق العربيه وطلعها بره الحاره
سيف سؤال بيلح عليا من ساعه ما دخلنا ده عرفتيه منين
إلين توهت مره كنت بخرم من هنا ولقيت نفسى فى الحاره دى وعربيتى عطلت طبعا كنت ھموت من الړعب جه هو قعدنى على القهوه وجاب مكنيكى وصلح العربيه حاولت أديله فلوس رفض تماما عطيتو الكارت بتاعى
واقولتلو لو احتاجت حاجه كلمنى
بعدها بيومين اتصل قالى عندك شغل لأخويا خريج تجاره ومش لاقى شغل كلمت معارف بابا وشغلتو
بعدها بمفيش اتصل تانى قالى بتقل عليكى عايز شغل لجوز أختى برضو شغلتو وبس بقينا اصحاب وأخته عزمتنى مره على الأكل عندهم وكده بس هو مش بيخرج بره الحاره ده نظامه .
سيف ومكلمتيش معارف بابا لنفسك ليه
إلين ضحكت بصوت عالى لا هما بېخافو من بابا يشغلونى بابا يغضب عليهم ينفع
سيف هنطلع دلوقتى على المحامى ولا بكره الصبح
إلين لا بكره بقى أنا تعبت النهارده اوى
سيف وانا برضو رأى كده على فكره رجاله أبوكى متابعنا
إلين اتخضت أيه فين هما ماشين ورانا وبصت وراها
سيف خلاص متبوصيش هما مشين ورانا من اول ما طلعنا من البيت بس أنا مرضيتش اوترك بس معرفوش يدخلو ورانا الحاره
إلين طيب سوق بسرعه توههم
سيف ضحك ما أحنا هنرجع البيت وهما عارفين أحنا ساكنين فين بصى حد فينا لازم يروح للمحامى دلوقتى علشان هما كده حاسين بالخطړ ومش هيسبونا لازم ننجز ونتصرف بسرعه
إلين خلاص سوق بسرعه توههم وأنا هنزل وهتصرف وأروحلو
سيف لأ مش هقدر أسيبك هخاف عليكى
إلين طيب العكس أنت أنزل وانا هسوق وأروح البيت
سيف لا بردو مش هتروحى لوحدك
أحنا هنزوغ منهم ونركن العربيه فى حتى زحمه وننزل بسرعه نركب أى تاكسى
وفعلا سيف أتحرك بسرعه لحد ما تاهو وراهم وركن العربيه ونزلو أخدو تاكسى يوصلهم عند المحامى
سيف وهما طالعين عايز أعرف بتتكعبلى فى الناس دى منين سواء المحامى أو شفره ده يعنى هما الأتنين ساكنين فى حتت استغفر الله العظيم
إلين الناس دى اللى بيبقى لسه فيها جدعنه أيام زمان اللى بيعرفو يجيبو حق المظلوم ولو على رقبتهم أنا بحب أصاحب الناس دى تحس انهم أخواتك كده حد من قرايبك
المحامى كان سامعهم وهما طالعين كان هو نازل
المحامى مالهم الناس اللى ساكنين فى الحوارى مش عجبينك يا سيف باشا
سيف ضحك
متابعة القراءة
