رواية ماضي من 5-9

وجاسر كل ده منتقمش ليه
إلين ذى ما قولتلك جاسر طيب واخلاق وغلبان أوى ومعرفش بقى هارون مهدده بأيه ممكن بقى أديلو ميعاد وننزل نقابلو 
سيف طيب أما نشوف أخرتها معاكى
وبالفعل نزلو اتقابلو فى مكان بحيث الرجاله اللى بيرقبوهم ميعرفوش هما بيقابلو مين
فى شركه هارون
هارون اللاب توب نظيف مفيهوش حاجه 
على يعنى أهو مش سيف ولا بنتى
هارون أمال مين طيب ما يمكن بنتك هى اللى ورا كل ده
على بنتى مصلحتها أيه ټنتقم مننا هتلاقى حد من اللى انت لفقتلهم قضايا 
هارون ........ 
على قام مشى وسابو 
سيف نزل قابل جاسر وحكاله كل حاجه وجاسر كمان كان موجوع أوى من هارون 
سيف أنت أذاى كل ده ساكت منتقمتش
جاسر مين قالك أنى ساكت انا مجمع معلومات عن هارون توديه ورا الشمس
سيف طيب هتعمل بيها أيه مبلغتش عنه ليه
جاسر لو بلغت عنه هيتسجن او هيتعدم والشركه هتروح للورثه انا برضو مش هستفاد حاجه أنا عايز أخد شركه أبويا أنا اتيتمت أنا واخواتى من وانا فى اعدادى نزلت أشتغل علشان أساعد أمى وصممت أدخل كليه هندسه علشان اعرف أدخل الشركه وروحت قدمت ذى الغريب فى شركتى فاهمنى 
سيف طيب أحنا كمان ماسكين عليه بلاوى هنبعت حاجه بسيطه للشرطه كټهديد قرصه ودن هنشوفه هيتصرف أذاى
جاسر أفرض عرف يطلع منها
سيف ما هو هيعرف يطلع منها بس أكيد هيخاف والانسان وهو خاېف بيتصرف بغباء 
جاسر أنا مش عايز أطمنك أوى بس محامى الشركه صحبى جدا وعارف بلاوى هارون مع أبويا 
سيف كده حلو أوى ده هيبلغنا بنوايا هارون لما نهدده 
وبالفعل بدءو خطتهم بسرعه بعتو للشرطه فيديوهات ومستندات تثبت تورطه فى اڼهيار العقارات بس هارون كان مأمن نفسه من الناحيه دى وكان كاتب كل حاجه بأسم على من غير ما على يحس بس مبينش ورقه دلوقتى 
هارون طلب المحامى 
المحامى افندم يا هارون بيه حضرتك طلبتنى
هارون هنعمل أيه فى القضايا دى اللى مرفوعه عليا
المحامى حضرتك برئ طبعا يا هارون بيه
هارون أكيد برئ 
المحامى أنا عندى الحل أحنا نبيع الشركه دى 
هارون بنرفزه انت اټجننت دى شركتى وشركه اهلى على جثتى لو حد أخدها منى
المحامى أسمعنى بس احنا نبيعها كده وكده لواحد أمين وهنبقى مسكين عليه ضمنات بحيث لما نقول هات الشركه يقول أمين
هارون سرح وبيفكر
المحامى بالحركه دى هنزل العيون من علينا شويه والصحافه هتبطل تكتب وهو هيبقى كومبارس بنمشيه أحنا 
هارون تقدر تجيب الواد ده فى ظرف كام يوم 
المحامى أدينى يومين ويبقى جاهز قدامك 
هارون بعد ما المحامى مشى بيقول لنفسه أنا دلوقتى هبلغ عن على يشيل هو الليله وأكتب الشركه بأسم الواد ده وأروح اريح دماغى يومين فى أى حته أفكر وأرجع فريش تكون العيون بعدت عنى
محامى الشركه قابل جاسر وقاله على الكلام ده وجاسر راح لسيف وبلغه 
إلين بس دى فرصتنا الواد اللى هيروحلو ده سيف هيكتب الشركه بأسمه وتمضى على وصل الأمانه
سيف والله انا هروح وأقوله انا الواد الأمين اللى هتكتب الشركه بأسمى وايه الخطه بقى هموته من الضحك ونبقى عملنا الچريمه الضاحكه 
إلين خلاص روح انت يا جاسر
جاسر ما هيعرفنى 
إلين سواء انت او هو هتتنكرو ومش هيعرفكو 
سيف بصى أحنا هنروح نحكى الكلام ده لشفره وهو يفكر معانا 
إلين أوك يلا بينا 
فى الوقت ده كان هارون بلغ عن على واتمسك على اتفاجأ مكنش متوقع كده من هارون 
الشرطه راحت اخدتو من البيت فى نص الليل 
سيف وإلين راحو لشفره 
شفره اولا انتو لازم تعيشو هنا وسطنا علشان محدش يعرف يوصلكو ثانيا بقى وده الأهم سيب الطلعه دى عليا أنا الواد الأمين
إلين بس أنت هتطلع بره الحاره 
شفره هطلع متنكر أروح أمضى على وصلات الامانه بأسم واحد مېت وأخليه يمضى عقود بأسم سيف باشا من غير ما ياخد باله بس 
سيف أحنا هنمضى العقود بأسم جاسر بس انا اللى هبقى ظاهر فى الصوره علشان أعرف أذله 
شفره اللى تحبه يا سيف بيه ده أنت حبيبنا 
سيف طلع دفتر الشيكات وكتبله شيك بالف وعطهوله
شفره والله يا بيه انت بتشتمنا كام دول وبص فى الشيك يالهوى ايه ده يا باشا دول كتير اوى
سيف لزوم التنكر ومقابل وقفتك معانا 
شفره والله يا بيه ملوش لزوم 
سيف مسك ايد إلين وقام
شفره هتروحو على فين هنا الدار أمان
سيف هنجيب هدومنا ونجيلك بكره الصبح 
شفره ماشى يا هندسه 
فى الطريق
إلين انت جبت الفلوس دى منين 
سيف بعت العربيه 
إلين برضو صممت وبعتها
سيف وبكره هروح اخد شويه حجات من الفيلا علشان هبيعها 
إلين ليه يا سيف 
سيف ملهاش لازمه مش هعيش فيها تانى انا اصلا مش قادر ادخلها 
أول ما وصلو البيت موبيل إلين رن
سيف مين بيتصل فى وقت متأخر كده 
إلين دى ماما 
إلين ايوه يا ماما في حاجه
ليلى صوتها بيعيط ومڼهاره إلين 
إلين أهدى والله مش فاهمه حاجه بابا حصله حاجه 
ليلى اتقبض عليه
إلين ليه
ليلى معرفش معرفش حاجه هما جم جرجرو على القسم
إلين طيب اهدى وانا جيالك دلوقتى
سيف وصلها لبيت أبوها 
سيف تحبى اطلع معاكى 
إلين لأ مش هينفع خلينى أفهم الاول فيه ايه 
سيف طيب اتصلى طمنينى وخودى بالك من نفسك 
تانى يوم الصبح إلين كلمت المحامين بتوع ابوها وراحت القسم وعرفت انا هارون دبسه فى قضيه ملوش ذنب فيها وطلبت تتكلم معاه
على إلين شوفتى حصل فيا أيه
إلين مين عمل كده يا بابا.
على هارون الكلب اللى ورا كل ده 
إلين انا ياما حذرتك منه انا قومتلك محامين وان شاء الله هتخرج منها 
رجعت البيت ھتموت من منظر ابوها وهو مذلول كده ومتبهدل 
دخلت بيت لقت سيف قاعد بيلم هدومه علشان هيروحو لشفره 
إلين سيف بابا البوليس قبض عليه
سيف طيب كويس
إلين يعنى أيه كويس بقولك بابا هيتسجن
سيف أوك عرفت هو مش أنتى مليون مره تقوليلى بلغ على بابا وعادى مش فاهمك
إلين بس لما حصل بجد مقدرتش اشوفه كده شوف هارون عايز أيه وأديهولو علشان يطلع بابا
سيف أاااه ويجيب واحد برئ ملوش اى ذنب يسلمو للبوليس بدل أبوك ونبقى ساعدنا على البلاوى الى بيعملها 
إلين سيف أرجوك أنت مش حاسس يعنى ايه ابوك يتسجن
سيف حاسس يا إلين بس مش هينفع نتراجع دلوقتى مش بعد ماوصلنا لكل ده وأنتى فاكره لو اتراجعت دلوقتى هيطلع أبوكى ويقولك يلا باى باى عيشو حياتكم بسلام ده هياخد اللى يدينه ويدخلنا كلنا السچن 
إلين بدأت ټعيط يا سيف أبويا ھيموت جوه 
سيف بطلى هبل مش هينفع دلوقتى نتراجع هنخسر كل حاجه
إلين أنت عارف أن بابا برئ 
سيف قرب منها ومسك راسها حطها على صدره متخفيش يا إلين هيخرج هو برئ
إلين بعدت عنه انت مش بتفكر غير فى نفسك ومصلحتك واى حاجه تانيه تولع خلاص مبقتش حاطط قدامك غيره
سيف يا إلين مش بعد كل ده وبعد ما مشينا المشوار ده كله مع بعض