رواية ماضي من 5-9

يا نورا
فريال بټعيط لأ قومونى قعدونى مطرحى جنب التلفون هو هيتكلم انا متأكده
يونس قومها تانى وقعدها مكانها
يونس كان بيتقطع من جواه على أخوه الكبير اللى نفسه يشوفه ولو لحظه
يونس مالك ياما أيه اللى حصل وأيه اللى فكرك بيه 
فريال أنا حاسه ان أجلى قرب ونفسى أشوفه ولو مشفتوش قبل ما اموت مش مسامحه ابوك ليوم الدين محدش حاسس بحړق قلب الام على ولدها ده ولدى ياناس ولدى لو الدنيا كلها صدقت انه يعمل كده أنا عمرى ما أصدق
يونس تعرفى ياما ابوى كان محذر عليا أقولك بس لما روحنا شوفنا سيف فى القسم قالنا انه أخد أخلاء سبيل لأنه برئ بس أبوى مدهوش فرصه يتكلم 
فريال لسه بټعيط يونس سابها ومشى كان شايل نمره سيف مخبيها تحت بلاطه مع شويه ذكريات من سيف خباهم من أبوه لأنه حړق كل حاجه تخص سيف طلع النمره ومشى من العزبه راح للبلد علشان يعرف يتصل 
فى بيت سيف
إلين دخلت تسأله على حاجه لقيتو ماسك الهدوم بيشمها 
إلين أحم هى دى هدوم صوفيا 
سيف اتخض من وجودها لا هدوم فريال 
إلين طيب يلا خلينى أرتبلك هدومك فى الدولاب وبأذن الله يا سيف كل حاجه هترجع ذى الأول وأحسن
التلفون الأرضى رن 
سيف قلبه اتقبض وقام بسرعه لأن التلفون ده مرنش من ساعه ما أهله مبقوش بيكلموه 
سيف بص على النمره لقاها من سوهاج رفع السماعه بسرعه ألو
يونس .........
سيف ألووووووووو
يونس أيوه يا خوى
سيف أنت يونس
يونس أيوه انا
سيف أمك وأبوك كويسين حد حصله حاجه صح
يونس لأ أحنا كويسين بس أتصل بيها ممكن 
سيف ليه حصل أيه
يونس أتصل وخلاص نفسها تسمع صوتك 
سيف طيب هى مليحه يعنى طمن قلبى أبوس يدك
يونس هتبقى زينه لو أتصلت بيها
سيف طيب وأبوك فين
يونس هو لسه نازل اتصل بيها دلوقتى هو مش موجود 
سيف قفل السكه وقعد بيتنفس بصوت عالى 
إلين ده يونس حصل حاجه
سيف بيقولى اتصل بأمك 
إلين طيب ما تتصل 
سيف هتصدقينى لو قولتلك مش قادر حاسس أنهم ميفرقوش حاجه عن هارون هما برضو أذونى بس عارفه مقوله نيران صديقه ضربه الغريب بتوجع بس ضربه القريب بټموت 
إلين معلش برضو اتصل لو لقدر الله حصلها حاجه هتفضل تلوم نفسك لأخر عمرك
سيف أنا مش قادر دلوقتى
إلين قطعتو بص بقى أحنا متجوزين علشان نبقى جنب بعض ونسند بعض لحد ما نقف على رجلينا أحنا الاتنين وأنا بقولك دلوقتى انا جنبك ومعاك وهنتصل سوا وبعدين لازم فى يوم هتصالح أهلك علشان تعملى الفرح اللى وعدتنى بيه وأنا عايزه فرحى يكون فى البلد عندكو ورفعت سماعه التلفون ها قولى الرقم قالها الرقم وأول ما فريال ردت
فريال السلام عليكم
إلين حطت السماعه على ودن سيف هى مامتك
سيف أيوه....
فريال عرفت صوته سيف
سيف أيوه ياما أنا
فريال صوتها بيعيط ومش بتنطق
سيف أنتى كويسه ياما
فريال أنا بقيت كويسه لما كلمتنى أنت دلوقتى فين وعامل أيه ومريم عامله ايه ومرتك الأجنبيه 
سيف سكت شويه أنا كويس بخير المهم أنتى 
فريال أتوحشتك يا ولدى
سيف قريب ياما هجيلكو وأنا مرفوع الراس وسط البلد كلها 
فريال من وقت للتانى أتصل أطمن عليا وطمنى عليك
سيف لما تعوزى تسمعى صوتى أبعتى يونس يتصل بيا لكن أنا أسف مش هقدر أتصل من نفسى
فريال حقك عليا أنا يا ولدى أنا مليش ذنب وعارفه أنك مظلوم وربنا هيردلك حقك
خلص المكالمه حط السماعه وبص لإلين اللى واقفه جنبه
إلين ها كده سمحوك صح
سيف لأ دى بس عايزه تسمع صوتى بس حتى لو سامحونى دلوقتى عمرى ما هرجع ألا وأنا رادد شرفى وكرامتى لأنى لو رجعت دلوقتى هعيش عمرى كله حاطط عنيا فى الأرض محدش هيصدق أنى مظلوم فهمانى
إلين فهماك بس برضو مكالمه أمك حاجه تفرح يعنى نص العما ولا العما كله 
سيف سألتنى عن مريم شكلهم ميعرفوش حاجه
إلين علشان كده سكت شويه وأنت بتكلمها طيب مقولتلهاش ليه
سيف أصل يونس بيقولى تعبانه مش هقولها أموتها يعنى
إلين عندك حق ممكن ننزل بقى نروح مشوار بسرعه
سيف أتلمى بقى وأحترمى نفسك أولا أحنا وقت العشا يعنى خلاص اليوم خولص ثانيا رجلك متعوره ولازم نغير عليها وأنتى مش قادره تمشى ثالثا وده الأهم مفيش خروج من البيت بعد الساعه سبعه أنتى مش متجوزه رجل كنبه 
إلين أخص عليك والنبى يا حزومبل ساعه 7مين انا بنزل الساعه 7
سيف ده كان زماااان ايام الدلع أوعى تفتكرى أنى علشان قولتلك جوازنا حبر على ورق هسيبك براحتك لا بتحلمى حتى لو متجوزناش خالص طالما مرتبطين أنتهى الموضوع مفيش خروج متأخر 
إلين كانت مبتسمه من خوفه عليها وغيرته 
إلين حاضر يا سى السيد تحب احضرلك العشا
سيف لأ انا اللى هقوم احضره أنتى ارتاحى علشان رجلك
إلين كل كلمه من سيف بتحبه من اول وجديد 
سيف قام حضرلها العشا وعمل عصير بعد ما خلصت قام هو شال الأطباق 
إلين لأ كده كفايه انا هشيل
سيف اقعدى مكانك ممكن علشان مزعلش
إلين ميصحش كده سيف مدهاش فرصه تتكلم وزقها قعدها على السفره تانى ودى الاطباق المطبخ 
إلين طيب أنا هعمل أيه دلوقتى
سيف متعمليش دلوقتى عندنا فيلم ړعب من أخراج وتأليف سيف الدين راح أوضته ورجع معاه القطن والشاش علشان يغيرلها على الچرح فى ركبتها 
إلين ما خلاص غيرنا عليه الصبح والنبى يا سيف مش عايزه اغير تانى
سيف مش عايزه تغيرى ايه بالظبط 
إلين اسكت يا قليل الادب بتكلم على الچرح
سيف ضحك هشوفه بس علشان هيتلوث متنسيش أننا غيرنا عليه فى الشارع 
سيف قعد على الأرض وشال البلاستر ونظف الچرح وحط بلاستر تانى 
إلين أنت حنين كده على طول ولا فى اوقات معينه
سيف مش عارف بس أدينى فرصه أهتم بيكى وأعوضك شويه عن قسوتى معاكى
إلين معرفتش ترد فضلت بصاله ومبتسمه وهو كمان 
سيف يلا أدخلى نامى بقى اليوم كان طويل ومتعب اوى النهارده 
إلين بس فى كلام كتير لازم نتكلمه مع بعض
سيف الصبح بأذن الله يلا على أوضتك
فى سوهاج
يونس رجع البيت لقى ابوه وصل معرفش يكلم امه غمزلها بس وفضل قاعد لحد ما جابر طلع ينام
فريال تعال يا يونس احكيلى 
يونس كلمك ياما 
فريال ايوه حدثنى كان واحشنى بشكل بس أنت جدع يا يونس 
يونس أنا اول ما دخلت الدوار ولقيت وشك منور وبيضحك عرفت انه كلمك ما ده حبيب القلب الأولانى أبوى حس بحاجه 
فريال لأ خالص هو قالك ايه واقنعتو أذاى يتصل ورد عليك على طول
يونس براحه ياما كل دى أسأله رد عليا على طول ومكنش عارفنى قالى انت يونس 
فريال يا كبد أمك يا سيف نسى صوتك من زمان متحدثش معانا 
يونس فضل يسألنى امك وأبوك بخير وحد حصله حاجه وانا قولتله كلم أمك نفسها تسمع صوتك بس 
فريال على أد ما أنى فرحانه على اد ما صوت الحزن فى صوته دبحنى يارب رده ألى ردا جميلا كما ردت موسى الى أمه.
يونس ان شالله ياما يلا