رواية ماضي من 5-9

أنا وكنت فاكره أنه مش هيعرف يوصلى وبقالى فتره شغاله اتاريه عارف مكانى وسايبنى بمزاجه 
سيف قاطعها بس بعد اللى حصل امبارح طردك تانى أنا قولتلك أبعدى عنى هتتأذى ما صدقتنيش 
إلين برضو مش هرجعلو أنا الفلوس اللى كانت معايا اشتريت بيها شقتى دلوقتى هبيع العربيه أنا مش بحتاجها أوى وهحط فلوسها فى البنك علشان أصرف
سيف لأ طبعا أنا اللى حطيتك فى الوضع ده 
إلين أنت شايف حل تانى 
سيف ممكن بس تيجى معايا الصيدليه نشترى حاجه علشان رجليكى المتعوره دى 
وفعلا دخلو الصيدليه اشترى شاش وقطن وصبغه يود
وقعدو فى كافيه 
سيف حط صبغه اليود على القطنه وحطها على الچرح وهو بيقول لسه بتحبينى يا لى لى 
إلين بصوت واطى اااااااااااه پألم
سيف ابتسملها ما أنا عارف وأنا كمان لسه بعشقك أنا أصلا كنت معدى من هنا علشان ألمحك حتى من بعيد مجرد ما بشوفك قلبى بيرجع يدق وبحس أنى لسه عايش
إلين كل ده ساكته وبصاله وعنيها مدمعه 
سيف الدموع اللى مش راضيه تنزل دى من ۏجع الچرح ولا منى 
إلين أنت أول مره تقولى الكلام ده بتقوله دلوقتى ليه علشان صعبت عليك 
سيف لأ انا مش أول مره أقوله أنا قولته قبل كده يوم ما كنا فى سوهاج فاكره 
وهنا دموعها نزلت وقالتلو بعتاب واضح فاكره 
كان هو خلص تنظيف الچرح وحط عليه بلاستر مسح أديه وحط أديه على خدها مسحلها دموعها 
سيف بس مش عايزك تبكى بسببى أنا اليوم ده كنت غبى وسيبتك تضيعى من أيدى وأنا بندم كل يوم على ده بس أنا مش هسيب أيدك تانى أنا محبتش ولا هحب حد غيرك أصلا 
إلين دلوقتى محدش هيسيبنا فى حالنا وهتلاقى رجاله بابا مراقبنى أصلا
سيف ممكن تسمعينى لحد الاخر لأن كلامى فى الأول هيبان غلط
إلين ممكن 
سيف أنا بحبك وعايز أتجوزك بس مش كده 
إلين مش فاهمه حاجه
سيف قاطعها أنا دلوقتى هاخدك تعيشى معايا بس قبل ما نعمل كده لازم أخدك عند مأذون ونكتب كتابنا بس كلام على ورق علشان أحنا فى مصر وأى حد هيتكلم نحط الورقه دى فى عنيه 
إلين زقته وقامت تمشى سيف مشى وراها ومسكها من دراعها لفها ليه 
سيف مش هينفع أسيبك مش هينفع تعيشى لوحدك وفى نفس الوقت مش عايز أتجوزك بالطريقه دى أنا مش هتجوزك غير بفرح كبير وزفه مش هتجوزك الا بأهلك وأهلى وكلهم فرحانين علشان مش عايز أتجوزك وأخلى رقبتك أد السمسمه أنك أتجوزتى واحد ذى 
إلين بس أنا عارفه أنك مظلوم وقدامى أنت الراجل اللى بتمناه من الدنيا
سيف ممكن تسمعى كلامى أنا بسمع كلامك ڠصب عنى فى كل حاجه ثقى فيا ومد ايديه ليها هى بصت لأديه الممدوده 
تفتكرو هترضى تتجوزو بالطريقه دى
ولو أتجوزتو هيعرفو يواجهه كل ده هما الاتنين

الحلقه السابعه
إلين فضلت باصه لأيد سيف الممدوده وبتفكر لو هى دى الطريقه الوحيده علشان نفضل مع بعض أنا موافقه 
إلين مسكت أيد سيف وهو أبتسملها ومشو مع بعض راحو لأقرب مكتب مأذون وجابو اتنين شهود من قهوه جنب المأذون
المأذون خلص الاجراءات والورق 
المأذون ليكى وكيل يا بنتى 
إلين لأ أنا وكيله نفسى 
المأذون طيب قولى ورايا وقال صيغه عقد الزواج وسيف قبل الزواج والشهود مضو
المأذون لابد من الاشهار يا أبنى قبل ما تمشو 
سيف أكيد يا مولانه هيبقى فى أشهار بأذن الله 
وأخد إلين وإفاده الزواج 
سيف أخد منها مفاتيح العربيه علشان رجلها ۏجعاها وسايق هو .
إلين بس أنا هفضل أصرف على نفسى عادى ذى ما أنت قولت جوازنا ده علشان الناس
سيف بصلها ورفع حواجبه لا يا قطه جوازنا ده علشان تبقى جنبى علشان خاېف عليكى بالأضافه انه علشان الناس وبعدين انتى هتبقى قاعده فى بيتى يعنى أنا اللى هصرف
إلين أحنا عمالين نتخانق مين اللى هيصرف وأحنا الاتنين مش بنشتغل 
سيف يا ستى أنا هتصرف متقلقيش
إلين طيب سيبنى أبيع عربيتى وبعدين نتصرف
سيف لأ لو عربيه هتتباع هتبقى عربيتى 
إلين لأ طبعا أنت بتحب عربيتك دى جدا ومش هتفرط فيها
سيف بصلها وأبتسم بحبها أه بس بحب حجات تانيه أكتر منها وعندى أهم منها بكتير 
إلين بص عربيتى صغيره كده ومهكعه ومش هزعل عليها
سيف سبيها نقضى بيها مشاورنا وأقفلى بقى الموضوع ده 
راحو بيتها وطلعو لمت هدومها وأى حاجه محتجاها ونزلو على بيت سيف أول ما دخلو البيت سيف حط الشنط على جنب وقرب منها حضنها جامد أوى وفضل مده طويله حضنها 
إلين سيف 
سيف بعد عنها وبعد شعرها من على وشها عارف أنتى عايزه تقولى ايه مرجعتش فى كلامى بس كان نفسى أحضنك أوى من أول ما أتعرفنا بس مكنتش قادر كنت حاسس أن ده مش من حقى هو لسه مش من حقى بس 
إلين حطت أديها على شفايفه علشان تسكته بطل كلام أهبل أنت من حقك كل حاجه
سيف راح للشنط وأخدها ډخلها فى أوضه النوم وهو بدء يلم حاجته
إلين هو أنا هنام هنا 
سيف لأ هنيمك فى الحمام أو المطبخ حسب ما تختارى
إلين ضحكت بجد بقى أنت هتنام فين
سيف عيزانى أروح فين 
إلين خليك فى أوضتك 
سيف ضحك برضو مستعجله ما قولنا مش دلوقتى
إلين ضړبتو بالشنطه على دماغه مستعجله على ايه يا قليل الادب أنت أنا بقول هروح انا انام فى أى مكان وانت خليك فى اوضتك
سيف لأ فى اوضه تانيه أمى كانت بتنام فيها لما كانت بتيجى تقعد معايا هروح أنام فيها 
لم كل حاجته وفضلها الدولاب وراح الأوضه التانيه من يوم ما عزل من البيت وهو قفل الاوضه دى بالمفتاح ومدخلهاش تانى كان عايز يحافظ على ريحه أمه جوه الأوضه أول ما ډخلها كان فيها شويه هدوم فى الدولاب فريال كانت سيباهم علشان لما تيجى مسكهم وفضل يحطهم على خده وغمض عنيه وتخيل أمه 
فى الوقت ده فى سوهاج 
فريال كانت واقفه بتعمل شاى وفجأه الكوبايه وقعت منها اتكسرت 
جابر ويونس جريو على المطبخ
جابر يا أم يونس أنتى زينه حصلك حاجه
هو بطل يقولها يا أم سيف من ساعه ما أعتبره ماټ
فريال قعدت فى الأرض تلم الكوبايه وفضلت ټعيط
جابر الله حصل أيه لكل ده كوبايه وراحت فى داهيه فين البت نواره مش بتعملك الشاى ليه أسند أمك يا يونس
يونس سندها مالك ياما 
فريال عايزه ولدى يا جابر هاتلى ولدى 
جابر بصلها پغضب ولدك ماټ يا ام يونس ومش عايز كلام فى الموضوع ده تانى
فريال بصويت هاتلى ولدى يا جابر أبنى برئ أو أروحلو أنى 
جابر والله ليحرم عليكى البيت لو طلعتى منه وروحتيله سامعه ولدك ماټ
فريال ولدى مامتش يا جابر ولدى لسه عايش وحى ومظلوم 
جابر اللى عندى قولتله وأنتى حره وسابها وخرج
يونس ونورا الشغاله جت تجرى على الصوت وهى ويونس ساندين فريال وقعدوها على الكنبه بعيد عن مكانها
نورا ألف سلامه عليكى يا ستى 
يونس روحى أنتى