رواية ماضي من 5-9

مستنيها وأول ما شفها
الحارس سيف بيه نقلوه على المستشفى
إلين بخضه بتقول أيه ليه أيه اللى حصل أنطق
الحارس فى رجاله طلعو ضړبو وعدموه العافيه وأحنا طلبنا الاسعاف وجت أخدتو
إلين بقت ټعيط بهستريا عرفت من البواب مستشفى أيه ورمت البلوفر اللى فى أديها وركبت عربيتها وجريت على المستشفى طول السكه وهى بټعيط وعماله تفكر مش بعد ما بقينا قريبين أوى كده من بعض هيروح منى أنا عندى أستعداد أدخل ابويا السچن وأقتل هارون بأيدى لو سيف حصله حاجه مش هقدر أتحمل أعيش من غيره تانى.
لحد ما وصلت المستشفى وسألت قالولها فى العنايه فضلت واقفه لحد ما الدكتور طلع قالها أن كان عنده كسر فى ضلعين وأيده مكسوره وأنهم عملو اللازم بس هيفضل فى العنايه لحد ما يفوق
إلين مشت بسرعه من المستشفى وطلعت على شركه أبوها طلعت وزقت باب مكتبه ودخلت السكرتيره حاولت تمسكها بس إلين زقتها
إلين يكون فى علمك أنا معدش صغيره واللى هيمسنى أو هيمس سيف تانى أنا بنفسى اللى هقلب الطربيزه على الكل وأنت أول واحد هأذيه سامعنى 
على أنتى محدش رباكى ولا علمك تتكلمى مع ابوكى أذاى 
إلين تصدق أه ملقتش حد يربينى أنا أصلى تربيه الداده أنت أهم حاجه عندك الشركه وماما اهم حاجه فى حياتها النادى أنا لقيت اللى يحبنى وأحبه سيبنى فى حالى بقى أنا مش هماك فى حاجه أصلا
على وأنا هسيبك تتجوزى واحد ذى ده بالقضايا اللى كانت مرفوعه عليه ده أهله كلهم حتى مراته أتخلو عنه عايز أعرف أنتى لازقه فيه ليه
إلين قولتلك بحبه والقواضى اللى أنت وهارون دبستوه فيها دى هعرف اردله كرامتو تانى ويكون فى علمك أنت ولا همك انا موجوده معاه ولا لأ أنت كل اللى همك المعلومات اللى عنده اللى هتوديك فى داهيه
على رفع أديه والمره دى ضربها بالألم على وشها أخرسى يا قليله الادب عيزانى أسيبك تحطى أسمى فى التراب وطالعه نازله مع واحد عاذب فى شقته وكمان بتساعديه أنه يأذى أبوكى لو قربتى منه تانى هقتلهولك سامعه
إلين طيب أقتله علشان بنتك تبقى أرمله للمره التانيه بس أوعدك لو مسيت شعره منه أنا مش هسكت غير وانا مخسراك كل اللى أنت متحامى فيه ده 
على أرمله !!!أنتى اتجوزتيه
إلين يارب كده تبقى حجتك أنتهت أنى بتسرمح معاه من غير جواز نفسى تعمل حاجه ليا مره واحده بس نفسى مره متفكرش فى مصلحتك ومصلحه شركتك وبس جرب كده وقولى هتحس بأيه
إلين مشيت وسابت أبوها واقف مش عارف يفكر فى حاجه وراحت على المستشفى دخلت لسيف كان متوصل بأجهزه كتير ونايم فى السرير مش حاسس بأى حاجه قعدت جنبه ومسكت أديه باستها وفضلت مسكاها جامد
إلين أوعى تفكر تسيبنى يا سيف لسه قدامنا مشوار طويل هنمشيه سوا لسه مشبعتش منك أنا مصدقت ربنا جمعنا هتخف وهتبقى ذى الفل وهتعملى الفرح اللى وعدتنى بيه وسط أهلك 
نامت على أديه وهى بتتكلم الوقت كان أتاخر أول ما النهار طلع سيف فتح عنيه ونطق بالعافيه
سيف إلين 
إلين سمعت وقامت بسرعه حبيبى حبيبى أنت فوقت ها أنت كويس وهتقوم بالسلامه 
سيف أتكلم بالعافيه أنا بحبك أوى
إلين قربت وشها من وشه وفضلت تمسح على شعره وعيونها دمعت وأنا كمان يا قلبى
سيف بتعب كنت خاېف أموت قبل ما أقولك بحبك 
إلين باست رأسه بعد الشړ عليك أن شالله كل اللى يكرهوك
سيف بس ما تدعيش على أبوكى عيب
إلين ضحكت ومسحت دموعها فداك أى حد حتى لو أبويا ذات نفسه أنت أهم حد عندى 
سيف ابتسم وغمض عنيه ونام تانى 
الدكتور جه وكشف عليه وطمنها أنه هيبقى تمام بس لازم يبلغ البوليس علشان يجو يسألوه
تانى يوم سيف كان فاق تماما وبيتكلم عادى
إلين أنا السبب أنت قولتلى أجى معاكى وانا قولت لأ لو كنت جيت
سيف حط أديه على شفايفها بس أنتى مش سبب فى حاجه لأنى أنا مبسوط باللى حصل أولا مبسوط جدا 
أنك مكنتيش معايا لأنى ممكن أستحمل أى حاجه على نفسى بس مش هستحمل حد فيهم يلمسك ثانيا عرفت أننا ماشين صح وهما خافو مننا 
إلين بس هما أخدو اللاب توب
سيف وأنا كنت متوقع وعملت حسابى 
إلين ضحكت بجد يا سيف يعنى تعبنا مرحش على الفاضى 
سيف متقلقيش 
إلين أنا عيزاك تبلغ عن بابا عادى ماتتكسفش منى البوليس دلوقتى هيجى 
سيف بس اللى ضربنى مش رجاله أبوكى دول رجاله هارون أنا شوفتهم قبل كده 
إلين أنا روحت لبابا وهددتو وهو ما أنكرش 
سيف أكيد كان عارف أنهم جايين بس المهم أشتريتى الحجات اللى كنتى ناويه تشتريها
إلين أه وجيباها معايا كل سنه وأنت طيب 
سيف ضحك هو النهارده عيد الحب. 
إلين لأ عيد ميلادك شوف بقى هديتى هتعجبك ولا لأ
سيف والله لو بونبونايه هتعجبنى علشان من أجمل عيون وأرق بنوته شافتها عنيه
إلين بس بقى متكسفنيش شوفه الاول
سيف فتح الهديه وطلع البلوفر وعجبه جدا وقالها أنه هيروح بيه من المستشفى 
البوليس جه واخد اقوال سيف اللى قالهم أنه ميعرفش مين دول ومتهمش حد علشان يعرف يكمل خطته
قعد يومين فى المستشفى إلين كانت كل لحظه معاه مش بتسيبه وبعدين روحو البيت سيف دور على الفلاشات لقاهم مكانهم خباهم فى كذا مكان 
إلين يلا يا حبيبى حضرت الفطار 
سيف أنا كده هاخد على الدلع ده وهتعبك
إلين اتعبنى براحتك تعبك راحه أنا عايزه أقولك على حاجه أنا كلمت جاسر أبن عم جمال الله يرحمه
سيف نظرته أتغيرت واتنرفز ليه أن شاء الله 
إلين أنا فهمتو كل حاجه
سيف هو أحنا مش متفقين محدش يتصرف من غير أذن التانى بتتصرفى لوحدك ليه ولما أنتى حكتيلو على كل حاجه هيسكتلك وهيقولك تعالى بلغى عن عمى والنبى
إلين أنت مش فاهم حاجه جاسر متدين جدا وأخلاق فوق الوصف كان هو ديما واقف لجمال فى ظلمه ليا وواقف لعمى علشان كده هارون بيعامله وحش جدا ساعه ما جمال ماټ هارون طردنى من الشقه وقالى ملكيش ميراث عندنا أنا مكنتش مستنيه ميراث طبعا بس جاسر قدر ميراثى كان وجه ادهولى وقالى علشان مش عايز جمال يتعذب فى تربته 
سيف وأنتى بقى قولتيلو أيه
إلين أنا حكيتلو عليك وعلى اللى بابا وهارون عملوه فيك وفى غيرك وهو طلب يقابلك 
سيف أنا مش هتراجع عن خطتى حتى لو جاسر ده ملاك من السما 
ياترى جاسر هيقف معاهم ولا ضدهم
قصه حبهم هتكمل بسلام ولا هيبقى فى عقبات
هارون هيتصرف أذاى مع سيف 
الحلقه التاسعه
إلين أسمعنى جاسر ده أكتر واحد هيساعدك لأن الشركه بتاعتو وبتاعت ابوه 
سيف بأستغراب أذاى يعنى
إلين أبوه كان صاحب الشركه اتزنق فى فلوس رهن الشركه لأخوه اللى هو هارون اللى كان شغال عنده فى الشركه جه هارون لفق قضيه لأبو جاسر وډخله السچن وأصبحت الشركه ليه كتبها باسمه وشغل جاسر عنده بمرتب عادى
سيف وأبو جاسر لسه مسجون
إلين لأ ماټ بقهرتو من عمايل أخوه 
سيف