رواية الليالي الفصول من. 36-43

ده سافري لجوزك وصالحيه لأن ماتزعليش مني انتي فعلا غلطانة مش صح ان أي حاجة تتقال كدا وفي يوم هتبقي أم وهتعرفي وتفهمي احساسها وانتي بنفسك قولتي انها كانت كويسة في الأول
انهى الصغير رضعت وحملته جميلة بحنان ثم قبلته بقوة وقالت
صراحة اه كانت كويسة وجدا كمان انا هقول لبابا اني هسافر لكريم بس بعد ما بابا صحته تتحسن شوية هو كان عايز يشوفك بس لما
الدوا نام ڠصب عنه من التعب والله
قالت ليالي وهي تأخذ آدم الذي يحرك قدميه الصغيرة بمرح وكأنه سعيد من وجبة غذائه الممتعة
الف سلامة عليه
الله يسلمك طب وانتي مش ناوية تحكيلي
توترت كلامح ليالي وقالت بتلعثم
مافيش حاجة احكيها يا جميلة عادي يعني
قالت جميلة مبتسمة
خلاص براحتك لما تحبي تتكلمي معايا انا موجودة في أي وقت ومالكيش دعوة بنعمة خااالص دي عاملة مشاكل مع الكل
اجابتها ليالي بالايجاب ثم خرجت جميلة وتركتها تاخذ غفوة حتى موعد العشاء
في المساء
استيقظت ليالي پذعر على صوت قرع على الباب بحدة وقد ازعج الصوت الصغير ايضا في غفوته ربتت عليه بلطف ثم نهضت پخوف
فتحت الباب بحذر حتى التقت عيناها بوجه نعمة وهي تتوسط خصرها وتقول باحتقار
ابويا الحج عايزك تحت في المضيفة شهلي شوية وشوفيه عايز ايه
لم تجيلها ليالي حتى لا تجيب بأنفعال مما استفز نعمة وذهبت وهي تتمتم بسباب خاڤت
عدلت ليالي هندامها وهبطت للأسفل تبحث عن المضيفة حتى قابلها حسين وقال ببسمة
لو بتدوري على المضيفة فهي اللي على اليمين دي
كادت ليالي أن تجيب ولكن لم تدري كيف اتت نعمة واصبحت امامها في الحال استأذنت ليالي وذهبت قبل أن تسبب شجار لا لزوم له بسبب هذه الحمقاء
دقت على باب المضيفة بهدوء حتى اذن لها صوت رجل يبدو ان المړض نال منه ما نال بسبب سعاله الحاد
دلفت ليالي بعد ان فتحت الباب والقت السلام حتى اجابها الرجل الكبير
اتفضلي اقعدي يا بنتي معلش انا كنت تعبان ماعرفتش اضيفك اول ما وصلتي لهنا
اجابت ليالي بلطف
كرم ضيافتك وصل يا حج محمود انا مش عارفة اشكر حضرتك ازاي
احاب الرجل المسن بتعب
ولا شكر ولا حاجة ده واجب وانتي زي بنتي وعلى فكرة انا كنت عارف ابوكي الله يرحمه انا ماعرفتش بمۏته غير امبارح يابنتي والله العظيم من محمد وزعلت منه انه مابلغنيش
لمعت دمعة بعين ليالي ثم قالت
عم محمد كان مصډوم زيي بالضبط دول عشرة عمر انا مش زعلانة منك
هز الرجل راسه بارتياح ثم قال
انا قولت لحسين ابني يشوفلك شغل في المستوصف الصحي اللي عندنا هنا هي حاجة مش قد المقام يابنتي بس هو ده المتوفر دلوقتي في يدي لكن ما تقلقيش انا هكلم كل اللي اعرفهم لحد ما الاقيك شغل احسن
وافقت ليالي وقالت
متشكرة يا حج محمود انا راضية باي شغل
اجاب الرجل يبقى على بركة الله
انتظر عم محمد أن يأتي عمر ولكن عمر امتنع عن الذهاب للشركة بعد ۏفاة شقيقه
قال عم محمد لبعض الحرس
انا هروح اعزي عمر بيه اللي مارحش عزى يجي معايا
اتى معه أحد الحرس الشباب ثم ذهبوا للقصر
دلف محمد ومعه حارس الأمن الآخر للداخل حتى ذهبت الخادمة كريمة لتخبر عمر بمجيء احد
خرج عمر من غرفته بعد أن ابدل ملابسه بغيرها وتوجه للخارج حتى يذهب للمشفى ولكن اتت كريمة وقالت باضطراب
في حد عايز حضرتك يا عمر بيه حد من الشركة
زفر عمر بضيق ثم هبط للأسفل وتفاجئ بوجود عم محمد ينتظره
وقف أمامه پغضب لأنه تذكرها قال محمد وهو يبلع ريقه پخوف من نظرة عمر الذي لاول مرة يراه هكذا وقال
البقاء لله يا عمر بيه
باغته الحارس الآخر معزيا وردد نفس الجملة
اجاب عمر التعزية ثم أشار للحارس الآخر بالذهاب للخارج وينتظره وقال لمحمد بقوة وشراسة
خاف الرجل من نبرة عمر الغاضبة واحتار في القول حتى هتف عمر مرة أخرى
لو عرفت انك مخبيها انت عارف انا هعمل ايه
قال عم محمد بتلعثم
أمل ماټت يا عمر بيه
اشاح عمر وجهه وقال
الله يرحمها تامر قالي امبارح بس ده مش هيخليني اعفي عن اختها ليالي لو وقعت في إيدي مش هرحمها
قال الرجل بلوم
هي دي الوصية اللي سبهالك جمال يا عمر بيه ماكنش العشم
صاح عمر پغضب وقال والشرر يتطاير من عينيه
بعد ما هشام ما ماټ محدش يسألني على وصية
رد عم محمد بتوجس وقال
مش هسألك تاني وياريت انت كمان متسألنيش على ليالي تاني لأني ماعرفش مكانها بعد اذنك
ذهب الرجل وترك عمر يتنفس بحدة وقال بصياح حتى يسمعه الآخر
هلاقيها وهجيبها لحد هنا وهذلها
خرج الرجل من القصر وهو يردد
لا حول ولا قوة إلا بالله ربنا يرشدك للصواب يابني يمكن لما ازمة ۏفاة اخوك يعدي عليها وقت وغضبك ده يهدا اقدر اتكلم معاك تاني يا خسارتك يا بني ده انت كان بينضرب بيك المثل في العقل
دخل تامر سيارته متوجها للمشفى حتى اتاه اتصال هاتفي من شخص ما
اجاب تامر مسرعا
ها عرفت حاجة
اجاب الطرف الآخر
فضلت مراقب الفندق لحد ما خرجت مع راجل كبير وراحوا للمحطة وركبت هي القطر واحد من رجالتي ركب معاها في نفس القطر بس للآسف تاهت منه في الزحمة بعد ما نزلت
هتف تامر پغضب
يا غبي تفضل تدور لحد ما تلاقيها وتعرف مكانها وما تتصلش عليا تاني غير لما تعرف هي فين
اجاب الشخص الآخر
ماتقلقش طالما عرفت هي في اي بلد يبقى هقدر اوصلها حتى لو اخدت وقت بس هوصلها في الآخر
ذهبت ليالي في اليوم التالي لشراء بعض الملابس البسيطة حتى تستعد للعمل لليوم الذي يليه لتذهب صباحا في اليوم المحدد للعمل باصطحاب حسين لها أثناء الطريق مما جعل زوجته نعمة تشتعل من الغيظ والحقد لمحتها جميلة وقالت بتحذير
لو ما بعدتيش عن ليالي يا نعمة انا هقول لأبويا وانتي عارفة الحج محمود في زعله بيبقى عامل ازاي
اجابت نعمة بعصبية
انتي بټهدديني عشان البت دي يا جميلة ولا هي خلاص بقت صحبتك ولا ابنها اللي كأنك انتي اللي مخلفاه
هتفت جميلة ولمعة الالم تعصف عيناها
اتقي الله بقى في كلامك انتي اااايه مابتحسيش
انا هاخد ليالي وابنها وهروح البيت القبلي هنقعد هناك وهنيجي هنا على النوم عشان نترحم من وشك ده يااااساااتر انا مش عارفة اخويا طايقك أزاااي
ذهبت جميلة لغرفة والدها تستأذنه وقال والدها باعتراض
لا يابنتي تقعدوا ازاي لوحديكوا طوال النهار كدا
اجابت جميلة بوضوح
يا بويا انا برحم ليالي من نعمة دي مش طيقاها وبتقعد تزهق فيها ده غير اني خاېفة لتعمل معاها زي ما عملت مع زميلة حسين وطلعت عليهم كلام انه هيتجوزها وحصل مشاكل بسببها
زفر محمود بضيق وقال باستسلام
نعمة دي دماغها عايز الكسر ولسانها فالت منها خلاص خدي ليالي وابنها وروحي يابنتي بس تبقي هنا قبل عشية
ابتسمت جميلة وهي تنهض وقبلت يد والدها ثم ذهبت
ارتاحت ليالي للعمل الجديد في المستوصف الطبي حتى أن حسين استطاع أن يساعدها في الحصول على عمل أكثر راحة من عمل النظافة وعملت سكرتيرة لطبيب وحجز أدوار المرضى
وعندما عادت من العمل تفاجئت بقرار جميلة واراحها هذا كثيرا وقالت
بصراحة كدا احسن ابقى بعيد عن المشاكل وخصوصا ان نعمة ما بتفوتش