رواية دينا باقي بارت 4+بارت 5

تركض من أمامه لكن بدا أنه لن يستسلم فلقد

سبقها وصار وجهه بوجهها وهو يمشي بالعكس قائلا لها بتصميم 
مهو عشان أنا عارف كارمن كويس سألتك السؤال دا 
فقالت وهي تشعر بخجل بلا حدود 
يعني هكون قلت إيه ..ثم إنت ماشي كدا ليه هتلفت النظر لينا ومنظري هيبقي وحش أرجوك إمشي 
فقال لها مبتسما دون أن يغير طريقته بالمشي 
مش هسيبك غير لما توصلي ثم مين يقدر يجيب سيرتك دا أنا أقطع له لسانه وقريب قوي هتعرفي ليه 
نظرت له بذهول هل يقصد أنه سيتقدم لخطبتها فارتبكت پجنون ووجدت نفسها تركض من أمامه قائلة 
أنا قربت أوصل فامشي بقا وشكرا علي التوصيله 
فضحك كريم وهي تبتعد عن مجال نظره وقال لنفسه وهو يتنهد 
ماشي يا مها أجري براحتك بكرة مش هتعرفي تهربي مني 
فتلك الفتاة أقلقت مضجعه فلم يكن يتخيل أن يشتاق لرؤيتها لهذا الحد وعندما وجدها تصل لزيارة كارمن اليوم شعربشعور غير عادي فلقد خطفت هذه الفتاة قلبه كليا وكان يريد أن يفاتحها اليوم بأنه يريد التقدم لخطبتها ليعرف رأيها لكنها لم تعطه الفرصة لذلك فهي ترتبك وتتوتر ما أن تراه ولقد تأكد اليوم أنها تبادله المشاعر فتصرفات كارمن الغريبة اليوم تؤكد تكهناته فابتسم وعاد للمنزل وهو يدندن بسعادة .
في اليوم التالي 
بلعت مها ريقها بصعوبة وقالت لكارمن باحراج 
هو قالك ..
كان كل جسدها يرتعش بانفعال وقد اتصلت بكارمن منذ ساعة قائلة لها أنها تريد التحدث معها ضروري وقد أدركت كارمن لما تريدها وعندما وصلت لمنزل مها كانت صديقتها في حالة غريبة جدا فردت عليها كارمن قائلة وهي تضحك پجنون 
بس بس نفسى تشوفى منظرك وإنت عاملالى فيها خجولة إيه يا مها أنا كوكى صاحبتك حبيبتك مفيش داعي لكل التوتر دا قدامي وبعدين هو كلمنى النهاردة بعد ما كلمك علي التليفون وقالى انه اتواصل معاكي و إنه هيتقدملك رسمى الشهر الجاى عشان جاتله سفرية على فجأة تبع الشغل وهيسافر النهاردة بليل.. بس مقاليش قالك إيه
فشعرت مها بالخجل الشديد وربطت كارمن على كتفها وهى تكاد ټموت من الضحك على رد فعلها وخجلها فقالت لها مها وهي تتذكر رؤيتها لرقم كريم علي شاشة هاتفها بشكل جعلها تتوتر كليا وكأنه يقف قبالتها وردت وهي ترتعش ثم قالت لكارمن 
هو أنا لقيته اتصل عليا وكنت متوترة لما شفت اسمه على موبيلى فرديت عليه وأنا بمۏت فقالى من غير تفاهم مها أنا عاوز أرتبط بيكى إنت موافقة يا ريت تدي خبر لأهلك إني هاجي أزوركوا خلال فترة قريبة عشان بس عندي سفرية شغل مفاجأة 
فقهقهت كارمن بقوة بينما أكملت مها وهى تلكزها على كتفها وتقول لها بحنق شديد 
أخوكى دة مش رومانسى خالص فى حد يتصل بحد ويبدأ كلامه بجملته دى طب كان قالي مها أنا بحبك طيب 
فردت كارمن عليها وهى مېتة فعليا من الضحك على رد كريم 
والله كريم دا فظيع ..طب وإنت قلتيله إيه يا مضړوبة
فقالت مها وعدوي الضحك تتملكها هي الأخرى 
فضلت ساكتة شوية كدا متوترة ..وبعدها قلتله أنا..بص....طيب أبقي كلم بابا 
هههه يعنى موافقة موافقة عريس يا بوى
بس بقى يا كارمن أنا لسة مكسوفة من اللى حصل
لقد حولت كارمن الأمر لكوميديا فهي بالرغم من سعادتها أرادت أعتراف رومانسي علي الاقل لكن لا بأس ستنتظر بصبر حتى ينتهي من تلك السفرية اللعېنة التي قطعت علاقتهم ولتنتظر اعترافه الخرافي .
مرت عدة أيام أخرى وحان وقت التصويت أخيرا وهي قد نزلت بالفعل لتنتخب صقر في الإنتخابات التي بدأت منذ يومان وغدا أخر يوم لتظهر النتيجة الأخيرة بعد انتهاء جميع المحافظات ووالدها قد زجرها بالأمس قائلا لها 
إرجعي بيتك يا كارمن وكفاية كدا أنا أصلا مش مرتاح إنك سايبة بيتك طول الوقت دا.. ومينفعش تسيبي جوزك في وقت زي دا إنها يجب أن ترجع لتكون مع زوجها لكنها أخبرته بتهرب 
هو مش محتاجنى وأنا قاعدة لوحدى وبزهق إنت عارف هو مشغول أد إيه 
هو بيكلمك يطمن عليكي طيب ..أنا هتصل بيه أخليه يجي ياخدك بنفسه 
يبدو أن والدها قد أنتبه أخيرا أن الأمور ليست علي ما يرام بينها وبين صقر وقبل أن تقول شيئا قال 
جوازك بصقر كان مفجأة له مكنش مستعد لها دلوقت عشان كدا لازم تكوني متفاهمة وتحاوطي جوزك برعايتك وهتلاقيه يبقي معاكي إنسان تاني وقعدتك هنا مبقاش ليها لازمة ..وعموما يا بنتى ربنا يسعدكم ويوفقكم.. أنا دعمته كويس والدايرة بتاعتى كلهم هينتخبوه بعد الدعايا اللى عملتهاله هو دلوقت فى مقام إبنى ومكدبش عليكى أنا فخور إن رجل زى دة جوزك وأى حد بيعرف إنه يقربلى بيزيد إنبهاره وإحترامه ليا والكل فى القرية نسيو الڤضيحة اللى عملها حسين وإتلهو بجوازك من صقر الدهشورى إبن الوزير 
فأومأت له برأسها وقالت له بحزن تملكها رغما عنها 
يلا الحمد لله إنها عدت على خير يا بابا ومتخافش أنا هعرف أحافظ علي جوزي وبيتي كويس 
فابتسم قائلا لها 
وسبحان الله بنت المنكوب عزة بعد اللى عملته فيكى أخوها إتمسك بقضية  و سيرتهم بقت على كل لسان واللى عملته معاكى أتردلها اللهم لا شماتة لكن الديان لا ېموت يا بنتى 
يلا ربنا يهديها 
بكرة الصبح تروحي لجوزك بلاش تقلقي مامتك أكتر من كدا أنا مانعها بالعافية إنها تتكلم معاكي في حاجة ..يلا أنا هنام تصبحى على خير يابنتى
وبعدها خرج من غرفتها بعد أن ربط على شعرها بحنان يبدو أنه رغم إخفائها للأمر جيدا أن والدها والدتها قد لاحظوا الحزن الذى أخفته عليهم . وحمدت ربها أن كريم قد سافر بعد مجيئها بيومين وإلا لم يكن ليتركها قبل معرفة كل التفاصيل أما الوغد ..الحبيب لم يعبئ بها وكأنها مجرد عبيء قد تخلص منه ..فهو لم يتصل بها مطلقا منذ أن جائت .. رغما عنها دمعت عيناها وهى تتذكر السعادة بين ذراعيه ه!!.. لقد شعرت بأنه وطنها وأمانها شعور لا يضاهيه أى شعور هل حقا هى وقعت بحبه ..شعرت بدقات قلبها تخفق بقوة وكأنها ترد عليها تبا إنها حقا واقعة حتى النخاع خاصا بعد ما حصل بينهما وعلى الرغم من فعلته الحمقاء معها لم تستطع أن تكرهه أبدا بل تشتاقة حد الألم تبا للحب وغباؤه.
على الصعيد الأخر كان صقر مستلقيا على ظهره ويد خلف رأسه على فراشه وهو يتلمس المكان الخالي بجواره باليد الأخرى لعله يجد أى أثار تثبت أنها كانت هنا بفراشه يوما بين أحضانه ملكه وحده تبا لهذا الشعور المؤلم الذى يراوده

منذ أن ذهبت من المنزل ..إنه يمنع نفسه بشق الأنفس أن يتصل بها ليخبرها أن تكتفي بهذا وتعود .. فهو يفتقد وجودها بمنزله بشدة فالبيت من غيرها بارد لا يطاق لقد إعتاد وجودها المنعش تحضر له الطعام وتستقبله بحفاوة تلامسه