رواية داليا من 5-8

التجمع وبعد حوالي سفر ساعة وصلوا لمعدية تانية بس أصغر كتير علشان يقصروا عليهم السكة بس كانت زحمة قوي وكانت التعدية فيها زي ما بيقولوا كده بالدراع اللي يقدر يسوق بالدراع ويطلع المعدية الأول ويلحق دور قبل ما تتملى وإلا يضطر يستنى لما تروح تفضي وترجع تاني ودي فيها نص ساعه كمان كانت كل حاجه حواليها جديدة عليها وكانت بتتفرج عل اللي بيحصل وهي مبسوطة كانت حاسة نفسها بجد جوة مغامرة .. مغامرة بتعيشها بنفسها مش بتقرأها زي ما كانت متعودة تقرأ غمضت عينها وحمدت ربنا على كل حال ودعته يبعد عنها أي شړ أو مكروه أو شياطين الإنس أو الجان.
بعد حوالي ساعتين بالتمام ونظرا لتفوق عم عبده في السواقة بالدراع وصلوا الأول في الموقع واستأذنها عم عبده استني كده اثبت موعد وصول الباص عند الأمن وينزل الموظفين اللي معانا هنا في الموقع الأول.
دالياداليا بصت لقت صحراء ملهاش آخر وحتى الطرق لسه مجهزتش شويه سن بس مرشوشين على ممر ولقت على الجنب شويه كرفانات لازقة في بعض ففهمت إن أكيد دي المكاتب وقالت لعم عبده أنزل أنا كمان هنا
عم عبده لا لسه مكاتب مدير المشروع والمكتب الفني بعد 2 كيلو من هنا وأنت مكتبك معاهم.
داليا تايهه ومش عارفة حاجه بس هزت راسها وتمنت أن حد من اللي تعرفهم كانوا ركبوا معاها هنا الكل نزل من الباص ومعدش إلا هي مع السواق اللي لسه متعرفوش في صحرا معزولة ولسه حيكملوا سفر 2كيلو لغاية باقي المكاتب بس معندهاش خيار تاني لازم تسكت وتكمل وخلاص وربنا يسترها معاها .
بعد شوية وصلوا أخيرا المكاتب ولاحظت أن فاضل معاها في الباص شاب صغير حوالي 19 أو 20 سنةوأول ما وصلوا المكتب الفني نزل من الباص ودخل بسرعة المكاتب احتارت داليا مبقتش عارفه بجد تعمل ايه سألت عم عبده أحنا كده وصلنا صح 
عم عبده آه وصلنا اتفضلي
داليا المشكله إني معرفش اتفضل فين ومعرفش الا باشمهندس عادل وعبد الله وأحمد وكلهم مش موجودين.
عم عبده ما هو الباص بتاعهم مركبش معانا المعدية فأكيد استنو اللي بعدها ودي فيها على الأقل نصاية.
داليا وأنا أعمل أيه النصايه دي
عم عبده استني ونادى على رمضان
داليا مين رمضان ده
عم عبده عامل البوفيه والنظافة الخاص بالمكتب الفني أنت أكيد شفتيه وهو نازل من الباص الوقتي هو من البلد هنا.
داليا آه أخدت بالي بس مكنتش أعرف.
في الوقت ده وصل رمضان ومعاه كوباية شاي لعم عبده وقال له أحلى شاي لأحلى عم عبده أجيب لحضرتك يا آنسه شاي.
داليا لا اشكرك
عبده رمضان دي الآنسة داليا السكرتيرة حتشتغل معاكم هنا هي السكرتيرة المسؤولة عن المكاتب.
رمضان سكرتيرة واحدة بس على كل الهلم دي.. ربنا معاك على العموم أنا هنا أخوك الصغير رمضان دبلوم صنايع أي خدمة تعوزيها أطلبيها مني علطول.
داليا شكرأ يا رمضان عاوزة أعرف بس فين مكتبي
رمضان اتفضلي معايا أعرفك مكانه.
شكرت داليا عم عبده وأكدت معاه معادهم بكرة وراحت مع رمضان تشوف فين مكتبها.
رمضان دخل مع داليا الكرفان الكبير وقال لها عاوز بس أنبهك من حاجه.
داليا اتفضل خير
رمضان خلي بالك كويس هنا من العقارب ما أكثرها وبتطلع فجأه
داليا نطت وبصت حواليها وقالت له وهي بتنط بلاش الكلام ده أنا بټرعب من سيرتهم بس.
رمضان لا والله أنا بتكلم جد لسه ناقلين إمبارح عامل قرصته عقربه على المستشفى.
داليا ربنا يستر
رمضان هنا مكتب مهندس علاء مدير المشروع وقصاده مكتب مهندس وحيد المدير التنفيذي وهنا في النص مكتبك إنت وهنا مكتب مهندس حسنين مدير الجودة وهنا مكتب مهندس عصام مهندس جودة برده ومكتب مهندس محمد هنا مدير التخطيط والمتابعة ومكتب مهندس عادل هنا وهنا مهندس عبد الله حاصر الكميات.
داليا من كل دول أنا أعرف المهندس عادل والمهندس عبد الله بس.
رمضان واحدة واحدة حتعرفي كل حاجه.
داليا إن شاء الله 
رمضان لو محتاجه أي حاجه إندهي بس على وانا آجي لك علطول ملحوظة بس حابب أقول لك عليها.
داليا خير اتفضل
رمضان مفيش ميه هنا لسه لا الوقتي ولا لغاية بعد أسبوعين
داليا عاملة حسابي وجايبة ميه معايا اتفضل زجاجه.
رمضان حاخد الزجاجة منك تشكري لان معنديش كتير بس أنا مقصدش ميه شرب هو صحيح مفيش مية شرب كمان بس أنا بتكلم على ميه الاستخدام يعني مفيش من الآخر مية في الحمام.
داليا إيه ..إزاي دي واللي عاوز يستخدم الحمام أو يتوضأ يعمل أيه.
رمضان يقول لي أنا
داليا أفندم.. يقول لك أنت ليه يعني.
رمضان وشاور رمضان من الباب بعيد في الصحرا على مسجد فقال لها شايفة المسجد اللي هناك ده في فوقه خزان ميه بيجي تانك عربية يملاه كل يوم وظيفتي بقى إني أروح املى الجردل من هناك وآجي بيه هنا في الحمام للي عاوز يستخدمه وهكذا.
داليا طيب متحط لي جردل من الصبح في الحمام الحريمي.
رمضان حمام حريمي مين هو حمام واحد لكل اللي هنا في المكاتب.
داليا إيه حمام واحد لكله.. إيه ده اللي احنا فيه ده طيب اللي عاوز يتوضى للصلاه يعمل ايه.
رمضان أروح مخصوص أجيب له ميه نظيفة وأصب له.
داليا لا والله ما قصرت .. الصب ده سهل المهم المجايب بمناسبة المجايب بقى ممكن تجيب للي كوباية نسكافية باللبن .
رمضان طبعأ .. سكرك أيه
داليامعلقة واحدة بس لو سمحت
رمضان ثواني ويكون طلبك عندك
داليا رمضان استنى.. خد زجاجة المية أهي وعاها ساندوتش للفطار كمان
رمضان شكرا يا آنسة داليا.
داليا تنحت شوية تفكر في الكلام اللي لسه سامعاه الوقتي ده .. حمام واحد.. مفيش مية.. مفيش أكل.. عقارب.. جو ړعب.. صحراء ولسه ما خفي كان أعظم بس رمت كل حاجه ورا ظهرها وقالت إنت أدها يا دودو مټخافيش ربنا معاك إن شاء الله مش من أول ألم حتطفشي في سمعت دوشة بره ففهمت إن الباص التاني بباقي المهندسين وصل طلعت بره تشوف مين جه لقت وجوه معظمها غريبه متعرفش منها غير مهندس عادل ومهندس عبد الله ونطقت أول ما خرجت صباح الخير حمد الله على السلامة.
الكل بصلها باستغراب أول ما شافوها واستغربوا دي مين وبتعمل هنا إيه.
هنا نطق عادل أعرفكم بالآنسة داليا سكرتيرة الشركة هنا.
رد مهندس علاء تقصد سكرتيرة مدير المشروع مش كل الشركة هنا
عادل أيوه طبعا ده اللي أنا أقصده أعرفك يا داليا ده المهندس علاء مدير المشروع وده المهندس شريف وده المهندس.....إلى آخر الرصه 
رحبت بيهم داليا وهم رحبوا بيها وطلب منها الباشمهندس علاء تيجي وراه على مكتبه أول ما دخلت لقت مكتبه حالته صعبه ورق مراسلات بالكومة مرمي في كل حتة الصادر على الوارد مراسلات أسبوع كامل مرمية في كل حتة.
هنا علاء نطق أعتقد الوقتي أدركت ليه محتاجينك بسرعة هنا وجبناك قبل ما نستعد لاستقبال حد لان الوضع زي ما انت شايفة بقى صعب والمراسلات المهمة كده حتضيع محتاجك تلمي كل ده وتصنفيه في ملفات وارد وصادر ورتبيه بالتواريخ وخصصي لكل جهه ملفات واحد وارد وواحد صادر وشوفي الطلبات اللي إنت محتاجاها من الأدوات المكتبية اديها للحسابات في طلب مشتريات يشتروها لك وخدي الأرقام دي دونيها في دفتر التليفونات وأعملي لنا سجل لكل التليفونات اللي بنتعامل معاها آه كمان خدي مسوده الميمو دي انسخيها لي بالانجليزي وترجميها لي بالعربي واطبعيهم على ورق الشركة ألوان وهاتيهم لي علشان أمضيهم وبعدين اعملي لهم سكان وابعتيهم على الايميل اللي حديه لك الوقت.
وقفت داليا شويه متلخبطة مش عارفة تبدأ منين وتعمل أيه
هنا ضحك وحيد وقال لعلاء براحة عليها شوية يا بشمهندس علاء متخضهاش من أول يوم واحدة واحدة.
وضحكوا كلهم علاء رد عندك حق إلا ما في راجل واحد من البلد هنا كمل أسبوع اشحال البنات بقى.
داليا نطقت أنا حاسة إني بجد في مغامرة وحابة أكمل فيها للآخر تقدر تقول نوع من التحدي لنفسي.
علاء وأنا حابب اتفرج عليك حتعملي ايه.
داليا إن شاء الله خير ندهت داليا على رمضان وطلبت منه يساعدها في نقل كل ورق المراسلات دي لمكتبها بدأ يساعدها وقال لها النسكافية كده قرب يبرد.
داليا مفيش مشكله
علاء روحي طيب اشربي قهوتك الأول وأعذرينا مفيش كافيتيريا هنا علشان تفطري
داليا معايا فطار
وحيد معاك أيه بقى أنا مېت من الجوع
داليا عرفته ان معاها زيادة وعرضت عليهم تجيب يختاروا
أول ما دخلت بالشنطة الكل ھجم وأكل اللي عاوزة شكرت مامتها في سرها على إصرارها إنها تاخد السندوتشات وطلبوا مية جابت لرمضان من المية الزيادة اللي معاها هنا علاء بص لوحيد وقاله وأخيرا عندنا سكرتيرة شاطرة بتفتكر كل التفاصيل الصغيرة وحتفرق معانا فعلا في كل حاجه.
وحيد صراحة الجواب بيبان من عنوانه
شكرتهم داليا واتكسفت وجت تخرج وقفها علاء ونده على رمضان.
علاء اسمعني كويس يا رمضان زي ما أنت شايف حالة المكاتب هنا إيه وأنا ووحيد معظم الوقت بره وأحيانا باقي مهندسي المكتب هنا أنا ضفت لك مهمة تانية جنب مهامك
رمضان إن شاء الله ادها
علاء تكون الحارس الخاص للآنسة داليا هنا في المكتب
داليا انتبهت انه نطق اسمها وانتبهت لطلبه فاستغربت بس سكتت تسمع باقي الكلام.
علاء ممنوع حد يدخل من غير سبب المكتب هنا وخصوصا مكتبها وممنوع الاستظراف من أي حد ولو حد تعدى الحدود بلغني علطول وتكون معاها أو جنبها كظلها وبالذات من وقت المغرب لما الدنيا تظلم لان زي ما أنت عارف مفيش إضاءة لسه بره وتخليك معاها لغاية ما توصل للمكان اللي حتركب منه في العمار لبيتها.
رمضان من غير ما تقول يا بشمهندس دي زي أختي.
داليا سكتت ومعلقتش مستغربة من اللي سمعاه وبتسأل نفسها يا ترى ليه كل ده.
دخلت داليا مكتبها ومش عارفه تبدأ منين حتى الكمبيوتر مش عارفه تفتحه لان مش معاها الباسورد ومعندهاش فايلات تشيل فيها المراسلات ولا فواصل ولا مفتاح اللوكر راحت للمهندس عبد الرحمن وطلبت مساعدته واتأسف ليها إنه المفروض كانوا يوضحوا ليها كل الحاجات دي بس محدش انتبه وعرفها طريق كل حاجه وبدأت تشتغل دخل عليها مدير الجودة حسنين وقال لها عاوز بس انبهك لحاجه علشان تاخدي بالك منها من البداية بيجي لنا تفتيش من الأيزو على الملفات فلازم تنتبهي على طريقة الحفظ وشرح لها على السريع مش من المفروض إن أي حد يحاول إنه يدور على ورقة جوه أي ملف ميلقهاش بل من المفروض إنه يلاقيها بمنتهى السهولة من خلال تسجيلك ليها في السجل وترتيبك مش لازم يستناك لما تيجي تطلعيها ليه انتبهت داليا لشرحه باهتمام لأنها فعلا كانت بتكتسب خبرات كلها جديدة عليها وحست