رواية داليا من 5-8

جوه فطلب منه عادل يكتب وراه قال له أحمد ثانيه واحدة يدور على ورقة وقلم لقى أدامه الدفتر فتحه وأخد ورقه منه فاضيه وسند علي الورقة المفتوحه يكتب اللي عاوزه عادل ولما خلص ڠصب عنه لمحت عينه المكتوب في الدفتر. لحظات هزته پعنف من جواه معدش قادر بجد يتحكم في نفسه وأحاسيسه مش عارف يترجم المشاعر اللي جواه هل هي تعود هل هي ارتياح هل هي حب لما وصل لأنت مين يا حياتي كان نفسه يقول لها أنا أهو أنا اللي حقدر أملك قلبك ليه حس فجأه كده إنه نفسه يحتويها بكيانه ليه بجد مش عارف يترجم مشاعره وإحساسه بس لفت نظرة جملة البداية الأزمة ايه هي الأزمة دي وغيرتها أزاي .
رجع أحمد الدفتر مكانه وراح ناحية مكتبه وناولها الشغل اللي طالبه منها عادل وسلم عليها ومشي مقدرش يواجهها ولا قدرت عينه تقابل عينها مجرد سلام ومشي.
استغربت داليا انه جه ومشي كده من غير سبب بس ما اهتمتش وكملت شغلها لأنها كانت أصلا مش حاطاه طرف في تفكيرها مجرد أخ أو زميل عمل مش أكتر.
تاني يوم داليا وصلت المكتب لقت عادل منتظرها من بدري
بلا وعي بصت داليا في الساعة لقت نفسها مش متأخرة بل بدري عن الموعد ربع ساعه
عادل داليا خلاص إحنا قررنا ننقل المكتب للموقع خلاص وحنسيب المكتب هنا
داليا مبروك بداية المشروع
عادل تعالي معايا على المكتب عاوز اوضح لك أشياء ضروري
داليا حاضر خير
لما دخلوا المكتب سألها عادل أنت عندك كم سنة
داليا 21 سنة ليه السؤال ده
عادل أنت عارفه إننا حننقل المشروع في منطقة صحراوية معزولة مفيهاش أي خدمات وعلشان نوصلها كل يوم لازم لنا ساعتين سفر رايح وساعتين جاي ده الى جانب المعديات.
داليا ياه كتير كده المشوار.. مش انتم حتوفروا لنا مواصلات
عادل من نقطه التجمع آه انت لازم تيجي لوحدك من بيتك لنقطة التجمع في الموعد المحدد علشان ميفتكيش الميكروباس.
داليا وده أيه ډخله بسني
عادل أنت تعتبري بالنسبة لينا يا أما بنتتنا أو أخت صغيرة وأكيد أحنا بنخاف عليك لأنك مسؤوليتنا.
داليا أشكرك يا بشمهندس عادل
عادل أحنا حننقل كل الموظفين والعمال الموقع هناك وحنعمل لهم معسكر يباتوا فيه بالاسبوعين والشهر حيكونوا هناك مش بيشوفوا بني آدمين خالص ومفيش أي نوع من الترفيه أو التنقلات الخاصة هناك.
داليا حضرتك كده بتخوفني
عادل مش بخۏفك ولا حاجه بفهمك الوضع علشان تتصرفي صح وتتبعي التعليمات.
داليا أنا عمري ما قصرت في حاجه طلبتها مني في الشغل
عادل أنا مقلتش كده.. من الآخر نظرا لظروف المهندسين والعمال اللي حيكونوا محبوسين في الموقع لمدد طويلة ونظرا إنك حتكوني البنت الوحيدة اللي بتدخل الموقع ده الصحرا فمطلوب منك حاجات تنفذيها.
داليا زي ايه
عادل اسمعيني للآخر ومش عاوز تعليق الا لما اخلص ممنوع تكوني ملفته للأنظار خالص شعرك ده يتلم علطول ممنوع يظهر ممنوع لبس أي حاجه ملفته أو ضيقه أو تبين تفاصيل جسمك ممنوع تحطي أي مكياج.. ممنوع تستقبلي أي حد في مكتبك ولا تجري حوارات من أي نوع مع أي حد .كده أنا خلصت لو عندك تعليق.
داليا طبعا أنا في الأول حابة أشكرك على اهتمامك وخۏفك ومعنديش أي أعتراض على أي شئ من اللي حضرتك طلبته أعتراضي إني أنا بالفعل مطبقه ده ولبسي عمره في الشغل ما كان لافت للنظر..قطع عادل كلامها وقالمتأكد من كل اللي قلتيه بس واجبي أنه لازم أاكد عليك والفت نظرك وانبهك.
داليا إن شاء الله خير أنا بجد متحمسة للمغامرة دي مش عارفة ليه أنت بتخوفني منها بجد ربنا يستر.
عادل هو ده المطلوب.. ستر ربنا
الحلقة السابعة أروح إزاي
في الطريق للبيت اتصلت داليا بصحبتها أميرة لأنها حست إنها بعيدة عنها من فترة ومقصرة في حقها.
داليا مرمر حبيبتي أزيك وحشتيني.
أميرة بكاشة كبيرة ... حشتك مين ده أنا لو كنت وحشتك كنتي على الأقل رفعتي سماعة التليفون وكلمتيني.
داليا والله يا أميرة ڠصب عني ححكي لك لما أشوفك أنا بجد في دوامة مبتخلصش.
أميرة مش أنت اللي عاوزة كدة معترضه ليه.
داليا يا ستي مش معترضه بس لسه مأخدتش على النظام
أميرة حشوفك امتى نرغي شوية
داليا ممكن الوقتي لو يناسبك بما إن بكرة الجمعة وأجازة الحمد لله.
أميرة مستنياك
داليا حكلم ماما الأول وأستأذنها.
أميرة أوك
داليا استأأذنت مامتها وراحت لأميرة والكلام كتير والحكاوي أكتر مش عارفة تبدأ منين حكت لها على المهندسين اللي قابلتهم وعن أحمد وعمايله السودا وبخله مع خطيبته وعن حسام واقتراحه اللي لغى بيه أي فرصة للرجوع تاني وأخيرا موضوع نقلها خلاص للموقع بالصحرا.
تنحت أميرة عند الحتة دي وقالت لها هو ليه بيقول كده اتصدقي أنا خفت لك!
داليا حرام عليك يا أميرة بقى متبقيش عليا أنت كمان أنا بجد فرحانه ومبسوطة إني حجرب مغامرة جديدة على حياتي كلها زي دي وحقبض عليها راتب كمان وحنسى بيها تجربتي الفاشلة.
أميرة متأكده يا داليا.. متأكدة إن تجربتك حتنسيها ومش حترجعي لها تاني
داليا بجد يا أميرة كفاية.. كفاية كل الدراما دي اللي أنا عايشاها في حبي معاه لأن بمنتهى البساطة تكاليف الدراما دي نفسية على حساب قلبي مشاعري اهتمامي صدقي وأحاسيسي وأنا معنتش أقدر اتحملها أكتر من كده تاني وأعتقد إن أن وضحت لك قبل كده لما باخد قرار برميه ورا ظهري ومش برجع له تاني أبدا.
أميرة حيلك حيلك خلاص يا ستي خلينا في المهم الوقتي رايحه امتى الموقع
داليا غالبا السبت بإذن الله.
أميرة وناوية على ايه
داليا اسمع الكلام طبعا هو أنا لسه شفت هناك فيه ايه.
أميرة ابقي طمنيني عليك باستمرار ابعتي لي حتى رساله.
داليا للأسف مفيش هناك لسه شبكات للموبايل ده اللي أنا فهمته مجردخط أرضي لبدء المشروع.
أميرة الله المستعان حتروحي الشغل الساعة كم
داليا إن شاء الله التجمع عند مكان الباس الساعه 6 الصبح
أميرة بدري أوي كدة يعني لازم تنزلي من بيتك على الأقل 5 أو 5 وربع إلا حيفوتك الباص وصعب تلاقي تاكسي كل يوم في الميعاد ده.
داليا طبعا ومفيش مواصلات لهناك ولا أعرف الطريق إن جيت للحق ده اللي قالقني موضوع نزول الفجر ده.
أميرة سيبيها على الله إن شاء الله حتفرج.
داليا ونعم بالله
روحت داليا وطول الطريق بتفكر حتلبس أيه وحتلم شعرها أزاي.......إلخ
قضت داليا أجازتها طول اليوم نايمه بتعوض تعب الأسابيع اللي فاتت وطول الليل صاحية مش عارفه تنام من القلق اللي مسيطر عليها عماله تسأل نفسها ياترى جتنجح في شغلها حتعرف تواظب كل يوم على عدم التأخير حتتأقلم على الإرهاق والتعب بتسأل نفسها عن شكل الموقع يا ترى هتواجه أيه جديد عليها ومين من النس جداد حتصادفهم هناك أسئلة كتير وتوقعات وتخيلات كتير مرت ببالها وأفتكرت جملة مامتها إن طبيعي لما تبدائي أي حاجه جديدة جسمك مش واخد عليها بتحسي إنك تعبانه لغاية أما جسمك يتأقلم عليها وتتنقل لروتين يومك خلاص مش حتحسي بيها أصلا وقعدت تططمن نفسها إنها شغالة في شركة محترمة معاها باشمهندس عادل وعبد الله في نفس المكتب وأستاذ أسامة ومهندس أحمد قريبين منها لو أحتاجت أي حاجه هم معاها فضلت كده لغاية لما مامتها دخلت عليها الساعة 4 30 صباحا تصحيها من النوم وهي بتقول لها يلا يا حبييتي يا دوب تصحي تجهزي نفسك علشان تلحقي توصلي لنقطة تجمع الباص.
داليا حاضر يا ماما يا حبيبتي إن جيت للحق يا ماما أنا قلقانة ومنمتش بالليل من كتر القلق.
الأم شعور طبيعي يا داليا أي حد داخل على شئ جديد من الطبيعي يحس كده وإلا يبقى إنسان مش طبيعي سيبيها على الله.
دالياونعم بالله يا ريت يا ماما تملي لي زجاجات مية للشرب لحسن مفيش هناك حاجه خالص.
الأم من غير ما تقولي حبيبتي وحضرت لك كمان سندوتشات بزيادة علشان تعزمي عليهم براحتك ده أول يوم للكل في المكاتب هناك وعلى قولك حتة مقطوعة وهم هنا مقطوعين لوحدهم مجموعة شباب عڈاب مع بعض.
داليا حبيبة قلبي يا ماما ربنا يخليك ليا. وحضنتها وباستها كتير.
لبست داليا هدومها وجهزتوراحت تاخد من مامتها السندوتشات والمية أول لما شافت اللي مامتها مجهزاه صړخت أيه ده كله ياماما أنا مش مسافرة أسبوع ده يوم واحد ده مش محتاج شنط السفر اللي أنت مجهزاها دي حشيل ده كله أزاي لوحدي.
الأم لا تقيل ولا حاجه دي شنطة للأكل وشنطة للمية. بدل لما تجوعي وتعطشي هناك.
داليا ماما.. بجد حرام كده مش حعرف أمشي.
الأم يلا انزلي بسرعة.. الوقت أتأخر.
داليا حاضر يا ماما أهو نازلة.
نزلت داليا وهي بتجر في اديها الأتتنين الشنط المحملة بالأكل والمية ولما نزلت لقت الحمد لله تاكسي بسهولة
ركبت فيه ووصف له المكان ووصلت بعد ما عدت معدية في الوقت بالضبط لقت هناك المهندس عادل وناس كتير متعرفهمش متجمعين في نقطة التجمع رحب بيها عادل واختار لها باص من الباصات المسؤولة عن التوصيل وعرفها بالسواق أعرفك بعم عبده اللي حتركبي معاه كل يوم الصبح للشغل .
داليا أهلا عم عبده
عبده أهلا يا آنسة
عادل حاولي متتأخريش عن ميعاد التجمع علشان ميفتكيش الباص اليوم بس التجمع 6 من بكرة إن شاء الله التجمع 5 لأن الطريق حياخد ساعتين بالتمام لو مكنش أكتر ومواعيد الموقع 7 بالضبط حاجه تانيه إنت مكانك هنا علطول سامعه محدش يقعد جنبك من الموظفين حتى لو ملوش مكان ورا سامع يا عم عبده.
عم عبده طبعا يا بشمهندس
عادل ممنوع تقعدي ورا مع الاستف
داليا وهي عمالها تحسبها في دماغها إن شاء الله
ركب الكل الباصات ولمحت مهندس أحمد وعبد الله وعادل ومعاهم المهندس اللي كانت شافته مرة خالد بيركبوا في الباص اللي وراها ضحكت كدة واطمأنت.
في الطريق سألها عم عبده أنت ساكنه فين
داليا وصفت له عنوانها
رد عم عبده شوفي أنا قررت أخدمك.. الساعه 5 الصبح نتجمع هنا صعب تنفذيها وخصوصا أن في الشتا ومنطقتك الوقت ده صعب تلاقي تاكسيات وخطړ برده تركبي لوحدك في الميعاد ده أنت منطقة بيتك جنبي وأنا نازل الصبح حقف لك أدام المخبز اللي جنب بيتك على الساعة 4 30 ألاقيك مستنياني علشان أنا برده متأخرش على موعد التجمع.
داليا يبقى بجد كتر خيرك أنا عماله أفكر فيها من بدري ولو حابب أي أجر شهري على كده أنا معنديش أي مشكلة.
عم عبده لا أجر ولا حاجه أنت بنت بلدي وأنا لازم أخاف عليك وأساعدك طالما أقدر وأنت فعلا في طريقي فمش غرمان حاجه.
داليا تسلم بجد يا عم عبده حليت لي أزمة كبيرة كانت عندي وكنت شايلة همها فعلا.
كانت داليا عدت معدية علشان توصل لنقطة