رواية داليا من 5-8

ده كله
عادل أفرض انها حتطلع عينا اعينها ليه أغيرها أحسن وبعدين هي وافقت على عدم صرف المرتب أنت متضايق ليه
أسامة متضايق علشان ده اسمه حرام وميرضيش ربنا
عادل خليها بس تثبت نفسها ونتكلم عن الموضوع ده بعدين.
أسامه لما أشوف أخرتها معاك.
عادل بضحك إن شاء الله خير
اختارت داليا مكتب ليها قريب من المهندس عبد الله علشان لو احتاجت منه مساعده وهو فعلا من غير ما تطلب فهمها أزاي تنظم الملفات اللي حتكتبها على الكمبيوتر بتاعها وقالت له المطلوب منها واستغرب قوي من طلب عادل منها لأن في نظره ده تعذيب حاولوا يبعتوه في مكتب طبعه بره يتكتب لقوا التكلفة عاليه فغلفوه فمعلقش على طلب عادل منها وقال لها أي مساعدة أنا موجود.
شكرته داليا وبدأت تنفذ العقاپ اللي قرره ليها عادل وكانت عاوزة تخلص بسرعه بس الصفحات وعددها مش راضي يخلص بدأت كتابة الساعة 9 الصبح واتكسفت تتحرك من مكانها طول اليوم أسامة كان مشي وعادل بيروح وييجي الوحيد الليحاسس بيها هو المهندس عبد الله على الساعه اربعه قال لها كتير كده عليك قومي ريحي شويه وكان طلب لها سندوتش معاه وبعدين أنت مأكلتيش من الصبح حاجه.
داليا لالا خالص شكرا أنا مش جعانه ومش عاوزة ارتاح اخاڤ معرفش أخلص اللي مطلوب مني
عبد الله وحيحصل ايه لو مخلصتيش مفيش حاجه تخلينا مستعجلين
داليا ده أول طلب مني ولازم أخلصه 
عبد الله ماشي بس مش حسيبك من غير ما ترتاحي وتاكلي وحقوم اعمل نسكافيه لينا كمان.
داليا شكرا بجد يا باشمهندس
عبد الله ده أقل ما يجب كان بودي أول يوم شغل ليك ميكنش كده بس نعمل ايه امر الله.
داليا أنا مش متضايقة الحمد لله بالعكس عندي شعور بالتحدي.
عبد الله ربنا يوفقك
داليا يارب
وخلصت بسرعه اخد منها الأكل 7 دقايق وكملت لغاية الساعة 9 مساء كانت بتكتب آخر صفحة حست وقتها إنه بجد حيغمى عليها من التعب وظهرها ۏجعها 12 ساعة متواصلة من دون راحه على الكمبيوتر بتنسخ 600صفحة خلصت الشغل وسلمته للمهندس عبد الله لان عادل كان روح واخدت تاكسي وجري على البيت مامتها حاولت توقفها وتناقشها في تأخيرها قالت لها بجد مش قادرة أنطق وتعبانه بكرة ان شاء الله احكي لك كل حاجه اسيبك الوقتي اناااااااااااام والصباح رباح ونامت بهدومها من غير حتى ما تقدر تغير.
صحيت تاني يوم على مامتها وهي بتحاول تصحيها وبتقول لها صوت شخيرك صحى الجيران.
داليا أنا... أنا بشخر
الأم أنت مش بتشخري بس أنت بتعزفي سينفونية شخير.
داليا أكيد من الارهاق بتاع امبارح وحكت لها على اللي حصل
الأم اللي اسمه عادل ده شكله مفتري
داليا لسه مش عارفه أحدد اللي اعرفه أني عاوزة أعدي فترة التدريب على خير واتثبت بإذن الله
الأم إن شاء الله يا حبيبتي حدعيلك.
داليا إن شاء الله يا ماما
ثاني يوم شغل داليا نزلت من بدري علشان تلحق توصل في ميعادها وأول ما وصلت لقت لقت على مكتبها ملف كبير مليان جداول اكسيل عبارة عن دراسات جدوى وعقود وبنود خاصة بالتوريدات والتعاملات الخاصة بالمشروع وبالطبع طلب منها عادل تعمل له نسخة من كل الورق ال copy نسخة كتابية على الكمبيوتر soft copy وبرده أعدت داليا على الشغل من أول ما وصلت المكتب لغاية الساعة 10 مساء المرة دي ورجعت كالعادة مش شايفة ادامها ونامت قالت لنفسها هو الشغل كده علطول أنا من أول يوم استنفذت يمكن علشان مش واخدة على طبيعة الشغل ده وبمجرد إن جسمي ياخد عليه يبقى خلاص.. الله أعلم والله المستعان مش حستسلم أبدا حقاوم للآخر محبش أي حاجه تهزمني إن شاء الله.
خلص أول أسبوع شغل بسرعة وجه أول الشهر دخل أسامة على عادل وقال له على فكرة يا عادل حرام عليك اللي بتعمله ده في داليا.
عادل أنا عملت فيها ايه
أسامه سيبك من كم الشغل اللي بټنتقم منها فيه وتخليها تكتبه والبنت بتخلصه كويس الحمد لله.
عادل طيب وماله لما أطلب منها مش هي جاية برده تشتغل ولا جاية تلعب
أسامة أنا متكلمتش على كده خالص مهما كان الشغل متعب أهي بتكتسب خبرة.
عادل أمال بتتكلم على إيه
أسامه يعني أنت بنفسك بتتكلم بنفسك أهو إنها اشتغلت وخلصت لك كتير شغل كان مش بالك إنه حيتعمل لأنك عمرك ما كنت حتكتبه وحق الله كانت بتشتغل 12 ساعه طول الأسبوع اللي فات.
عادل إخلص عاوز إيه يعني
أسامه حرام كل ده ببلاش إديها حقها مش راتب اسبوع اشتغلته هو اللي حيبوظ ميزانية المشروع.
عادل هي اشتكت لك
أسامة البنت ما نطقت بس حرام أنا بنبهك وبعدين بعد شغلها ده ناوي تثبتها ولا تمشيها.
عادل بتفكير لا طبعا أمشي مين البنت بتشتغل زي ... وبعدين معنديش وقت اختار وأجرب تاني خلاص حثبتها قول للمحاسب يحسب لها راتب الاسبوع ويقبضها بكرة إن شاء الله.
أسامة أيوه كده عين العقل.
تاني يوم دخل أسامة لداليا واداها الراتب ومضاها الاستلام داليا مكنتش متوقعه ابدأ الراتب لان عادل كان مفهمها ان أول شهر تدريب من غير راتب وهي لسه مكملتش الشهر فشرح لها أسامه الموقف وشكرته وفرحت جدا براتب الاسبوع اللي اشتغلته وبخبر التثبيت ده أول مرة تقبض نتيجه شغلها وهي مروحة أشترت حاجات كتير للبيت فرحانه بالراتب اللي وصل في الأسبوع ده للألف جنيه. واشترت للشغل تاني يوم جاتوه توزعه على المهندسين اللي معاها في المكتب احتفالا بالتثبيت والراتب.
دخلت داليا تاني يوم المكتب ولاحظت وجود مهندس جديد وقاعد على مكتبها ومكانها كان تقريبا أواخر العشرينيات وسط في الطول وحجم الجسم بس شكله مبهدل زي ما يكون طالع من خڼاقه ولابس جينز وقميص وعرقان وسيفتي من الآخر غير المهندسين اللي معاها في المكتب سلمت على الكل وبدأت توزع بنفسها الجاتوه على الموجودين عرفها عبد الله على المهندس الموجود إنه الباشمهندس أحمد مهندس الموقع للمشروع وهنا أدركت داليا سبب الپهدلة بتاعته المفروض إنه بيعد الموقع والمكاتب علشان ينقلوا ليها وفي جزئية من شغلة خاصة بأعمال مكتبية علشان كدة هو هنا في المكتب الفني واستعار مكتبك لغاية لما الكمبيوتر بتاعه ومكتبه يوصل بكرة إن شاء الله.
داليا بتحفظ هو حضرتك حتقعد معانا هنا في المكتب.
أحمد أولا حضرتي مش بالضبط حقعد هنا ما بين الموقع وهنا حسب الشغل المطلوب إنجازه على الكمبيوتر حتواجد هنا وباقي الوقت هناك وبعدين حضرتي وحضرتك وكلنا مش مكملين هنا كلها أسبوع بالكتير وننقل كلنا في كرفانات الصحراء.
داليا إيه ده بجد .. حنقعد في كرفانات في الصحرا أنا متشوقة بجد أخوض التجربة دي.
أحمد أنت قلت تاني مين وهمس العبيطة دي يا عبد الله.
عبد الله بيحاول يغطي على الكلمة اللي قالها علشان داليا متاخدش بالها الآنسة داليا السكرتيرة التنفيذية للمشروع وبمعنى أصح لمدير المشروع والمكتب الفني.
داليا بجد أول مرة اسمع المعلومة دي بس هو فين مدير المشروع
أحمد لما يجهز المكان لاستقبال الناس إن شاء الله حينضم كل الفريق متستعجليش قوي كده لسه مشفتيش حاحه.
داليا حست داليا جواها برخامة أحمد بس طنشت وقالت لنفسها ميهمنيش هو أصلا مش حيشتغل معايا ومش حشوفه بعد كده كتير هو في الموقع وأنا في المكاتب.
وخلص اليوم على كده وروحت اليوم ده بدري شوية عن أي يوم حوالي الساعه 6 مساء.
أول لما دخلت رن جرس تليفون البيتأكيد دي قرون استشعرار صحبتها أميرة أكيد حست بيها كالعادة ورفعت السماعة وقالت لها مرمر حبيبتي اسكتي عندي لك أخبار جديدة حصلت النهاردة وفي اللحظة دي اتلجمت لأن اللي رد عليها في التليفون مكنتش أميرة ....كان حسام.
الحلقة السادسة
حسام أخيرا يا داليا سمعت صوتك أرجوك متقفليش السماعة في وشي للدرجة دي معدش لي أهمية في حياتك سامع صوتك الوقتي مبتهج وفرحان لحقت في 3 أسابيع بس تخرجيني من حياتك وتعشيها عادي كمان.
داليا اتجمدت في مكانها مش عارفه تنطق مجرد صوت تنهيدتها ونفسها هو اللي سمعاه كأن صوته أخدها معاه تاني لدنيا تانيه .. نقلها لجوها اللي ياما عاشته معاه وياما كانت تتمنى تعيشه للآخر وتكمله وافتكرت اللي حصل منه وأخيرا نطقت حسام بعد الموقف اللي حصل منك حسيت أن الأمور وصلت لمرحلة الرتابة في حياتي معدش في حاجه تستفذ قلبي معدش في حاجه تخليني ابص على شاشة موبايلي كل شويه كل شويه احس أن كل شئ نفس القديم متغيرش دورت عليك وقتها وفتحت قلبك بس للأسف لقيتك كذاب.
حسام أيه كل الكلام ده يا داليا محسساني أني عملت فيك مصېبة.
داليا وده فعلا اللي حصل أنت عملت في مصېبة أنت كمان مش حاسس باللي أنت عملته.
حسام بس أنا ملمستكيش
داليا لمست ولا ما لمستش الفكرة كانت عندك ومش كده بس ده أنت كنت بدأت تنفذها لولا رحمة ربنا بيا.
حسام متضخميش الموضوع يا داليا أنا كده كده كنت حتجوزك وحتى الوقتي عاوز أتجوزك.
داليا يا سلام تتجوزني وأنا مکسورة ومزلزلة لك يا سلام ونعم الأخلاق.
حسام داليا أنا بتصل اليوم علشان أفرحك أنا وصلت لقريبي اللي ڼصب علي وقدرت أوصل معاه لاتفاق وأخدت منه معظم مستحقاتي خلاص كده الحمد لله أنا أقدر أجهز في الاسبوع اللي فاضل لكل الشروط اللي عمك ووالدك حطوها لي ودي بصراحه حاجه مفرحاني بدل ما كنا حنتجوز بعد 3 شهور اختصروا لي المدة لاني فعلا وبجد معنتش قادر استحمل وأهي فرصه تسيبي فيها الشغل اللي ربطك بيه عمك وترتاحي في بيت جوزك حبيبك.
داليا اتجمدت في مكانها وهي بتكلمه مكنتش عاوزة كده فعلا وده اللي كانت خاېفة منه هل حتقدر تعمل فلاش باك وتوصل للنقطة اللي غيرت مشاعرها وأحاسيسها ناحية حسام وترجع احساسها بيه تاني زي ما كان لأنها فعلا حاسة إن في رح كبير حصل في علاقتهم ومش عارفة حتعرف تصلحه ولالا هل حتسيب شغلها اللي بتحبه واللي لسه مستلماه دي لسه مكملتش فيه شهر ليه عاوز يحرمها من سعادتها في الشغل واستكشاف أجواء معاشتهاش قبل كده خالص قعدت داليا تدعي ربنا في سرها يساعدها تاخد القرار المناسب.
في اللحظة دي نطق حسام ياه للدرجة دي يا داليا الرد أخد منك الوقت ده كله ولا استني أنت لسه خاېفة من عمك وباباك .. مټخافيش حبيبتي أنا موجود طول ما أنا موجود مټخافيش من حد عندي لك الحل بكرة إن شاء الله الفجر الساعه 5 تكوني محضرة شنطة هدومك وواخده كل حاجه تهمك معاك وأنا حعدي عليك من تحت آخدك نطلع على أقرب مأذون ونتجوز وتشرفي بيتك يا قلبي وكل اللي أنت عاوزاه حعمله