رواية داليا من 5-8

لك..
داليا بجد كانت مصعوقة من اللي بتسمعه ووقفته قبل ما يكمل كفاية .. كفاية مش عاوزة أسمع منك أي قرف من ده تاني انت إيه مش بني آدم لسه فاكرني لابسة النظارة السودا اللي مغمية عيني عنك وعن عمايلك أنت مستوعب بجد أنت بتقول لي إيه بتطلب مني أنا إني أخاف من أهلي اللي أهم أقرب ناس لي ومخفش منك انت الغريب وأثق بيك بتطلب مني إني أهرب واتجوزك في السر من ورا اهلي وأجيب لهم الفضيخة علشان خاطر إيه .. علشان خاطرك أنت وأنت فاكر إنك بعد اللي بتعمله وتقوله ده لي يخليك إنسان تستاهل أو يخليني أصدق إنك إنسان بتحبني بجد ولا پتخاف عليا ده أنا لو كنت واحدة من الشارع مش حبيبتك معتقدش أبدا إنه ينفع إنك تحرضني أهرب من بيت أهلي مهما كانت الأسباب.
حسام داليا أنا بحاول أثبت لك حبي وبحاول اغير الفكرة اللي في بالك عني إني بلعب بك أنا فعلا عاوز أتجوزك داليا أنا بعتبر ده نوع من أنواع الاعتذار لك.
دالياأحيانا مبتكنش مستني كلمة إعتذار من الشخص اللي قدامك مستني منه فعل يجبر خاطرك يعوض عن كلمة آسف بس للأسف الفعل اللي صدر منك طلع عكس كل التوقعات أنا اتعودت أكون صريحة مع نفسي قبل غيري وفعلا قلبي ومشاعري مليش سيطرة عليهم بتأثروا بكل اللي بيحيط بيهم لأن الإنسان منا مجموعة من الطاقات بيوصل لمرحلة يحس فيها خلاص معدش قادر فيها يسمع من الطرف التاني أي شئ او يديه أي شئ ومش قادر فعلا يتكلم لان الانسان اللي قدامه استنفد كل رصيده عندك. واخدت قرار مع نفسي إنه لو أنا مش مرتاحه مع حد ليه أجامله وأقول اديله فرصة تانيه ليه أكمل وأنا من جوايا حاسه إني مش مرتاحه ليه تكمل علاقة وأنت مش مرتاح لها الشخص ده أخد أكتر مما هو يستاهل وشويه شويه حبي ليه جوايا حيتبخر فحرام عليا أظلم نفسي وأظلمه.
شوف يا حسام كان عندي استعداد أفكر في الرجوع بجد بس بعد عرضك السخي ده آسفة وألف آسفة معنتش تنتظر مني أي صدق مشاعر قلبي ومشاعري ملك لي أنا لوحدي مش ملك لأي حد تاني مفيش حد بجد يستاهل إني اسلمه قلبي ومشاعري ونفسي ولغاية لما ألاقي الحد ده أنا ملك نفسي.
حسام ده آخر كلام عندك يا داليا
داليا أيوه ده آخر كلام.. واتمنى إن ربنا يعوضك بحد أفضل مني.
حسام للاسف إنت مكنتيش بتحبيني وأول اختبار ليك وقعت فيه
داليا للاسف أنت لتاني مرة مش صادق مع نفسك وأنا مش حابه أكمل معاك الكلام .. كدخ خلاص الكلام خلص وانتهى.
حسام مسيرك حتندمي أنا مسافر بعد اسبوع إيطاليا إن شاء الله وكنت حاخدك معايا شهر العسل هناك.
داليا بالتوفيق بجد من قلبي يا حسام بس من غيري وقفلت السماعه.
وبجد حست إن حمل كبيييير قوي انزاح من على قلبها.
حكت داليا لمامتها اللي حصل وطلبت منها متوضحش النقطة الخاصة بالهرب وطلبت منها توصل لباباها إنها نهت مع حسام خلاص ومعندهاش أدنى استعداد ترجعله تاني. 
والدتها تفهمت موقفها وقالت ربنا قصد يكشفه أدام عيونا علشان منحسش بالندم بعد كده
داليا الحمد لله.
في اليوم التاني وصل المكتب المخصص للمهندس أحمد والكمبيوتر الخاص بيه كان مكانه في مواجهة مكتب داليا.
كلمت داليا نفسها المهندس الرخم ده حيقعد في وشي هنا علطول الله المستعان ورجعت تقول لنفسها وأنا مالي بيه أنا في حالي وهو في حاله.
كانت داليا لابسه جينز أسود وقميص رمادي ولمت شعرها ضفيرة طويلة محصلة ركبها من الخلف دخل المهندس أحمد وصبح عليها مكنش في أي حد متواجد غيرهم وقال لها آنسه داليا ممكن أطلب منك طلب صغير.
داليا اتفضل أطلب 
أحمد دماغي مصدعه ومش فايق لسه صاحي من النوم وملحقتش أشرب فنجان النسكافية بتاعي الصبح فلو مفيهاش قلة ذوق عاوز فنجان نسكافيه أنا معرفش حاجه عندكم هنا في المكتب لو فيه مطبخ يا ريت تعملي واحد لو مفيش أطلبي لي واحد من أي كافيه هنا .
داليا بضحك لا قلة ذوق ولا حاجه عندنا مطبخ وكنت قايمه أعمل لنفسي واحد بنفجان حعملك واحد معايا.
أحمد يبقى شكرا بجد لك
داليا لا شكر على واجب
وهي قايمه ناحية المطبخ وبتتدور خبطت جامد في شخص كان داخل مكتبهم والخبطة وجعتها بجد فصړخت آه والظريف إن الشخص ده هو اللي اعترض وما اعتذرش بل زعق وقال لها مش تفتحي.
داليا افتح ايه حضرتك اللي ماشي أنا لسه متحركتش من مكاني.
تخاهلها الشخص واتجه لاحمد وقال له أبو حميد فينك يا راجل أنت مش ناوي تشرفنا بقى في الموقع.
أحمد خلود حبيبي هلا بيك .. مستعجل على ايه كلها يومين وأحصلك بخلص بس شويه الشغل دول وأروح على الموقع علطول.
خالد تخلص برده الشغل ولا عجبك الجو هنا قال كده وهو باصص لداليا اللي اتضايقت من تلميحه
أحمد لا والله اسأل الآنسة داليا أنا لسه واصل امبارح هنا ده تاني يوم لي
صحيح أعرفكم المهندس خالد المهندس التنفيذي في الموقع معايا و الآنسة داليا السكرتيرة التنفيذية للمشروع.
هزلها خالد راسه باستهتار وكمل كلامه مع أحمد.
في اللحظه دي استأذنت داليا واتدورت فتنح خالد وبطل كلام هنا أحمد كلمه مالك قليل الذوق مع البت كده ليه وليه تنحت.
خالد لا قليل الذوق ولا حاجه لفت نظري الضفيرة أصلي بعشق الضفاير بجد وهي ضفيرتها طويلة حسيت إني عاوز أروح ألمسها وألفها على إيدي.
أحمد مچنون وتعملها خلي بالك اللي فهمته من عادل وعبد الله وأسامة إنها محترمة مش بتاعة الكلام ده خالص فابعد أحسن.
خالد ومين قال لك إنها في بالي أصلا.. أنا بالي مشغول يا قمر بغيرها.
أحمد حتقولي.. مقلتش ايه سبب زيارتك دي 
خالد نازل أجازة القاهرة يومين قلت أعدي عليكم عاوز آخد من أسامة الشيك بتاعي مشفتوش بقالي كم يوم.
أحمد أسامة غالبا نزل القاهرة اليوم حاول تقابله هناك
خالد ايه المقلب ده.. طيب سلام يا دوب ألحق السوبرجيت
أحمد بالسلامه 
في اللحظة دي خرجت داليا من المطبخ بفناجين النسكافية ومكلفش خالد نفسه حتى يبص ناحيتها ولا يقول لها مع السلامه .. خرج من الباب وخلاص مستعجل وهي استغربته.
شكرها أحمد عل النسكافيه وهي طلعت له ساندوتش زيادة كان معاها يفطر بيه شكرها واخده أكله في ثواني مع النسكافيه وهي ضحكت بينها وبين نفسها وكملت شغل.
الأيام اللي بعد كدة عادل وعبد الله كانوا بيروحوا كتير الموقع ويرجعوا آخر النهار أما أحمد كان قاعد معظم الوقت على الكمبيوتر يخلص شغل ونادرا ما كان بيروح الموقع.
ودارت بينهم حوارات كتير وخاصة في وقت الراحة بتاعهم عرفت منه وقتها إنه خاطب وقرب يتجوز وده إداها مساحة من الحريه في التعامل معاه لأنها كانت خاېفة يترجم أي حوار بطريقة خطأ.
أحمد أنا آسف مرة تانية يا آنسة داليا عاوز خدمة منك 
داليا عاوز نسكافيه تاني
أحمد لالا مش نسكافيه خالص
داليا خير اتفضل
أحمد عاوزك تساعديني أشتري هدية لخطيبتي
داليا أنا معنديش مشكلة بس أنا معرفش ذوق خطيبتك وايه اللي بتحبه وايه اللي مش بتحبه.
أحمد دي بسيطة حعرفك عنها شويه
وفتح في الكلام عن خطيبته مش عارف يوقف
ضحكت داليا من تصرفاته الطفوليه وكل ما تقترح عليه هديه يلاقي مليون عذر لعدم الشراء
داليا اعذرني كده أنت واحد مش عاوز تشتري أي حاجه أنت بخيل ولا ايه
أحمد لا بخيل ولا حاجه والله أنا آخر مرة كسرت لها بالغلط البرفان بتاعها
دالياطيب كا كده بسيطه اشتري لها واحدة غيرها
أحمد لا البرفان غالي قوي عدى الألف ونص
داليا بصت له باستغراب وقالت مش أنت اللي كسرته يبقى أيا كان سعره هات لها غيره وبعدين أيه ده بجد شكلك بخيل
أحمد لا أنا شقيان هنا في القرش وعارف قيمته هي أهلها طول عمرهم شغالين في الخليج فالامور المادية دي عندهم ولا حاجه.
داليا أوك .. براحتك بس أنا شايفة إنه لازم تشتري واحد ليها.
أحمد ربنا يسهل
داليا ضحكت لأن شكله مش حيشتري لخطيبته أي حاجه وسكتت
واتعود أحمد كل يوم يقعد يحكي معاها شوية عن خطيبته وأزاي يتعامل معاها وهي تنصحه حسب خبرتها في البنات على حد قوله.
تاني يوم الصبح أحمد صحي من النوم على تليفون من خالد عاوزة يكون معاه اليوم من أوله في الموقع في حاجات مهمة لازمينفذوها مع بعض وقال له إنه بعت له عربيه بسواق تاخده من الفندق يعني مفيش خيار تاني قفا أحمد معاه السماعه وحس بضيق غريب ميعرفش ايه سببه هل السبب هو الشئ اللي في باله إنه مش رايح المكتب اليوم وبالتالي مش حيشوف داليا وقعد يفكر مع نفسه بصوت عالي هل هو معقول إن كثرة الشكوى من المشاكل تولد أي نوع من أنواع المشاعر الإيجابية وتضطر الواحد منا أنه يعيد التفكير في كلمة أحبك مثلا هو من الممكن أن يكون قلبي هو اللي حيمشيني مش زي ما كنت بقول دايمأ لنفسي أني أنا اللي بحركه فيه جوايا ألف سؤال بس للأسف حرد على نفسي بمفيش حاجه لأن في ألف سبب يمنعني من الإجابه. فوق يا أحمد مينفعش الموضوع بأي شكل من الأشكال هي بالنسبة لك موظفة في الشركة وأخت عزيزة وخلاص.
وقام لبس هدومه واتحرك مع العربية اللي بعتها ليه خالد تاخده للموقع.
الأيام دي خف الشغل شويه على داليا لأنهم طول الوقت في الموقع فقررت تاخد معاها مذكراتها تتسلى فيها شويه وبعد ما خلصت كل شغلها طلعت المذكرات وبدأت تكتب أكيد الأزمة دي غيرتني.. لمست روحي وعدلتني أنا اتعودت إني أكون صريحة مع نفسي لأني لو مش صريحة مع نفسي أنا اللي حعاني أنا اللي حتعذب أنا اللي حستفذ كل مشوف بني آدم قادر يوصل مشاعره دي للطرف التاني وأنا لا. بس للاسف أنا موصلتش للمرحلة دي مرحلة إني أبوح بحبي ومشاعري للطرف التاني لأني بمنتهى البساطة معرفش هو مين لغاية الوقتي الطرف الثاني حابه أوصل له وبجد اشتقت له بس أنا أخدت عهد على نفسي أني مدورش على أي حب استناه يجيي لحد عندي. أنت فين يا حبي.... أنت مين يا حياتي .. مين اللي حيقدر يملك قلبي
كتبت داليا الجزء ده من مذكراتها وافتكرت إنها لسه مصلتش المغرب دخلت تصلي المغرب في المكان اللي متعوده عليه وفي الوقت ده رن جرس التليفون مع دخول أحمد المكتب دخل أحمد ملقاش حد قاعد على المكتب ورفع السماعه لقى عادل كان بيكلم داليا يطلب منها شغل تنسخه فقال لها ممكن تكون في الحمام أو بتعمل حاجه