رواية رورو من 1-8

وطلع بيها جرى لفوق وهى بتضحك بصوت عالى
نزلو بعد شويه واجتمعو على السفره طبعا آسر كان قاعد على الكرسى قصاد حنين وعمال يعملها حركات تضحكها وهى ماسكه نفسها بالعافيه لكن مش قادره تسيطر على ابتسامه بتشرد منها كل شويه
محمود كان ملاحظها وعينه عليها وقطع الصمت انه قالها حضرى نفسك بكره طالعين نقضى اليوم فى اسكندريه على البحر
رقيه هييييييييييه هنروح البحر 
حنين ابتسمت بفرحه فهى هتشوف الشارع والناس اخيرا بعد فتره كبيره تقريبا سنه مخرجتش برا باب الفيلا
الخامس
اللهم يامن لا تضيع عنده الودائع استودعك كل من هو غالى على قلبى 
اللهم صلى وسلم وبارك على اشرف الخلق اجمعين
بعد قضاء محمود وحنين يوم على البحر وتقريبا وقت الغروب محمود جاله تليفون
محمود خلاص طيب تمام عدى على الشركه بكره اديهم الفواتير وخد حسابك وكمان عشان تورينى اتعامل معاهم ازاى 
يلا مع السلامه نتقابل بكره وقفل السكه وبص لحنين 
يلا عشان نرجع 
حنين قامت من غير كلام تلم فى لعب رقيه عشان يودوهم العربيه
محمود وصل فيلته فمصر ودخل حنين ورقيه وقفل الباب بالاقفال وخرج يتمشى بالعربيه وصل لغايه الكورنيش تحديدا تحت الشجره وبص لعم ادهم اللى كان فى البلكونه كالعاده  وشاورله 
عم ادهم ابتسمله وشاورله وحس انه عاوز يتكلم معاه شاورله عشان يطلعله الشقه وفعلا محمود طلع لعم ادهم مسافة ما وصل لقى عم ادهم فتحله الباب بأبتسامه حنونه 
آدخل يامحمود يبنى تعالا واخده وطلعو البلكونه محمود قعد وبص للمكان حواليه وشاف كميه جرايد واعقاب سجاير فى طقطوقه بكميه مهوله  وكرسى هزاز وبقايا اكل  وان دل يدل على ان عم ادهم عايش حياته فى البلكونه  محمود سرح  وهو بيتأمل الشجره والكرسى اللى شهد على اجمل ايام حياته وبعد شويه دخل عم ادهم بكوبيتين شاى 
وحطهم على الطربيزه الصغيره اللى قدام محمود واخد كبايته وبص للنيل وقال لمحمود
اكيد منظر النيل من فوق غير منظره من تحت من مكانى ده بتابع كل حاجه بتحصل على الكورنيش من سنين هو متعتى الوحيده بعد المرحومه صدقنى الوحده وحشه اوى يامحمود يبنى بتخلى الواحد يحاول يشغل نفسه بأى حاجه مهما كانت هايفه بيشوف فيها حياه
محمود بصله وسكت شويه وبعدها اتكلم
على فكره انا عارفك من زمان من اول ماابتديت اجى هنا انا وو... واتنهد وكمل والمرحومه انتا كنت بالنسبالنا جزء لا يتجزء من المكان انتا والنيل شاهدين على زكرياتنا كنا اول منيجى نبص نشوفك قاعد كعادتك ولا لا وهند كانت دايما لما متلقكش تقلق وتقولى اكيد تعب وهو قاعد لوحده عمرى مشفت حد معاه وكانت بتترجانى انها تطلع تسأل عليك لكن انا كنت ديما بقولها الناس اسرار وفيه ناس مبتحبش حد يقتحم حياتها او يتطفل عليها وكانت بتفرح اوووى لما تيجى تانى مره تلاقيك موجود
ادهم اتنهد بحسره ياريتكم كنتو جيتونى كنت هبقى اسعد واحد فى الدنيا والله
محمود حط ايده على رجل عم ادهم وطبطب عليها وبص للنيل واتنهد
عم ادهم طبطب على ايده اللى فوق رجله محمود التفتله وبصوت مخڼوق وعيون فاض منها الدمع
خانتنى ياعم ادهم 
ادهم هنا ايده اترعشت بكبايه الشاى وجاهد عشان يرجعها للطربيزه من غير ماتقع من ايده وبص لمحمود اللى استسلم لشلال الدموع اللى نازل من عنيه
ادهم بس متكونش انتا اللى 
محمود قټلتها لا للاسف اڼتحرت خاڤت من الڤضيحه
فلاااااش باك
دخل الفيلا لقى هند بتلاعب اسامه غمض عنيها وهى ضحكت بخفه  واردفت حبيبى وحشتنى محمود باسها من خدها وشال اسامه ومسك ايدها وطلب منها تغمض عنيها واخدها لبره الفيلا وطلب منها انها تفتح وشافت قدامها عربيه حمره جميله جدا بصتلها بأنبهار وبصت لمحمود وحضنته
ياحياتى مكنش ليها داعى والله 
محمود ازاى يعنى دى ياستى عشان لما تحبى تخرجى فأى وقت تبقى عربيتك معاكى وبعدين ياستى الحمد لله ربنا كرمنى والمشروع اتسلم قبل ميعاده كمان وشغلنا كل الناس مبهوره بيه
هند يارب دايما من نجاح لنجاح ياقلبى 
محمود يارب ياعمرى وربنا يقدرنى واقدر اسعدك انتى وأوس أوس يارب
هند سعادتنا فى وجودك فى حياتنا يامحمود مش فى اى حاجه تانيه 
محمود حضنها هى وابنه ودخلو الفيلا وهما فى منتهى السعاده
لكن طبعا عمر السعاده مابتدوم طول العمر
فى فيلا اياد اللى طبعا مكنتش فى مستوى فيلا محمود او هو بمعنى اصح بيت من دور واحد وأياد مسميه فيلا
أياد ساره 
ساره وهى مركزه انتباهه للتلفزيون همممم
أياد هو انتى ليه بطلتى تروحى عند هند او هى تيجى عندك
ساره اتنهدت وطفت التلفزيون وادورت ناحية أياد
والله يا أياد مش عارفه اقولك ايه لكن هند بقالها فتره متغيره معايه وحساها بقت بتتهرب منى  او مش عاوزانى اكون صحبتها حاسه فيها حاجه متغيره كده مش هى هند صحبتنا بتاعت الجامعه ولا هى هند مرات محمود صاحبك حساها بقت هند تانيه
أياد غريبه وياترى ده من ايه يعنى 
ساره علمى علمك 
أياد امممممم طيب متتكلمى معاها يمكن فيه مشكله معاها ولا حاجه
ساره بقولك بقت تتهرب منى ثم انى مبحبش افرض نفسى على حد وانتا عارف وبعدين طالما هى مش بتحكى يعنى قادره تتعامل مع مشاكلها بنفسها
أياد بيعجبنى فيكى صرمتك اللى ضاړبه الدنيا بيها دى 
ساره عملت حركه ببوقها اللى هى معناها طظ دى تحبها تلويحه باليد فى الهو 
اااايوه هى اللى عملتوها دى
أياد لا دى بقت فله جدا معاكى 
ساره فوووق ماتتخيل 
أياد كشرلها بقرف مصطنع وطلع على الجنينه اللى هى مترين نجيله قدام البيت فى وسطهم كرسيين وطربيزه
أياد انا طالع فى الجنينه ابقى هاتي الشاى وتعالى ورايه
ساره ماشى بس اوعى تفكر البلاعه الطافحه بسين وتنزل تاخدلك غطس اصلى عارفه خيالك الواسع
أياد ههههه خفه طب لعلمك بكره هيكون عندى اجمد فيلا فيكى يامصر
ساره ومالو بيتنا هو حد لاقيه ياينى قول الحمد لله 
أياد الحمد لله بس انا واحد طموحى عاالى عااالى عاااااالى 
ساره طب حاسب على طموحك لحد يصطاده وهو عالى كده وبيسبح فى الفضاء
يبنى دحنا مصدقنا جبنا العربيه بالعافيه من ساعت مشتغلت عند محمود ودخلنا اتحسن شويه بالله عليك ياشيخ انسالى طموحك شويه وركز فى شغلك اشتغل من غير طموح عشان طموحك ضيعنا
أياد متخلفه الواحد فى بداية مشواره المهنى لازم تقابله عثرات ويقع ويقف لغايه ميحقق احلامه وهحقق احلامى قالها بصوت   عالى خلاها نطت من على الكنبه وفجأه بصت للتلفزيون وقعدت على الارض من الضحك ومسكت بطنها
أياد بص لقى فيلم بتاع على بيه مظهر وهو بيقول . وهوب طقطق طق هبقى فووووق
ساره انتا اهو
أياد وهو رافع راسه بغطرسه مصطنعه وخارج لاااااا تعليق ودى كلمته المشهور بيها لما يدايق جدا
بعد فتره فى الفيلا عند محمود
محمود هند 
هند وهى بتغير لاسامه 
محمود اسامه مش عاجبنى وشايف صحته علطول فى النازل انا قلقان عليه
هند اتنهدت منا ملاحظه ده وهو بقالو كام يوم كمان مش بياكل كويس ده تقريبا مش بياكل خالص على العموم انا حجزتله النهارده عند دكتور وميعادنا الساعه ٦ المغرب
محمود أاااخ الساعه ٦ عندى ميعاد مهم جدا مع عملا كنت عاوز اروح معاكى اطمن عليه
هند ولا يهمك ياقلبى روح انتا اجتماعك وانا
هكشفله واطمنك عليه وبأذن الله