رواية فاطمة من 14-16

استدارت و نظرت له بدهشة 
فارس انت بتعمل ايه هنا !!
رد عليها بهدوء 
كنت مع واحد صاحبي و شوفتك بتمشي من غير ما تاخدي بالك من العربيات اللي بتعدي قدامك بس مالك اټخضيتي ليه 
ابتسمت أسيل 
اها اصل انا كنت مع صاحباتي بردو وطلعت مستعجلة و كنت بفكر فحاجة و لما حسيت ان في حد مسكني اټخضيت بس كده..... المهم انا راجعة البيت و انت 
اجابها بنفي 
لا انا مشغول شويا وممكن مجيش بليل اصلا انتي عارفة طبيعة شغلي.
هزت رأسها بتفهم 
ايوة ده انا اللي بعرف.... احتضنته قائلة بمرح 
لما تكون راجع جبلي معاك ايس كريم كتيير و مصاصة وشبسي اوعى تنسى يا احلى اخ في الدنيا هاااا.
ضحك بخفة هاتفا ب 
احلى اخ في الدنيا اممم ماشي يا بكاشة هجبلك معايا كل اللي انتي عايزاه يلا روحي دلوقتي باااي. 
ههههه خلاص انا رايحة.
ودعته وغادرت بينما بعث فارس لنور رسالة مستنيكي الساعة 10 المسا في شقتنا متتأخريش..... بحبك.
تنهد بعمق ثم ركب سيارته وذهب لمقر عمله هو ايضا.
كان جاسر سينزل من سيارته ويذهب اليها لكنه توقف عندما رأى احدهم يتجه اليها ويحدثها ظهرت على وجهه الصدمة عندما لمح المدعو فارس ذلك الذي تقدم لخطبة اختها و تطاول عليهم مالذي يفعله مع أسيل الآن !!
نزل و اقترب منهم لكن قبل ان يصل سمع كلامهما و عرف بأنهم اخوة عاد للسيارةة وهو متفاجئ 
يعني فارس اللي اختي بتحبه هو نفسه اخو أسيل اللي كانت بتحكيلي عنه !! بس ازاي مستحيل تكون ديه صدفة معقول يكون عارف باللي عملته ف اخته وجاي ينتقم عن طريق نور وناوي يخدعها..... شعر بالڠضب الشديد فانطلق بسيارته لمنزله دخل و اتجه لغرفة نور وطرق الباب ثم دخل.
كانت نور تتجهز للقاء فارس و عندما دلف جاسر ابتسمت 
خير يا ابيه باين عليك متوتر.
اقترب منها جاسر بتجهم 
انتي لسه بتشوفي اللي اسمه فارس ده 
ارتبكت من سؤاله و اجابت 
ها...ل...لا ابدا انا.... انا مشوفتوش من لما اتخانقتو مع بعض.
متأكدة 
قالها بحدة فأومأت مؤكدة بكذب 
ايوة يا ابيه..... اصلا حتى لو كنت عايزة اكلمه هو هيرفض.
تنهد جاسر بارتياح وابتسم فهو يعلم ان شقيقته يستحيل ان تكذب مهما حدث لذلك كان متأكدا من ابتعادها التام عن ذلك الحقېر..... رفع يده وتحسس وجنتها مردفا 
بصي ياحبيبتي انتي عارفة اني بحبك وبحب مصلحتك دايما واي حاجة بتضرك انا بمنعها عنك وزي كل مرة انا مش هسيب حد يأذيكي و الشاب ده مش كويس ابدا فارس اكيد طمع ففلوسك لانه من طبقة غير طبقتنا عشان كده لو حاول يكلمك اوعى تكلميه ماشي 
نظرت له قليلا ثم اومأت برأسها موافقة 
حاضر ياجاسر.
ابتسم مجددا و غادر فتابعت نور كلامها وهي تطالع فراغه 
عارفة انك بتدور على مصلحتي دايما بس المرة ديه انا مش متفقة معاك لانه وجهة نظرك غلط و انا مبقدرش ابعد عن فارس ابدا لانه الوحيد اللي حبني من غير شروط وهو اصلا مش طمعان في فلوسي ولا حاجة فارس مش بيهمه غيري والايام هتثبتلكم الكلام ده.
______________________
في مركز جهاز المخابرات.
نظر ليث لزياد قائلا پغضب 
ممكن اعرف الضابط جاسر ليه مشاركش في مداهمة امبارح كان فين 
زياد 
مش عارف انا لما كنت معاه كان بيجهز نفسه وكنا متأكدين من نجاح المداهمة لو شارك فيهت لانه من اقوى الضباط و اكفأهم في القتال بس فاجأنا بغيابه.
عبد الرحيم بضيق 
المفروض يكون مسؤول ده مش لعب عيال احنا خسرنا عساكر كتير لانه بغيابه اضطرينا نغير الخطط و نضيع وقت كتير.
غمغم ليث بصلابة 
ودلوقتي مش المفروض يتعاقب !!
نطق طارق بسخرية هذه المرة 
لا مستحيل جاسر رغم انه قوي بس متهاون اوي و لو غلط محدش بيكلمه لان ابوه رئيسنا كلنا و بيتحكم فينا ببساطة بيقدر يخلي اسمه فثواني خارج القائمة السوداء زي كل مرة.
زفر پغضب ثم نظر للحاسوب امامه يعمل به و فجأة صاح بخالد 
خالد شغل اجهزة ال GPS بسرعة !!
عبد الرحيم بجدية 
في ايه انت لقيت حاجة 
اجابه بإيجاز وهو يضع السماعات على اذنه 
في اشارة موجودة في الشبكة اللي بحاول اخترقها و قريبة جدا من المكان اللي احنا قاعدين فيه دلوقتي !!
وضع الجميع سماعات على آذنهم و شغل زيادة جهاز التعقب وكانت الاشارة تزداد باستمرار و فجأة اختفت بدون مقدمات وكأنها لم تظهر !!
ضړب ليث الطاولة بعصبية 
ازاي اختفت كده قبل ما اعرف مين صاحبها !!
خالد 
 بس على الاقل عرفنا ان الشبكة بتاعت واحد موجود هنا في الجهاز.
نظر له طارق 
احنا اصلا كنا عارفين ان في جاسوس هنا بس الجديد اننا قدرنا نعرف انه اقوى الشبكات اتعملت من طرف واحد من اعضاء الجهاز.
همهم ليث بنبرة جادة 
الشبكة ديه صعبة اوي يعني مستحيل تكون بتاعت جاسوس عادي بس الغريب انخا اختفت فجأة.
زياد بتفكير 
يمكن صاحبها عرف اننا بنتعقبه عشان كده قفل الشبكة نهائيا 
عقب كلامه طرق الباب ودخل جاسر مهمهما بخشونة 
عرفت تهكر الشبكة اللي كنت شغال عليها يا ذئب 
اجابه بصوت قاتم 
 ايوة بس اتقفلت بعد 4 دقايق بالضبط من غير مانعرف اي معلومات عنها.
امممم يعني فشلت في مهمتك ديه صح.
قالها باستفزاز فنهض ليث مبتسما بتهكم 
ايوة زي ماحضرتك فشلت فمهمة امبارح و اتساهلت و بسببك كسبونا في الاشتباك و قتلو عساكر كتير لان سعادة البيه كان مشغول فتركيب الاقمار الصناعية و مجاش ع المداهمة مش كده 
توتر الجو بينهم فتحدث زياد ليهدئ الاوضاع 
الاشتباك مكنش مهم اوي لان نسبة اللي كانو هيهربوها كانت قليلة عن الكميات المعتادة.
رمقه ليث بانفعال حاد 
كمية القليلة ديه هتضيع عائلات كتير و العساكر اللي ماټو ليهم اهل يحزنو عليهم دول بشړ مش كام فرخة خسرناها وكله بسبب جاسر اللي فاكر انه اللي بيحصل ده لعبة مش مهمة لازم كلنا نشارك فيها !!
جاسر بحدة 
انت ازاي تكلمني كده انت مش عارف انا مين اا....
قاطعهم صوت اللواء الحازم وهو يهتف پغضب 
ممكن افهم ايه اللي بيحصل هنا !! ضابط جاسر ضابط ليث ليه الصوت العالي ده !! ديه مش تصرفات ضباط ديه تصرفات عيال.
عبد الرحيم مسرعا 
سيادة اللواء هما مكنوش پيتخانقو احنا كنا بنتناقش وصوتنا طلع شويا... مش كده يا جاسر 
هز رأسه بابتسامة 
تماما يا سيادة اللواء احنا اسفين لو ضايقنا حضرتك.
طالعه وتمتم بحزم 
في اجتماع لازم