رواية روعة الروعة الجزء الثاني الفصول من الثالث عشر للسادس عشر

للصح والغلط.
نعم بنحيب أنا متلخبطة جداوحاسة أني مش عارفة الصح من الغلط.
ماهي بعزيمة الصح هو بابا محمود وحبه لماما اللي اتحدى الظروف الصح حب شهاب ونغم اللي خلاه ميتخلاش عنها في أزمة زي دي الصح هو حبي أنا وحسين اللي خلا كل واحد فينا عايز يصلح غلطه ناحية التاني حتى لو غلط مش متعمد الصح كان حبك وتضحيتك الغلط الوحيد كان فيه هو وأنه ما يستهلش حبك ده. 
نعم باضطراب يبقى برضه ده غلطي أنا اللي معرفتش أختار الأنسان اللي يستاهلني أنا اللي كنت ساذجة وغبية وسمحت له يخدعني.
ماهي بصدق مرة قرايت رواية البطلة فيها كانت بريئة قوي واتعرضت للغش من أقرب الناس ولما اكتشفت حقيقتهم اتريقوا عليها وعلى غباءها اللي سمح لهم يلعبوا بيها.
نعم بتهكم عندهم حق.
ماهي بابتسامة بس البطلة ما استسلمتش اعترفت لنفسها أنها فعلا غلطت بس مش معنى كده أنها تستمر في غلطها.
نعم باهتمام وهي تمسح دموعها بيدها وبعدين.
ماهي بحماس استخدمت كل ذكاءها واستهتارهم بها في أنها تخدعهم وتنفد بجلدها منهم ووقتها قالت جملة علقت في دماغي.
نعم بفضول قالت أيه
ماهي بايمان أن البراءة ليست عيب وانها قادرة على حل مشاكلها بمفردها وان خداعهم لها يوصمهم بالخسة لا يوصمها بالغباء كما يظنون
نعم بشك تفتكري.

تستلقي مروة باحضان صلاح بينما هو يداعب شعرها برقة.
صلاح بنعومة وهو مستمر بمداعبتها قولتي أيه يا ميرو.
مروة باسترخاء خلاص اللي تشوفه.
صلاح باستنكار مبتعدا وهو يرسم وجه طفولي حزين كده يا ميرو وأنا اللي قلت أنك هتتحمسي أكتر مني تتكلمي ببرود ده.
مروة باعتذار لا يا حبيبي مش برود والله أنا بس متوترة وحاسة أن لسه شوية على الخطوة دى.
صلاح پغضب طفولي عاقدا ذراعيه أمام صدره قصدك أني أقل من أن يكون عندي مكتب استشاري.

مروة باسترضاء دي الحقيقة والله يا قلبي أنا بس عندي أحساس أنك مستعجل شوية.
صلاح بحماس في دي أحساسك ما خنكيش يا قلب صلاح أنا فعلا مستعجل من أول ما حققت حلمي بالجواز