رواية روعة الروعة الجزء الثاني الفصول من الثالث عشر للسادس عشر

حبيبي فرصة مودي يتفسح بدل مش هيسافر معكم وكمان أنت تتفرغ لشغلك عشان تخلص وتسافروا براحتكم وممكن تيجي لنا يوم الاجازة.
حسين مستسلما عندك حق يا ماما.
نعم بحماس يعني خلاص أبلغ الباشمهندس موافقتكم.
تبادل كلا من شهاب ومحمود ونغم نظرات حائرة ليحسم محمود الأمر فهو لن يكسر تلك الفرحة التي عادت لعين ابنته أي كانت مخاوفه.
محمود بطيبة خلاص يا قلبي بلغيه وربنا يقدم اللي فيه الخير.
بشقة نغم
شهاب بالهاتف بحدة أنت بتستهبل يا أحمد أنت أزاي تتصرف من دماغك وتحطني قدام الأمر الواقع.
أحمد بهدوء أنا عملت أيه لده كله.
شهاب بضيق رسمت وخططت وحجزت وضحكت عليها بفادي وفاكر أنك هتسافر تعيش حياتك مع أني نبهتك أكتر من مرة أنها لسه في العدة.
أحمد بلوم مكنتش اتخيل أنك لسه شايفني كده بانفعال بس حتى لو سامحتك في ظنك في فمش نعم اللي الواحد يفكر فيها بالطريقة دي وده اللي مش هاسامحك عليه يا شهاب. 
شهاب بضيق وبدل أنت فاهم كده ممكن أعرف كنت بتفكر في أيه وأنت بتخترع في موضوع الرحلة وهو يتحرك بعصبية ذهابا وآيابا وما قولتش لي ليه وكنا ظبطنها سوا على الأقل كنت صبرت لبعد العدة المسألة كلها أقل من أسبوع.
أحمد ببساطة وهو ده السبب تحديدا لو حسبت تاريخ الرحلة هتلاقي أن تاريخهم أخر يوم في العدة ويومين قبليه ويومين بعديه.
شهاب بحيرة مش فاهم.
أحمد پانكسار مش قادر اتخيل أن يعدي عليها يوم ده وهي بتعد الثواني والدقايق اللي فاضلة مابينهم بتجنن وأنا بتخيل أنه هيكون محور تفكيرها اليوم ده حتى لو بالڠضب پغضب مش هاسمح له يسرق من عمرها يوم كمان عشان كده لازم تكون مشغولة وسعيدة عايز الولاد وشقاوتهم يسرقوها من نفسها طول اليوم وتقع من تعب اللعب أخر الليل ولو مش عايزني آجي معاكم مفيش مشكلة بصدق المهم هي تكون مبسوطة ولو سمحت لي آجي والله ما هاقرب منها وأنت هتكون موجود وشايفنا.
شهاب پصدمةأنت أزاي تفكيرك اتغير بالشكل ده.
أحمد بحزن بأصعب الطرق التجربة الستات في دار الضيافة رغم أنهم هما اللي ساعوا للطلاق وأصروا عليه اليوم الأخير في العدة بيكون أصعب أيام حياتهم يوم الفراق والانفصال الفعلي بغصة بقلبه فما بالك بنعم اللي اطلقت ڠصب عنها.
شهاب بتأثر بتحبها للدرجة دي. 
أحمد بحنق ملكش دعوة وبرضه مش هاسامحك على الطريقة اللي فكرت فيها بنعم. 
شهاب بندم حقك علي ميبقاش قلبك أسود بقى يا أبو نسب.
أحمد بهيام تفتكر هيحصل.
شهاب بصدق أنت ابن حلال يا أحمد وتستاهلها وتعالى يا سيدي معنا وأنا هاراضيك.
أحمد بحسم هاسامحك المرة دي عشان أنت غبي بس بشرط تتصرف هناك مش عايزها تبطل ضحك