الاماني الفصول من 8 وبداية الجزء الثاني للرواية

ده عينيه زايغه ولازم تبقى حلوه طول الوقت عشان مايبصش بره
طيب اتصلى بيها دلوقتي عشان تلحق تبعتلنا فلوس عشان انزل قبل يوم الجمعة اشترى الفستان اللى هقابله هو وأهله بيه
وبالفعل أتصلت والدتها على سلطانه
السلام عليكم ازيك يا ماما عامله ايه
بخير يا سلطانه انتى عامله ايه انتى وجوزك وعيالك
كلنا بخير الحمد لله وبابا وحماده وكلكم عاملين ايه
إحنا بخير يا حبيبتي بس ليا عندك طلب صغير كده ومش عايزاكى تكسفينى
خير يا ماما
كنت محتاجه قرشين كده يعنى
ليه خير فى حاجة حصلت ولا ايه حد تعبان
لا لا لا اطمنى كلنا كويسين بس اختك فجر اتفقت مع مراد واهله وهيجوا يوم الجمعة بإذن الله وكنا محتاجين حوالى ٢٠ الف كده عشان نعمل اكل حلو قدامهم واختك كمان محتاجه تشترى كام طقم جديد على فستان على شويه ميكب وبرفانات وانتى عارفه الحاجه بقت غاليه إزاى
أه قولتيلى فجر
معلش يا ماما انا اسفه ومش هقدر ابعتلكم المبلغ ده كله انا أصلا مرتبى كله مابيكملش ال ١٠ ٠٠٠ اديها مرتبى واستلف عليه عشان خاطر الهانم تتفشخر على واحد انا أصلا مش مقتنعه بيه
طيب على الاقل ابعتى اى مبلغ تمشى نفسها بيه وخدى من فؤاد مش هيقول حاجه
لا مش هاخد من فؤاد فلوس عشان حاجه زى كده انا قولت انى هقف جمبها ولو احتاجتنى هتلاقينى انما مش اديها مبلغ زى ده عشان تجيب شويه حاجات مالهاش لازمه وهى اللى عندها مش قليل دولابها ماليان
وفوق ده كله مش قررت تشتغل عشان يكون ليها دخل خليها بقى تعتمد على نفسها وانا كده كده الانانيه اللى مش عايزاها تبقى احسن منى عشان كده انا اسفه انا مش عندى فلوس ابعتها لحد
بقى كده يا سلطانه هى دى مساعدتك لينا بتذلينا عشان بنطلب منك حاجه
بعد ده كله انتوا شايفين كده خلاص يا ماما انا لا هبعت ولا هحيب حاجه تانى وكل واحد يشيل شيلته
اخذت فجر الهاتف من يد والدتها
انتى فاكره نفسك ايه بتبيعى وتشترى فينا يا ستى مش عايزين حاجه منك فهمتى بقى ليه انا عايزه اتجوز مراد عشان الذل اللى بتذليهولنا ده لما بنطلب منك حاجه
انتى عندك حق يا فجر انا وحشه وشريره روحى بقى شوفى حد غيرى ولو عرفت إن حد كلم فؤاد طلب منه حاجه وقتها هتشوفوا وش تانى عمركم ماشفتوه
اغلقت فجر الهاتف بوجه سلطانه وجلست تهز قدميها بسرعه وبغيظ
شوفتى بنتك قالت ايه وعملت ايه اتصرفى يا ماما ماينفعش كده
اعمل ايه يعنى
شوفى معاكى كام وخدى من بابا وكمان من حماده حماده مرتبه اكيد كبير وحلو
هحاول يا بنتى بس مش اكيد طيب بصى انا جاتلى فكره دلوقتي مشى نفسك واشترى فستان حلو كده ولما تقبضى اشترى طقم وكل قبض طقم
وجهازى بقى مين هيجهزنى
بقولك ايه حاولى تصالحى اختك واضحكى عليها بكلمتين عشان تساعدك لو فضلتى كده مش هتعرفى تعملى حاجه وحسنى اسلوبك مع اخواتك عشان يقفوا جمبك
بقولك ايه كلميهم انتى انا مش هتحايل عليهم دى شغلتكم انتوا انكم تجهزونى وتجوزونى
ربنا يسهل محدش عارف بكره فى ايه بس انا بحظرك اهو صالحى اخواتك
فى الجهه اخرى ذهبت فريده لتقابل سلطانه وتحاول التوقيع بينها وبين فؤاد حتى يتسنى لها الرجوع لفؤاد مره اخرى
وصلت فريده لمنزل سلطانه وتصنعت البكاء وطلبت من الخادمه ابلاغ سلطانه بوجودها
استغربت سلطانه رجوع فريده مره اخرى ووافقت أن تقابلها
وبالفعل قابلتها واندهشت من هيئتها اتلك فريده المتملقه التى كانت تتباها بجمالها
فريده مالك فى حاجة
اه يا سلطانه بصراحه كنت عايزه اكلمك واصارحك بحاجات انتى مكنتيش تعرفيها
جعدت سلطانه مابين حاجبيها
خير يا فريده تعالى فى ايه
بصراحه انا حامل من فؤاد ومش عارفه اعمل ايه وهو عمل كل اللى عمله ده عشان يتهرب منى ولما عرف وواجهته عرض عليا فلوس كتعويض وقالى أنه مش عايز يشوفنى تانى حتى اسمعى
وقامت بتشغيل مقطع فؤاد وهو يعرض عليها المال
فريده انا ممكن اديكى مبلغ تبدأى بيه حياتك ده غير اللى اخدتيه فى المستشفى وبكده اكون عوضتك بزيادة وكل واحد فينا يشوف حاله 
دى اخر رساله بعتهالى على الواتس اب وده صوته اهو وانا مش عارفه دلوقتي اعمل ايه وهتفضح ابوس ايدك يا سلطانه ساعدينى
ظلت سلطانه تنظر اليها پصدمه ولم تستطع الرد عليها
هل سلطانه هتصدق فريده 
الجزء الثاني
الفصل الثالث
وياترى بقى حامل من جوزى فى الحلال ولا الحړام
صدمت فريده من رد سلطانه لم تكن تتوقع ان يكون هذا رد فعلها
قصدك ايه بكلامك ده
مش انتى جايه تقوليلى انك حامل من جوزى مهو الحمل ده بيجيى عن طرقينين
الاول انكم تكونوا متجوزين رسمى زى انا وفؤاد كده وحملتى وواضح كده إنه مش رسمى
الثاني إنه يكون ناتج عن ژنا وعلاقة غير شرعيه وده معناه إنك رخيصه عشان كده قرر إنه يرميلك قرشين زى أى عاھره
انتى بقى مين فيهم اظن واضح انتى مين فيهم . وعشان كده اطلعى بره وحلى مشاكلك بعيد عنى .
شعرت فريده بانسحاب الډم من وجهها فبرود سلطانه فى الحديث وقوه الرد عليها جعلها كلمشلوله لم تتوقع أن تعاملها بهذا الجبروت
انتى بتقولى ايه إزاى تكلمني كده ده بدل ماتساعدينى أنا اللى فى بطنى ده هيبقى اخو ولادك
مافيش الكلام ده ولو مخرجتيش حالا هخلى الخدم يرموكى بره متابعة على صفحه الكاتبه قصص وروايات أمانى سيد
خشت فريده من ټهديد سلطانه وخرجت مسرعه من المنزل قبل أن تنفذ ما قالته
وعندما خرجت اتصلت سلطانه بفؤاد
الو
ايه يا حبيبتي انتى كويسه
أه إحنا كويسين لو معندكش شغل مهم عايزاك تيجى ضرورى
حصل حاجه ولا ايه
أه ياريت تيجى بسرعه
حاضر مسافة السكه هكون عندك
اغلق الهاتف معها وقرر الذهاب للمنزل
بعد فتره وصل فؤاد المنزل مسرعا وظل يبحث عن سلطانه ووجدها فى غرفتها
اقترب منها مسرعا
خير يا سلطانه حصل ايه
فؤاد هو فى حاجة حصلت وانت محكتليش عليها
حاجة زى ايه
انا بسألك
الايام اللى فاتت مافيش حاجه حصلت غير انهارده بس
وحصل ايه
فريده جاتلى الشركه وعايزانا نرجع تانى وكان شكلها متغير خالص
بس كده وقالتلك ايه وانت قولتلها ايه
فى ايه يا سلطانه
فؤاد لو سمحت احكيلى كل اللى حصل
بصى يا ستى وبدأ يقص عليها ما حدث. ممكن افهم بقى فى ايه
فريده جاتلى انهارده
جتلك ليه
بتقول إنها حامل
من مين!
منك
ازاى يعنى انا ماقربتش منها اصلا البت دى اټجننت ولا ايه
زى مابقولك كده بس انا ماسكتلهاش وقصت له ما تم بينها وبين فريده
جدعه إنك عملتى كده تستاهل فى حد يقول على نفسه كده
ساد الصمت في الغرفه لبضعه وقت ثم وجهه فؤاد حديثه ل سلطانه
سلطانه انتى مصدقه كلامها
لا طبعا لو حصل بينكم علاقة مكنتش سابتك لما كانت فاكره انك فلست كانت استحملت عشان تستر نفسها
عندك حق بس معنى كده انها مش هتسكت
أنا عارفه خليها تجيب اخرها
انا هتصرف معاها مش هديها فرصه تعمل مشاكل
سبها عشان ماتقولش إنك خاېف منها خليها تجيب اخرها
مر ثلاث أيام لم تفعل بهم فريده شئ فقط تفكر فى خطتها القادمه بينما فجر جهزت نفسها لاستقبال اهل مراد هى واهلها واتصل وليد بفؤاد طلب منه ان يحضر برفقه سلطانه وافق فؤاد وقرر إقناع سلطانه بالحضور
سلطانه باباكى كلمنى وطلب منى نحضر يوم ما اهل مراد يجوا
بس انا مش موافقه
سلطانه انتى طلبتى منى ماسعدهمش ماديا بخصوص جوازها من مراد وانا وافقت بس ده مايمنعش انك لازم تبقى موجوده عشان يفهم إن اختك مش لواحدها ولو زعلها هيلاقى اللى يتصدرله عارفه وقتها لو فى نيته حاجه مش كويسه مش هيكمل لانه هيختف
تفتكر
جربى مش هتخسرى حاجه ومنها تبقى وقفتى جمب اختك وماسبتهاش لوحدها
وبالفعل حضرت سلطانه برفقه زوجها لمنزل والدها وتجاهلتها فجر ولم تحتك بها حاولت سلطانه التقرب منها او فتح حديث معها لكن قابلت كل محاولتها بالصد
جلست سلطانه برفقه اخيها وزوجها ووالدها فى الصالون يتحدثون بخصوص مراد وقرروا الرضوخ لطلب فجر واعطاء مراد فرصه
حضر مراد برفقه اهله واستقبلهم وفؤاد ووليد وجلسوا فى غرفه الصالون
بدأ التعارف بين العلتين وبعدها تحدث والد مراد وطلب يد فجر
أستاذ وليد إحنا جايين انهارده طالبين ايد بنت حضرتك
بص يا استاذ سيد انا يشرفنى طبعا طلبكم بس بنتى هتبقى امانه معاكم وعايز اضمن انكم تاخدوا بالكم منها
ماتقلقش يا استاذ وليد انت هتحط ايدك فى ايد رجاله
تحدثت والده فجر متسرعه
وأحنا ايه اللى يضمنلنا إنه بعد الجواز يعقل
ياستى الشباب قبل الجواز بيكون ليهم تجارب وبعد الجواز بيعقلوا
بص يا استاذ سيد انتوا هتكتبوا مهر مليون ومؤخر زيه عشان لو ابنك غدر ببنتى نبقى ضامنين حقها وهى مش أقل من اختها انا فؤاد كتب كده لسلطانه
نظر وليد لزوجته پغضب من تدخلها وطريقتها فى الحديث المليئه بالطمع فى حين أن فجر لم تهتم لحديث والدتها وتمنت أن يوافقوا على حديثها
صمت ساد فى المكان للحظات وبعدها وافق مراد نظر اليه والده مستفهما هل حقا وافق على هذا الحديث فهو كاد أن يستأذن ويذهب لما فعل مراد ذلك ووافق على طلبهم هل حقا يحب تلك الفتاه لهذه الدرجه
اشار مراد لوالده أنه سيوضح له كل شئ لاحقا وافق والده ففى الاخير القرار لابنه
بدأ مراد حديثه
بص يا عمى انا عندى شقه قريبه من الشركه مفروشه وجاهزه من كله وومكن تيجوا تشوفوها بنفسكم لو ناقصها اى حاجه نجبها انا كده كده ببات فيها اغلب الوقت لما بتأخر فى الشركه او يكون عندى شغل بدرى عشان قربها من الشركه
تمام يا بنى نحدد يوم ونروح نشوفها ولو ناقصها حاجه احنا هنكملها بإذن الله طالما انت فارشها
تنوروها طبعا يا عمى
انتهى اللقاء وذهب مراد برفقه ابيه وظلت سلطانه برفقه اهلها وبدأ حماده فى الحديث
مكنش ينفع اللى قولتيه ده يا ماما انتى كده بتحسسيهم اننا طماعين