الاماني الفصول من 8 وبداية الجزء الثاني للرواية

فجر بتحبك ومهما حصل هترجع تفهم ده. المهم إن إنتي عملتي اللي عليكي وضميرك مرتاح فجر لسه صغيره وشايفه الحياه بطريقة سطحيه
انا قولت لحماده كده يسيبها يمكن تفوق قبل ما تخش فى الجد
ويمكن فعلا يكون اتغير على اديها محدش عارف الخير فين
فى الشركه عند مراد كانت سوزان تجلس تباشر عملها وأثناء اندماجها فى العمل أتت اليها فجر وظلت تتعامل معها بتكبر
كانت فجر تسعى جاهدة لإثبات وجودها في الشركة وإظهار علاقتها الخاصة بمراد أمام الجميع. كانت تريد أن ترسل رسالة واضحة لسوزان ولغيرها من العاملين بأنها لم تعد مجرد موظفة عادية بل أصبحت قريبة من صاحب الشركة وأن لها مكانة خاصة عنده.
لم تكن سوزان تعلم نوع العلاقة بين فجر ومراد ولكنها فى الآونة الأخيرة شعرت بشئ ما وخاصه زيارات فجر المتكرره لمكتب ومراد واعطاء مراد فرصه لها للتقرب منه
بدأت سوزان تتحدث معها بجديه فهى لن تسمح بوجود علاقه بينهم
بدأت سوزان بالحديث مع فجر بشكل جادى وحازم
خير يا استاذه فجر
عايزه أقابل مراد
فى معاد سابق
مش محتاجه اخد معاد ادخلى قوليله فجر بره
بس هو معاه شغل ولو حضرتك مابلغتنيش سبب وجودك يبقى انا أسفه مش هقدر ادخلك ليه
مش بمزاجك على فكره ومش محتجاكى توافقى او ترفضى على دخولى ليه لأنى هدخل
وهتدخلى ازاى بقى ڠصب عنى ولا هتعملى ايه
لا هعمل كده
قررت فجر اتخاذ خطوة جريئة لإظهار قوتها وعلاقتها بمراد أمام سوزان. قامت بالاتصال بمراد وفتحت مكبر الصوت متعمدة أن تسمع سوزان المكالمة
ألو مراد انا بره فى مكتبك والسكرتيره مش عايزه تدخلنى
إزاي كده أنا خارجلك بنفسي دلوقتي وهقولها تدخلك على طول.
جلس مراد يفرك وجهه بقوه لا يعلم ماذا سيكون رد فعل سوزان الآن اصبحت مصلحته مع فجر ولن يسمح لسوزان ان تهدمها
خرج مراد واستقبل فجر امام نظرات سوزان اللامباليه
استغرب مراد نظرات سوزان ولكنه تجاهلها أهم شئ الآن بالنسبة لها فجر وأن ينفذ تخطيطه كما صوره
دخل مراد مكتبه برفقه فجر لم تنظر لهم سوزان وحاولت الانشغال بالاوراق التى امامها حتى لا ترى نظرات الشماته من فجر وتوصل لها رساله أن الامر لا يعنيها وعندما دخلوا غرفه المكتب تراجعت سوزان بالكرسى للخلف ونظرت تجاه باب المكتب وظلت تفكر في علاقه مراد بتلك الفتاه
وماذا لو كانت العلاقه بينهم بشكل جادى
داخل المكتب عند مراد
جلس على إحدى الارائك وبجانبه فجر
ها يا قلبى أقدر اجى اقابل باباكى امته
إيه رايك الجمعه الجايه
مافيش مشكله مناسب ليه هجيب اهلى واجى اقابل والدك
خلاص اتفقنا
صحيح يا مراد هى السكرتيره اللى بره دى فى بينكم حاجه
لا طبعا ليه بتقولى كده
مش عارفه حسيت إن فى مشاعر اتجهها ليك
لا خالص على فكره سوزان بس بتاعت شغل أوى وانا منبه عليها مش أى حد يدخل ويخرج تخيلى كده لو كل شويه موظفه طلعتلى المكتب وسوزان تساهلت معاهم الوضع هيبقى عامل ازاى
مممممم تمام فهمت قصدك أصل براحه طريقتها معايا لما قولتلها أنى عايزه اقابلك كانت سخيفة اوى عشان كده نبه عليها لو جتلك تانى تخليها تعاملنى بأسلوب أفضل من كده
بس كده حاضر
خلاص انا همشى بقى دلوقتي عشان متاخرش
تمام استنى اوصلك
لا مافيش داعى بس تعالى معايا عشان تنبه عليها
خرج مراد برفقه فجر يقدم قدم ويؤخر الأخرى خرجت فجر ووقفت امام مكتب سوزان ووقف مراد بجانبها لا يعلم ماذا يقول لها او كيف 
وقف مراد بجانب فجر أمام مكتب سوزان
مما جعل سوزان ترفع رأسها ببطئ وتنظر اليهم وتهز رأسها بإستفهام
خير فى مشكله
تحدث مراد محاولا أن يكون حياديا
لا مافيش بس لو سمحت لما تيجى فجر مره تانيه دخليها على طول
سوزان بس كده 
اه
نظرت اليه فجر مندهشه فهى توقعت أن يوبخها ولكن لماذا يتحدث معها بكل هذا الهدوء وبدأت الشكوك تعصف بها لكنها قررت أن لا تتركه فى جميع الأحوال سواء كان بينهم علاقه أم لا ستفوز هى به
خرجت فجر لتذهب لمنزلها ودلف بعدها مراد المكتب هاربا من نظرات
دخلت سوزان خلفه المكتب ووقفت امامه
ممكن أفهم إيه اللى بيحصل 
في ايه بالظبط
علاقتك بفجر 
ياترى علاقه مراد ايه بسوزان 
وفريده هتظهر لفؤاد أمته 
البارت الثاني
دخلت سوزان مكتب مراد ووقفت امامه بثقه
مراد مممن اعرف علاقتك ايه بفجر
بتسألى بصفتك ايه
مراتك مثلا
ضحك مراد على طريقة سوزان الجديدة فهو توقع أن تسأله هذا السؤال
وده من امته ده
من دلوقتي اظن انا مراتك ومن حقى أعرف
مممممم طيب بصى يا سوزان عشان أكون صريح معاكى انا هتجوز فجر بس مش عايزك تتعصبى وتكونى هاديه لانى جوازى منها مصلحه فتره وهتخلص
زى جوازنا كده فتره وهتخلص
لا يا سوزان جوازى منك سببه أنى بحبك انما فجر جواز مصلحة فتره وهيخلص
على الأقل جوازك منها هيبقى رسمى وقدام الناس كلها إنما انا فى السر والله اعلم هتمل امته وتطلقنى
اقترب منها مراد وحاول أن يضمها إليه فابتعدت عنه سوزان بشكل تلقائي
أنا مش موافقه على جوازك منها يا مراد وفى اقرب وقت يا تعلن جوازنا يا كل واحد فينا يروح لحاله
سوزان الوقت اللى انا فيه ده مش وقت عند خالص أنا عارف إنك ممكن تكونى غيرانه وزعلانه بس صدقينى والله انا مش بحبها خالص وانتى بس اللى فى قلبى لكن جوازى منها هو الطريق الوحيد لأنى اشارك فؤاد انتى عارفه هو مش بيشارك حد والصفقه الاخيره دى اكل بيها السوق
وأنت مش قليل يا مراد عشان شغلك يبقى متوقف على فؤاد انت لو ركزت اكتر فى الشغل ممكن تبقى اكبر منه
اشاركه فى صفقه وبعدها اعمل لنفسى صفقتين كبار نعدى بيهم ووقتها هطلق فجر ونتجوز انا وأنتى قصص وروايات أمانى سيد
لا يا مراد أنا مش موافقه على جوازك وبخيرك من دلوقتي يا انا وتعلن جوازنا يا تختارها هى ووقتها تنسى إنك عرفتنى فى يوم
ثم تركته وذهبت بعد ذلك لتباشر عملها
عاد بعد ذلك مراد لمتابعة عمله فهو على يقين داخله أنها لن تستطيع التخلى عنه فسوزان فتاه فقيره توفت والدتها أثناء ولادتها وفى عمر السابعه توفى والدها ورفض أهلها كفالتها ووضعوها فى دار ايتام وعندما خرجت منه تعرفت على مراد فكاد أن يدهسها بسيارته وتوقف على اخر لحظه وعندما علم وضعها قرر مساعدتها فوظفها فى شركته واستأجر لها منزل واشترى لها سياره صغيره وتزوجها سرا عند مأذنون حتى يستطيع أن يخرجها من دار الايتام ويجعلها تعيش معه واستعان ببعض اصدقائه المقربون ودفع كثيرا من الاموال لمسئوله الدار لتساعده فى زواجه من سوزان فى ذلك الوقت كانت سوزان تبلغ من العمر ١٩ عاما استطاع مراد أن التأثير عليها وجعلها تنفذ جميع طلباته فهى كانت تراه دائما المخلص والمنقذ واستطاع كسب قلبها بالهدايا ومعسول الكلام فمن هى لتترك كل هذا وتعود مره اخرى للعيش فى دار الايتام
ابتسم بغرور داخله وعاد لاستكمال عمله وقرر إكمال زواجه من فجر وسوف يراضى سوزان بعد ذلك ببعض الهديا والكلام المعسول
فى الجهه الاخرى فى شركة فؤاد كان يجلس يباشر عمله ودخلت اليه السكرتيره وابلغته بوجود فريده خطيبته تود مقابلته
اندهش فؤاد من وجودها فى شركته فأخر مقابله بينهم أنهى كل شئ
وافق فؤاد على مقابله فريده ليعلم ماذا تريد منه
دخلت فريده للمكتب وكان حالتها لا يرسى لها فقد فقدت كثيرا من الوزن واصبح جسدها نحيل وشاحب وحول عينيها هالات سوداء صدم فؤاد بوضعها وتلك الحاله التى وصلت إليها
تقدم فؤاد منها ببطئ وهو متعجب من هيئتها
مالك يا فريده حصل ايه 
فؤاد سامحنى انا بحبك اوى اوى مش عارفه ازاى انا عملت كده
خلاص يا فريده اللى حصل حصل ومالوش لازمه الكلام ده دلوقتي
يعنى موافق نرجع لبعض صدقنى يا فؤاد انا بحبك اوى اوى ومش قادره اتخطى فراقنا خالص
أنا اسف يا فريده بس مش هقدر ارجعلك تانى
ليه يا فؤاد انا بحبك وانت بتحبنى وسلطانه معندهاش مانع على جوازنا ارحمنى يا فؤاد انا بحبك اوى
صمت فؤاد فحالتها أمامه لا يرسى لها والحديث معها بلا جدوى
فريده انا اسف بس انا بحب سلطانه ومحبتش غيرها منكرش أنى انجذبتلك فى فتره من الفترات بس ده مايمنعش انى بحب سلطانه والفترة اللى فاتت قربنا من بعض ورجعت حياتنا طبيعيه تانى وانا معنديش استعداد بأى شكل من الأشكال أنى اخسرها تانى
طيب وانا يا فؤاد انت شايف شكلى انا بعدك ډمرلى حياتى
انتى كنتى وخدانى عشان فلوسى يا فريده مكنتش حب فريده انا ممكن اديكى مبلغ تبدأى بيه حياتك ده غير اللى اخدتيه فى المستشفى وبكده اكون عوضتك بزيادة وكل واحد فينا يشوف حاله .
أه انت زعلان من كده انا مش هنكر يا فؤاد أنى عملت المسلسل ده عشان اخد منك فلوس بس انا كان ليا اسبابى
ضحك فؤاد بسخريه وتحدث بدون لامبالاه
وانا مبقاش فارق معايا الأسباب دى يا فريده كل شئ راح لحاله وماعنديش استعداد اتكلم فى الماضى
لا لازم تسمعنى الفتره دى انا كنت محتاجه فلوس مش عشان مرض بابا لا عشان كنت محتاجه لبس ومستلزمات كتير وكنت بستعد لجوازنا وكنا محتاجين مصاريف كتير
طيب ليه ماجتيش وقولتيلى وانا كنت ادتهملك بنفسى ليه المسلسلات دى كلها .
انتى حتى لما عرفتى انى فلست ماستحملتيش يوم و سبتينى فرضا كنت فلست بجد وأحنا متجوزين كنتى هتتخلى عنى برضو وعموما أيا كان مبررك فخلاص يا فريده الموضوع خلص وانا معنديش استعداد اتكلم فيه مره تانيه
لا يا فؤاد مخلصش انت ظبط حياتك على حسابى وصدقنى انا مش هسيبك
وتركته وذهبت و قررت الذهاب لسلطانه لتنفيذ خطتها الثانية
فى منزل وليد كانت تجلس فجر مع والدتها وتخطط لمستقبلها مع مراد
بقولك ايه يا ماما كلمى سلطانه تبعتلنا مبلغ كويس كده عشان محتاجه اجيب فساتين ولبس وميكب الفتره الجايه مش اقل من ٢٠ الف جنيه عايزه ابهره بشكلى ومخليهوش يبص بره أبدا
عندك حق مراد