الاماني الفصول من 8 وبداية الجزء الثاني للرواية

بزوج مثل فؤاد يغدق عليها النعم والهدايا بلا حساب ويحقق لها كل ما تتمنى. لم تكن تدرك حجم المسؤولية والضغوط التي تتحملها سلطانة ولا المشاكل والخلافات التي قد تكون كامنة خلف هذا الظاهر البراق. كانت فجر أسيرة صورة مثالية زائفة تغذيها أحلامها الوردية.
لم تكن تعلم كم المكائد التى تدبر من خلفها
صعدت فجر لمكتب مراد وقام مراد باستقبالها بإبتسامه
أهلا أهلا يا فجر نورتى الشركه شكلك واخده موضوع الشغل جاد
طبعا انا قولتلك قبل كده انا عايزه اعتمد على نفسى بدون مساعدة من حد وبحاول اثبت نفسى فى الشغل
بصراحه الكل بيشيد فى شغلك فعلا انتى عايزه الصراحه انا كنت فاكر انك جايه تتسلى ويومين وتزهقى من الشغل لكن فعلا طلعتى اد المسؤلية
ميرسي بجد على التشجيع ده وربنا يقدرنى واكون عند حسن ظنك
عايزه الصراحه يا فجر انا معجب بيكى اوى ومن زمان كمان ومصدقت إن كلمتينى وطلبتى تشتغلى معايا بصراحه اخدتها حجه وقولت احاول انى اتقرب منك
كانت الفرحه بداخل فجر لا توصف ولكنها فقط اظهرت ابتسامه خفيفه مرتعشه على حديث مراد
بصراحه يا مراد انت شخص محترم والف بنت تتمناك
بس انا مش عايز ال الاف دول انا عايزك انتى ولو وافقتى كلميلى باباكى وخديلى معاد منه
فجر بكسوف مصطنع بابتسامه نصر أنها أخيرا استطاعت تنفيذ ما أتت من أجله تابعونى على صفحتى قصص وروايات أمانى سيد بدون لينكات واعلانات ولا كل ده
حاضر يا مراد هبلغ بابا وبعدها هديك رقمه تكلمه
وانا فى الانتظار بس متتأخريش عليه فى الرد
انتهى اليوم وذهبت فجر للمنزل وكانت الفرحه مرسومه على وجهها قابلت امامها والدتها
خير يا فجر مش عوايدك ياعمى داخله البيت والضحكه من الخد ده للخد ده
أخيرا يا ماما أخيرا مراد عايز يتقدملى
تعالى اقعدى وقوليلى مين مراد ده يابت
مراد ده ابن صاحب الشركه اللى بتشتغل فيها وماسك كل حاجه بدل باباه كان بيجي الكليه عندنا عشان يقابل صحابه وانا كلمته كذا مره كده لأن صحابه زمايلى ولما قولتوا إن فؤاد فلس قررت انزل اشغل معاه وقولت ارسم عليه وفعلا الخطه نجحت وهو عايز يتقدملى
ايوه كده شاطره بس يارب ماتخبيش فى الاخر زى سلطانه كده
لا ماتقلقيش عيب عليكى المهم بابا فين عشان اقوله
فى الاوضه جوه بيتفرج على الماتش خشى كلميه
دخلت فجر غرفه والدها وظلت تتحدث معه وتحاول ان تقنعه بمراد
بقولك ايه يا فجر لنا هكلم فؤاد واسأله على مراد ونشوف رأيه ايه
وفؤاد ماله بقى إن شاء الله
اكيد يعرفه وهيقولنا كويس ولا لا
خلاص قوله بس فى كلا الأحوال انا مصممه على جوازى منه
تركته وذهبت لغرفتها لتبدل ملابسها وقام وليد بالاتصال على فؤاد وابلاغه بوضع فجر
ازيك يا عمى عامل ايه
ازيك يا فؤاد بقولك تعرف واحد اسمه مراد السيد صاحب شركه 
اه اسمع عنه بس اشمعنى
اصل فجر بتشتغل معاه فى الشركه وهو عايز يتقدملها
طيب ليه مجتش تشتغل معايا من الاول شركتى مفتوحلها
فجر عنيده وعايزه تعتمد على نفسها استأذنك يا فؤاد تعرفى قصته ايه ده قبل ما يكلمنى
حاضر هتصل على واحد صحبى واساله وهبلغك حاضر
قام فؤاد بالاتصال على أحد الأصدقاء المشتركين بينه وبين مراد
ازيك يا شرف عامل ايه
بخير يا فؤاد ليك وحشه والله
وانت كمان طمنى عامل ايه
كويس يا حبيبتي تسلك يارب بقولك ايه كنت عايز اسالك على مراد السيد
ماله
عايز يناسبنى انت ايه رايك فيه
بصراحه مستهتر وبيصاحب بنات كتير
طيب الفتره الاخيره دى ايه وضعه
هو بقاله اسبوع لامم نفسه بس معتقدش هيطول ده مراد يا بنى سمعته سابقاه انت بس عشان مش بتسهر معانا مش عارفه
طيب علاقاته سطحيه ولا انت فاهمنى
ماتستبعدش عليه أى حاجة كل يوم سهر وكل اسبوع واحده شكل
تمام يا صاحبى شكرا جدا انا هبلغهم بالكلام ده فجر اصلها صغيره وممكن يكون بيلعب فى دماغها
عايز الصراحه يا فؤاد هو أول مره يطلب انه يتجوز حد محدش عارف بيفكر فى ايه
رينا يستر انا هبلغهم وهعرف ابوها كل حاجه
اغلق فؤاد الهاتف وأخبر وليد بما قاله له صديقه وقرر وليد ان ينهى ذلك الموضوع مع ابنته
وبالفعل ذهب وليد لغرفه فجر وابلغها حديث فؤاد
أه وفؤاد بقى يطلع مين عشان يتكلم عن مراد هو ناسى كان بيعمل ايه مع سلطانه وخاڼها كام مره على الاقل مراد مش مرتبط بحد رسمى وطبيعى أى شاب يكون ليه علاقات سابقه اهم حاجه لما يرتبط بيا مايصبش لبره
طيب وليه يا بنتى نغامر بيه أصلا وبعدين مالك انتى ومال فؤاد وسلطانه فؤاد حاجه ومراد حاجه تانيه
ايه الفرق ده راجل وده راجل وهما الاتنين مبسوطين ماديا ومعاهم فلوس وده المهم غلط مره غلط عشره احنا بشړ مش ملايكه
تدخلت والدتها فى الامر مؤيده حديث ابنتها
طيب بقولك ايه يا وليد احنا نقسم البلد نصين نخلى فى فتره خطوبه طويله شويه ونشوف وقتها ايه اللى هيحصل لو فضل مراد ملتزم يبقى شارى بنتك فعلا ونديله فرصه تانيه
ولو حصل منه حاجه كده ولا كده نقوله مع السلامه
البارت الاول الجزء الثاني
استطاعت فجر أن تسيطر على الحديث والإصرار على موقفها رضخ ابيها لطبلها وقرر أن يتحدث مع سلطانه لعل وعسى تستطيع سلطانه أن تثنيها عن هذا الحوار
بالفعل أتت سلطانه وحضر حماده ليتحدثوا مع فجر لفهم وجهه نظرها
بدأت سلطانه بالحديث
فجر يا حبيبتي انتى مبالقالكيش كتير بتشتغلى مع مراد ده هل لحقتى فى الفترة الصغيرة دى تعرفيه وتحبيه
ومين قالك انى اعرفه لما نزلت اشتغل في شركته انا أعرفه من قبل كده صفحتى قصص وروايات أمانى سيد
تحدث حماده بعصبيه من طريقتها فى الحديث كيف كانت تعرفه من قبل هل لها علاقة قديمة معه
نعم يا اختى يعنى ايه تعرفيه قبل الشغل مقضياها انتى من ورانا بقى
احترم نفسك وانا لو مقضياها كان هيجى يتجوزنى كل الموضوع إنه كان ليه صحاب عندنا فى الجامعة وبيجيى يقابلهم وانا اتكلمت معاه فى وسط زمايلنا طبعا
اه كنت بحسب
تحدثت سلطانه محاولة تهدئه الوضع
بصى يا فجر احنا ماعندناش مشكله إنك تتخطبى وتعيشى حياتك وتتجوزى بس الإنسان ده سمعته وحشه جدا ومعروف إنه كل يوم مع واحده
وما إن انتهت من حديثها وجدت فجر تنظر لها باستهزاء وتحدثت بسخريه
مابلاش انتى يا سلطانه تقولى الكلمتين دول اللى على راسه بطحه يا حبيبتي
هو انتى نسيتى لما جيتى من قريب تعيطى وتقولي عايزه اطلق ياترى كنتى عايزه تطلقى ليه مش عشان جوزك مش بيخونك ومش بس كان بيعرف ستات لا وكان هيتجوز كمان عليكى ولولا الفيلم اللى عمله عشان يشوف مين طمعان فيه كان زمان ليكى ضره دلوقتي مقولتيش الكلام ده لنفسك من بدرى ليه ها 
بقولك ايه يا سلطانه خليكى فى حالك وسبينا نعيش زيك كده مرتاحين ولا انتى عايزانا نفضل طول الوقت تحت رحمتك ترميلنا قرشين انتى وجوزك كل اول شهر
شعرت سلطانة كأنها تلقت صڤعة قوية على وجهها. تجمدت في مكانها وعجزت عن الكلام للحظات وكأن دلوا من الماء المثلج قد أفرغ عليها فجأة هل شقيقتها تراها بتلك الطريقة وتعاييرها على تحملها كل هذا من اجلهم
بدأت سلطانه فى الحديث مره اخرى
أنا ما كنتش عايزة أتكلم في الماضي بس شكلك نسيتي نفسك ومش عارفه انتى بتتكلمى مع مين . انا اختك الكبيرة لو نسيتى وبعدين أنا ما طلبتش منك ولا من غيرك تعيشوا تحت رحمتي. أنا كنت دايما باساعدكم من طيبة قلبي وعن طيب خاطر مش عشان أستعبدكم. أما بالنسبة لموضوع طلاقي ده كان خلاف بيني وبين جوزي وما يخصش حد غيرنا وانتوا أهلى المفروض تقفوا جمبى لو حصل مشكله مش تعايرونى بيها وبدل ما تشمتي فيا كان المفروض تتعلمي من اللي حصل عشان ماتعيديش الغلط
وانا مش محتاجه ابررلك او اوضحلك حاجه لأن واضح إنك واخده قرارك وكلامى معاكى مش هيفيد
كاد حماده أن يتحدث ويوبخ فجر لكن سلطانه اوقفته
مالوش لازمه الكلام يا حماده صدقنى سيبها خليها تجرب والحياه تعلمها عشان لو حاولت توقفها هتفتكرك مش عايزلها الخير او غيران منها
عندك حق يا سلطانه وانتى يا فجر انا ماليش دعوه بالجوازه دى وغير راضي عنها متابعة على صفحه الكاتبه قصص وروايات أمانى سيد
رأيك ما يهمنيش. أنا اللي هاعيش حياتي مش إنت.
يا فجر مش عايزين نوصل لكده. إحنا خايفين عليكي. مراد ده سمعته وحشة ومش عايزينك ټندمي بعدين.
أنا عارفة كويس أنا بعمل إيه. وما حدش يقلق عليا.
طيب يا فجر براحتك. بس لما تحتاجينا هتلاقينا جنبك و أتمنى إنك ما تندميش يا فجر وتفكرى تانى وتراجعى نفسك
تجاهلتهم فجر ودخلت غرفتها واغلقت عليها واتصلت بمراد واخبرته بموافقة أهلها شعر مراد بالانتصار وأنه بهذه الزيجه سيعزز العلاقات مع فؤاد ولكن هناك عائق واحد سوزان ماذا لو علمت إنه سيتزوج من غيرها يخشى أن تذهب وتبلغ فجر وعائلته ووقتها ستيضيع كل خططه هباءا لذلك سيحاول قدر المستطاع أن يجعلها لا تعرف علاقته بفجر حتى يجد لها حجه قويه لسبب زواجه وطريقه لاسكاتها حتى لا تصنع له المشاكل
فى المساء فى منزل فؤاد كانت سلطانه تفكر فى فجر وطريقة تعاملها معها وهل تراها حقا بهذه الطريقة هل صمتها من أجلهم تلك السنوات أدى إلى تراها اختها بهذه الطريقة
أتى فؤاد وجلس بجانبها ومسك يدها ووضعها بين كفيه
مالك يا حبيبتي من ساعه ماجيتى من عند أهلك وانتى سرحانه وزعلانه كده حصل ايه
فجر يا فؤاد مصممه على رأيها وعايزه ترتبط بمراد ده حاولنا معاها لكن اللي فى دماغها هو هو
يعني إيه ما فهمتش حاجة. إيه اللي عاجبها في الواد ده مش فاهمة إنه سمعته زي الزفت
هي شايفة صورة تانية خالص يا فؤاد. شايفة إنه هيخليها تعيش في عز ونعيم زي ما أنا عايشة. مش فاهمة إن الحياة مش بس فلوس ومظاهر.
ما تخافيش يا حبيبتي.