رواية فريدتي من 1 الى 10

اخويا
ع الجهة الأخرى ابتسم معز وارسل رسالة قصيرة جدا
ده انا برده !!!
ابتلعت هنا ريقها وأبتسمت وقالت محدثة نفسها
الصراحة أنا
مر يومان وطلب شريف مقابلة فريدة فى المكتب كانت تشعر بإنها لا تريد ان تتحدث معه وخائڤة منه للغاية خجلت ان تحكى ما حدث ل إلفت ولكن قررت ان ترتدى ملابسها وتستعد لمقابلته ارتدت فستان لونه سماوى مع طرحتين بيضاء وسماوى ايضا نظرت لنفسها فى المرآة وحاولت ان تعطى لنفسها المزيد من الثقة ثم نزلت إلى حيث مكتبه طرقت باب الغرفة سمعت صوته من الداخل
ادخل
دخلت وهى مترددة وتنظر أسفل وقالت بصوت خاڤت
طنط إلفت قالتلى انك عاوز تقابلنى
بالظبط اتفضلى اقعدى هنا
جلست ع الكرسى الذى امامه ولم تنظر فى وجهه فنظر لها ماليا وقال
انا درست كل الملفات وبما إن والداتك اصلا شغالة فى مجال انا شغال فيه فكان الموضوع سهل الحمد لله
ايوة
الصراحة والداتك كانت حاسمة جدا وواضح انها شديدة ومفيش حد كان يقدر يغشها واضح من الملفات جدا
بس انا مفهمش لا فى المعمار ولا المقاولات
لازم تفهمى امال هتودى الثروة دى كلها فين !
تنهدت قليلا
اولا انتى لازم تتعاملى مع ناس لازم تشوفى الناس الحبسة اللى انتى ٠٠٠
ابتسم بسخرية وتابع
عاوزة تفهمينا بيها وانك عمرك ما اختلطتى بناس تنسيها
يعنى انا بوهمكوا بحاجة محصلتش انت مش شايف كده
الصراحة شفتك من يومين مع كمال فى الجنينة وكنتوا منسجمين وبتضحكوا
كمال !!!! اهاااا قريب أختك صح ! لا هو كان بيكلمنى حاول يدينى ثقة فى نفسى وكمان مصدقنى مش زيك ولو انت مش مصدقنى مش هقبل منك أى مساعدة
نظر مليا لها
تقصدى ايه 
عشان اثق فيك لازم احس انك واثق فيا انت ليه مصمم تطلعنى وحشة انت شفت منى حاجة وحشة !!!
صمت قليلا فتابعت هى
بالعكس انا اللى شفت زعقيك ونرفزتك انت شوية وكان ناقص تضربنى ع حاجة مليش ذنب فيها وبدل ما تساعدنى انى اتعامل مع الناس بتخلينى اخد منك موقف انا نازلة من ادتى بالعافية كنت هقول لطنط إلفت أيه ابنك اللى جايباه يدينى الثقة فى نفسى وفى اللى حواليا بيرعبنى !!!
ثم وقفت والټفت لكى تخرج فقال شريف بصوت عالى
استنى هنا
وقفت فريدة وهى تشعر بالخۏف ثم الټفت له ببطئ
فى أيه تانى!!!
فى أنى خلاص قررت اعلمك ومبحبش اتراجع عن قرارى
هتتعامل مع واحدة غشاشة بالنسبة ليك !!
انتى مش كده ٠٠ عموما بتعرفى ألمانى يا فريدة 
هزت رأسها بالنفى فإبتسم وقال
ولا أنا
طب وهنحتاجه فى أيه 
أمك قبل ما ټموت كانت فى صفقة بينها وبين راجل إلمانى والمفروض كانوا هيتقابلوا اول الشهر اللى جاى
وماما كانت بتعمل صفقة دى ليه 
مول تجارى داخلة فيه شريكة اعتقد أمك كانت عاوزكوا تستقروا هناك او مش عارف دماغها بقى
طب وهنعمل ايه 
انا خطيبتى بتعرف إلمانى كويس هكلمها تشتغل مترجمة معانا
انت خاطب !!
ايوة
امممم ده برده هيبقى احسن التعامل بينى وبينها هيبقى اسهل عشان هى بنت
زى ما تحبى المهم تعالى بقى عشان تراجعى معايا وتعرفى نظام الشركات ماشى ازاى
تمام
وجلسوا سويا وظل يشرح لها نظام الشركات وطريقة الحسابات الخاصة بتلك الشركات ٠٠
فى المساء كانت هنا تستعد للقاء معز و والداته وكانت فريدة معاها فى غرفتها نظرت هنا إلى ملابسها فى الدولاب وعوجت فمها ثم نظرت ل فريدة
ولا حاجة عجبانى اقولك ع حاجة بس متكسفنيش
ايه 
عاوزة فستان وطرحة من بتوعك
ابتسمت فريدة
بجد انتى عاوزة تتحجبى
هزت رأسها بالإيجاب
طبعا عشان ربنا وحابة لما يجى يشوفنى يحس بتغير
ابتسمت فريدة
طب تعالى افتحى دولابى ونقى اللى انتى عاوزه
وذهبت معها إلى الغرفة
كان شريف يمسك هاتفه ليتحدث مع ريم وما إن طلبها حتى جائه صوتها
حبيبى
عاملة ايه يا ريم 
الحمد لله كويسة جداا بس زعلانة منك من اخر مرة
معلش يا حبيبتى بس نرفزتينى
خلاص سامحتك
المهم عاوزك قى خدمة
خير !!!
انا محتاج حد يترجم ليا إلمانى ضرورى فى شغل يشتغل معايا مترجم وعارف انك كويسة فيها ايه رأيك تشتغلى معايا 
نفخت ريم
شغل !!! شغل ايه لالا انا مش عاوزة اشتغل انت عارف رأيى
ده انا قلت انك هتساعدينى
امممم خلاص هكلملك ياسمين صاحبتى هى كويسة انما شغل وصحيان بدرى وإلتزام مواعيد انا مش بتاعة الكلام ده
ابتسم شريف ابتسامة باهتة ثم قال
طب ابقى خليها تكلمنى ضرورى
اوك
أرتدت هنا فستان لونه سيمون هادئ وعليه طرحتين أحدهما سيمون والأخرى ابيض هادئ كانت تبدو جميلة حين وجدتها فريدة بذلك
جميلة اووووى ما شاء الله
ربنا يخليكى حبيبتى
ثم جعلتها تجلس بجانبها
شفتى معز طلع راجل واتقدم ليا مش كل الرجالة وحشة يا فريدة
تنهدت فريدة بإسى
مش عارفة حقيقى طب ليه ماما كانت بتقولى كده
صمتت قليلا وتابعت
من ساعة ما شفت قريبك كمال وأنا حاسة فعلا إن فيهم طيبين مش كلهم زى ماما ما قالت
عقدت هنا حاجبها
كمال !!! طب و شريف أيه ظروفه انتى بتقعدى مع شريف أكتر
أخوكى !!!! 
صمتت قليلا وخاڤت إن تحكى لها ويعرف هو ويثور عليها مرة أخرى فحاولت تغيير مجرى الكلام
انا هروح اكمل الكتاب اللى بقراه هستناكى بليل تحكيلى حصل ايه مع معز
انتى مش هتقعدى معانا
هو جاى يشوفك انتى انا مليش لازمة هقعد فى أدتى
شعرت هنا بالضيق قليلا وتركتها وذهبت غرفتها
كان معز قد وصل مع والداته واستقبلهم شريف وجلس معهم وظلوا يتحدثون حتى دخلت إلفت عليهم وقامت بالترحيب بهم وما إن اتت هنا بفستانها الطويل وحجابها حتى نظر كل من معز و شريف وهما فاتحين فمهم وأعجبت بها دلال والدة معز ٠٠
الحلقة التاسعة والعاشرة
ابتسمت هنا فإبتسم معز بسعادة وابتلع ريقه وجلسوا جميعا يتفقون ع موعد الخطبة حيث سيكون موعد خطبتهما بعد أسبوعين وكانت هنا تشعر بسعادة بالغة صعدت لغرفة فريدة وقصت لها ما حدث بالأسفل ابتسمت لها فريدة
مبرووووك يا حبيبتى
عقبالك يا قلبى
ابتلعت فريدة ريقها فلم يقل أحدهم لها من قبل تلك الكلمة فلا تشعر اتسعد بتلك الكلمة ام ان كلام والداتها صحيح فكل ما تراه من شريف يدل ع صحة كلام والداتها فنظرت لها هنا
سرحتى فى ايه 
ها !!! ولا حاجة
تعرفى شريف و معز اتفاجئوا بيا بالحجاب
ربنا يسعدك يا حبيبتى
انا وانتى المهم كمليلى حكاية الست والداتك
انت مبتزهقيش
ادينا بنتسلى
وصلنا لحد فين 
لحد ما راحو يعيشوا فى حارة
امممم راحو هناك
منع سليم عنهم النقود ولم يرسل لإى منهم أى نقود وما إن انتهت النقود التى كانت مع تيسير حتى بدئت إن تطلب من طلعت إن يبحث عن عمل
انت مش هتدور ع شغل يا طلعت
شغل ايه بس !! بعد ما كنا عايشين فى العز اشتغل !
واهو مفيش عز بابا طردنا 
طب ما تحاولى معاه
احاول مع مين انت ليه مش عاوز تتحمل مسئوليتنا ومسؤلية الطفل اللى فى بطنى
لمعت عينان طلعت
بس جتلى فكرة تضغطى ع ابوكى بالطفل ده اكيد مش هيحب ان الحفيد الاول ليه يتولد فى مكان زى ده
انت ايييه بقى انا ازاى كنت عامية كده ومشوفتكش انت مبتحبنيش انت عاوز فلوسى وبس
وهو ايه فى الدنيا اهم من الفلوس
وحبنا !!
ابتسم بسخرية
هتعملى اللى قلت عليه 
فصړخت تيسير فى وجهه
مش هعمل كده
فمسكها طلعت من شعرها وظل يضربها وقال
لو معملتيش كده ھقتلك فااهمة
ظلت تيسير تتألم وقالت
كفاية حرام عليك مش عشانى عشان اللى فى بطنى
يبدو انه تذكر إن حملها من الممكن إن يعيدهم مرة اخرى للقصر فإزاحها عن طريقه ودخل داخل الغرفة وظلت هى تبكى ع سوء اختيارها
شعرت هنا بالحزن
يااااه انا اسفة بس ابوكى ٠٠٠
معندوش مشاعر زيينا
تنهدت قليلا ثم تابعت
تفتكرى كل الرجالة كده 
معز و شريف مش كده
مين قالك !!!
ابتسمت هنا وقالت
انتى هتخلينى معقدة زيك ولا ايه !!
فنظرت لها فريدة نظرة عتاب فوضعت هنا يدها ع فمها
مقصدش مقصدش يا فريدة
طب سبينى اقعد لوحدى
انتى زعلتى
ارجوكى سبيتى اقعد لوحدى
خرجت هنا وهى تشعر بالندم بينما ظلت فريدة مستلقية ع السرير تفكر فى تلك الكلمة هل هى فى الحقيقة معقدة !!!!
فى صباح اليوم التالى تحدث معز مع هنا 
السلام عليكم
وعليكم السلام
مش عارف اقولك ايه يا هنا لما شفتك بالحجاب حسيت قلبى كان بيدق جامد كان بجد وشك منور وجميلة فوق العادة
انا مرتاحة كده
ربنا يهديكى للصالح ع طول
وانت كمان
دلوقتى بقى اقدر اتحكم فى مين يخرج معاكى ومين لا
مش بالظبط انت برده لسه متجوزتنيش
شريرة
زيك
مرت الأيام دون جديد حتى اتى موعد وصول سعاد إلى القصر كانت تودع ابنها
ما تيجى معايا يا ابنى
معلش يا أمى سبينى ع راحتى
ابتسمت سعاد
هتوحشنى اووووى يا فادى
انتى اكتر يا أمى
لما اوصل إن شاء الله هكلم فريدة
إن شاء الله يا حبيبتى ربنا يقدم اللى فيه الخير
إن شاء الله 
ودعته وذهبت لتعود مرة اخرى لتعيش مع فريدة
وصلت سعاد المنزل وما إن وصلت حتى ذهبت لغرفة فريدة وما إن رأتها فريدة حتى ارتمت فى أحضانها
وحشتينى اوووى يا دادة 
انتى اكتر يا بنتى عملتى ايه 
الحمد لله يا دادة ابتديت اتمرن ع الشغل اهو مع شريف
وهو كويس معاكى 
شعرت فريدة بريبة ثم قالت
ايوة
مالك يا بنتى 
بصراحة مش عارفة يا دادة بيخوفنى
بېخوفك !! ازاى يعنى
بيتعامل جد اووووى كده ومش فاهماه بيزعق شوية و 
قاطعت كلامها صوت طرق الخادمة للباب وفتحت الباب وهى تقول
شريف بيه بيقول لسيدتك انزلى عشان فى شغل ضرورى
فنظرت فريدة لها
طب يا دادة هنكمل بليل
اوك يا حبيبتى
ارتدت فريدة ملابسها ثم نزلت مسرعة للمكتب وطرقت باب المكتب وجدته يرتدى بذلة باللون الكحلى فتلك المرة الأولى التى تركز فى ملامحه حيث كانت ملابسه تناسبه لون بشرته الخمرية ونظرت إلى عيناه اللتان لونهم عسلي مع طول قامته فإبتلعت ريقها وقالت بتوتر
كريمة قالت ان حضرتك عاوزنى
حضرتى !!! فى ايه يا فريدة هتفضلى لحد امتى تتكلمى كده يعنى ع الاقل قولى ليا شريف
ابتلعت ريقها ثم قالت
كنت عاوزنى فى أيه 
فقد فهم أنها لا تريد الكلام معه فى هذا
ع فكرة جزء من اللى بعلمه ليكى هو التعامل فى الحياة مش شغل وبس
بس٠٠٠٠
اسمعينى يا فريدة انا ڠصب عنى لاقيت نفسى مصدقك وانا عمرى ماصدقت ان فى بنت متعرفتش ع رجالة حتى لو تعارف بسيط بالنسبة ليا الموضوع غريب ده غير انى خاطب وبحب خطيبتى صدقتك فى البداية واتعاطفت معاكى وفجاءة الاقى اختى تيجى تقولى اشمعنا فريدة اللى سبتها تدخل مكتبة والداتك وانت مبتخلنيش ادخل ٠٠ ده حقيقة انا حتى عمرى ما سمحت لخطيبتى انها تمد ايديها ع الكتب دى اينعم هى مطلبتش بس حتى لو طلبت ٠٠ استغربت ليه عملت معاكى كده بس دلوقتى عرفت انتى بنت ملهاش خبرة نهائى واى حد عنده عقل يتعاطف معاكى والمفروض يشجعك انك تبقى تلقائية وتتعاملى مع الناس بسلاسة
اتعاطفت !!! بس انا مش غلبانة اوووى كده يا أستاذ شريف يمكن معنديش الخبرة الكافية اللى تخلينى اتعامل