رواية فريدتي من 1 الى 10

كل الشركات ومفيش ولا شركة راضية تقبل كلهم محتاجين واسطة مع انى كنت الثالث ع دفعتى فى تجارة وعشان احضر للماجيستر محتاج فلوس كتير واجيب منين وانا مش لاقى شغل ومش عاوزك تشتغلى تانى كان نفسى اريحك اوووى انتى تعبتى عشانى كتير
يعنى لو مكنتش اتعب عشانك هتعب عشان مين يا حبيبى
انا تعبت يا ماما
طب ايه رأيك يا فادى اكلم فريدة تشوفلك شغل عندها
مش هترضى يا ماما بلاش تحرجى نفسك انا مش هسكت هلف واشوف وادور ع شغل
حاضر يا بنى بس اعذرنى مش هقدر اقعد معاك اكتر من الاسبوع فريدة محتاجنى انت عارف ظروفها
عارف يا امى ولو عاوزة تسافرى ليها من بكرة إن شاء الله سافرى
لا يا حبيبى هكمل معاك الاسبوع
كان معز يجلس فى مكتبه وهو ينفخ ويشعر بالضيق ويحدث نفسه
طب ليه ليه يا هنا بتحبى تجادلى ليه
قاطع افكاره رسالة ع هاتفه فتح الهاتف وجدها من هنا ففتحها
عاوز تتحكم فى اخرج مع مين ومشوفش مين يبقى تيجى البيت من بابه
نظر للرسالة ثم ابتسم قليلا
كانت ريم فى غرفتها تبدل ملابسها فى ذلك الوقت حيث كانت تفكر مليا فيما قالته ياسمين وتذكرت حين كانت فى السنة الاخيرة من الجامعة
كانت ذاهبة إلى المنزل واعترض طريقها بعض الفاسقين فإذا بإحداهم يضايقها ويقول لها كلام بذئ وهو يركب ماكينة شعرت بالخۏف حتى اتى من خلفها فادى وهو يقول
اتقى الله يا اخى ايه اللى بتقوله وبتعمله ده معندكش اخوات بنات
فرد الشاب بسخرية
الكلمتين دول قدموا اووى يا كابتن قول انها تخصك
انت بتقول ايه انت عيب اللى بتقوله ده
استعد الشاب للذهاب بماكينته فإتجاه فادى إلى ريم
انتى كويسة يا ريم 
فنزلت منها دمعة كانت تلك الدمعة ټقتل قلبه فلم يصرح لها يوما بحبه ولكنها تعرف بتلك المشاعر فتنهد فادى
ماهو لابسك يا انسة ريم عريان وميصلحش فى جامعة ولا غير جامعة ده تقعدى بيه فى الببت
ماهو طويل اهو
فنظر لكتافها العاړيتين وساقها ثم ادار وجهه وقال
هو دلوقتى النص كوم واللبس بعد الركبة بسنتيميتر يبقى طويل اتقى الله فى نفسك يا ريم لو مش عاوزة حد يضايقك تانى
ثم تركها وذهب وهى ظلت تنظر تجاهه 
تنهدت ريم وقالت
عارفة انك كنت بتحبينى ومقولتش عشان انت انسان محترم بس مشكلتك انك فقير اووووووى يا فادى
ذهبت هنا إلى غرفة فريدة وبعد ان أذنت لها بالدخول دخلت وهى مبتسمة قائلة
بقيت احب اقعد معاكى اوووووى
ابتسمت فريدة
تعالى اقعدى معايا
دخلت واغلقت الباب خلفها وقالت وهى مبتسمة
عملت زى مانتى ما قولتى معاه
هااايل
ممكن بقى اعرف ليه مامتك كرهتك فى الرجالة وانتى فعلا مكنش فى حياتك اى حد تعجبى بيه 
قالت فريدة بإندهاش
اعجب !! اعجب بمين
ابتسمت قليلا ثم تابعت
انا مشوفتش رجالة الا فى كتب رسومات وعشان ادرس عنهم اول راجل اشوفه ع الحقيقة شريف اخوكى انا مش بكره الرجالة بس اتعودت اخاڤ منهم عارفة انى غريبة عنكوا بس انا معشتش معاكوا ومعرفش حد غير ماما الله يرحمها ودادة سعاد وباقى الخدامين اللى كانوا فى القصر كلهم ستات
طب احكيلى مامتك اتجوزت بابكى ازاى 
كانت بتحبه اوووووى وتحدت جدى سليم باشا عشانه
كانت تيسير فى غرفتها ذاهبة اتية تفكر فى طريقة ما من اجل ان تقنع والداها بالزواج من طلعت فقد كان يرفض رفض تام فقررت ان تمثل انها اخذت مجموعة من حبات البرشام القتهم فى السلة ومثلت انها فاقدة الوعى واتفقت مع صديقة لها ان تأتى بشخص ما يمثل انه طبيب ويقول انها حاولت الأنتحار
خرجت صديقتها من الغرفة متوجهة إلى مكتب سليم ودخلت دون استأذن وهى تقول
الحقنى يا عمى الحقنى انا لسه جاية دلوقتى وطلعت ادة تيسير لاقيت جنبها شريط برشام فاضى ومبتنطقش انا كلمت دكتور وهو جاى فى الطريق
اسرع سليم ليصعد ليرى ابنته واحتضانها وظل يبكى بشدة حتى اتى الشخص الذى يدعى انه طبيب وطلب ان يقوم بفحصها طالبا مغادرتهم وبعد ثلث ساعة خرج وهو يقول وهو ينظر لصديقتها
الحمد لله انتى اتصلتى فى الوقت المناسب والا مكناش عرفنا ننقذها انا شربتها دواء عشان ترجع اللى خدته وهى نايمة دلوقتى ياريت حد يفضل جنبها لحد ما تفوق
وانصرف الطبيب الزائف وظل سليم معاها طوال الليل كانت تيسير تختلس النظر لوالداها وترى مدى حزنه وهى تبتسم ابتسامة خفيفة دون ان يراها احد
قالت هنا
ده شغل قديم اوووى
قديم !!!
اه احنا لما بتبقى حيل اتكررت اكتر من مرة بنقول عليها شغل قديم
اهاااا
وطبعا ابوها رضخ وخلاها تتجوزه
فعلا اتجوزته بالطريقة دى بس ٠٠٠٠٠
قاطع كلامها دخول كمال الغرفة المفاجئ وهو يقول
حمدالله ع سلامتك يا شيك٠٠٠٠
وما ان وقعت عيناه ع فريدة حتى صمت وظل سارح فى جمالها وشعرها الطويل المناسب ع كتفاها بينما صړخت فريدة بصوت عاااالى
الحلقة السادسة
ظل كمال ينظر إلى فريدة وهو لا يعرف من تلك الحسناء فصړخت مرة اخرى بوجهه
انت مين ومن فضلك اطلع بارة
مش دى ادة شريف
وكان ينظر حوله رأت هنا إن الوضع تأزم بينهم
تعالى يا كمال بارة اخرج وهفهمك
وخرجوا سويا بينما ظلت فريدة حزينة فتانى شخص فى نفس الأسبوع يراها ع تلك الحالة بدون حجابها وملابسها الخفيفة وظلت تبكى
كانت هنا مع كمال توبخه
انت كنت واقف مش عاوز تتحرك كده ليه 
بينى وبينك جميلة
بس انت كسفتها
ليه يعنى 
اصلها محجبة
مين دى اصلا 
دى فريدة بنت طنط تيسير اللى حكتلك عنها
دى اللى عمرها ما شافت رجالة
واطلق صافرة ثم تابع
ليها حق امها تخبيها دى جميلة اووووووى وشكلها مؤدبة جدا الصراحة مكنتش مصدقك بس لما شوفتها صدقت
دى غلبانة اوووووى
اخوكى فين 
فى الادة اللى تحت
اوك انا نازله
طيب
كان شريف فى غرفته سمع صوت هاتفه فإخرجه من جيبه ليرى من المتصل وجد انه رقم غير مسجل فإجاب ع الهاتف
الو
حضرتك استاذ شريف امجد
ايوة
انا معز فاروق الشاذلى وعاوز اقابل حضرتك فى موضوع مهم
خير
إن شاء الله خير بس مش هينفع فى التليفون
خلاص إن شاء الله بكرة فى كافتيريا ٠٠٠٠٠٠ الساعة 3 العصر
تمام
ما ان انهى مكالمته حتى دخل كمال وهو يقول
حمدالله ع سلامتك يا بطل
ارتسم ع شفتاه شبح ابتسامة باهتة
الله يسلمك
معلش جت متأخر
ولا يهمك
ثم اخذ بعد الملفات المهمة واتجه خارج الغرفة وهو يقول
كان نفسى اقعد معاك بس زى مانت شايف مشغول
فإصطنع كمال الإبتسام وهو يقول
اه اتفضل
بعد ان ارتدت ملابسها اتجهت إلى حديقة الفيلا حيث الورود التى تعجبها حين خرج كمال وجدها ټشتم رائحة الورود ابتسم واقترب منها
انا اسف ع اللى حصل منى 
نظرت له فريدة بتوتر ونظرت للإرض فتابع هو
مكنتش اعرف انك محجبة
حتى لو ٠٠ انت غلطان فضلت تبص جامد
مكنش قصدى اخوفك
عموما حصل خير 
ولم تعطى له فرصة للكلام واتجهت داخل الفيلا فإبتسم كمال وهو يقول
جميل اووووووى ده
كان فادى يجلس فى غرفته يبدو عليه الحزن مستلقى ع سريره سرح بخياله بها فلم يحب غيرها وحدها هى من دخلت فى قلبه ولكنه يعلم جيدا ان مشاعره تلك مشاعر منفردة فهى لن تحبه مطلقا يعرف عنادها يعرف انها تحب المال كثيرااا ولن تبادله المشاعر اغمض عيناه وحدث نفسه محثا اياها ع الاستفاقة
ايه نسيت نفسك ولا ايه يا فادى دى اتخطبت ومش لإى راجل كمان انساها مينفعش تعلق نفسك بإوهام
دخلت فريدة إلى الداخل وفتحت غرفة المكتب دون إن تستأذن فلم تعرف إن احدهم بالداخل وحين سمع شريف صوت احد ما يدخل رفع حاجبه ونظر تجاه الباب وجدها تلك الفتاة ظلوا صامتين للحظات ينظرون لبعضهم البعض شعرت فريدة بالإحراج فهمت بالخروج لولا صوت شريف الغليظ
استنى هنا
استوقفتها كلامته فتابع
جاية فى ايه وماشية فى ايه !!
انا مكنتش اعرف ان ده مكتبك
طب وعرفتى جاية فى ايه بقى 
اصل فى كتب هنا كتير حبيت اخد كتاب انا دخلتها اول ما جيت هنا بس قلت لما نفسيتى تهدى هبقى انقى اى كتاب اقرا فيه بس عن اذنك
والټفت لتذهب
استنى هنا
ونظر لها ماليا وتابع
ادخلى خدى الكتاب اللى انتى عاوزه
شكرا
وذهبت لتأخذ كتاب ما من المكتبة نظر لها ثم عاود النظر فى الملفات وهو يقول
قدامنا إن شاء الله يومين وابتدى ادربك انا بخلص جرد ومراجعة ع ملفات شركتك
إن شاء الله
وأخذت الكتاب وخرجت
جلست ياسمين منهكة ع الإريكة امام التلفاز وهى تمسك الريموت وتبحث عن شئ تراه رغم انها لا تنظر للتلفاز ثم عوجت فمها وتنهدت قليلا وحدثت نفسها
شكلها لسه بتحبه 
ونزلت الدموع من عيناها
وفى عصر اليوم التالى كان يجلس معز ع احد مناضد الكافيه فى انتظار قدوم شريف حاول ان يرتب افكاره كى يخبرها إياه حتى وصل شريف واقترب منه 
حضرتك استاذ معز 
ايوة
سألت الجرسون وقالى واضح انك معروف هنا
ابتسم معز قليلا ثم قال
انا عرفت حضرتك بأسمى معز فاروق الشاذلى مهندس معمارى وبشتغل فى شركة ملكى سنى 28 سنة
فإبتسم شريف قليلا وقال
خير يعنى 
خير إن شاء الله ٠٠ انا شفت اخت حضرتك كذا مرة فى النادى يعنى وقررت اتقدم ليها فإنا بعرفك بنفسى عشان كده
هنا !!! اختى انا
ايوة
اها
صمت شريف قليلا ثم قال
سعيد انى اتشرفت بحضرتك وطبعا زى مانت عارف لازم اكلمها الأول
اه طبعا
تمام هكلمك إن شاء الله وأبلغك قرارها من ع الرقم اللى كلمتنى عليه
تمام
كانت هنا تجلس مع فريدة ويبدو عليها الحزن تحدثها قائلة
تخيلى متصلش بيا من ساعة ما قولتله يكلم اخويا شكل عندك حق 
خلاص متشغليش بالك واضح انه كان بيتسلى
تنهدت هنا بإسى ثم قالت
ممكن اخذ حجاب من عندك اجربه اشوف شكلى بيه
ابتسمت فريدة
اتفضلى
اخذت هنا الحجاب ولفته فوق رأسها ونظرت لنفسها وهى تبتسم وتقول
شكلى حلو بالحجاب
ابتسمت فريدة
جداااا حبيبتى
ايه رأيك البسه 
رأيى !! انتى عاوزة تلبسيه ليه 
عشان هو فرض عندنا
يعنى ربنا فرض كده وبتسألينى عن رأيى
صح صح انا غبية اووووووى
ثم جلست بجوارها
مش هتكمليلى صحيح بعد ما أمك اجبرت جدك ان يجوزها والداك
تنهدت فريدة وتذكرت ما كانت تحكيه والداتها بإستمرار كل يوم
فقد كانت تيسير تشعر بالسعادة حين تزوجت من طلعت ٠٠ مر أول شهر بعد زواجهم وتعم السعادة بينهم حيث قضوا شهر عسلهم فى الإسكندرية وبعد إن عادوا القاهرة كانوا يعيشون مع سليم باشا حتى ترك طلعت فى يوم العمل واصبح لا يذهب إليه يوميا كانت تيسير تحدثه
انت من ساعة ما اتجوزنا مروحتش الشغل
ومش هروح
طب ليه 
وهروح ليه محتاجينه فى ايه ! عايشين فى قصر عندنا خدامين ليه اتعب نفسى
بس دى فلوس ابويا مش فلوسك
وبعد عمر طويل هتبقى فلوسك وانا وانتى واحد
تفاجاءت تيسير من حديثه ثم تابع طلعت
عن أذنك انا خارج عندى سهراية حلوة
برده هتروح الكباريه ده !! مش هتبطل لعب قمار
انتى هتتحكمى فيا ولا أيه 
ثم خرج من أمامها دون ان يستمع إلى كلمة اخرى ومرت الأيام وكان يستغلها ويأخذ من