زواج سريع من 28-34

والمستحيل ان حد يحبنى ورابع المستحيلات انى اتجوز .مش عارفه ليه كنت بفكر كده بس كنت متخيله انى مش هينفع اعيش الا فى وسط اهلى ومش هينفع ابعد عنهم .
مش عارفه ليه كدبت على نفسى وصدقت لما حكولى عن حبك ليا .
حسيت انه صعب ارفض طلبك لما قلتلى انى غاليه عليك. لما كلمتنى فى التلفون قبل كتب الكتاب وصدقت صوتك وكلامك .
وما قدرتش ارفض عشان خفت اكسرك وانت كل ذنبك انك حبيتنى .
وافقت ابقى مراتك وانا حتى ما شفتكش ولو مره واحده.
وافقت انى اسافر معاك حتى من غير فرح .
لمجرد انى شفت فى عينك نظره حب ليا وكدبت بيها على نفسى وصدقتها .
وقلت انا هكون فى عنيك والحب ده مش هيخلينى احس ببعد الناس البيحبونى وبيحمونى من نفسى وبيخافوا عليا كانى جوهره فى وسطيهم .
وكعادتى كدبت على نفسى وصدقتك وسافرت معاك وصدقتك كل كلمه قلتهالى .
ان كانت كان كفايه عليا انك تكون قايلها عشان اصدقها .
ومن اول يوم روحت النادى كدبت عنيا وودانى وصدقتك لما قلت ان البنت الحضنتك اول مره تعملك كده .
كدبت كلامها وصدقت ان ملكش دعوه بيها .
ودريت وجعى منها وتريقتها عليا .
وقلت كفايه انك قلت كده عشان اصدقك .
كدبت كلام الكابتن محمود القاله عليك وكدبت الصور الشفتها بعينى .
وصدقت انك مالكش دعوه بيها وانها متفبركه ومشيت وراك .كدبت مرات خالد لما حكيتلى عن الجواز .
وفى عز ما كنت حاسه انى مڼهاره منها ومن كلامها صدقت لما قلت لا ده واقع وانه حقك وفضلت ادوس على نفسى واحاول اصدق عشان اعمل كده واسعدك وتبقى مبسوط زى ما قلت .
ومشيت وراك .
استحملت اهانت البنت قريبتك الجات الحفله وقلت كفايه انك اخترتنى مش مهم مين الحواليك كفايه حبك ليا وبرضوا كدبت على نفسى وصدقتك .
وانت ياراجل يا لافف وشايف ومتابعنى وسائل عليا وعارف اصناف وانواع من البشر والبنات صدقت موقف شفته وكدبتنى .
طيب اسالنى وبعدها احكم .
انا عمرى ما كدبت عليك وكنت هاقولك لو فى حاجه .
لما قلت مااعرفش انه هنا كدبتنى .
لما حلفت بكده كدبتنى .
لما حلفت انى بحبك كدبتنى.
بعدتنى لما كنت بجرى استنجد بيك انك تحمينى من صاحبك .
هنتنى وكسرتنى لدرجت انى كدبت على نفسى وعنيا وودانى وقلت اكيد البيعمل فيا كده مش انت .
انت بتحبنى مش ممكن تاذينى كده .
اكيد واحد شبهك .
صدقتك لما قلت انى حامل مع انى معرفش ازاى وامتى.
بس كان يكفينى انك تقولى انى حامل عشان اصدق .
كان يكفينى انك تقولى انه ابنك عشان اصدق .
طيب انا مش فاكره ازاى .
طيب ازاى اصدقك ان كان ابنك او ابن غيرك .
انت قلت وانت بتضربنى انك هتثبت انى ليك وليه ويا عالم لمين تانى .
اعرف انا دلوقت ازاى انه ابنك او ابنه او ابن غيركم .
وبصتله وكلها دموع وقالت انت عرفت تثبت ده فعلا عرفت تتاكد انهم ولادك ولا ولاد حد تانى ولا لا 
فرد وهو برضوا دموعه مغراه اه عرفت وانا متاكد انهم ولادى 
فصړخت فيه وقلت عرفت ازاى .
عرفت ازاى وانت فى اللحظه دى كنت بتقول انك هترمينى فى الزباله لان ده المكان الاستحقه .
.انت فعلا رميتنى فيها اصلى مش فاكره اذا كنت رميتنى فيها ولا لا 
فقال لا يا رونى انتى ما تستحقيش انك تترمى فيها وانا ما عملتش كده .
فقلت كداب ..كداب ..
مش بقولك كداب .
مره تقول هارميكى فى الزباله
ودلوقت تقول ما استحقش اترمى فيها مره تقطع هدومى فى عز ما كنت حاسه ان روحى بتطلع ومش عارفه عملت فيا ايه ومين اتفرج عليا وانا متبهدله كده .
وقبلها كنت مش عايز تخلينى احط كحله حتى والناس تشوفنى .
اصدق مين فيهم اصدقك امتى واكدبك امتى .
فقال خلاص يا رونى يا حبيبتى كفايه واهدى .
فقالت اخرس ..اخرس ..
خالص مش عايزه اسمع الاسم ده .
كرهتوا وكرهتك وکرهت ايامى معاك کرهت كل يوم عشته معاك .
كنت فاكره انى عايشه اجمل ايام حياتى .
اتارينى بكدب على نفسى .
انا كنت عايزه اغير اسمى واسمى نفسى رونى .
بس عشان انت البتقوله .
وسكتت ثوانى وسالت هو انا غيرت اسمى ولا لا .
وقبل ما يرد قالت 
بس مش لازم اسالك انت اناعايزه حد اصدقه .
مش انت .طيب اسال مين وانت واخدنى اخر الدنيا الجئ لمين احتمى فيه .
بس انت بعدتنى عن كل الناس الممكن تحمينى منك. طيب اروح لمين انا دلوقت فاضلى مين فى حياتى.
فقال وليد فاضلك انا جوزك وولادك .
فبصتله بنظره ناريه وقالت انت .انت جوزى .
انت ملكتنى وعذبتنى وهنتنى وهنت كرامتى وزليتنى .انت اسوء حد ظهر فى حياتى .
بالرغم انك عملت حاجات حلوه ليا كتير بس دمرتنى زليتنى ودمرتنى .
وعيالى .عيال مين انا ما عنديش ولاد .
اصلا مش فاكره ان حد قربلى عشان يبقى عندى ولاد .
انت عملت ده امتى وفين .
مش فاكره امتى كنت ليك قولى هو انا فاضل ايه مش فاكراه ومش عارفاه .
فبص للارض وكل وشه غرقان دموع ومش قادر يرد على سوالها .
وهيا بتبصله وسكون عم الكان القطعه صوت شهقه منها .
وهيا بتحط ايدها على بقها وبتبصله بفزع .
وقالت مش ممكن انت انت بعد كل العڈاب العذبتهولى عملت كده 
ال..
فبص للارض وكل وشه غرقان دموع ومش قادر يرد على سوالها .
وهيا بتبصله وسكون عم الكان القطعه صوت شهقه منها .
وهيا بتحط ايدها على بقها وبتبصله بفزع .
وقالت لا مش معقول مش ممكن انت انت بعد كل العڈاب العذبتهولى عملت كده .
معقول قدرت تعمل كده.
للدرجادى انت شيفنى ولا حاجه .
مشفتش كان منظرى ازاى.
ما شفتش الالم الكان مالى جسمى والچروح الكانت فى كل مكان فيا معقول ما رحمتنيش حتى فى دى .
هنت قوى كده عليك .. معقول شفتنى رخيصه قوى كده عشان كده
بتقول انك واثق انهم ولادك .
انت كنت عايز ايه بتنقم منى قوى كده فى ايه .
كنت بټنتقم منى فى صاحبك ولا بتنقم لصاحبك منى .
انتم كنتوا عايزين ايه .
هو يقول انتى ليا ووليد مايلمسكيش .
وانت تعمل كده وتقولى هاديكى ليه عشان يعرف انك ليا وليه ويا عالم لمين تانى .
طيب هو انت بعد ما خلصت جبته يكمل على الدبيحه بتاعتك .
ولا كنت الدبيحه بتاعتكم ولا جبتم حد معاكم .
اصلى مش فاكره وزعتنى على مين تانى ولا خلصتوا ورمتونى فى الزباله على طول .
طيب هو انا اعرف مين فيكم ابو ولادى .
ولا انا مش امهم اصلا ولا ايه .
حرام عليك ليه كده .
انا عملتلك ايه بس عشان ټنتقم منى قوى كده .
وفضلت ټعيط باڼهيار وضياع وهيا مغميه وشها باديها.
وهو كان بيبكى زيها وعليها وندمان على العمله فيها والحاله الوصلها ليها وكان نفسه يضمها ويطبطب عليها بس هو عارف ان اخر حد تبقى فى حضنه دلوقت بيكون هو .
ونزلت ايدها من على وشها
وقالت مره وانت بنكلم بابا من النت سمعته بيقولك اعتبرتك ابنى واديتك اغلى جوهره وامانه عندى وامنتك عليها وانت دمرتها وضيعتها ..
وبعدها بكا .
حاولت فيك تشرحلى يعنى ايه الكلام ده بس وتوهت فى الكلام وما فهمتش حاجه .
سالتهم بعديها قالولى ده موضوع بينك وبينه وما ادخلش فيه .
سكت بس صعب عليا دموعه والحرقه الفى صوته السمعتها .
بس انا النهارده فهمت هو يقصد ايه بكلامه .
وانا البقولك بنفسى دلوقت .
كفايه لغايه كده ورجع الامانه لاصحابها .
فجه وقعد على ركبه جنب السرير .
وقال بصى اعملى فيا الانتى عايزاه وقولى كل النفسك فيه .
اضربينى واشتمينى واعملى اى حاجه تبرد نارك . واطلبى اليعجبك يكون تحت رجليكى .
لكن الا دى ..الا انك تبعدى عنى .
انا عارف ان كلمت سامحينى صعبه انها تتحقق بس صدقينى هاصبر وهاستنى .
ارجوكى ادينى الفرصه الانا اكفر عن ذنبى فيكى وفى ولادى .
وصدقينى مع الايام هتسامحينى انا عارف ان قلبك طيب وهاتسامحينى .
فابتسمت بسخريه وقالت هو لسه فاضل جوايا قلب يحب ولا يسامح تانى.
فقال بصى بلاش عشانى ادينى فرصه عشان ولادنا .
فبصتله قوى .
وقالت انا ما عنديش ولاد .
انا اصلا ماحدش قربلى عشان اخلف .
واكيد كنت بتكدب عليا فى موضوع الحمل .
وهو ده العندى واثبتلى العكس .
اثبت ان انا مراتك مش كدبه هيا كمان .
واثبت انى كنت حامل .
واثبت انهم ولادى .واثبت انك باباهم .
انا واحده مفروض انك رميتها فى الزباله مستنى ازاى يبقالك ولاد منها .
فقالها قسيمه جوازنا فى البيت ومستعد اجبلك الورق اليثبت انى ما طلقتكيش وانك على زمتى لغايه دلوقت .
وواجيبلك الدكتوره الكنتى بتابعى معاها تشهد انك كنتى حامل .
وممكن نعمل تحليل دى ان ايه وتتاكدى انهم ولادنا احنا الاتنين .
ومسك المصحف الكان بيقرا فيه جنبها .
وحلف عليه انه هو بس القربلها 
ومحدش لمسها تانى .
وانه مارمهاش فى الزباله .
وانه كان لفها بمفرش السريرلما جه الدكتور يكشف عليها وانه قال كده فى غير وعيه .
وانه اتاكد انه اول راجل فى حياتها وهو هيستناها الباقى من عمره عشان تسامحه وتغفرله .
فقالت يبقى هستنا تجيبلى الاثبات اليثبت انك لسه جوزى وان الولاد ولادى وبعده يبقى نكمل كلامنا.
وبعد كام يوم كان جاب كل الاثباتات الكان وعدها بيها .
فقالت بحزن دلوقت تاخد ورقت الجواز وتحررنى منك وتطلقنى واحجزلى انا وولادى عشان نسافر وانسانا وكاننا مادخلناش خياتك من البدايه .
فقال بكل حزم وصرامه لعله امل اخير
بصى انا اثبتلك انك مراتى .
وغلطى انا هاعرف اخليكى تسامحينى .
والولاد ولادى وانا مش هاتنازل لا عنك ولا عنهم .
وما فيش لا سفر لا ليكى ولا ليهم .
ومش عايز اسمع كلام فى الموضوع ده تانى .
فبصتله بحزن وقالت يعنى لسه فاضل عڈاب ليا تانى معاك .
وتنهدت وقالت الانسان مش ممكن يهرب من قضاء الله وقدره .
ومسكت المفرش بتاع المستشفى العليها وشدته عليها.
وقالت خلاص هاستنا معاك لما تخلص فيا كل الانت عايزه من عڈاب وتحب ترمينى فى الزباله .
بس بالله عليك ابقى وقتها خلينى مستوره بهدومى .
وليك عليا هافضل ادعيلك ان ربنا يسترك فى الدنيا .
والاخره .
زى ما خليتنى مستور وانت بترمينى .
وقبل ما يرد عليها .
غمضت عنيها ولفت نفسها وادته ضهرها واعلنت انتهاء الحوار .
ودى كانت اخر مره تتكلم معاه من سنتين .
فى خلال هذه الفتره حاول وليد العديد والعديد من المحاولات المضنيه عشان يخرجها من حالت الحزن والخۏف الجواها .
بس هيا دايما بترفض محاولاته فاحيانا كان بيجى يتكلم معاها بس كانت دائما ردت فعلها واحده انها ترجع راسها لورا وتغمض