رواية نسيان صعب من 54للاخير

طلقني
آدم لو قلتي الكلمه دي تاني هتصرف تصرف مش هيعجبك
سهي بعصبيه هتعمل ايه اكتر من اللي عملته ده انت عملت اللي محدش في الدنيا دي يستحمله اتجوزت عليا و كدبت عليا و سبتني انا و بنتك سنتين و خڼتني عايزني اعيش معاك تاني ازاااااي فهههمممنني
آدم بعد ان هدأ قليلا طيب ماشي شوفي انتي عايزه ايه و انا هعملهولك
سهي طلقني يا آدم و المره دي بجد مش زي المره اللي فاتت
آدم طلاق مش هطلق
سهي يا أخي انت ايه مبتحسش بقولك مش طايقااك مش عايزاااااك
آدم وهو يمسك يدها بقوه اخرك معايا ان احنا ننفصل اكتر من كده مفيش و متنسيش ان احنا في بينا بنت
سهي و انا موافقه و لوجي كده كده بنتك و تشوفها وقت ما انت عايز يعني انفصالنا مش هيأثر عليها في حاجه
آدم ماشي بس بشرط هتعيشوا في الفيلا اللي في الداون تاون
سهي بس كده بسيطه
آدم بحزن للدرجادي بقيتي عايزه تخلصي مني
سهي بهدوء احنا اتسرعنا لما اتجوزنا بسرعه كده يا آدم و بندفع تمن غلطنا دي دلوقتي
آدم وهو يغادر الغرفه شوفي هنقول للوجي ايه و امتي و قوليلي عشان ابقي موجود و اوصلكوا الفيلا
سهي حاضر
عادت لوجين في المساء صعدت الي غرفتها و ابدلت ملابسها دخلت سهي عليها الغرفه و قالت لها 
سهي وهي تغلق الباب خلفها ازيك يا لوجي
لوجي وهي تركض لتحتضن قدمي سهي وحستيني وحشتيني يا مامي
سهي و هي تربت علي رأس ابنتها و انتي كمان يا لوجي ثم قالت وهي تحتضن وجه ابنتها بين يديها تعالي يا لولو عشان عايزه اتكلم معاكي
لوجي حاضر
سهي وهي تجلس ابنتها علي السرير بصي بقي يا لولو ثم قالت وهي تجلس علي الكرسي امامها مش انتي بتحبي بابي
لوجي اه
سهي و بتحبي مامي
لوجي اه
سهي و اللي بيحب حد مش بيبقي نفسه يشوفه مبسوط
لوجي باستغراب اه
سهي بتنهيده طيب بصي يا لوجي بابي مش هينفع يعيش معانا تاني
لوجي بعبوس هو بابي هيسافر تاني
سهي لأ مش هيسافر يا لولو بس انا مش هينفع اقعد مع بابي تاني
لوجي طب و بابي هيقعد لوحده
سهي وهي تمط شفتيها مش عارفه و الله يا لوجي بس غالبا هيقعد مع نانا هنا
لوجي بدموع طب هو انا مش هشوفه تاني يا مامي
سهي وهي تجفف دموع ابنتها بيديها ليه بس يا لوجي لا هتشوفيه علي طول وقت ما انتي عايزه ولو عايزه كمان في الويك اند تيجي تقعدي معاه مفيش مشاكل
لوجي وهي تنظر لامها بجد يا مامي
سهي بجد يا لوجي
لوجي طب هو بابي عارف ان احنا هنسيبه و نمشي
آدم وهو يدخل من باب الغرفه ايوه عارف يا لوجي
لوجي انت هتيجي تشوفني يا بابي صح
آدم وهو يجلس بجانب سهي اكيد يا لوجي ولو في اي وقت عايزاني اجيلك هجيلك علي طول
لوجي بعبوس طيب
سهي مالك
لوجي وهي تبكي عشان انا نفسي ان احنا نعيش مع بعض كلنا علي طول
آدم وهو يحتضن ابنته معلش يا لوجي ثم قال وهو ينظر لسهي انا نفسي انا كمان نفضل علي طول مع بعض بس مش هينفع
سهي وهي تقترب من ابنتها معلش يا لولو بقي متعيطيش عشان خاطري
لوجي وهي تمسح دموعها بيدها طيب احنا هنروح امتي
سهي وهي تقبل وجنتها وقت ما انتي عايزه
لوجي ممكن بكره
آدم بعتاب كده بردو يا لوجي عايزه تسيبيني بسرعه كده
لوجي لأ و الله يا بابي بس بكره مفيش school بس بعد كده في
آدم وهو يغادر الغرفه قائلا لسهي شوفي هتخلصوا لم حاجتكوا امتي و انا هوصلكوا
سهي طيب
59
مر اسبوعان منذ انفصال سهي عن آدم كانت مشاعر الاشتياق و الحنين هي المسيطره عليهما و كانت سهي تسكت هذا الاحساس بداخلها بأن تذكر نفسها بأفعال آدم التي اهدرت كرماتها اما آدم فكان يسكت تلك المشاعر باقناع نفسه ان هذا قرارها و عليه ان يتعايش معه كما كان يمني نفسه انها بالتأكيد ستعود له مره اخري و لن تقوي علي هذا الفراق.
و في صباح يوم الخميس وهو اليوم المعتاد الذي يعيد فيه آدم لوجين من المدرسه الي البيت و يقضي اليوم بأكمله معها بينما سهي قابعه في غرفتها تأبي الخروج منها حتي لا تري آدم.
استيقظت سهي و ايقظت ابنتها التي قامت بنشاط و قالت لها 
لوجي مامي هو النهارده ايه
سهي الخميس يا لولو
لوجي وهي تمسك يدي والدتها يعني بابي جاي النهارده سح صح 
سهي ايوه يا لوجي
لوجي وهي تقوم من علي السرير راكضه هييييييييييييه يا رب اليوم يخلص بسلعه بسرعه بقي
سهي و قد تذكرت شيئا اه صحيح يا لوجي جيجي جايه النهارده و احتمال تجيب معاها فريده
لوجي وهي تحمل حقيبتها علي ظهرها الله ده هيبقي يوم جميل اوي ثم قالت وهي تحتضن سهي انا بحبك اوي يا مامي
سهي بعد ان سمعت صوت زمور الباص طب يلا الباص جه
لوجي وهي تجري علي السلم طب باي باي
سهي وهي تراقبها وهي تنزل السلم بابتسامه باي باي يا حبيبتي خلي بالك و انتي نازله
جائت جيهان لتزور سهي كما وعدتها و كان معها ابنتها فريده التي كانت تشعر بالملل في عدم وجود لوجي او آدم فقد كان آدم و علي الرغم من انه تجاوز الخامسه و الثلاثين من عمره الا انه كان صديقا لجميع الاطفال و عندما يذهبون لاي زياره يجلس مع الاطفال و عندما يأتي اليه احد اصدقائه او اصدقاء سهي يلهو مع اولادهم و لذلك فهم يحبونه بشده.
تبادلت سهي و جيهان بعض الاحاديث الممله لكليهما الي ان قالت سهي لفريده 
سهي مش جعانه يا فيري
فريده سويه شويه 
سهي طب روحي لداده سنيه بتعمل اكل حلو اوي
جيهان بعد ان غادرت فريده وزعتي البنت
سهي وهي تقوم من علي الاريكه مش هينفع نتكلم هنا تعالي نطلع اوضتي فوق
جيهان وهي تقوم معها يلا
عادت لوجي بصحبه آدم الي المنزل وهي تشعر بالسعاده و دخلا الي المنزل ليجدا فريده تجلس وحدها و ما ان رأتها لوجين حتي قالت لها 
لوجين وهي تحتضن فريده فيريييي
فريده لوجيي وحستيني اوي
آدم طب و انا موحشتكيش
فريده وحستني اوي يا دودو
آدم وهو يمسك بيدي الفتاتين طب يلا نطلع بقي
و بينما هم يصعدون السلم استوقف آدم صوت بكاء فاصابه الفضول و امر الفتاتين بأن ينتظراه بالغرفه المخصصه للالعاب و ما ان صعدا حتي قاده فضوله و وقف خلف باب الغرفه ليسمع سهي و هي تقول لجيهان.
صعدت جيهان مع سهي الي غرفتها و ما ان صعدا حتي سمعا صوت اغلاق الباب فنظرت جيهان لسهي بتساؤل فقالت لها سهي 
سهي آدم و لوجي
جيهان اممم ها بقي يا ستي احكيلي ايه اللي جابك هنا
سهي انا و آدم انفصلنا
جيهان پصدمه ايييييييه
سهي بدموع زي ما سمعتي كده
جيهان بنفس حالتها طب ليه
سهي و هي تبكي بغزاره آدم كان بيخوني يا جيهان
جيهان وهي تربت علي ظهر صديقتها طب اهدي اهدي ثم استطردت قائله كان بيخونك ازاي و عرفتي منين اصلا
سهي مش انا قلتلك قبل كده علي الظرف اللي جالي في الشركه
جيهان اه
سهي من اسبوعين صحيت علي صوت موبايله و كانت رساله فتحتها لقيت مكتوب فيها وحشتني
جيهان بس كده يا ستي ما يمكن رساله جات غلط
سهي و بليل جالي ظرف فتحته لقيته كله صور لادم
جيهان بعدم فهم صور ايه يعني
سهي افهمي بقولك صور و بيخوني هتكون صور ليه في العمره يعني
جيهان طب مفكرتيش انها ممكن تبقي فوتوشوب يا ذكيه انتي
سهي معرفش بقي
جيهان و هي فين الصور دي
سهي مع آسر هو خدها مني يومها و انا قلتله ياخد لوجي يوديها اي حته فقالي استني و متعمليش حاجه غير لما ارجع و خد الصور معاه و نزل بس انا متستنيتش اصلا و اتخانقت مع آدم و اتفقنا ان احنا ننفصل قبل اصلا ما يرجع هو و لوجي
جيهان بحزن من أجل صديقتها معلش يا سهي
سهي بابتسامه باهته كسرني اوي مبقاش عندي طاقه اني اتحمل و لا حتي اني اسامح تعبت اوي
جيهان معلش انا عارفه انتي تعبتي اد ايه مع آدم بس كله عشان بنتك
سهي بدموع و شرود خبي عليا الوصيه و حطني في موقف زي الزفت يوم فرحي و انا مش عارفه اصلا جبت القوه دي منين و انا برد عليها و شهرين و راح اتجوز عليا و بعدين سابني انا و بنته سنتين مكنتش عارفه هشيل مسئوليه البنت دي لوحدي ازاي و هو اكتر واحد عارف اد ايه انا عانيت زمان و كنت عمري ماهتجوز عشان مش عايزه جوزي يسيبني انا و بنتي و هو عارف اد ايه الموضوع ده بيدايقني و مع ذلك عمله طلقني و رجع بعدها بسنتين يقولي انا رديتك لعصمتي و انا الڠضب كان عاميني لدرج اني حتي مفكرتش هو ازاي ردني بعدها بسنتين و يوم ما اواجهه يقولي رديتك في ساعتها اول ما طلعتي اوضتك و في الاخر يطلع بيخوني ثم قالت وهي تتنهد لازم يفهم ان انا بشړ عندي قدره احتمال و ان هو مش من بقيت عيلتي عشان افضل مستحملاه كل ده
جيهان و هي تنظر في ساعتها معلش بقي يا سهي انا اتأخرت علي حازم اوي و هبقي اجيلك تاني ان شاء الله
سهي وهي تسلم عليها باي باي يا جيجي
جيهان وهي تخرج من الغرفه باي باي
60
عندما قالت سهي كلماتها لم تكن تعلم ان هناك من يسمع كلماتها تلك من خلف الباب و يبدو عليه الذهول مما سمع..آدم الذي ما ان انهت سهي كلامها حتي غادر مسرعا دون حتي ان يقول لابنته انه ذاهب ظل يجوب الشوارع بالسياره و عقله يكاد ينفجر من التفكير ظرف به جواب يخبرها انه ېخونها..رساله علي هاتفه تجعلها تشك به..ظرف اخر به صور له مع عده فتيات انه بالتأكيد من تخطيط شخص ما لكن كيف سيثبت برائته اولا الصور تذكر انه سمعها تقول انها مع آسر فقاد سيارته الي القصر و بعد ان دخل سأل احد الخدم عن مكانه فقالوا له انه بغرفته فصعد له و ما ان دخل حتي قال له آسر 
آسر بسخريه اهلا اخويا الكبير القدوه مشرف هنا
آدم آسر مش وقت ظرف انت في عندك حاجه انا عايزها
آسر بنفس النبره حاجه زي ايه كده ثم قال وهو يخرج الصور من درج الكومود و يرميها بوجهه زي دول كده يا أخويا يا محترم
آدم وهو يأخذ الصور ملكش دعوه انت مش فاهم حاجه
آسر طب ماتفهمني
آدم