رواية نسيان صعب من 54للاخير

يلا اطلعي غيري هدومك و اتغدي عشان نذاكر اوكي
لوجي و هي تخرج من الحديقه اوكي
آدم وهو ينظر لسهي احبك و انتي عاقله كده
سهي بغرور طول عمري
آسر وهو يتوجه الي خارج الحديقه اطلع انا منها بدل ما انا عامل زي العزول كده
آدم احسن بردو ثم استطرد قائلا لسهي وحشتيني
سهي وهي تدخل للداخل انا رايحه اشوف لوجي 
في المساء صعد آدم الي غرفته ليجد سهي غير موجوده ذهب الي غرفه لوجي ليجدها هناك تتأمل ابنتها النائمه و تعبث بخصلات شعرها وهي مبتسمه فظهرت ابتسامه لا اراديه علي وجه آدم و قال لها 
آدم بصوت خاڤت نامت
سهي وهي تقوم من جوار انتها و تقول بصوت خاڤت اه
آدم وهو يمسك يد سهي و يسيران معا الي غرفتهما مالك
سهي بضيق مش عارفه قلبي مقبوض كده
آدم وهو يدخل الغرفه من ايه
سهي وهي تجلس علي الاريكه خاېفه علي لوجي اوي
آدم وهو يحتضنها متقلقيش ان شاء الله خير اهدي بس انتي
سهي طيب
آدم بضيق طيب تصبحي علي خير
سهي باستغراب من طريقته في ايه مالك
آدم انتي مش حاسه ان في حاجه
سهي بملل متقول يا آدم في ايه
آدم في انك بتهربي مني كل ما اجي جنبك الاقيكي طالعه تجري كأني مش جوزك
سهي بتوتر لأ مش كده والله
آدم بخبث ايه يا سو كبرتي من ورايا
سهي بخجل و هي تخرج من الغرفه تصبح علي خير
آدم مبتسما و انتي من اهله
في صباح اليوم التالي توجهت الي غرفه ابنتها و قامت بايقاظها و ساعدتها في ارتداء ملابسها و تناول فطورها ثم خرجت متوجهه الي المدرسه بينما صعدت سهي لتوقظ آدم الذي ما ان استيقط حتي قال لها 
آدم صباح الخير
سهي وهي تقبل وجنته صباح الخير يا روحي
آدم بابتسامه ده ايه الرضا ده كله
سهي هو و لا كده عاجب و لا كده عاجب
آدم وهو يقوم من السرير لا ده كده عاجب اوي ثم استطرد قائلا ها قولي عايزه ايه
سهي و هي تضحك بشده فقستني علي طول كده
آدم يا بنتي ده انا عارفك اكتر من نفسي المهم هتقولي عايزه ايه و لا انزل انا
سهي امم عايزه اشوف جيهان بقالي كتييير مشوفتهاش
آدم وهو يتوجه الي الحمام تمام اوكي بس قوليلي امتي و الساعه كام
سهي وهي تقبله حبيبي يا آدم
آدم وهو يغلق باب الحمام ورائه عيله مصلحجيه
56
خرجت سهي لتقابل جيهان باحدي المطاعم بعد انا ابلغت آدم بميعاد ذهابها و عودتها و المكان دخلت الي المطعم لتجد جيهان جالسه علي احدي الكراسي فتوجهت لها سهي ثم قالت 
سهي وهي تزيح كرسيا لتجلس عليه اتأخرت عليكي
جيهان بمزاح اه و كان فاضلك دقيقتين و امشي ثم استطردت قائله بس ايه يا مزه ده
سهي بغرور طول عمري يا بنتي
جيهان طب خلصيني كنتي عايزاني ليه ثم تابعت قائل اه صحيح حازم بيسلم عليكي كتير
سهي بابتسامه الله يسلمه ثم قالت وهي تتنهد خاېفه اوي يا جيجي
جيهان باستغراب خاېفه من ايه
سهي بحيره مش عارفه بس خاېفه و قلبي مقبوض و خاېفه علي لوجي اوي
جيهان بحيره هي الاخري غريبه بس ليه
سهي وهي تمط شفيها مش عارفه ثم استطردت قائله و البت بنتك عامله ايه
جيهان مسمهاش بت اسمها فريده
سهي المهم يعني مجيبتيهاش ليه
جيهان قلت اكيد مش هتجيبي لوجي فمرضتش اجيبها ثم استطردت قائله و آدم عامل ايه
سهي و كأنها تذكرت امرا صحيح انا نسيت احكيلك
جيهان باستغراب تحكيلي علي ايه
سهي بتنهيده مفيش يا ستي كنت في الشركه و آدم مسافر و هناك لقيت هدي بتقولي جايلك الظرف ده خدته البيت و فتحته لقيت فيه صور لادم مع كارمن
جيهان باستغراب و انتي من امتي بتاخدي علي التفاهات دي و بعدين دي بنت عمه يعني
سهي انا فكرت زيك كده لحد ما افتكرت اللي حصل بعد ما اتبعتلي صور آدم مع سالي و ان آدم اتجوزها و سافر معاها
جيهان سهي انتي بتشكي في آدم
سهي بحيره مش عارفه محتاره اوي شاكه و مش شاكه و واثقه و مش واثقه و خاېفه اوي
جيهان بقلق طب و انتي ناويه تعملي ايه
سهي مش عارفه بس مش ناويه اهمل الموضوع زي المره اللي فاتت
جيهان بسخريه هتراقبيه يعني و لا ايه
سهي بحيره مش عارفه يا جيهان مش عارفه اعمل ايه
عاد آدم الي المنزل مساءا ليجد المشهد المعتاد سهي تذاكر للوجي فأبدل ملابسه و جلس يعمل علي اللاب توب.
في هذه الاثناء كانت سهي تذاكر دروس ابنتها حتي دق هاتفها برساله نظرت لتجدها من رقم مجهول فتحت الرساله لتجدها تقول جوزك بيخونك لو مش مصدقه تعالي علي عنوان. الساعه تسعه و هتلاقيه هناك
انتفض جسد سهي لما قرأته بينما ازدادت نبضات قلبها الذي كاد ان يخرج من بين ضلوعها اما عقلها فقد توقف عن العمل عندما لمحت سهي كلمه بيخونك ايعقل هذاايمكن ان يكون آدم يخونني بالفعل و لكن لماذا فأنا لم اقصر معه بأي شئ سقطت من عينها عبره لمحتها لوجي فقالت لامها 
لوجي وهي تقترب من امها مامي مالك بټعيطي ليه
سهي وهي تمسح عبرتها بقوه مفيش يا لوجي
لوجي وهي تربت علي يدي امها متزعليس متزعليش 
سهي وهي ټحتضنها مش زعلانه يا لولو ثم قالت لابنتها يلا اطلعي العبي شويه و بعدين تتعشي و تنامي اوكي
لوجي وهي تقبل خد امها حاضر بث بس انتي متعيطيس متعيطيش 
سهي حاضر يا حبيبتي
الساعه الثامنه..
كان آدم يتابع عمله علي اللاب توب و قد بدا عليه الارهاق و التعب الشديدين وجد هاتفه يرن فرد دون ان ينظر له قائلا 
آدم الو
كارمن پبكاء مصطنع الحقني يا آدم
آدم بضيق في ايه يا كارمن
كارمن في حرامي في البيت عندي
آدم طيب خليكي عندك انا جاي
ابدل آدم ملابسه بسرعه و بينما هو ينزل السلم كانت سهي تصعده فوقفا متواجهين لثوان كانت سهي تتأمل آدم جيدا بها وجدته ينزل مسرعا فقالت له 
سهي بلهجه تخلو من اي معني رايح فين
آدم وهو ينزل الدرج بسرعه عندي شغل
سهي بسخريه مع الف سلامه
آدم باستغراب مع السلامه
الثامنه و النصف..
كانت سهي تجلس علي السرير و تاكل اظافرها من فرط توترها و غيظها كانت لا تزال حائره بين ان تذهب و تصدم للمره الثالثه في آدم و بين ان تبقي جالسه و تتصنع انها لا تدري ما يحدث حولها
قامت من مكانها و ارتدت ملابسها و قد عقدت العزم علي ان تذهب مهما كانت الخسائر.
الساعه التاسعه..
وصلت سهي بعد ان ساقت سيارتها بسرعه چنونيه كادت تودي بحياتها اوقفت سيارتها بعيدا قليلا عن العنوان و لم تجد سياره آدم
ظلت جالسه قليلا في السياره الي ان وجدت سياره آدم تصف امام نفس الفيلا التي اشير اليها في الرساله فظلت تنظر له متنظره ما قد يحدث 
وصل آدم الي فيلا التي تسكن بها كارمن وقد تمكن منه الارهاق الشديد و التعب نزل و ضغط علي جرس الفيلا لتفتح له كارمن بفستانها الاسود القصير الضيق و كامل زينتها مما ازاد شعور آدم بالضيق قطع هذه الصمت صوت كارمن و هي تقول 
كارمن اهلا يا آدم اتفضل
آدم باستغراب لأ شكرا بس مش انتي قلتي في حرامي الفيلا
كارمن oh am so sorry معلش قلقتك معايا بس طلع مفيش حاجه كانت قطه في الجنينه
آدم بارهاق طيب ماشي باي باي
اولاها آدم ظهره فأمسكت هي بيديه متصنعه الاهتمام قائله 
كارمن مالك يا آدم
آدم مفيش
كارمن لا شكلك تعبان ثم قالت وهي تبتعد عن الباب اتفضل طيب
آدم لا لا ده انا يادوب اروح
كارمن لأ تروح ايه و انت تعبان كده طب علي الاقل ادخل اشرب اي حاجه
آدم لا يا كارمن شكرا
كارمن لأ بقي ما انا مش هسيبك تمشي كده عيب بردو ثم قالت وهي تشير للداخل اتفضل
دخل آدم مضطرا بعد ان كان الارهاق قد تمكن منه بشكل كبير تحت اعين سهي التي انهمرت منها الدموع بغزاره
57
عادت الي منزلها و قد احمرت عيناها و انتفخت من شده البكاء و ما ان صعدت الي غرفتها حتي ارتمت علي السرير و احتضنت وسادتها و ظلت تبكي بغزاره و بعد نصف ساعه هدأت قليلا و عزمت علي مواجهته عندما يأتي ابدلت ملابسها و جلست بانتظاره و ما هي الا ربع ساعه حتي وجدته يدخل من باب الغرفه و عليه علامات الاعياء و التعب و قال لها 
آدم بتعب مساء الخير
سهي محاوله رسم ابتسامه مساء النور يا حبيبي ثم قالت باهتمام كنت فين كل ده
آدم وهو يخرج ملابسه من الدولاب كنت عند كارمن
سهي باندهاش من صراحته التي لم تتوقعها نعم
آدم اتصلت بيا قالتلي ان في حرامي في الفيلا و هي مش عارفه تعمل ايه فنزلت روحتلها و علي ما وصلت لقيتها بتقولي لأ دي كانت قطه
سهي بمكر و كل ده بتقولك الكلمتين دول
آدم وهو ينظر لها لأ ما هي مسكت فيا اقعد شويه فقعدت ربع ساعه و جيت علي طول
سهي بغموض امم طيب ثم استطردت قائله تحب احضرلك حاجه
آدم وهو يدخل الحمام لأ شكرا
توجهت سهي الي السرير بعد دخول آدم للحمام حاولت النوم لكنها لم تستطع فقضت ليلتها و هي تفكر في كل ما يحدث من حولها الصور الرسائل كارمن و ربما خېانه آدم تعجبت سهي كثيرا من ذكره لذهابه لكارمن فقد توقعت ان يخفي عنها امر ذهابه لها افاقت من تفكيرها علي صوت آدم وهو يقول لها 
آدم بصوت عال سهي
سهي وهي تلتفت له في ايه حد ينادي حد كده
آدم انا بندهلك من الصبح بس انتي مش واخده بالك ثم استطرد قائلا باهتمام مالك
سهي وهي تنظر له يهمك اوي
آدم اكيد
سهي بتنهيده هو انت ليه قلتلي انك رحت عند كارمن
آدم باستغراب مش فاهمك يعني ايه انا ليه قولتلك اني رحت عند كارمن عشان انتي سألتي
سهي ايوه بس انت كراجل يعني كان المفروض تخبي عليا
آدم لأ مش مفروض و بعدين انا من اول يوم في جوازنا و انا قررت اني مخبيش عليكي حاجه طب اقولك علي حاجه
سهي بابتسامه قول
آدم فاكره يوم ما نزلت بسرعه و قولتلك ان انا عندي شغل
سهي اممم لا مش فاكره
آدم نفس اليوم اللي اتبعتتلك فيه صوري مع سالي
سهي بحنق اه افتكرت
آدم اليوم ده كان اكتر يوم كنت مضايق فيه في حياتي
سهي باستغراب اشمعنا
آدم عشان اليوم ده قلتلك ان انا عندي شغل و انا كنت نازل اقابل سالي و من اليوم ده فعلا قررت ان انا مكدبش و لا اخبي عليكي اي حاجه