رواية اية من 1-10
الرائعة ولكن ف ارقى احيائها
فى فيلا سليم الهوارى
سليم شاب ف اواخر التلاتينات وسيم جدااا ذو طول فارع وجسد رياضي يحب زوجته سمر كثيرا لديه شركات الهوارى جروب للاستراد والتصدير ذو شخصية جادة وصارمة
يستيقظ على انين زوجته سمر
سمر زوجة سليم فى ال من عمرها تحب سليم ذو جمال غربي وشعر اشقر وطول وجسد مثل عارضات الازياء ولكنها جادة وصارمة ايضا
سليم محدثا اياها بقلق سمر مالك فيه ايه تانى لاء المرة دى لازم نروح للدكتور
سمر سريعا لاء يا سليم شوية برد متشغلش بالك انت
سليم باستغراب مشغلش بالى ازاى يعنى يا سمر انتى بقالك فترة مش عجبانى لو مخبية عنى حاجة
قاطعته سمر انت عارف انى مش بعرف اخبي عنك حاجة
كاد ان يرد عليها الا ان دخول آسر والين منعه من استكمال كلامه
آسر والين هما توأم سليم وسمر ذو 4 سنوات
اسر والين بابا ماما يالا دادا سعاد حضرت الفطار وقالت نطلع ننادى عليكوا
حمل سليم الين وقبلها وكذلك آسر وقال لهم مش اتفقنا نقول صباح الخير الاول يالا روحو صبحوا على ماما
جروا التوأم على والدتهم يحتضنوها ويقبلوها
اسر والين صباح الخير يا مامى
سمر صباح الهنا ويالا ننزل نفطر علشان انا اللى هوديكو الحضانة النهاردة
سليم باستغراب اشمعنى يا سمر ما دايما السواق بيوصلهم
سمر برجاء علشان خاطرى يا سليم سيبنى اوديهم واهو اتعرف ع المسات بتاعتهم
سليم عادى يا حبيبى انا مش ممانع بس استغربت
سمر لاء انا اللى هوديهم كل يوم
سليم مهاودا اعملى اللى يريح بس يالا علشان نفطر
نزلوا الى غرفة الجلوس واجتمعوا على طاولة الطعام بعدما القوا التحية على دادا سعاد
بعد دقائق نهض سليم وقال الحمد لله انا شبعت يالا بقا سلام هروح الشركة
سمر مع السلامة يا حبيبى
بعد انتهاء فطارهم ذهبوا وابدلوا ملابسهم وانطلقوا بالسيارة الى الحضانة
فى الحضانة تأقلمت آية سريعا مع المسات والاطفال كذلك
آية بمرح ها مين عليه الدور يا حلوين
الاطفال بحماس انتى يا مس
آية مدعية الصدمة انا لاااااااا مستحيل وظلت تركض وهم ورائها لكى يقوموا برسم الالوان على وجهها
بعد قليل وصلت سمر اللى الحضانة وتعرفت على مس سمية واعجبت بالحضانة فهى اول مرة تراها
ركضا التوأم على الكلاس وتفاجؤا بالمس الجديدة وهى تلعب مع الاطفال وكذلك آيه التى اتجهت ناحيتهم وقالت مرحبه مين اللى قال للشمس والقمر يطلعوا مع بعض
ابتسم لها التوأم فقالت بجدية مصتنعة مادا يدها اليهم اعرفكم بنفسي انا مس آية الجديدة مع تحريك عينيها بشكل كوميدي
ضحك عليها التوأم
فقالت انتو مين بقا
جاءت من وراءهم سمر وقالت صباح الخير حضرتك جديدة هنا
تحدثت ايه صباح الخير يا فندم ايوة انا اتعينت النهاردة واول مرة اشوف العسلات دول حضرتك اكيد والدتهم
هزت سمر راسها ماكدة وقالت انا كمان اول مرة اوصلهم هنا سعيدة بمعرفتك يا مس اية ودول اولادى آسر والين
آية بحب ماشاءلله ربنا يبارك فيهم شكلهم بيتكسفوا
سمر موضحة فعلا هما مش اجتماعيين خالص
ايه بثقة لاء دى بقا سبيها عليا ومتقلقيش
سمر بابتسامة مجاملة تسلمى ده شئ يسعدنى ممكن اخد رقمك
اية برحب اه طبعا ثوانى
املتها اية رقمها وكذلك فعلت سمر على امل ان تبلغها باخبار توأمها اذا حدث جديد
ودعت سمر التوام ومس آية وانطلقت بسيارتها لاصطحاب صديقتها سها بعد مهاتفتها الى عيادة دكتور شريف لمعرفة نتائج الفحوصات التى اجرتها منذ يومين
اما ف الحضانة كانت اية مستمتعة جداا مع الاطفال وخصوصا التوأم التى احبتهم واحبوها كثيرا
دخلت عليها رضوى وقالت ايه يا يويو الاخبار
آية بامتنان تمام الحمد لله بجد يا رضوى مهما شكرتك قليل عليكى
رضوي بعتب متقوليش كدة يا اية انتى تستاهلى كل خير وتعالى يالا وقتك معاهم انتهى
اية بتفاجأ بالسرعة دى لاء سبينى معاهم شوية
ضحكت رضوي قائلة ايه يا يويو ده احنا بنعد اللحظة اللى نخرج من عندهم وبنبقى خارجين مصدعين
آية بدموع يمكن كنت محتاجة دوشتهم علشان سما وهنا وحشونى
رضوى بحنان وهى تربت على كتفها معلش يا آية اكيد الحقيقة هتبان وهترجعى تشوفيهم والاهم حقك هيرجعلك
اية بتنمى ياااااارب
فى مكان اخر فى شركة الهوارى جروب وتحديدا عند مكتب سليم يدخل عليه صديقه مهاب مهاب 36 سنة يعمل معه منذ بداية فتح الشركة متزوج ولديه طفل طويل نسبيا بجسد رياضي ايضا وشعر مموج ملامح شرقية
مهاب موجها حديثه الى سليم صباح الخير يا سليم ايه اخبارك
سليم صباح النور كله تمام بس طمنى ايه اخبار شحنة المعدات الطبية
مهاب كله تمام بس فيه جماعة بيحبوا يلعبوا من تحت الترابيزة وده مش كويس لينا
سليم بثقة ميقدروش هما عارفين سليم الهوارى يقدر يعمل معاهم ايه
مهاب باعجاب ماشي ياعم الواثق ربنا بس يعديها على خير
سليم بشرود يااارب
مهاب بعدما لاحظ شرود سليم ساله مالك سا سليم فيك ايه
سليم ابدا يا مهاب بس سمر حالتها مش عجبانى حاسس انها مخبية عنى حاجة
مهاب بقلق حاجة ايه لاء طبعا يا اخى سمر مستحيل تخبي عنك حاجة
سليم حالتها الصحية مش عجبانى وكل ما قولها نروح للدكتور ترفض وانت عارف انها عنيدة
مهاب لاء كدة انت قلقتنى طيب هتعمل ايه
سليم بحيرة مش عارف بس اكيد لو فيه حاجة هعرفها ده حتى طلبت تروح تودى آسر والين الحضانة ودى اول مرة تعملها
مهاب بهدوء متقلقش يا سليم انشاءلله خير
انا عند سمر فكانت قد وصلت المشفى مع صديقتها وترجلت من السيارة ودخلت وصعدت الى غرفة دكتور شريف
فى الداخل بعد الترحيب سالته متوجسة خير يا دكتور طمنى
دكتور اشرف بارتباك للاسف يا مدام سمر التحاليل بتاكد ان عندك کانسر
الجزء الرابع
للاسف يا مدام سمر التحاليل اثبتت ان عندك کانسر
هذا كان اخر ما سمعته سمر ولم تستطع السمع او الكلام او الرؤيا بعدها
صراع افكار وخيالات عصف بها اهى ستفقد حياتها لماذا
ستبتعد عن توأمها وزوجها وحياتها وتذهب حيث لا عودة لماذا
حتى لم تستطع البكاء فقد من كانت تبكى هى صديقتها سها التى ظلت تهزها وتنادى عليها علها تفوق
اخيرا خرج صوتها مهزوز موجهة حديثها للطبيب قائلة انت متاكد يا دكتور
دكتور شريف للاسف اكيد بس مش عايزين يأس نسبة الشفاء بقت اعلى من الاول وفيه امل انك تتعالجى وترجعى تمارسي حياتك تانى بشكل طبيعى
سمر پقهر مافيش امل يا دكتور معروف الکانسر نهايته ايه
سها پبكاء لاء يا سمر متقوليش كدة انشاءلله هتتعالجى والازم هيتعمل
الدكتور ماكدا على كلام صديقتها مدام سها معاها حق ولازم تبداى ف العلاج من بكرة ولازم جوز حضرتك يعرف لان الكيماوى ليه اعرضه
سمر مستحيل مش هاخد كيماوى يا دكتور شعرى وجسمى لاء مقدرش
اللهم اشفى جميع مرضي السړطان وخفف عنهم اوجاعهم
دكتور شريف ايه اللى بتقوليه ده يا مدام سمر صحتك اهم لازم تبداى الجرعات علشان الحالة متتاخرش
نظرت له ولم تتكلم وقامت هى وصديقتها عائدة الى فيلتها لكى تتكلم مع زوجها ف هذا الامر فلم تعد تستطع اخفاءه اكثر من ذلك
اما عند اية انتهى الدوام
تجمع اغراضها هى وصديقتها رضوى لترحلا لفت انتباهها التوام ماذالا يجلسان على المقاعد الخارجة ف الحديقة ذهبت اليهم وسالتهم
ايه يا حبايبى محدش جه اخدكم ليه
تكلم آسر قائلا ماما قالت منمشيش هى هتيجرى تاخدنا
آية امممم تمام
وقفت واخرجت هاتفها من الحقيبة وقامت بالاتصال على سمر التى نسيت ان تجلب توامها من شدة الصدمة
فى الجهة الاخرى اثناء عودتها ف السيارة رن هاتفها ففتحت دون ان ترا اسم المتصل الو
آية مدام سمر انا مس اية اسر والين هنا وقالو انك جاية تاخديهم
سمر بتذكر اه صح ازاى نسيت معلش ثوانى وهكون عندك واغلقت الخط
استاذنت رضوى من آية لتذهب هى فلديها اطفال ولم تستطع الانتظار معها
بعد قليل حضرت سمر ونزلت من السيارة ودخلت الحضانة بوجه خالى شاحب شحوب المۏتى القت التحية على اية وهمت ان تستاذن
لاحظت إية شحوبها فسالتها باهتمام مدام سمر مالك انتى كويسة
احست سمر بالدوار بهاجمها فساندتها اية سريعا واجلستها على كرسي واحضرت لها كاس ماء وقالت
مدام سمر مالك انتى فيكى ايه تحبي اتصل بحد ييجى ياخدك
سمر بنفى لاء انا هبقى تمام وبكت
تعجبت آية وحزنت على حالها وقالت طيب انتى بتعيطى ليه بس
سمر پقهر انا عندى کانسر
صدمة الجمت لسان آية فلم تستطع النطق
وبعد دقيقة قالت طيب طب طب اكيد فيه امل
سمر بنفى لااااء صعب جداااا
اآية ماكدة مافيش حاجة صعبة على ربنا ابداااا
سمر بشرود ونعم بالله وقفت بعدما استراحت بضع دقائق وقالت لآية تعبتك معايا وعطلتك
آية سريعا تهز راسها يمينا ويسارا لاء طبعا متقوليش كدة
قالت سمر طب تعالى معانا نوصلك
آية شاكرة تسلمى انا هوقف تاكسي اتفضلوا انتو
سمر برفض لاء تعالى هوصلك وهو تخلى بالك من ع الطريق
وافقت اية فحاله سمر كانت لا تسمح لها بالقيادة وركبت معها تبادلوا اطراف الحديث حكت لها آية عن طلاقها وعن طفلتيها مع عدم ذكر السبب وحكت لها سمر عن زوجها واهلها الذين توفوا منذ سنين فى حاډث وان لها اخ واحد مسافر فرنسا منذ زمن ولكن على اتصال بها
بعد فترة قصيرة كانت تقف سيارة سمر امام منزل آية وقبل نزول اية اتجهت سريعا ناحية سمر وقامت باحتضانها وقالت سبيها على الله هو رب المعجزات
سمر مع ابتسامة مجاملة متشكرة جدا يا مش آية انا ارتحت معاكى ف الكلام بجد
آية بقلق هتعرفى تكملى للبيت
سمر باطمئنان متقلقيش يالا سلام
ودعتها وانطلقت بينما آية صعدت الدرج وفتحت الباب ودخلت قابلتها والدتها مرحبة بقا قائلة حمدلله على السلامة يا حبيبتى يالا اغسلى وتعالى احكيلي عملتى ايه النهاردة
ابتسمت آية لها واطاعتها فهى سرها ومخبأها الوحيد
قصت لها آية ما حدث معها طول اليوم وحكت لها عن مرض سمر وتوصيلها وحزنت امها كثيرا من اجل سمر وبعدها جاءت استيقظت رهف وتناولوا غداءهم وذهب آية الى غرفتها لكى تستريح بعدما ادت فرضها
وصلت سمر والتوام ونادت على دادا سعاد
سمر دادا سعاد يا دادا
سعاد ايوة يا سمر هانم
سمر خدى الولاد يا دادا غيرلهم واكليهم وانا هطلع ارتاح ولما سليم ييجي خليه يطلعلى
سعاد امرك يا هانم
صعدت سمر واغتسلت وابدلت ثيابها والقت جسدها على السريربتعب وارهاق وذهبت ف نوم عميق
فى الشركة عند سليم دخل عليه مهاب
مهاب ايه يا سليم هتروح
