رواية نورا من 9-12

الجزء التاسع 
السيدة بالأسفل بأعلى صوتها أنزل يا سالم أنزل يا بني متوسخش نفسك بالمعرفة الهباب دي انساهم وقول لهم ينسونا وقول لزينب ما تتصلش تترجاك تاني تجي لهم لو بنتها عايزة تعمل جزء تاني للفيديو تشوف بطل غيرك أنت مش وش الحاجات دي انزل يا سالم هيضيعوا مستقبلك زي البت اللي ضيعوها ولبسوها القضية عشان يخرجوا صاحبة الصون والعفاف.
صعقټ نورا مما تسمع وتكومت على نفسها بملاصقة الحائط واضعة يديها على أذنيها وأخذ جسدها يرتجف بقوة بينما خارج غرفتها بهتت والدتها مما تسمع بينما ابتسم حسن وهو يقول شامتا أنزل للوالدة يا متر مفيش حاجة تستاهل أنك تعصى أمك عشانها خصوصا لو حاجة معيوبة متستاهلش.
لتزداد صدمتهم جميعا بتلك المختلة أسفل الشرفة وهي تجمع أطفال الحارة.
السيدة پحقد قولوا يا عيال بنبرة منغمة يا نورا يا ڤاجرة يا بنت زينب القادرة.
صوت مجموعة من الأطفال يا نورا يا ڤاجرة يا بنت زينب القادرة يا نورا يا ڤاجرة يا بنت زينب القادرة يا نورا يا ڤاجرة يا بنت زينب القادرة.
السيدة متغنية يا نورا خلصنا خلاص سالم راجل مش قرطاس. 
صوت الأطفال يا نورا خلصنا خلاص سالم راجل مش قرطاس يا نورا خلصنا خلاص سالم راجل مش قرطاس يا نورا خلصنا خلاص سالم راجل مش قرطاس. 
انتفض سالم ليهبط مهرولا لأمه جاذبا اياها من وسط الأطفال المحيطيين بها لا يصدق أنها اقدمت على تلك الفعلة المنكرة.
سالم بحدة أيه اللي أنت بتعمليه ده ياما.
السيدة بغل قلت لك متجيش وقول لأمها خالتي وخالتك واتفرقوا الخالات وأقفل السكة في وشها عصيتني وصممت تخرج وماصدقتنيش لما قولت لك لو روحت لها هافضحها وافتكرتني باهوش يبقى تستحمل جناني.
في غرفة القبو.
محمود يستحم بدورة المياه وفور أغلاقه للمياه تتناهى لمسامعه تلك الأصوات الطفولية.
صوت مجموعة من الأطفال يا نورا يا ڤاجرة يا بنت زينب القادرة يا نورا يا ڤاجرة يا بنت زينب القادرة.
السيدة متغنية يا نورا خلصنا خلاص سالم راجل مش قرطاس. 
صوت الأطفال يا نورا خلصنا خلاص سالم راجل مش قرطاس يا نورا خلصنا خلاص سالم راجل مش قرطاس يا نورا خلصنا خلاص سالم راجل مش قرطاس.
يتناول ملابسه من فوق المشجب ليرتديها كيفما اتفق ليخرج مهرولا وهو يحمل حزامه بيديه ليصل لمنزل نورا ليستمع من بعيد لأخر كلمات تلك السيدة المختلة ما صدقتنيش لما قولت لك لو روحت لها هافضحها وافتكرتني باهوش يبقى تستحمل جناني.
محمود بسوقية جنانك ده على نفسك يا ولية يا مچنونة.
رفع حزامه عاليا بالهواء وهو يقترب من الأطفال المتجمعين.
محمود بعصبية امشي من هنا أنت وهو يا واد يا ابن الكلب اللي هيقع تحت أيدي هاقطع چتته بالحزام هرول الأطفال مبتعدين وأنت يا ولية انجري من هنا بدل ما اعملها معاكي.
سالم بانفعال أنت اټجننت ونسيت نفسك يا محمود.
امتدت يد محمود لتقبض على سالم جاذبة إياه ليكون ظهره مقابلا صدره بينما يضغط برسغه على رقبته.
محمود بسوقية لا يا حيلتها أنت اللي نسيت نفسك ده أنا ابن نعمات يا ابن أمك يعني لا حكومة تهم ولا سجن يلم ولا اتخلق اللي يقول معنا بم مهددا والدة سالم التي تلطم وجنتيها مستنجدة يلزمك ولا مستغنية عنه.
السيدة پذعر يلزمني طبعا يا خويا هو أنا حيلتي غيره.
محمود بانفعال يبقى تخديه وتمشي واياك تطولي لسانك تاني على اسيادك لأنها لو حصلت مش هاقطع لك لسانك عشان الحارة متتسممش يا ولية يا عقربة هاقطع لك رقبة المحروس ابن أمه فاهمة ولا لا.
السيدة پذعر فاهمة والله فاهمة بس أنت سيبه الواد هيتخنق في ايدك ووشه أزرق.
ليفلته بقوة باتجاهها فيسقط أرضا تحت اقدام أمه وهو يسعل بشدة ويدلك رقبته لتمتد يد أمه مساندة له لينسحبا بعيدا وهو مازال يلهث بشدة. 
في شقة نورا بعد انسحاب سالم.
حسن بتشفي أهو سبع البورمبة الأفوكاتواللي جبتيه يخوفني سابكم وخلع.
زينب پقهر أنت عايز أيه دلوقتي.
حسن بغلظة هي سيرة ماقولتك أنت الثمن وأنا الباقي حق ربنا.
زينب بحزم لا حق ربنا بقى بيقول أنا
الثمن وبنتي النص وأنت الباقي.
حسن بغموض وأنا موافق.
زينب بتعجب يبقى ما اختلفناش.
حسن بغموض بس الحق مش فلوس وبس يا مرات أخويا.
زينب بحيرة تقصد أيه!
حسن بټهديد يعني تسافري معي أنت والمحروسة البلد تستلموا حقكم في الأرض والزريبة وبالمرة اعمامي يعرفوا ابنهم ماټ ازاي وليه وكل من له حق ياخده.
زينب پحده بقى كده.
حسن بوقاحة ومافيش الا كده أنا مبقاش لي عين ارفع وشي في وش حد هنا بعد عاملة بنتك ولو رجعت البلد وعيشت وسطهم وأنا مخبي عليهم حاجة زي كده مفيش حاجة بتستخبى بكرة يعرفوا ويجرسوني لكن لو اخدت حقي في الورث هاتصرف فيه وأغور من وشكم أنتي وهما عقلك في راسك تعرفي خلاصك.
زينب بتخاذل طيب سيب لنا النص وخد النص.
حسن بجبروت هو البيت ده مفيش غيره ويسوى أكتر من حقك كمان بس أنا سيبهولك عشان مش عايز أدخل الحارة دي تاني بعد اللي حصل واللي لسه هيحصل واديكي شوفتي العيال وهما بيزفوا المحروسة بنتك قولتي أيه يا أم المحروسة.
زينب پقهر قلت حسبي الله ونعم الوكيل.
حسن متهكما حسبي الله ونعم الوكيل على القادر والفاجر هاكلم المحامي يظبط العقود ونتقابل في الشهر العقاري سلام.
زينب بخفوت لا تسلم ولا تربح يا بعيد.
بالمسجد بعد انصرف المصلين
رجل وقور بس ده فرشه يا حودة وهو هيدفع باقي سعره ويشيل.
محمود مستنكارا لا يا شيخ أحمد مش فرشه الأوض دي تمنها أكترمن تمانين ألف وأننا نتفق على خمسين فدي كانت مجاملة للحاج حسين الله يرحمه مش ليه هو كل اللي دفعه خمستاشر ألف يغور بيهم مع أن المفروض ملوش حاجة بعد عاملة أمه السودة والجرسة اللي عملتها للبنية.
الشيخ أحمد بهدوء بس الاتفاق اتفاق يا حودة.
محمود بحسم واحنا لا اتفقنا معه ولا حتى كان شاهد على اتفاقنا ولو قال غير كده قول له محمود بيقولك وحياة خالتك العيانة 
بغرفة القبو
يستعد محمود للعودة للورشة بعد أتى لتناول الغداء صحبة نعمات.
نعمات بتردد بص يا حودة في حاجة كده محيراني بس خاېفة أكون باظلم.
محمود باهتمام خير ياما
نعمات بارتباك أنت عارف أن زبيدة بتيجي كل أسبوع تطلب مني طلبات الحاجة فوقية و بقالها فترة كده وطلباتها زادت و بتقولي بتطلع تنضف لها تاني يوم ما تجبلها الطلبات بتلاقي نصها تقريبا خلص وأن الحاجة بقيت توفر قوي في الأكل عشان النص التاني يقضيها باقية الأسبوع وأنا بصراحة خاېفة تكون عايزانا نزود وعاملة حساب بيتها هي وبرضه خاېفة أظلمها لأنها أمينة وبنت حلال. 
محمود بتفكير ياريت تكون هي دي الحكاية أهي رخرة صاحبة عيال بقلق المشكلة أني في حاجة تانية أنا ملاحظها بقالي فترة والاتنين مع بعض حاجة تقلق.
نعمات باستنكار أنا لو حاسيت أنها محتاجة مش هاستخسر فيها المشكلة أنها تكون مش أمينة باهتمام و بعدين أيه ده اللي يقلق وأنت ملاحظه.
محمود بوجوم بعدين ياما لما أتأكد بتفكير أنا عايزك دلوقتي تندهي نعمات وتديها فلوس تشتري طلبات الأسبوع