رواية نورا من 5-8

حرام وحرم علي عيشتي من غير ما يفهم ولا يسأل ساعتها الأسطى رضا خدني دار الأفتا واستفسرت عن كل حاجة وقالي أني بدل رضعتك تبقى ابني وشرح لي مسألة نسبك للزيني وأني جهلي بالحرمانية وقتها عفاني من الذنب لأني اتصرفت بحسن نية وكان قصدي خير و قالي ساعتها شوية احاديث مفهومة غلط ومن ضمنها الحديث ده وشرح لي اللي قولته لك دلوقتي.
محمود بارتياح ربنا يطمن قلبك بس لو أنت عارفة أن كل واحد وعمله شاكة في ليه عملت أيه يشكك في.
نعمات بحنان خاېفة عليك يا ابن قلبي عارفة أن في ڼار والعة في قلبك خۏفت الشيطان يكون ضحك عليك أنك تنساها بغيرها.
محمود ب انسى مين ياما دي في دمي مش في دماغي وبس طيب يا ريت ينفع انساها بواحدة تانية ما كنتش اترددت لحظة بعتاب بس برضه مكنش هيبقى بالحرام كنت هاروح اتجوز واحدة حلوة ومنكسرة ترضى بحالي و أكسب فيها ثواب.
نعمات بحرج حقك علي يا حودة ده من خۏفي عليك أنا عارفة أنك مجروح وأن الشيطان شاطر.
محمود باعتراض لا ياما الشيطان خايب بس اللي بيسمع له أخيب منه و أنا مش خايب.
نعمات بتودد بعد الشړ عليك من الخيبة يا قلب أمك بس هي حاجة غريبة
وفي ناس خدت بالها أصل مفيش سبب أنها تيجي لك وكمان تديها فلوس .
محمود بحسم لا في ياما بس الناس بتشوف اللي يريحها أنت عارفة أن من يوم مۏتة الأسطى رضا الله يرحمه والهوانم بناته تقريبا مش بيجوا والست فوقية قاعدة لوحدها حتى الطلبات اللي بيبعتوها متكفيش عيل صغير والكلام ده أنت اللي بلغتيه لي بنفسك لما اشتكيت لك وأنت بتزوريها و لو علي كنت اتكفلت بطلباتها كلها بس محبيتش اتعدى الأصول لما عرفت أن جوز أختها المعلم حسين مقصرش ومش مخليها محتاجة حاجة بس أنت عارفة أن عندها الغضروف وحركتها صعبة وكام مرة عيل من العيال اللي بيشوفوا طلباتها يجي يقولي أنها كانت بټعيط وهي موطية تنضف وأكيد مش هتقدر تطلب من الحج حسين حد يساعدها بعد ما أم شوقية اللي كانت بتساعدها مشيت بعد مۏت الأسطى ولاقيت البواب معه أرطة عيال ومراته بتساعد أي حد بس يراضيها فطلبت منها تطلع للحاجة فوقية كل يوم شوية كأنها بتسليها وتقوم باللي هي محتاجه وحسابها عندي من غير ما الحاجة تعرف عشان ما تتحرجش.
نعمات بفخر ربنا يحميك لشبابك ويبارك لي فيك.
محمود بعتاب بعد أيه بقى بعد تلقيح الكلام و الحړام اللي ما بيخليش و بياخد كل حاجة في وشه ويطير.
نعمات بتودد أنت ما صدقت وهتمسكي لي على الكلمة وبعدين ما أنت برضه غلطان وجيبت لنفسك شبهة.
محمود باستنكار شبهة عشان بتيجي لي المحل امال لو حد شافنا في حتة تانية ولا داخل عندها العمارة كانوا قالوا أيه.
نعمات بحسم لا عندك ولا عندها يتيجي تاخد حسابها مني يا جوزها هو اللي يحاسبك بعد كده.
محمود بضيق اللي تشوفيه ياما أنا مش فاضي للناس الفاضية دي اللي ما وراهمش حاجة غير يمسكوا في سيرة غيرهم وهما سيرتهم مفوحة الجو سيبيني بقى الحق أدخل اتشطف واغرفي لي باقولك جاي ھموت من الجوع و هلكان.
نعمات بحبربنا يقويك ويعافيك ومن الخير من الأرض للسما يديك.
بغرفة القبو مساءا
محمود بانهاك السلام عليكم ياما.
نعمات بهدوء أزيك يا حبيبي أدخل اتشطف وأنا هاغرف لك.
أطاعها بصمت ليخرج من الحمام ليجد طعامه جاهزا فيجلس باجهاد يتناول طعامه بنهم.
محمود متذكرا أه ياما ما فوتيش علي ليه وأنت راجعة من عند الحاجة فوقية زي ما اتفقنا.
نعمات يا خبر ده أنا ليه مصليتش العشا وهتفوتني كل وأنا هاصليها ونقعد نتكلم.
محمود بدهشة عشا أيه اللي هتفوتك ما هي ممدودة. نعمات بارتباك ياوله الكلام هياخدنا وهنام وهتفوتني.
محمود بارتياب هو في حاجة أنت لاقيتي زبيدة مقصرة مع الحاجة فوقية.
نعمات بهدوء ما قولت لك هاصلي ونتكلم.
محمود بشك تقبل الله مقدما.
نعمات بحب مني ومنك يا حبيبي.
انهى طعامه بهدوء يشعر بوجود خطب ما ولكنه يعلم والدته جيدا فهي لن تتحدث ألا عندما تقرر هي ذلك.
انهت نعمات صلاتها بتروي تترك له فرصة لتناول طعامه فهي تعلم أن ما لديها من أخبار سيحرمه من الطعام والنوم لأيام وسيوصم قلبه بالشقاء لسنين.
نعمات بحنان اكلت يا حبيبي.
محمود بتوتر الحمد لله عملتي أيه هناك بقى.
نعمات بهدوء زي ما اتفقنا زرت الحاجة فوقية قعدت معها شوية وسحبتها في الكلام عن زبيدة والحمد لله البنية طلعت عاملة اللي عليها وزيادة بتطلع للحاجة كل يوم تشوف طلبتها كلها ومريحها على الأخر و كمان مدايها نمرة تليفونها وقالت لها لو عايزة أي حاجة في أي وقت تكلمها.
محمود بقلق طيب كويس قوي أنت بقى مالك.
نعمات بتوتر وأنا كمان عديت على زبيدة وأديتها فلوس وقلت لها على كلام الحاجة فوقية عشان تعرف أننا متابعنها.
محمود بنفاذ صبر خلاص ياما خلصنا من حوار زبيدة في أيه بقى بتلفي وتدوري ومش عايزة تقوليه.
نعمات بتلعثم الحاجة فوقية قالت لي أنها كانت هتنزلنا لو أنا مروحتلهش عشان عايزك في موضوع شغل. 
محمود بدهشة شغل!
نعمات بتلعثم الحاجة زينب قصدتها تستسمحك أنك تشد حيلك في أوض نورا عايزين يستلموها بالكتير بعد بعد شهرين تلاتة عشان قدموا ميعاد فرحها.
محمود پصدمة تتجوز! ده لسه فاضل أزيد من
سنة.
نعمات بتوتر بتقول سالم جالوا قرشين وأنهم قبل ۏفاة المرحوم كانوا ابتدوا يشطبوا ويدهنوا الشقة.
محمود پقهر أه الشقة اللي دهنها على مزاج أمه وثبت نورا بكلمتين ما أنا حكيت لك كل حاجة.
نعمات بآسى ثبتها ولا مثبتهاش ملناش دعوة هو دلوقتي جاهز يتجوز وكلموا فوقية تستأذنك تخلص لهم أواضهم بأسرع وقت وكمان الحاج حسين هيكلمك. 
محمود پقهر من غير ما يكلمني هاعمل لها شغل ما تعملش لحد قبلها وهاوقف الشغل كله و هاشتغل عليهم بنفسي.
نعمات بتأثر ربنا يهديك يا ابني كده كده احنا عارفين أنها مخطوبة ومسيرها تتجوز مفيش جديد.
محمود پقهر لا في في أن خطيبها مش جدع بس ليه أهل معندوش نخوة بس عنده شهادة ميلاد بيضحك عليها بس هي بتتباهى به بس والله لوكانت من نصيبي أنا لكنت شيلتها في عيني وخبتها 
حسين بحب لا متهونيش يا نوارة حقك علي يا بنتي لو قسيت عليكي في يوم ده من خۏفي عليكيأنا مش عارف البيت هنقعد في البيت أزاي من غيرك. 
نورا بحب ربنا ما يحرمني منك أبدا ياحاج هو أنا هاروح فين ده خطوتين.
حسين بحب ربنا يسعدك يا حبيبتي على فكرة أنا عديت على محمود أقوله على الأوض.
زينب باهتمام وقالك أيه
حسين بهدوء لاقيته ابتدا شغل فيهم أختك طلعت قالت لأمه بحيرة بس اجدع كان غريب قوي.
زينب بدهشة غريب أزاي
حسين بحيرة كان مضايق قوي صوته كان مخڼوق وعينيه منفخة وحالته حالة خفت نكون ظالمينه خصوصا أن اتفاقنا كان مع رضا الله يرحمه وممكن الخشب يكون غلي عرضت عليه فلوس جامد قوي مرضيش أبدا.
زينب بعطف يا عيني يا بني تلاقي حد حړق دمه ولا سم بدنه بكلمة