رواية نورا من 5-8

الجزء الخامس 
في أحد المحال التجارية
تتحرك هدير لتقوم بخدمة بعض الزبائن بآلية فقد فقدت روحها رونقها وبهتت ملامحها واحتلت الظلال السوداء جفنيها وانطفأ بريق عينيها كانت كمن شاخت فاجأة بفعل الحزن والشوق لحبيب اختفى فاجأة دون أثر ارتفع رنين هاتفها فتطلعت بشاشته بلا حماس .
لتدب الروح فجأة بجسدها المنهك ويستعيد صوتها انسانيته بعد أن رأت بأن حبيبها المختفي هو من يهاتفها.
هدير بلهفة ألو سمير أنت فين.. عامل أيه باكية كده يا سمير تقلقني عليك.. لا خلينا دلوقتي.. مش مهم الشغل هاستأذن أو حتى هسيبه وامشي..اه عارفه.. مسافة السكة وأكون عندك سلام يا حبيبي.
توسلت رب عمرها حتى تركها ترحل بعد أن تعذرت له بعدة أعذار وهمية خرجت بعد أن اهتمت بمظهرها قدر المستطاع لتستقل سيارة إجرة لتصل بأسرع ما يمكنها للمكان الذي ستلاقاه به.
هدير بلهفة وهي تدلف لسيارته سمير كنت فين كده تقلقتني عليك والحيوان اللي اسمه سحس ده كل ما كنت أروح أسأل عليك يغلس علي.
سمير ببرود أهدي يا هدير هو قالي أنك جيتي سألتي علي كذا مرة وعشان كده كلمتك.
هدير پانكسار عشان كده بس مش عشان وحشتك. 
سمير بهدوء وحشتيني طبعا احنا اصحاب وأنا خدت اشوفك وأرغي معكي.
هدير باستنكار أصحاب. 
سمير زافرا أه يا هدير أصحاب وأحمدي ربنا لأنك صاحبتي عشان لما حاستك صاحبتي مقدرتش أأذيكي.
هدير پصدمة تأذيني. 
سمير بانفعال أنا اللي اتعمل في مش قليل يا هدير أنا اتلعب بي واضربت علي أفايا.
هدير باستنكار كل ده عشان واحدة رفضتك واتخطبت لواحد تاني.
سمير بانفعال لا طبعا أي حد من حقه يختار يتجوز مين لكن مش من حقها تلعب بي وبقلبي عشان توصل للي عايزه.
هدير بدهشة هي مين دي
سمير بثورة ست نورا ربة الصون والعفاف بنت الحج حسين اللي عايشة فدور خضرة الشريفة وهي بتلعب بالبيضة والحجر.
هدير بدهشة ليه هي نورا عملت لك أيه.
سمير بانفعال الهانم كانت بتعلقني وتلعب بي عشان تحرك المتر بتاعها ويتقدم لها
هدير پصدمة لا طبعا نورا ما تعملش كده.
سمير بانفعال لا عملت أنا مش عيل صغير ولا مراهق عشان أرمي نفسي على واحدة مش طيقاني لكن صاحبتك كانت بتشد وترخي كل ما أقول اسيبني منها وأشوف حالي تلاغيني وتجر ناعم ولما أرجع احن لها ترجع تصدر لي الوش الخشب. 
هدير باستنكار لا طبعا هي علطول كانت بتصدك ومكنتش بترضى ترد عليك ولا تتجاوب معك وكانت بتوقف الدقيقة بالعافية ڠصب عنها عشان خاطري لأنك كنت بتبقى واحشني.
سمير بحدة لا ما هو ده اللعب على كبير هي كانت بتسحبك معها عشان لوحد شافنا تلبسيها أنت ومحدش يقدر يجيب سيرتها ده اللي اكتشفته لما قربت منك وعرفت طيبة قلبك عشان كده مقدرتش انتقم منك.
هدير بذهول ټنتقم مني ليه
سمير پانكسار الأول كنت فاكرك مشتركة معها وبتلعبوا بي سوا بس لما قربت منك حسيت قد أيه بتحبيني بجد وأنك اتلعب بيكي زيي وأن الهانم كانت بتحمي سمعتها حتى لو على حساب سمعتك فلاقيت أنه حرام علي أدمر سمعتك واظلم اللي اتظلمت زي وأسيب اللي ظلمتنا احنا الاتنين تتهنا. 
هدير بارتجاف أنت كنت عايز تدمر سمعتي يا سمير.
سمير مخرجا بعض الصور من حافظته أنا أسف يا هدير. 
هدير پذعر أنت مصورني وأنا في عربيتك يا سمير.
سمير بغموض شوفتي بقى هي وصلتنا لأيه متخيلة كان موقف أبوكي أيه لما تروح له صورك وأنت قاعدة في عربية في شارع ضلمة بتضحكي وتاكلي وكمان وأنا بحط لك فلوس في الشنطة ده غير لما يعرف أنك كدبتي عليه ومكنش فيه شغل إضافي ولا حاجة تخيلي مع الصور دي والفلوس اللي جريت في إيدك كان هيتخيل أنك كنت بتعملي أيه في الساعتين دول كل يوم ده طبعا غير أني كان ممكن ابعت له اسكرين شوت من كل كلامنا على النت. 
هدير پذعر لا يا سمير أبوس إيدك ده كان يموتني ده لو ما راحش فيها.
سمير بحنان ما تخافيش يا هدير باقولك أن ده اللي كنت
ناوي عليه قبل ما أعرف أنها كانت بتستغفلك زي ما بتستغفلني.
هدير بتوتر وناوي على أيه دلوقتي
سمير بتردد مش عارف كل اللي متأكد منه أني لا يمكن أأذيكي مش هانكر أني بقيت فعلا مستريح لك امبارح روحت شقتي وقعدت اتخيلك معي في كل ركن فيها واحنا متجوزين وكنت مبسوط قوي لكن في الوقت نفسه في ڼار جوايا مش قادر انسى أن بت زي دي لعبت بي وعلمت علي بأفكر أعمل أي حاجة ټحرق ډمها أقله أخلي سالم يفركش خطوبتهم ويبقى سابها ومتبقاش كسبت وعملت اللي هي عايزه من لعبها بينا.
هدير برجاء أنا أساسا متخانقة معها ومقاطعها احنا نسيبها هي لربنا يجيب حقنا منها ونشوف احنا حياتنا.
سمير بضيق وتبقى علمت علي وأعيش بقهرتي وأنا شايفها عملت اللي عايزه وبتطلع لي لسانها أنا جيت عشان صعبتي علي محبيتش أسيبك متعلقة وأعمل فيكي اللي عملته في لكن أنا مش هاقدر افتح صفحة جديدة قبل ما اقفل القديمة أو على الأقل أخد وقتي أنسى اللي عملته في.
في الحارة
تسير نورا بصحبة سالم غير منتبهين لمحمود المنهمك ظاهريا في دهان إحدى الخزانات بينما هو يراقبهما والغيرة تنهش قلبه وهو يسمع ضحكاتها لغيره استقلا سيارة سالم المتواضعة ليتحركا خارجين من الحارة ليتركا ورائهما محمود لا يدركان مدى معاناته برؤيتهما معا.
نورا بسعادة أنا مش مصدقة أنك قدرت تقنع بابا أننا ننزل لوحدينا.
سالم بابتسامةعشان بس تعرفي أن خطيبك محامي شاطر.
نورا بسعادة طبعا احنا هنروح فين.
سالم بابتسامة هنقعد في كازينو شوية وبعد نروح.
نورا ضاحكة أيه كازينو دي حاسة أننا في فيلم عربي قديم قاصدك كافي شوب.
سالم بتهكم والله احنا كنا في ثانوي عام وفي الجامعة وبنقول كازينو عادي مش عارف عندك بقى في المدرسة التجاري بيقولوا عليه أيه.
نورا بإحراج أنا كنت بهزر معك أنت اتضايقت.
سالم ببرود ما أنا بردوا بهزرباهتمام هو أنت اشتريتي الأجهزة الكهربائية ولا لسه.
نورا باستنكار لا طبعا العادي أن الناس بتشتري حاجة المطبخ والمفارش والحاجات اللي زي دي بس الحاجات التقيلة بتبقى بالاتفاق عشان كده بتيجي بعد خطوبة البنت لما بتبقى عارفة أيه اللي عليها.
سالم بابتسامة طيب يا قلبي بما أنك اتخطبتي والمفروض الأجهزة أنت اللي هتجبيها فاخدي بالك بقى 
نورا بحيرة من أيه.
سالم بابتسامة يعني ما يضحكش عليك وتشتري ماركات شعبية الماركات النضيفة بتبقى غالية شوية بس بتعمر وبتريح وبتبقى آمن وطبعا أنت اللي هتتعاملي مع الاجهزة دي وأنا عايز راحتك.
نورا بهدوء لا ما تقلقش بابا بيحب يشتري الحاجة النضيفة.
سالم بابتسامة طبعا هو بيجيب لأي حد ده بيجيب لست العرايس كلهم عامة أنا قلت أساعدك مخرجا ورقة مطوية من جيبه وعملت لك لستة بأحسن الأنواع في كل الأجهزة اللي هتحتاجيها.
نورا بضيق حاولت أخفاءه شكرا يا سالم متطلعة للقائمة أيه ده كله.
سالم ببساطة أيه يا حبيبتي دي الأجهزة العادية بس منقي لك الأنواع الحلوة.
نورا بدهشةغسالة الأطباق وغسلتين وميكرويف وديب فريزر غير باقية الأجهزة ده العادي.
سالم بتملق لما تبقى العروسة