رواية داليا الفصول من التاسع للثاني عشر

كشبكه هاته دي هديتك لي ودي حاجه أنت
اللي تحددها وبجد مليش أي طلبات أو شكليات.
أحمد لو علي أنت تستاهلي كتير.. وكتير قوي كمان.
داليا أشكرك بجد على تقديرك لي
أحمد الكلام ده حقيقي.. أنا بس وعدتك أن المرة دي مجرد تفاهم على الأمور المهمة لحياتنا بعد كده ... بس صدقيني أول ما تبقي من حقي مش حسمح لك بأي نوع من الاعتراض وهعمل كل حاجه نفسي فيها ومش حستنى موافقتك كل اللي يجيي عل بالي حنفذه وقد أعذر من أنذر.
ضحكت داليا بكسوف وبصت في كل الاتجاهات حواليها تشوف حد سامع كلامه ده ولا لا وقالت له بلاش الصوت العالي لو سمحت كده مش حلو خالص.
أحمد حاضر يا ستي والوقتي جه دورك يا ريت تعرفيني طلباتكم بتكون ايه علشان أعمل حسابي.
شرحت له داليا مطالب باباها حتكون ايه وهو علق في الآخر هو ده المعتاد مفيش حاجه زيادة عن المتعارف عليه خالص إن شاء الله خير طيب نيجي في العيد.
داليا لا لو سمحت معلش.. احنا مسافرين البلد نقضي العيد هناك عند خالتي خلينا أول خميس بعد العيد بإذن الله واعذرني أنا مش حكلم ماما في الموضوع ده خالص الوقتي إلا لما تفاتحها أنت لأني بصراحة مقلتش على الخروجة دي.
أحمد ولا يهمك
داليا اعتقد إنك كده اتأخرت عل السفر
أحمد بجد الوقت معاك محدش بيحس بيه خالص ولا عاوزه يخلص ولوعلي عاوزة يدوم علطول.
داليا بخجل بتحاول تغير الكلام يلا بينا
أحمد ثواني احاسب وارجع لك أوصلك
داليا لا توصلني ايه .. مش حابه حد شوفني معاك.. البلد هنا صغيرة.. والحاجات دي بتنتشر بسرعه أنا بشكرك الأول على الغدا وبستأذنك أسيبك هنا واروح بتاكسي وابقى سلم لي على طنط.
أحمد يوصل ان شاء الله .. كل سنة وأنت طيبة.. أجازة سعيدة واشوفك على خير.
ومشيت داليا أخدت تاكسي وروحت على البيت وأحمد طلب فاتورة الحساب في الوقت ده قعد معاه على الطاولة شخص ميعرفوش وقال له تسمح لي اقعد معاك شويه.
أحمد وليه بقى الاستئذان ما أنت قعدت بالفعل
الرجل ماهو أنا حابب أكلمك في حاجه مهمة جدا
أحمد هوحضرتك تعرفني
الرجل لا.....أحمد أمال حتكلمني بأي مناسبة
الرجل إني أعرف الآنسة اللي كنت قاعد معاها من شوية.
أحمد وعاوز تكلمني بخصوص ايه بالضبط.. وتعرفها منين.
الرجل عاوز أكلمك بخصوص خداعها لك.. وأعرفها منين دي بسيطة قوي .... لأني خطيبها السابق .... حسام..
نزلت داليا عند بيت صحبتها أميرة تحكي لها كل اللي جرى بينها وبين أحمد.
أميرة حمد لله على السلامة.. اتأخرت كده ليه
داليا هو كان راضي يسيبني .. أنا مشيت بالعافيه عمال يطول الكلام معايا بأي شكل ووناسي موضوع السفر ده خالص.
أميرة المهم .. النتيجة العامة قبل ما تحكي التفاصيل.. حسيت بإيه يا داليا.
داليا والله يا أميرة أعتقد إن كان عندك بجد حق.
أميرة إزاي يعني
داليا كان عندك حق في حاجتين حاجه خاصه بيا وحاجه خاصة بيه.
أميرة كفاياك ألغاز واتكلمي علطول وخلصي معدش عندي طوله بال.
داليا بالنسبة له هو... فهو انسان محترم جدا واكتر حاجه عجباني فيه إنه داخل جد مش بيلعب بس مستعجل قوي وعاوز يتجوز خلال شهر.
أميرة شهر ايه المچنون ده.. افهم من كده إنه جاهز.
داليا على حسب كلامه آه .. ناقصه بس شويه حاجات بسيطه حيجهزها خلال الشهر ده.
وبيعبر عن حبه بفظاعه يا أميرة.. وأنا متأكده إنه متحكم في نفسه كمان الوقتي يعني نظريتك إن في كتير غير حسام يقدروا يعبروا ويحبوا طلعت صح مع اختلاف قدرة واسلوب كل واحد على التعبير.
أميرة بس مش ملاحظة إنه كده مزودها بجد بخاف يكون مش حب يا داليا
داليا يا أميرة داخل جد.. يعني آخرة الموضوع جواز مش لعب وبعدين مش انت اللي قلت خلي عقلك يختار وبعدين قلبك.. إن جيت للحق عقلي وافق كل المعادلة بتاعته مضبوطة والأمور ماشيه في صالحه لغاية الوقتي ولو استمر بالطريقة دي معايا ونوعية الكلام دي اعتقد إن قلبي مش حياخد معاه وقت كبير يا أميرة ده إحنا لسه في البداية وكلامه حيبدأ يأثر في .. أنت عارفه عمل معايا أيه اليوم
أميرة اطربيني.. هو أنت لسه قلت لي حاجه أنا عاوزة لو سحمت وصف مفصل بأدق التفاصيل من اللحظة اللي شفتم فيها بعض لغاية لما ركبت التاكسي.
داليا ضحكت ححكي لك كل حاجه متقلقيش عاوزة أعرف بجد رأيك بصراحه.. بس المهم لخبطني خالص لما طلب مني طلب بجد حسيت بنفسي بترعش من جوايا .
أميرة يا غلسه أحكي بقى عمل ايه وخلصي.
داليا طلب مني أغمض عيني.
أميرة ايه.. أوعي يكون باسك
داليا لا طبعا بوس ايه .. إنت عبيطه .. ده أنا مسمحتش ليه يمسك ايدي حخليه يبوسني
أميرة لالالا... كده الموضوع كبر أحكي التفاصيل من الأول .. مسك إيدك
داليا فجأه كده مسك إيدي وبقى يضغط عليها جامد وبالعافية قدرت اتخلص منها وقلت له كده غير مسموح ومش وقته.
أميرة مش عارفة بتفكريني بسناء يونس في المسرحية وهي بتقول لباباها إن جوزها مسك ايدها قال إيه بيعديني 
داليا المهم الحركة التانية بتاعه تغميض العين.. قعد يزن علي غمضي عينك علشان تحسي بكلامي وبعدين قعد يقولي بعشقك وبحلم بيك وإني بنام في حضنه كل يوم في الحلم وعاوز يتجوز بعد شهر تصدقي قال كده مبقتش عارفه بجد اتصرف إزاي الطشه ألم.. ولا ارد .. ولا أعمل ايه .. بس اللي أنا حسيته إن كلامه بجد أثر في.
أميرة ما هو لازم يأثر أكيد وإلا متكونيش بني آدمه طبيعية بتسمع الكلام ده كله وعادي. بس صاحبنا ده شكله غرقان لشوشته خالص.
داليا آه يا أميرة.. بجد غرقان خالص.. وشكله كده حيغرقني معاه.
وضحكوا الأتنين وبعدين حكت داليا لأميرة كل التفاصيل.
في اللحظة دي حسام كان قعد مع أحمد على الطاولة في المطعم وبيكلمه
حسام عاوز أكلمك بخصوص خداعها لك.. وأعرفها منين دي بسيطة قوي .... لأني خطيبها السابق ....
أحمد أنا مسمحش لك لو سمحت تتكلم بالأسلوب الغير لائق ده عنها حتى لو كنت خطيبها السابق.
وفي نفس اللحظة كان أحمد بيفحص حسام.. شاب طويل وسيم جدا.. جسمه رياضي.. شيك جدا.. ريحته... ولسته حاجات لو كان بنت كان لا يمكن يفرط فيها وقارن نفسه بيه من غير قصد لقى نفسه أكيد حيخسر المقارنة أمام حسام وسأل نفسه يا ترى داليا ليه فرطت بسهولة في شاب زي ده ويا ترى هي حتوافق عليه هو بالشكل ده بس هي عارفه أكيد إن مهندسي الموقع علطول كده مبهدلين وبالجينز وبعدين أحمد بطل تفكير في كل حاجه وقرر يواجه خطيبها ده ويشوف حكايته إيه بالضبط.
حسام مش تستنى لما تسمع الأول.. مش ممكن تغير رأيك
أحمد معتقدش أي حاجه أو أي شخص ممكن يغير رأيي في داليا.. بجد داليا دي إنسانة متتعوضش واللي يضيعها من ايده يبقى أكيد ميفهمش وحيكون خسر كتير في حياته.
الكلام ده طبعا نرفز حسام وخلاه مش قادر يتملك أعصابه لأنه عارف كويس إن داليا مش حيقدر يعوضها وإنه خسر كتير لما سابته ولسه حيخسر بس اللي كان متأكد منه إنه عاوز ينتقم منها لرفضها ليه وتفضيلها للشخص ده عليه.
حسام حتى لو عرفت إني طولتها يعني بمعنى أصح ملكتها يوم خلاص وأي حاجه رمتها أنا ...حتكون من نصيبك أنت يعني حتاخذ فضلاتي.
أحمد أخرس خالص لوسمحت.. الكلام معاك انتهى لحد هنا ..مش حسمح لك ټجرح في أعراض بنات الناس بالشكل ده ولا حابب اسمع منك أي حاجه عن داليا اتفضل بالسلامة.
حسام خلاص حسيبك.. بس أنت حر .. أنا حبيت افتح عينيك علشان متدلقش كده.. أنا متابعكم من أول القعدة وشايفك أد ايه مش... ولا بلاش.. فحبيت انصحك.. سلام
مشي حسام وهو بيضحك لأنه حاسس إنه انتصر وقدر يخلي أحمد يفكر في كلامه.
في الوقت ده أحمد سرح بتفكيره في كلام حسام وعلى الرغم من إنه رفضه وهو بيكلمه إلا إنه بدأ يسأل نفسه يا ترى يكون هو ده السبب ورا حزن داليا وصډمتها اللي رفضت تحكي لي عليها.. يا ترى حتحكي لي كده لما اخطبها ولا لما اتجوزها و يا ترى أنا حقدر اتجاوز حكايتها دي واكمل معاها ولا لا .. بجد مش عارف ايه الصح وايه الغلط ... بس اللي أنا واثق منه لازم اتأنى شوية.. وأعرضها لبعض الاختبارات.
أميرة سألت داليا ناوية تحكي لمامتك الوقتي على موضوع أحمد
داليا لا خالص مش الوقتي .. أنا مقلتلهاش على الخروجه دي ما أنت عارفه.. حستنى لما ياخد خطوة جديه وبعدين أفاتحها أكيد قبل ما يجي يزورنا مع والدته.
أميرة فرصة برده إنك تفكري براحتك.... أنا متوقعه منه الأيام الجاية كتير تليفونات.
داليا آه صحيح.. ربنا يستر ومحدش تاني في البيت يرد.. وساعتها رأيك أيه أرد عليه عادي.
أميرة يا بنتي أنت بجد هتجننيني .. يعني اتكلمتم في تفاصيل كل حاجه ورافضه تردي عليه...ردي بس مفيش أي نوع من التجاوزات لان لسه مش وقتها خالص.
داليا ماشي يا فيلسوفه هانم.. يا دوب أروح لماما .. كل سنة وأنت طيبة يا قمر
أميرة وأنت طيبة يا دودو والعيد الجاي إن شاء الله تكوني في بيتك ومعاك أولادك
داليا بسرعه كده .. ربنا يكرمك يا مرمر وتلاقي ابن الحلال المناسب لك.
أميرة كل شئ بميعاد يا داليا
داليا إن شاء الله خير.. سلام يا قمر
أميرة سلام
في الوقت ده خالد كان قاعد في الشقة بيعطل نفسه بأي حاجه عاوز يستني أحمد ڠصب عنه حابب إنه يعرف آخر الأخبار ومستجدات الموضوع الخاص بارتباط داليا وأحمد صاحبه من بعيد لبعيد.
دخل أحمد الشقة فوجئ بخالد لسه مسافرش.. أيه ده إنت لسه مسافرتش ليه
خالد لا أبدا والدتي وأخواتي كانوا عاوزين شوية مشتريات من البلد هنا يا دوب خلصتها ونازل أهو ألحق آخر سوبر جت فرصة نسافر مع بعض .. يلا هات شنطك وبينا.
أحمد حاضر يا خالد ثواني.
خالد
أيه ده.. مالك حزين كده ليه بقى ده منظر واحد راجع من مقابلة واحدة بيحبها
أحمد والله يا خالد مش عارف أقول لك ايه.. ومش عارف صح أحكي لك الحكاوي دي ولالا.
خالد خير يا أحمد قلقتني.. في ايه
أحمد القعدة كلها كانت بجد جميلة.. واتفقنا فيها على كل حاجه.. والبنت بجد محترمة جدا .
خالد طيب فين المشكله
أحمد المشكلة في اللي حصل بعد كده.
خالد حصل إيه
أحمد قابلت خطيبها السابق وحكالي حاجات عنها مش قادر اتكلم فيها.
خالد وأنت صدقته
أحمد رفضت كلامه طبعا.. بس منكرش إني بفكر فيه شويه لأنه مطابق لبعض ردود فعل ليها معايا.
خالد بص يا أحمد..
وفكر شويه وقال له الإناء بما فيه
ينضح ولو داليا فيها الحاجات واللي مش حابب اسمعها الي قالك عليها خطيبها كان بان عليها وكان الكل حس كده.. بس أنت عارف كويس زيي وزي كل اللي اتعاملوا معاها إنها مش كده خالص... محطتش في اعتبارك إنه ممكن يكون بينتقم منها بأنه يسوء سمعتها مثلا علشان سابته مش ممكن يكون هو إنسان سئ بجد وربنا خلصها منه.. وهو عاوز يجبرها بالطريقة دي ترجع له.. أنا رأيي متسمعش كلامه.
أحمد أنا معاك يا خالد.. بس أنا كنت مستعجل قبل كده.. الوقتي لا خالص حتأنى
خالد مفيش مشكله خالص في الموضوع ده خد وقتك بالمعقول.
أحمد وناوي اختبرها.
خالد تقصد ايه
أحمد متحطش ببالك
خالد يعني إيه محطش ببالي.. أحمد احذر .. حرام عليك أوعى تعمل حاجه تظلم بيها حد برئ نتيجه لكلام سمعته غلط ومش متأكد منه من حد حاقد.. أوعى الشك يعميك ويخليك تعالج غلط بغلط أكبر منه.
أحمد ربنا ييسر الحال إن شاء الله... أدعي لي ربنا يرشدني للصواب ..
خالد ربنا يعمل لك اللي فيه الخير... بس حابب أسألك سؤال يا أحمد.
أحمد خير
خالد أنت ناوي تختبر داليا إزاي