رواية داليا الفصول من التاسع للثاني عشر

يوميا باص ييجي ياخد داليا ورمضان مع بعض الأول الساعه 6 وبعدين ياخد بقية الناس من الموقع.
رجعت داليا تخلص شغلها اللي مش بيخلص ومنسيتش تسيب
لمساتها على كل حاجه في المكتب وحقيقي وجودها فرق كتير معاهم والكل لاحظ كده وتوطدت علاقتها مع المهندس عبد الله اللي كان بيدربها ويساعدها في كل حاجه تتعرض لها والمهندس عصام مدير الجودة والمهندس محمد مدير التخطيط كانوا بيعاملوها كأخت صغيرة والكل بيساعدها وهي كمان مش بتبخل عليهم بالمساعدة في اي حاجه محتاجه تنظيم أو نسخ أو طباعه وطبعا السندوتشات اليومية لحين ظهور مطعم في الموقع ومر الأسبوع المجهد بسرعة رهيبة محستهاش واتقنت الكثير والكثير من المهارات الجديدة والخبرات الجديدة ويوم الخميس كانت فرحانه بيه زي ما تكون طالبة نفسها الأجازة تيجي وعمالة تحط الخطط لأجازتها وأول حاجه لازم تروح تزور أميرة في بيتها لأنها وحشتها قوي ومش متعودة تقعد كل الوقت ده من غير ما تشوفها لما وصلت البيت قابلتها مامتها وقالت لها دودو حبيبتي بكرة إن شاء الله معزومين على حفلة كبيرة منظمها الفندق اللي على الكورنيش.
داليا بفرحه بجد يا ماما أخيرا الواحد حيغير جو وحكون بنت تاني.
الأم بس هي حتبدأ متأخر وحيكون صابح عندك شغل تاني يوم
داليا شغل إيه الوقتي خلينا في الحفلة يا ماما أنا محرومة أكون بنت نفسي أرجع أكون بنت كم ساعه
الأم طيب جهزي نفسك شوفي حتلبسي ايه وتعملي ايه في شعرك
داليا كده كده كنت ناوية أنزل لأميرة فرصة أخطط معاها
الأم هو كل حاجه عندك أميرة.. خفي شويه
داليا هو أنا بعمل ايه يعني عديها يا ماما بقى
الأم ماشي حعديها المرة دي.
جريت داليا على صحبتها أميرة تحكي لها مغامرات الأسبوع وتاخد رأيها حتلبس أيه في حفلة بكرة.
أميرة هلا وغلا بالناس اللي مستخبيه عنا
داليا مستخبية عنا إيه أحنا كمان آه لو تعرفي اللي بيجرى لي هناك حصعب عليك والله.
أميرة لو سمحت متشتكيش أنت اللي عاوزة كده اتحملي نتيجه اختيارك لو سمحت أنا مش عارفه هو حد جبرك أنا عمري ما اعمل زيك أبدا.
داليا أميرة بجد أنا حابة أعمل كده الشغل ده بالنسبة لي عامل زي القارب اللي انتشلني ومنعني أغرق بعد مشكلة حسام وخلاني بجد معنديش ولا دقيقة حتى افتكر فيها اسمه.
أميرة تقدري تقولي يا داليا إن ربنا فعلا بيحبك وأنقذك مرتين.. مرة لما كشفه ليك وكشف خداعه وخليك تقوي وتسيبيه والتانية لما أوجدلك الشغل ده كبديل تشغلي بيه نفسك عن أي حاجه وتنسيه.
داليا بجد الحمد لله دائما وأبدا
أميرة وأنا متوقعة لسه كتير مفاجآت حتقابليها .. اصبري بس أنت 
داليا صحيح مقلتش لك اللي حصل مع أحمد
أميرة مين أحمد ده حضرتك
داليا هو أنا محكتلكيش عن سي أحمد قبل كده
أميرة لا.. محصليش الشرف
داليا طيب اسمعي الحكاية من أولها
وبعد لما خلصت داليا حكايتها أميرة فضلت ساكته
داليا ساكتة ليه
أميرة مش عارفة شكله كده غرقان لشوشته بس بيكابر.
داليا يكابر إيه يا شيخه ده واحد لسه خارج من تجربة خطوبة فاشلة ملحقش يعني يغرق لشوشته دي مجرد محاولة يلاقي بيها قشة يتعلق بيها تخرجه من اللي هو فيه.
أميرة وماله يا داليا
داليا وماله إيه يا أميرة أنا شرحه لسه خارجه من تجربة هباب ومعنديش استعداد لأي بني آدم يدخل قلبي تاني الوقتي.
أميرة مش لازم قلبك يا ستي الوقتي نتفق.. سيبي له مساحه يتحرك فيها ولو حب يدخل دخليه بس المرة دي بعقلك ابعدي قلبك المرة دي.
داليا وبعدين وافرضي المواضيع مشيت جد أعمل أنا أيه وقتها
أميرة وماله
داليا أيه حكاية وماله دي اللي أنت مسكاها لي علطول الأيام دي.
أميرة لو المواضيع مشيت جد ساعتها افتحي قلبك يا ستي أنت جربتيه المرة اللي فاتت وفشل فشل زريع حاولي تدي الفرصة المرة دي لعقلك ونشوف.
داليا آه حقل تجارب أنا حضرتك
أميرة وماله
داليا بغيظ بت أنت بطلي كلمة ومالة دي لحسن حضربك.
أميرة يا داليا أنا بجد مش بهزر واحد وواحد بيساوي اتنين شاب وصغير ووسيم على حد قولك ومهندس وشغال في شركة كبيرة وأكيد مرتبه حلو أيه المشكلة إن نديله فرصة ونجرب مش ممكن جرس الحب يدق مرة تانية لما تظهر كل تصرفاته وسجيته أدامك ولا أيه ياستي.
داليا بجد مش عارفه.. ده رأيك.. أنا دايما بثق فيه لأني مؤمنه أن الشخص صاحب المشكلة بيكون في وضع مش قادر يحكم فيه على أي حاجه.. بيكون زي الأعمى أو زي اللي واقف في الظلمة... محتاج بس يخرج بره للنور علشان يقدر يحكم كويس وهو بيتفرج على المشهد وأنت بالنسبة لي يا أميرة النور ده أو الخروج لبرة.
أميرة طيب يا ست يا فلحوسه حنشوف حتنفذي أزاي الفترة الجاية
داليا يا رب يعمل اللي فيه الخير لأني بجد مش حمل أي صډمه تانية.
أميرة إن شاء الله خير
داليا نسيت أقول لك على الحفلة.
أميرة حفلة ايه
داليا حفلة الفرقة الأوربي اللي حتتعمل في الفندق اللي على البحر
أميرة يا أروبة جبتي تذاكر منين.. ده محدش لاقي ولا تذكرة حتى بأضعاف تمنها في السوق السودا.
داليا والله واحد صاحب بابا عازمنا كلنا.
أميرة عرفيني عليه.. ده مليونير ده ولا ايه أنت عارفة التذكرة الواحدة بكم
داليا عارفه طبعا هو بجد راجل ذوق قوي مش بيهمه الفلوس خالص أنت لو مش لاقيه مكان ممكن تحجزي طاولة على حمام السباحه الصغير قريب من مكان المسرح حتشوفي الحفلة برده هم تقريبا المكانين لازقين في بعض.
أميرة لا خلاص اتعزمنا على العشا في قريه سياحية من زوج خالتي
داليا وهي بټضرب أميرة على كتفها ما أنت معزومة بره أهو أنت كمان أمال بصالي ليه في العزومة بتاعتي.
أميرة بضحك عزومة عن عزومة تفرق كتير.
داليا طيب يا اللي عينك مدورة وحشني أكون بنت بجد عارفة بجد ونسيت إني أمرأة
أميرة بضحك متخفيش حنطلع المرأة اللي جواك..... حتلبسي ايه الطقم الياه
داليا يا شيخة حرام عليك ملقتيش إلا الطقم ده.. ده ليه ذكرى مهببة عندي هو أنت لحقت تنسي يا أميرة اللي حصل من ورا التايير ده وبعدين بجد بفكر ملبشوس تاني.
أميرة مش أنت اللي عاوزة تخرجي الأنثى اللي جواك ونسيت إني امرأة التايير ده بجد هو اللي حيخرج كل حاجه وبعدين مامتك وباباك معاك صح ألبسيه مرة واحدة كمان المرة دي مش مشكلة.
داليا ماشي يا ستي وبكرة إن شاء الله أروح الكوافير اعمل شعري.
أميرة إن شاء الله.... متنسيش تبعتي لي صورتك بعد ما تجهزي
داليا إن شاء الله.. يا دوب الوقتي ألحق اروح انام لي شويه لحسن مجهده قوي.
أميرة تصبحي على خير مقدما
داليا وأنت من أهله... سلام يا قمر
أميرة سلام
الحلقة العاشرة عڈاب الحب
مقدمة من الكاتبة الحلقة دي أنا بعتبرها نقلة ونقلة كبيرة كمان لأحداث القصة حاولت فيها قدر المستطاع تقمص دور الأبطال ودخول نفسياتهم والتعبير من خلال إحساسي بيهم لو كنت في مكانهم واجهت قليل من الصعوبة في التعبير عن مشاعر وأحاسيس الرجل ولكن حاولت التعبير عنها بالنسبة للبطلة بالرغم من إنها أنثى إلا إن تركيبة شخصيتها المركبة من الكثير من المتناقضات خلت توقع إتجاه تفكيرها ورد فعلها والتعبير عن مشاعرها اللي هي مختاره ليها قيود صعب شويه.
ديدي عزت
صحيت داليا يوم أجازتها ده براحتها وفطرت مع باباها ومامتها واستاذنت مامتها إنها تروح للكوافير علشان تجهز وافقت مامتها وسألتها حتعملي حاجه معينة.
داليا لا خالص.. حفرده واسيبه بس
الأم وده محتاج الكوافير
داليا تغيير.. وبعدين بصراحه مفيش عندي حيل لطوله الوقتي.
الأم متتأخريش بس
داليا لا إن شاء الله ميكنش زحمة وارجع علطول.
الأم إن شاء الله
خلص اليوم بسرعة وقرب وقت الحفلة والكل دخل غرفته يستعد داليا لبست وحطت ماكياج بسيط وكعب عالي وسيبت شعرها وصورت نفسها في المراية وبعتت الصورة لأميرة اللي بعتت لها رساله ايه ده صاروخ أرض جو!
داليا ردت على رسالتها اتلمي أنا مش عارفه ايه اللي خلاني امشي وراك والبس التايير ده.
أميرة بكرة تشكريني وتقولي أميرة قالت.
داليا ربنا يستر.. باي بقى أتأخرت سلام
أميرة سلام.. ابقي طمنيني
داليا حاضر وخرجت داليا بسرعة لباباها ومامتها
بص لها باباها وقال ايه ده انت حتنزلي كده
داليا ماله كده يا بابا
الأب أنت مش شايفة نفسك
الأم اتدخلت حشرح لك أنا تعالى معايا ودخلت الغرفة وقالت له دي مناسبة خليها تاخد بالها من نفسها وتظهر لعل وعسى.
الأب مش بالطريقة دي وياستي بلاها عل وعسى دي هو مفيش حد تلفت نظره الا بالطريقة اللي أنا رافضها دي
الأم طيب خلاص آخر مرة أوعدك أنا بنفسي مش حسمح لها تلبس كده تاني بس سيبها المرة دي متكسرش بخاطرها.
الأب بنرفزة دي آخر مرة وفهميها كده كويس أنا مش حسمح بكده مرة تانيه.
الأم حاضر .. إن شاء الله
اتحركم كلهم للحفلة كانت داليا مبسوطة مش عارفه ليه بس لمجرد التغيير وظهورها كبنت كانت الفكرة عجباها.
وصلوا الحفلة واستقبلهم صاحب باباها ورحب قوي بعروستنا الحلوة داليا وقعدوا يتكلموا وطلبوا حاجه يشربوها واستأذنت داليا تروح تضبط نفسها في الحمام.
سألت داليا عن مكان الحمام ودلتها الموظفه على مكانه جوه في الريسيبشن قربت داليا من الباب الزجاج اللي يفصل ما بين الريسيبشن وحمام السباحة وفجأه اتفتح نحيتها لبرة بقوة وخپطها في دراعها.
صړخت داليا من الألم ايه ده مش تاخد بالك.. ومسكت دراعها مكان الخبطة واللي متوقعة إنه حيزرق ويورم من شدة الخبطة.
في اللحظة دي ظهر صوت إعتذار من شخص آسف والله مش قصدي يا آنسة.......مين داليا ...إنت داليا....إيه اللي جابك هنا وأنت عاملة كدة ليه.
داليا بصت ناحية الصوت علشان تشوف مين ده اللي بينده عليها باسمها وعارفها فوجئت بالمهندس أحمد ومعاه المهندس خالد صاحبه جايين يسهروا في الحفلة هم كمان.
يعني إيه اللي جابك هنا........ويعني أيه كمان أنت عاملة كده ليه
هنا ضحك خالد ضحك هستيري ومش عارف يوقف.
داليا أقدر أعرف إيه سبب ضحك حضرتك الوقتي
خالد رفع أكتافه لفوق وقال لها أنا مسؤول عن أي شئ أقوله أي شئ أعمله إلا ضحكتي مليش سيطرة بجد عليها بتوضيح أكثر مليش سيطرة على قلبي وأفكاري وضحكتي.
داليا
بغيظ أنا بسألك سؤال محدد ليه بتضحك الوقتي مش شايفة حاجه بتضحك مطلبتش منك عريضة.
خالد وأنا جاوبتك بجد ولمزيد من التوضيح أصله بصراحه عنده حق في تعليقه.
داليا ممكن حضرتك تبطل
خالد بجدية حاضر
داليا حاضر بجد مش هزار
خالد سكت فجأه وبعدين قال لها بنبرة كلها رزانة صدقيني لما الموضوع بيكون من جوة قلبي فعلا بقول حاضر فبقصد فعلا حاضر.
هنا أتدخل أحمد لا بجد إحنا آسفين يا داليا مكنش قصدنا نخبطك بالشكل ده وبتأسف على هزار خالد وشد ذراع خالد في نفس الوقت
يسكته لأنه